Video: ಗ್ರಾಜುವೇಷನ್ ಡೇಗೆ ಅಜ್ಜಿಯೊಂದಿಗೆ ಬಂದ ವಿದ್ಯಾರ್ಥಿ, ವೈರಲ್ ಆಯ್ತು ದೃಶ್ಯ
ಕೆಲವರ ಜೀವನದಲ್ಲಿ ತಂದೆ ತಾಯಿಗಿಂತ ಹೆಚ್ಚು ಅಜ್ಜ ಅಜ್ಜಿಯಂದಿರೇ ಎಲ್ಲಾ ಆಗಿರುತ್ತಾರೆ. ಹೆತ್ತವರನ್ನು ಕಳೆದುಕೊಂಡಿದ್ದ ವಿದ್ಯಾರ್ಥಿಯೊಬ್ಬ ಗ್ರಾಜುವೇಷನ್ ದಿನದಂದು ತನ್ನ ಜತೆಗೆ ಅಜ್ಜಿಯನ್ನು ಕರೆತಂದಿದ್ದಾನೆ. ಈ ಹುಡುಗನನ್ನು ಈ ಹಂತಕ್ಕೆ ತಂದು ನಿಲ್ಲಿಸಿದ ಅಜ್ಜಿಯ ಮುಖದಲ್ಲಿ ಮುಗ್ಧತೆ ಬಿಟ್ಟರೆ ಬೇರೇನೂ ಇಲ್ಲ. ಆದರೆ ಈ ಹುಡುಗನಿಗೆ ತನ್ನ ಅಜ್ಜಿನ ಬಗ್ಗೆಇರುವ ಹೆಮ್ಮೆಯನ್ನು ಅವನ ಮುಖವೇ ಹೇಳುತ್ತಿದೆ. ಈ ವಿಡಿಯೋ ಸದ್ಯ ವೈರಲ್ ಆಗಿದ್ದು, ಈ ಕುರಿತಾದ ಸ್ಟೋರಿ ಇಲ್ಲಿದೆ.
Updated on: Aug 20, 2026 | 11:36 AM
ಗ್ಯಾಜುವೇಷನ್ ಡೇ (graduation day)ಅನ್ನೋದು ಜೀವನದಲ್ಲೂ ಮಹತ್ತರವಾದದ್ದು. ಹೌದು, ಗೌನ್ ತೊಟ್ಟು ಮನೆಯವರ ಮುಂದೆ ಪದವಿ ಸ್ವೀಕರಿಸಬೇಕು ಅನ್ನೋದು ಪ್ರತಿಯೊಬ್ಬರ ಕನಸು ಕೂಡ. ತಂದೆತಾಯಂದಿರು ಈ ಸುಂದರ ಕ್ಷಣಕ್ಕೆ ಸಾಕ್ಷಿಯಾಗುತ್ತಾರೆ. ಆದರೆ ಇಲ್ಲೊಬ್ಬ ವಿದ್ಯಾರ್ಥಿ ಫಿಲಿಪೈನ್ಸ್‌ನ ಗ್ಯಾಜುವೇಷನ್ ಡೇಯಂದು ತನ್ನ ಜತೆಗೆ ಅಜ್ಜಿಯನ್ನು ಕರೆದುಕೊಂಡು ಬಂದಿದ್ದಾನೆ. ತಾನು ಈ ಹಂತಕ್ಕೆ ಬರಲು ಕಾರಣಳಾದ ಅಜ್ಜಿಯೊಂದಿಗೆ ವೇದಿಕೆ ಹತ್ತಲು ಮುಂದಾಗಿರುವ ವಿಡಿಯೋ ವೈರಲ್ ಆಗಿದೆ. ಈ ಹೃದಯಸ್ಪರ್ಶಿ ವಿಡಿಯೋ ನೆಟ್ಟಿಗರ ಹೃದಯ ಗೆದ್ದಿದೆ.
ಯುನಿವರ್ಸಲ್ ಝೋನ್ (Universal Zone) ಹೆಸರಿನ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಈ ವಿಡಿಯೋ ಹಂಚಿಕೊಳ್ಳಲಾಗಿದೆ. ಈ ಕ್ಲಿಪಿಂಗ್ ನಲ್ಲಿ ವಿದ್ಯಾರ್ಥಿಗಳು ಗ್ರಾಜುವೇಷನ್ ಡೇಯ ಸಂಭ್ರಮದಲ್ಲಿರುವುದನ್ನು ಕಾಣಬಹುದು. ಕೆಲವರು ಹೆತ್ತವರ ಜತೆಗೆ ಸರತಿ ಸಾಲಿನಲ್ಲಿ ನಿಂತುಕೊಂಡಿದ್ದಾರೆ. ಆದರೆ ತಂದೆ ತಾಯಿಯಿಲ್ಲದ ವಿದ್ಯಾರ್ಥಿಯೊಬ್ಬ ಅಜ್ಜಿಯೊಂದಿಗೆ ಸಾಲಿನಲ್ಲಿ ನಿಂತುಕೊಂಡಿರುವುದನ್ನು ಕಾಣಬಹುದು. ಹೌದು, ಹೆತ್ತವರನ್ನು ಕಳೆದುಕೊಂಡಿದ್ದ ಈ ಹುಡುಗನನ್ನು ಸಾಕಿ ಬೆಳೆಸಿದ್ದು ಈ ಅಜ್ಜಿಯೇ. ಸಾಕಿ ಸಲಹಿದ ಅಜ್ಜಿ ಈ ಹುಡುಗನ ಪಕ್ಕದಲ್ಲಿ ನಿಂತುಕೊಂಡು ಮುಗ್ಧತೆಯಿಂದ ಎಲ್ಲವನ್ನು ಗಮನಿಸುತ್ತಿರುವುದನ್ನು ನೀವು ನೋಡಬಹುದು.
ವೈರಲ್ ವಿಡಿಯೋ ಇಲ್ಲಿದೆ
View this post on Instagram
ಇದನ್ನೂ ಓದಿ: ಅಜ್ಜ ಅಜ್ಜಿಯ ಜತೆಗೆ ಮೊದಲ ವಿಮಾನ ಪ್ರಯಾಣ; ಹಿರಿಜೀವಗಳ ಕನಸನ್ನು ನನಸಾಗಿಸಿದ ಮೊಮ್ಮಗ
ಈ ವಿಡಿಯೋ ಇಪ್ಪತ್ತೊಂಭತ್ತು ಸಾವಿರಕ್ಕೂ ಅಧಿಕ ವೀಕ್ಷಣೆಗಳನ್ನು ಪಡೆದುಕೊಂಡಿವೆ. ಒಬ್ಬ ಬಳಕೆದಾರ, ನನ್ನ ಕಣ್ಣಲ್ಲಿ ನೀರು ತರಿಸಿದ ದೃಶ್ಯ ಎಂದಿದ್ದಾರೆ. ಇನ್ನೊಬ್ಬರು, ಆ ಹಿರಿಜೀವಕ್ಕೆ ಇದಕ್ಕಿಂತ ಖುಷಿ ಇನ್ನೇನಿದೆ ಎಂದು ಕಾಮೆಂಟ್ ಮಾಡಿದ್ದಾರೆ. ಇನ್ನು ಕೆಲವರು ಹಾರ್ಟ್ ಸಿಂಬಲ್ ಕಳುಹಿಸಿ ವಿಡಿಯೋ ಮೆಚ್ಚಿಕೊಂಡಿದ್ದಾರೆ.
ಇನ್ನಷ್ಟು ವೈರಲ್ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
