ಕೊರೊನಾ: ನಿರುದ್ಯೋಗಿಗಳಿಗೆ ಹೊಸ ಪ್ಯಾಕೇಜ್ ಘೋಷಣೆ ಮಾಡಲ್ವಂತೆ ಟ್ರಂಪ್

ಕೊವಿಡ್-19 ರಕ್ಕಸ ದಾಳಿಗೆ ಇಡೀ ವಿಶ್ವ ತಬ್ಬಿಬ್ಬಾಗಿದ್ದು ಅಮೆರಿಕವಂತೂ ಜರ್ಜರಿತವಾಗಿದೆ. ಈಗಾಗಲೇ ಸುಮಾರು 2 ಕೋಟಿಗೂ ಹೆಚ್ಚು ಜನರು ಉದ್ಯೋಗ ಕಳೆದುಕೊಂಡಿದ್ದು, ಬದುಕು ಬೀದಿಗೆ ಬಿದ್ದಂತಾಗಿದೆ. ಆದ್ರೆ ಅಮೆರಿಕ ಅಧ್ಯಕ್ಷ ಟ್ರಂಪ್, ನಿರುದ್ಯೋಗ ಬಿಕ್ಕಟ್ಟು ನಿವಾರಿಸಲು ಹೊಸ ಪ್ಯಾಕೇಜ್ ಘೋಷಣೆ ಮಾಡಲ್ಲ ಎಂದಿದ್ದಾರೆ.

‘ಡ್ರ್ಯಾಗನ್’ಗೆ ಮತ್ತೆ ಸೋಂಕಿನ ಭೀತಿ..? ಕೊರೊನಾ ಹೊಡೆತಕ್ಕೆ ಕುಗ್ಗಿದ್ದ ಚೀನಾ ಸಹಜ ಸ್ಥಿತಿಗೆ ಮರಳುತ್ತಿದ್ದರೂ, ಸೋಂಕಿನ ಭೀತಿ ಕಡಿಮೆಯಾಗಿಲ್ಲ. ಈಗಾಗ್ಲೇ ಒಂದು ಬಾರಿ ಕೊರೊನಾ ಅಬ್ಬರಕ್ಕೆ ತತ್ತರಿಸಿರುವ ಚೀನಾದಲ್ಲಿ, 2ನೇ ಅಲೆಯ ಆತಂಕವಿದೆ. ಹೀಗಾಗಿ ಭಾರಿ ಕಟ್ಟೆಚ್ಚರ ವಹಿಸಲಾಗಿದೆ. ಅದರಲ್ಲೂ ಶಾಲಾ ಮಕ್ಕಳ ಬಗ್ಗೆ ತುಂಬಾ ಕೇರ್ ತೆಗೆದುಕೊಳ್ಳಲಾಗ್ತಿದೆ.

ವೈಟ್​ಹೌಸ್​ಗೂ ಕೊರೊನಾ ಕಂಟಕ ಅಮೆರಿಕ: ಅಮೆರಿಕದಲ್ಲಿ ಕೊರೊನಾ ಅಬ್ಬರ ಎಷ್ಟಿದೆ ಅಂದರೆ, ವೈಟ್​ಹೌಸ್​ನಲ್ಲಿ ಕೆಲಸ ಮಾಡುತ್ತಿರುವ ಹಲವರಿಗೂ ಸೋಂಕು ಕಾಣಿಸಿಕೊಂಡಿದೆ. ಈಗಾಗಲೇ ಅಧ್ಯಕ್ಷ ಟ್ರಂಪ್ ಹಾಗೂ ಉಪಾಧ್ಯಕ್ಷ ಮೈಕ್ ಪೆನ್ಸ್ ಅವರ ಆಪ್ತ ಸಹಾಯಕರಲ್ಲಿ ಈ ಮಹಾಮಾರಿ ಹಬ್ಬಿದ್ದು, ಇವಾಂಕಾ ಟ್ರಂಪ್ ಆಪ್ತ ಸಹಾಯಕರಿಗೂ ಕೊರೊನಾ ಕನ್ಫರ್ಮ್ ಆಗಿದೆ.

ಸೋಂಕಿಗೆ ತತ್ತರಿಸಿದ ‘ಮಳೆಕಾಡು’..! ಮಳೆಕಾಡಿನ ನಾಡು, ಅಮೆಜಾನ್ ತಪ್ಪಲು ಬ್ರೆಜಿಲ್​ನಲ್ಲಿ ‘ಕೊವಿಡ್-19’ ವೈರಸ್ ಭಾರಿ ಪ್ರಮಾಣದಲ್ಲಿ ಹಬ್ಬುತ್ತಿದ್ದು, ಪರಿಸ್ಥಿತಿ ನಿಭಾಯಿಸಲು ಸಾಧ್ಯವಾಗುತ್ತಿಲ್ಲ. ಈಗಾಗ್ಲೇ 10 ಸಾವಿರಕ್ಕೂ ಹೆಚ್ಚು ಜನ ಮೃತಪಟ್ಟಿದ್ದಾರೆ. ನಿನ್ನೆ ಒಂದೇ ದಿನ ಸುಮಾರು 650ಕ್ಕೂ ಹೆಚ್ಚು ಬ್ರೆಜಿಲಿಯನ್ಸ್ ಪ್ರಾಣಬಿಟ್ಟಿದ್ದಾರೆ.

Published On - 12:04 pm, Sun, 10 May 20