Learning about DNA: ಡಿಎನ್‌ಎ ಕಲಿಕೆಗೆ ಪ್ರೋತ್ಸಾಹಿಸಿ ಡೂಡಲ್ ಮೂಲಕ ವಿಶೇಷ ಗೌರವ ಸಲ್ಲಿಸಿದ ಗೂಗಲ್

ಪ್ರತಿಯೊಂದು ವಿಶೇಷ ದಿನ ಹಾಗೂ ಆಚರಣೆಗಳಿಗೆ ಸಂಬಂಧ ಪಟ್ಟಂತೆ ಗೂಗಲ್ ವಿಶೇಷ ಡೂಡಲ್ (Google Doodle) ಮೂಲಕ ಗೌರವ ಸಲ್ಲಿಸುತ್ತದೆ. ಆದರೆ ಇಂದು ಗೂಗಲ್ ಜೀವನದ ಶ್ರೇಷ್ಠ ವೈಜ್ಞಾನಿಕ ಅದ್ಭುತಗಳಲ್ಲಿ ಒಂದಾದ ಡಿಎನ್‌ಎ ಮೇಲೆ ಬೆಳಕು ಚೆಲ್ಲಿದೆ. ಪೋಷಕರಿಂದ ಸಂತತಿಗೆ ಅನುವಂಶಿಕ ಮಾಹಿತಿಯನ್ನು ಸಾಗಿಸುವುದರೊಂದಿಗೆ ಇದು ಜೀವಿಯ ಅನನ್ಯತೆಯನ್ನು ನಿರ್ಧರಿಸುವ ಡಿಎನ್‌ಎ (DNA) ಕಲಿಕೆಗೆ ಪ್ರೋತ್ಸಾಹಿಸಿದೆ. ಡಬಲ್ ಹೆಲಿಕ್ಸ್ ಪಾಲಿಮರ್ ರಚನೆಯನ್ನು ಒಳಗೊಂಡಿರುವ ಈ ಅನಿಮೇಟೆಡ್ ಡೂಡಲ್, ಎಲ್ಲಾ ಜೀವಿಗಳಿಗೆ ಆನುವಂಶಿಕ ಸೂಚನೆಗಳನ್ನು ಹೊಂದಿರುವ ಜೀವಶಾಸ್ತ್ರದ ಅಡಿಪಾಯವಾದ ಡಿಎನ್‌ಎಯನ್ನು ವಿವರಿಸಿದ್ದು, ಡಿಆಕ್ಸಿರೈಬೊನ್ಯೂಕ್ಲಿಯಿಕ್ ಆಮ್ಲ ಅಥವಾ ಡಿಎನ್‌ಎಗೆ ವಿಶೇಷ ಗೌರವ ಸಲ್ಲಿಸಿದೆ.

ಡಿಎನ್ಎ ಬಗ್ಗೆ ಕಲಿಕೆ” ಎಂಬ ಶೀರ್ಷಿಕೆಯ ಈ ಡೂಡಲ್, ಬೆಳವಣಿಗೆ, ಸಂತಾನೋತ್ಪತ್ತಿ ಮತ್ತು ಜೈವಿಕ ಕಾರ್ಯವನ್ನು ನಿಯಂತ್ರಿಸುವ ಆನುವಂಶಿಕ ಮಾಹಿತಿಯನ್ನು ಸಂಗ್ರಹಿಸುವ ಮತ್ತು ರವಾನಿಸುವ ಆಣ್ವಿಕ ಪಾಲಿಮರ್ ಡಿಯೋಕ್ಸಿರೈಬೊನ್ಯೂಕ್ಲಿಯಿಕ್ ಆಮ್ಲವನ್ನು ಅರ್ಥಮಾಡಿಕೊಳ್ಳಲು ವೀಕ್ಷಕರನ್ನು ಆಹ್ವಾನಿಸಿದೆ. ಈ ಅನಿಮೇಟೆಡ್ ಡೂಡಲ್ ಡಿಎನ್ಎ ಎರಡು ಹೆಣೆದುಕೊಂಡ ಸರಪಳಿಗಳನ್ನು ಒಳಗೊಂಡಿದ್ದು, ಅನುವಂಶಿಕ ಸಂಕೇತದ ಅಕ್ಷರಗಳನ್ನು ಇಂದಿನ ಡೂಡಲ್‌ನಲ್ಲಿ ನೋಡಬಹುದಾಗಿದೆ.

ಇದನ್ನೂ ಓದಿ:ವರ್ಗ ಸಮೀಕರಣದ ಸೂತ್ರ ಪ್ರದರ್ಶಿಸಿ ಗೌರವ ಸಲ್ಲಿಸಿದ ಗೂಗಲ್

ಈ ಡೂಡಲ್ ಡಿಯೋಕ್ಸಿರೈಬೊನ್ಯೂಕ್ಲಿಯಿಕ್ ಆಮ್ಲ ಅಥವಾ ಡಿಎನ್‌ಎ ಆಗಿ ಬದಲಾಗುತ್ತದೆ. ಇದು ಎಲ್ಲಾ ಜೀವಿಗಳ ಬೆಳವಣಿಗೆ, ಸಂತಾನೋತ್ಪತ್ತಿ ಮತ್ತು ಕಾರ್ಯಕ್ಕಾಗಿ ಆನುವಂಶಿಕ ಸೂಚನೆಗಳನ್ನು ಹೊಂದಿರುವ ಆಣ್ವಿಕ ಪಾಲಿಮರ್ ಆಗಿದೆ. ಇದು ಎರಡು ಸರಪಳಿಗಳನ್ನು ಒಳಗೊಂಡಿರುತ್ತದೆ, ಅದು ಡಬಲ್ ಹೆಲಿಕ್ಸ್ ಅನ್ನು ರೂಪಿಸಲು ಒಟ್ಟಿಗೆ ಸುರುಳಿಯಾಗುತ್ತದೆ ಎಂದು ಗೂಗಲ್ ತಿಳಿಸಿದೆ.

ಇನ್ನಷ್ಟು ವೈರಲ್ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ