ನಟ ಚಿರಂಜೀವಿ ಅದೆಷ್ಟು ಶ್ರೀಮಂತ ನೋಡಿ; ರೋಲ್ಸ್ ರಾಯ್ಸ್ ಕಾರು, ಪ್ರೈವೆಟ್ ಜೆಟ್ ಒಡೆಯ

ಟಾಲಿವುಡ್ ಸೂಪರ್​​ಸ್ಟಾರ್ ಚಿರಂಜೀವಿ (Chiranjeevi) ಅವರಿಗೆ ಇಂದು (ಆಗಸ್ಟ್ 22) ಜನ್ಮದಿನದ ಸಂಭ್ರಮ. ಅವರು ನಟನಾಗಿ, ನಿರ್ಮಾಪಕನಾಗಿ, ಮಾಜಿ ರಾಜಕಾರಣಿ ಆಗಿ ಕಾಣಿಸುತ್ತಾರೆ. ಅವರು ತೆಲುಗು ಚಿತ್ರರಂಗಕ್ಕೆ ನೀಡಿದ ಕೊಡುಗೆ ಅಪಾರ. ಅವರು ಸಾವಿರಾರು ಕೋಟಿ ರೂಪಾಯಿ ಆಸ್ತಿ ಮಾಡಿದ್ದಾರೆ. ಅವರ ಮನೆ, ಆಸ್ತಿ ಹಾಗೂ ಕಾರುಗಳ ವಿವರದ ಬಗ್ಗೆ ಇಲ್ಲಿದೆ ವಿವರ. ಅವರ ಮಗ ರಾಮ್ ಚರಣ್ ಚಿತ್ರರಂಗದಲ್ಲಿ ಆ್ಯಕ್ಟೀವ್ ಆಗಿದ್ದಾರೆ.

ಚಿರಂಜೀವಿ ಅವರು 150ಕ್ಕೂ ಅಧಿಕ ಸಿನಿಮಾಗಳಲ್ಲಿ ಕಾಣಿಸಿದರು. 1978ರ ‘ಪ್ರಾಣಂ ಖರೀದು’ ಅವರು ನಟಿಸಿದ ಮೊದಲ ಸಿನಿಮಾ. ಕಳೆದ ನಾಲ್ಕೂವರೆ ದಶಕಗಳಿಂದ ಚಿತ್ರರಂಗದಲ್ಲಿ ಬ್ಯುಸಿ ಇದ್ದಾರೆ. ಹಲವು ಹಿಟ್ ಚಿತ್ರಗಳನ್ನು ಅವರು ನೀಡಿದ್ದಾರೆ. ಅವರ ಆಸ್ತಿ 1650 ಕೋಟಿ ರೂಪಾಯಿಗಳಷ್ಟು ಇದೆ ಎಂದು ಹೇಳಲಾಗುತ್ತಿದೆ. ತೆಲುಗಿನ ಶ್ರೀಮಂತ ನಟರಲ್ಲಿ ಇವರೂ ಒಬ್ಬರು.

ಚಿರಂಜೀವಿ ಅವರು ಜುಬ್ಲಿ ಹಿಲ್ಸ್​ನಲ್ಲಿ ದುಬಾರಿ ಹಾಗು ಐಷಾರಾಮಿ ವಿಲ್ಲಾ ಹೊಂದಿದ್ದಾರೆ. ಇದರ ಬೆಲೆ 28 ಕೋಟಿ ರೂಪಾಯಿ. ಅವರು ಬೆಂಗಳೂರಿನ ಏರ್​ಪೋರ್ಟ್ ಸಮೀಪ ಒಂದು ಫಾರ್ಮ್​ಹೌಸ್ ಹೊಂದಿದ್ದಾರೆ. ಊಟಿ ಮೊದಲಾದ ಕಡೆಗಳಲ್ಲೂ ಅವರು ಆಸ್ತಿ ಹೊಂದಿದ್ದಾರೆ.

ಇದನ್ನೂ ಓದಿ

ದಳಪತಿ ವಿಜಯ್ ಸಮಾವೇಶಕ್ಕೆ ಸೇರಿದ ಜನರ ಸಂಖ್ಯೆ ನೋಡಿ; ಅಬ್ಬಬ್ಬಾ ಇಷ್ಟೊಂದಾ

ಸ್ಪರ್ಧಿಸೋ ಕ್ಷೇತ್ರದ ಹೆಸರು ಘೋಷಿಸಿದ ದಳಪತಿ ವಿಜಯ್; ಮೈತ್ರಿ ನಿಲುವೇನು?|

ಬಾಲಿವುಡ್​ ಮೇಲೆ ಮುನಿಸಿಕೊಂಡ ರಾಜಮೌಳಿ? ಕಾರಣ ಏನು?

‘ಕ್ವಾಟ್ಲೆ ಕಿಚನ್’ ಶೋ​ನಿಂದ ದಿಢೀರ್​ ಹೊರ ನಡೆದ ಕೆಂಪಮ್ಮ; ಇಲ್ಲಿದೆ ವಿವರ

ಚಿರಂಜೀವಿ ಅವರು ದುಬಾರಿ ಕಾರುಗಳ ಒಡೆಯ. ಅವರ ಬಳಿಕ 9 ಕೋಟಿ ರೂಪಾಯಿ ಮೌಲ್ಯದ ರೋಲ್ಸ್ ರಾಯ್ಸ್ ಪ್ಯಾಂಟಮ್ ಕಾರಿದೆ. ಇನ್ನು, ರೇಂಜ್ ರೋವರ್ ವೋಗ್, ಟೊಯಾಟೋ ಲ್ಯಾಂಡ್ ಕ್ರ್ಯೂಸರ್ ಸೇರಿದಂತೆ ಅನೇಕ ದುಬಾರಿ ಕಾರುಗಳು ಅವರ ಬಳಿ ಇವೆ.

ಸಾಮಾನ್ಯವಾಗಿ ವಿವಿಧ ಕಡೆಗಳಲ್ಲಿ ಸುತ್ತಾಡಲು ಅನೇಕರು ಪ್ರೈವೇಟ್ ಜೆಟ್​ನ ಬಾಡಿಗೆ ಪಡೆಯುತ್ತಾರೆ. ಆದರೆ, ಚಿರಂಜೀವಿ ಅವರು ತಮ್ಮದೇ ಆದ ಸ್ವಂತ ಪ್ರೈವೆಟ್ ಜೆಟ್ ಹೊಂದಿದ್ದಾರೆ. ಇದು ಅವರ ಹೆಚ್ಚುಗಾರಿಕೆ. 90ರ ದಶಕದಲ್ಲಿ ಅವರು ಕೋಟಿ ರೂಪಾಯಿ ಸಂಭಾವನೆ ಪಡೆಯುತ್ತಿದ್ದರು. ಅಷ್ಟು ದೊಡ್ಡ ಸಂಭಾವನೆ ಪಡೆದ ಮೊದಲ ಹೀರೋ ಅವರಾಗಿದ್ದರು. ಚಿರಂಜೀವಿ ಅವರು ಈಗ ಪ್ರತಿ ಚಿತ್ರಕ್ಕೆ 75 ಕೋಟಿ ರೂಪಾಯಿ ಪಡೆದುಕೊಳ್ಳುತ್ತಿದ್ದಾರೆ.

ಇದನ್ನೂ ಓದಿ: ಈ ವರ್ಷವೂ ಬಿಡುಗಡೆ ಆಗಲ್ಲ ಮೆಗಾಸ್ಟಾರ್ ಚಿರಂಜೀವಿ ಸಿನಿಮಾ

ಸಿನಿಮಾ ವಿಚಾರಕ್ಕೆ ಬರೋದಾದರೆ ಚಿರಂಜೀವಿ ಅವರು ‘ವಿಶ್ವಂಭರ’ ಹೆಸರಿನ ಸಿನಿಮಾದಲ್ಲಿ ಬ್ಯುಸಿ ಇದ್ದಾರೆ. 2026ರಲ್ಲಿ ಚಿತ್ರ ರಿಲೀಸ್ ಆಗಲಿದೆ. ಈ ಮೊದಲು ಅವರು ‘ಭೋಲಾ ಶಂಕರ್’ ಸಿನಿಮಾ ಮಾಡಿದ್ದರು. ಈ ಚಿತ್ರ ವಿಫಲವಾಯಿತು. ಅನಿಲ್  ಜೊತೆಯೂ ಅವರು ಸಿನಿಮಾ ಮಾಡಬೇಕಿದೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.