ಗ್ರೀನ್​ಲ್ಯಾಂಡ್​ ಎಂದೂ ಅಮೆರಿಕದ ಭಾಗ, ಅಲ್ಲಿ ಜನರಿಗೆ ನಮ್ಮೊಂದಿಗಿರಲು ಇಷ್ಟ: ಟ್ರಂಪ್ ವಿಶ್ವಾಸ

ಗ್ರೀನ್​ಲ್ಯಾಂಡ್ ಎಂದೂ ಅಮೆರಿಕದ ಭಾಗ, ಅಲ್ಲಿಯ ಜನರಿಗೆ ನಮ್ಮೊಂದಿಗಿರಲು ಇಷ್ಟ ಎಂದು ಅಮೆರಿಕ ಅಧ್ಯಕ್ಷ ಡೊನಾಲ್ಡ್​ ಟ್ರಂಪ್ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ. ಗ್ರೀನ್​ಲ್ಯಾಂಡ್ ಡೆನ್ಮಾರ್ಕ್​ನ ನಿಯಂತ್ರಣದಲ್ಲಿದೆ ಮತ್ತು ಇದು ವಿಶ್ವದ ಅತಿದೊಡ್ಡ ದ್ವೀಪವಾಗಿದೆ. ಅಲ್ಲಿ 55,000 ಜನಸಂಖ್ಯೆ ಇದೆ. ಅವರು ನಮ್ಮೊಂದಿಗೆ ಬದುಕಲು ಬಯಸುತ್ತಿದ್ದಾರೆ ಎಂದರು.

ಗ್ರೀನ್‌ಲ್ಯಾಂಡ್ ಮಾರಾಟಕ್ಕಿಲ್ಲ: ಡ್ಯಾನಿಶ್ ಗ್ರೀನ್‌ಲ್ಯಾಂಡ್ ಮಾರಾಟಕ್ಕಿಲ್ಲ ಎಂದು ಡ್ಯಾನಿಶ್ ಪ್ರಧಾನಿ ಮೆಟ್ಟೆ ಫ್ರೆಡೆರಿಕ್ಸೆನ್ ಅವರು ಹೇಳಿಕೆ ನೀಡಿರುವ ಬೆನ್ನಲ್ಲೇ ಟ್ರಂಪ್ ಅವರು ಈ ರೀತಿ ಹೇಳಿಕೆ ನೀಡಿದ್ದಾರೆ. ಗ್ರೀನ್ಲ್ಯಾಂಡ್ 800 ವರ್ಷಗಳಿಂದ ಡೆನ್ಮಾರ್ಕ್ನ ಭಾಗವಾಗಿದೆ. ಇದು ನಮ್ಮ ದೇಶದ ಅವಿಭಾಜ್ಯ ಅಂಗವಾಗಿದೆ. ಇದು ಮಾರಾಟಕ್ಕಿಲ್ಲ. ನಾನು ಅದನ್ನು ನಿಮಗೆ ಸರಳ ಪದಗಳಲ್ಲಿ ವಿವರಿಸುತ್ತೇನೆ ಎಂದು ಡ್ಯಾನಿಶ್ ಹೇಳಿದ್ದರು.

ಗ್ರೀನ್‌ಲ್ಯಾಂಡ್‌ನ ಜನರು ಡೆನ್ಮಾರ್ಕ್ ಅವರನ್ನು ನಡೆಸಿಕೊಂಡ ರೀತಿಯನ್ನು ಇಷ್ಟಪಡುವುದಿಲ್ಲ ನಾವು ಗ್ರೀನ್‌ಲ್ಯಾಂಡ್ ಅನ್ನು ಪಡೆಯುತ್ತೇವೆ. ರಾಷ್ಟ್ರೀಯ ಭದ್ರತೆಗಾಗಿ ಅಮೆರಿಕಕ್ಕೆ ಗ್ರೀನ್‌ಲ್ಯಾಂಡ್ ಅಗತ್ಯವಿದೆ ಎಂದು ಟ್ರಂಪ್ ಅನೇಕ ಸಂದರ್ಭಗಳಲ್ಲಿ ಹೇಳಿದ್ದಾರೆ, ಅಂತಹ ಪರಿಸ್ಥಿತಿಯಲ್ಲಿ, ಗ್ರೀನ್ಲ್ಯಾಂಡ್ ಮೇಲೆ ಅಮೆರಿಕದ ನಿಯಂತ್ರಣವು ಬಹಳ ಮುಖ್ಯವಾಗಿದೆ.

ಮತ್ತಷ್ಟು ಓದಿ: ಅಮೆರಿಕಾ ‘ಮಗಾ’ ಮಾಡಲು ಡೊನಾಲ್ಡ್ ಟ್ರಂಪ್ ತೆಗೆದುಕೊಂಡ ಕ್ರಾಂತಿಕಾರಿ ಕ್ರಮಗಳು

ಗ್ರೀನ್‌ಲ್ಯಾಂಡ್‌ನ ಪ್ರಧಾನಿ ಮ್ಯೂಟ್ ಇಂಗಾ ಕೂಡ ಗ್ರೀನ್‌ಲ್ಯಾಂಡ್ ತನ್ನ ಜನರಿಗೆ ಸೇರಿದ್ದು ಮತ್ತು ಮಾರಾಟಕ್ಕಿಲ್ಲ ಎಂದು ಸ್ಪಷ್ಟವಾಗಿ ಹೇಳಿದ್ದರು. ಗ್ರೀನ್​ಲ್ಯಾಂಡ್ ಉತ್ತರ ಅಟ್ಲಾಂಟಿಕ್ ಸಾಗರವಾಗಿದೆ. ಇದು ಉತ್ತರ ಅಮೆರಿಕ ಖಂಡದ ಭಾಗವಾಗಿದ್ದರೂ, ಇದು ಯುರೋಪಿನೊಂದಿಗೆ ಸಂಪರ್ಕವನ್ನು ಹೊಂದಿದೆ. ರಾಷ್ಟ್ರೀಯ ಭದ್ರತೆಯನ್ನು ಉಲ್ಲೇಖಿಸಿ ಟ್ರಂಪ್ ಗ್ರೀನ್‌ಲ್ಯಾಂಡ್ ಅನ್ನು ಆಕ್ರಮಿಸಿಕೊಳ್ಳುವ ಬಗ್ಗೆ ಮಾತನಾಡುತ್ತಿದ್ದಾರೆ.

ಆದರೆ ನಿಜವಾದ ಕಾರಣವೆಂದರೆ ಈ ಭೂಮಿಯಲ್ಲಿ ಇರುವ ನೈಸರ್ಗಿಕ ಸಂಪನ್ಮೂಲಗಳ ಬಗ್ಗೆ, ಟ್ರಂಪ್ ಕಣ್ಣಿಟ್ಟಿದ್ದಾರೆ. ಗ್ರೀನ್ಲ್ಯಾಂಡ್ 1953 ರವರೆಗೆ ಡೆನ್ಮಾರ್ಕ್ನ ವಸಾಹತುವಾಗಿತ್ತು. ಪ್ರಸ್ತುತ ಇದು ಇನ್ನೂ ಡೆನ್ಮಾರ್ಕ್‌ನ ನಿಯಂತ್ರಣದಲ್ಲಿದೆ, ಆದರೆ 2009 ರಿಂದ ಅಲ್ಲಿ ಅರೆ ಸ್ವಾಯತ್ತ ಸರ್ಕಾರವಿದೆ.

ದೇಶೀಯ ನೀತಿಗಳಿಂದ ಹಿಡಿದು ಇತರ ವಿಷಯಗಳವರೆಗೆ, ಗ್ರೀನ್‌ಲ್ಯಾಂಡ್ ಸರ್ಕಾರವು ಸರ್ವೋಚ್ಚವಾಗಿದೆ, ಆದರೆ ಡೆನ್ಮಾರ್ಕ್ ಸರ್ಕಾರವು ರಕ್ಷಣಾ ಮತ್ತು ವಿದೇಶಾಂಗ ವ್ಯವಹಾರಗಳಿಗೆ ಸಂಬಂಧಿಸಿದ ವಿಷಯಗಳನ್ನು ತೆಗೆದುಕೊಳ್ಳುವ ಹಕ್ಕನ್ನು ಹೊಂದಿದೆ.

ಅಂತಾರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ