ಇಂದು ಮಹತ್ತರ ನಿರ್ಧಾರ.. ಫೈಜರ್, ಬಯೋಎನ್ಟೆಕ್ ಲಸಿಕೆಗೆ ಫ್ರಾನ್ಸ್ ಅಸ್ತು ಅನ್ನಲಿದೆಯಾ?
ಪ್ರಸ್ತುತ ಯುರೋಪ್ ಫೈಜರ್, ಬಯೋಎನ್ಟೆಕ್ ಸಂಸ್ಥೆಯ ಕೊರೊನಾ ಲಸಿಕೆ ವಿತರಣೆಗೆ ಸೋಮವಾರದಂದು ಅಸ್ತು ಎಂದಿದೆ. ಫ್ರಾನ್ಸ್ ಸಹ ಯುರೋಪ್ ಹೆಜ್ಜೆಯನ್ನೇ ಅನುಸರಿಸುವ ಸಾಧ್ಯತೆ ಇರುವುದರಿಂದ ಕೆಲವೇ ದಿನಗಳಲ್ಲಿ ಕೊರೊನಾ ಲಸಿಕೆಗೆ ಅನುಮತಿ ಸಿಗಬಹುದು ಎಂದು ಅಲ್ಲಿನ ಮಾಧ್ಯಮಗಳು ವರದಿ ಮಾಡಿವೆ.
Updated on: Dec 24, 2020 | 11:59 AM
ಫೈಜರ್, ಬಯೋಎನ್ಟೆಕ್ ಸಂಸ್ಥೆ ಅಭಿವೃದ್ಧಿಪಡಿಸಿದ ಕೊರೊನಾ ಲಸಿಕೆ ವಿತರಣೆಗೆ ಅನುಮತಿ ನೀಡುವ ಕುರಿತು ಫ್ರಾನ್ಸ್ ಇಂದು ನಿರ್ಧರಿಸಲಿದೆ. ಈ ಬಗ್ಗೆ ಫ್ರೆಂಚ್ ಆರೋಗ್ಯ ನಿರ್ವಹಣಾ ಮಂಡಳಿ ಮಾಧ್ಯಮಗಳಿಗೆ ವಿವರಣೆ ನೀಡಿದೆ. ಸದ್ಯ ಲಭ್ಯವಿರುವ ಮಾಹಿತಿ ಪ್ರಕಾರ ಫ್ರಾನ್ಸ್ ದೇಶದಲ್ಲಿ ಡಿಸೆಂಬರ್ 26ರಿಂದ ಕೊರೊನಾ ಲಸಿಕೆ ವಿತರಿಸುವ ಯೋಚನೆ ಇದೆ.
ಪ್ರಸ್ತುತ ಯುರೋಪ್ ಫೈಜರ್, ಬಯೋಎನ್ಟೆಕ್ ಸಂಸ್ಥೆಯ ಕೊರೊನಾ ಲಸಿಕೆ ವಿತರಣೆಗೆ ಸೋಮವಾರದಂದು ಅಸ್ತು ಎಂದಿದೆ. ಫ್ರಾನ್ಸ್ ಸಹ ಯುರೋಪ್ ಹೆಜ್ಜೆಯನ್ನೇ ಅನುಸರಿಸುವ ಸಾಧ್ಯತೆ ಇರುವುದರಿಂದ ಕೆಲವೇ ದಿನಗಳಲ್ಲಿ ಕೊರೊನಾ ಲಸಿಕೆಗೆ ಅನುಮತಿ ಸಿಗಬಹುದು ಎಂದು ಅಲ್ಲಿನ ಮಾಧ್ಯಮಗಳು ವರದಿ ಮಾಡಿವೆ.
ಈ ನಡುವೆ, ಬ್ರಿಟನ್ನಲ್ಲಿ ರೂಪಾಂತರಗೊಂಡು ಅತಿವೇಗವಾಗಿ ಹರಡುತ್ತಿರುವ ಹೊಸಾ ಕೊರೊನಾ ವೈರಾಣು ಇದುವರೆಗೆ ಫ್ರಾನ್ಸ್ನಲ್ಲಿ ಕಂಡುಬಂದಿಲ್ಲ. ಆದ್ದರಿಂದ ಫ್ರಾನ್ಸ್ ಜನತೆ ಭಯಪಡಬೇಕಾದ ಅಗತ್ಯ ಇಲ್ಲ ಎಂದು ಆರೋಗ್ಯಾಧಿಕಾರಿಗಳು ಧೈರ್ಯ ನೀಡಿದ್ದಾರೆ.
ಭಾರತ್ ಬಯೋಟೆಕ್ ಕೊರೊನಾ ಲಸಿಕೆ ಬಗ್ಗೆ ಹೆಚ್ಚಿದ ವಿಶ್ವಾಸ: ಕೊವ್ಯಾಕ್ಸಿನ್ ಶೀಘ್ರದಲ್ಲೇ ವಿತರಣೆ?
