‘ಜೈಲರ್ 2’ ಚಿತ್ರದಲ್ಲಿ ಹೃತಿಕ್ ರೋಷನ್ ಕೂಡ ಇದ್ದಾರೆ; ಈ ವಿಡಿಯೋ ಗಮನಿಸಿ

ಸೂಪರ್‌ಸ್ಟಾರ್ ರಜನಿಕಾಂತ್ ಅಭಿನಯದ ಬಹುನಿರೀಕ್ಷಿತ ‘ಜೈಲರ್ 2’ ಚಿತ್ರದ ಟ್ರೇಲರ್ ಅಕ್ಟೋಬರ್ 5ರಂದು ಬಿಡುಗಡೆಯಾಗಿದೆ. ಈ ಟ್ರೇಲರ್ ದೊಡ್ಡ ಬೃಹತ್ ತಾರಾಗಣ ಹಾಗೂ ದೃಶ್ಯ ವೈಭವದ ಸುಳಿವು ನೀಡಿದೆ. ರಜನಿಕಾಂತ್ ಜೊತೆಗೆ ಕನ್ನಡದ ಶಿವರಾಜ್​ಕುಮಾರ್, ಬಾಲಿವುಡ್​ನ ವಿದ್ಯಾ ಬಾಲನ್, ಮಿಥುನ್ ಚಕ್ರವರ್ತಿ, ಜಾಕಿ ಶ್ರಾಫ್ ಮತ್ತು ಮಲಯಾಳಂ ನಟ ಮೋಹನ್ ಲಾಲ್ ಮಿಂಚಿದ್ದಾರೆ. ಈ ಮಧ್ಯೆ ಟ್ರೇಲರ್‌ನ ಒಂದು ನಿರ್ದಿಷ್ಟ ದೃಶ್ಯವು ಜಾಲತಾಣಗಳಲ್ಲಿ ಭಾರಿ ಸದ್ದು ಮಾಡುತ್ತಿದೆ.

ಟ್ರೇಲರ್‌ನಲ್ಲಿ ಹಿಂಭಾಗದಿಂದ ಕಾಣಿಸುವ ಒಬ್ಬ ವ್ಯಕ್ತಿಯ ಕ್ಷಣಾರ್ಧದ ದೃಶ್ಯ ವೈರಲ್ ಆಗಿದೆ. ಕಣ್ಣಿಟ್ಟು ನೋಡಿದ ಅಭಿಮಾನಿಗಳು ಈ ಸೀನ್ ಅನ್ನು ಪೋಸ್ ಮಾಡಿ ವಿಶ್ಲೇಷಿಸುತ್ತಿದ್ದಾರೆ. ಈ ನೆರಳು ಮತ್ತು ದೇಹದ ಶೈಲಿಯನ್ನು ನೋಡಿದರೆ ಅದು ಬಾಲಿವುಡ್ ಸ್ಟಾರ್ ಹೃತಿಕ್ ರೋಷನ್ ಇರಬಹುದು ಎಂದು ನೆಟ್ಟಿಗರು ಊಹಿಸುತ್ತಿದ್ದಾರೆ. ಹೃತಿಕ್ ರೋಷನ್ ಸರ್ಪ್ರೈಸ್ ಕ್ಯಾಮಿಯೋ ರೋಲ್‌ನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ ಎಂಬ ಸುದ್ದಿ ಕುತೂಹಲ ಹೆಚ್ಚಿಸಿದೆ.

ಟ್ವಿಟರ್​ನಲ್ಲಿ ಈ ಕುರಿತು ಭಾರಿ ಚರ್ಚೆ ನಡೆಯುತ್ತಿದೆ. ಅನೇಕ ಅಭಿಮಾನಿಗಳು ಟ್ರೇಲರ್‌ನ ಆ ಸ್ಕ್ರೀನ್‌ಶಾಟ್ ಹಂಚಿಕೊಂಡು ತಮ್ಮ ಅಭಿಪ್ರಾಯ ವ್ಯಕ್ತಪಡಿಸುತ್ತಿದ್ದಾರೆ. ‘ಜೈಲರ್ 2 ಟ್ರೇಲರ್‌ನಲ್ಲಿ ಹೃತಿಕ್ ರೋಷನ್ ಅವರು ಇರುವ ದೃಶ್ಯವನ್ನು ಯಾರಾದರೂ ಗಮನಿಸಿದಿರಾ?’ ಎಂದು ಬಳಕೆದಾರರೊಬ್ಬರು ಪ್ರಶ್ನಿಸಿದ್ದಾರೆ. ಹೃತಿಕ್ ಅವರ ಅತಿಥಿ ಪಾತ್ರದ ಬಗ್ಗೆ ಅಭಿಮಾನಿಗಳು ಉತ್ಸುಕರಾಗಿದ್ದಾರೆ.

ಹೃತಿಕ್ ರೋಷನ್ ಅವರ ಈ ಎಂಟ್ರಿ ‘ಜೈಲರ್ 2’ ಮೇಲಿನ ನಿರೀಕ್ಷೆಯನ್ನು ಮತ್ತಷ್ಟು ಹೆಚ್ಚಿಸಿದೆ. ‘ಹೃತಿಕ್ ರೋಷನ್ ಅವರ ಈ ಸರ್ಪ್ರೈಸ್ ಎಂಟ್ರಿ ಚಿತ್ರಮಂದಿರಗಳಲ್ಲಿ ಪ್ರೇಕ್ಷಕರನ್ನು ರೋಮಾಂಚನಗೊಳಿಸುವುದು ಖಚಿತ’ ಎಂದು ಅಭಿಮಾನಿಯೊಬ್ಬರು ಕಾಮೆಂಟ್ ಮಾಡಿದ್ದಾರೆ.

HRITHIK ROSHAN Cameo 👀

#Jailer2 #HrithikRoshan https://t.co/n7tH0H5fyF

— Screen & State (@screen_state) October 5, 2026

#HrithikRoshan in #Jailer2 TRAILER🥶

Finally after years we are going to get the BEST SUPERSTAR VERSION of @iHrithik on Screen and that too a MASSY AVATAR 🙏🏻 https://t.co/ffvR7V62Wh

— CineHub (@Its_CineHub) October 5, 2026

ಅನಿರುದ್ಧ್ ಅವರ ಹಿನ್ನೆಲೆ ಸಂಗೀತದ ಜೊತೆಗೆ ಹೃತಿಕ್ ಎಂಟ್ರಿ ತೆರೆಮೇಲೆ ಹೊಸ ಸಂಚಲನ ಸೃಷ್ಟಿಸಬಹುದು ಎಂದು ಪ್ರೇಕ್ಷಕರು ಕಾಯುತ್ತಿದ್ದಾರೆ. ಅಕ್ಟೋಬರ್ 15ರಂದು ಸಿನಿಮಾ ತೆರೆಕಾಣಲಿದ್ದು, ಈ ಎಲ್ಲಾ ಕುತೂಹಲಗಳಿಗೆ ಅಂದೇ ತೆರೆ ಬೀಳಲಿದೆ. ನಿಜವಾಗಿಯೂ ಹೃತಿಕ್ ರೋಷನ್ ಈ ಸಿನಿಮಾದಲ್ಲಿ ನಟಿಸಿದ್ದಾರೆಯೇ ಅಥವಾ ಇದು ಕೇವಲಅ ಅಭಿಮಾನಿಗಳ ಊಹಾಪೋಹವೇ ಎಂಬುದು ಶೀಘ್ರದಲ್ಲೇ ತಿಳಿಯಲಿದೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.