ಮೂರೂವರೆ ಲಕ್ಷ ಬೆಲೆಯ ಗೌನ್ ಧರಿಸಿ ಕಾನ್ ಸಿನಿಮೋತ್ಸವದಲ್ಲಿ ಮಿಂಚಿದ ಜಾನ್ವಿ ಕಪೂರ್

ಜಾನ್ವಿ ಕಪೂರ್ (Jahnvi Kapoor) ಅವರು ‘ಕಾನ್ ಸಿನಿಮೋತ್ಸವ 2025’ರಲ್ಲಿ ಭಾಗವಹಿಸಿದ್ದಾರೆ. ಮಂಗಳವಾರ (ಮೇ 21) ಜಾನ್ವಿ ಕಪೂರ್ ಅವರು ಕೆಂಪು ಹಾಸಿನ ಮೇಲೆ ದುಬಾರಿ ಗೌನ್ ಧರಿಸಿ ನಡೆದಿದ್ದಾರೆ. ಇದೇ ಮಾದರಿಯ ಡ್ರೆಸ್​ನ ಶ್ರೀದೇವಿ ಈ ಮೊದಲು ಧರಿಸಿದ್ದರು. ಹೀಗಾಗಿ, ಇದು ಅವರು ತಾಯಿಗೆ ನೀಡುತ್ತಿರುವ ಗೌರವ ಇರಬಹುದು ಎಂದು ಅನೇಕರು ಭಾವಿಸಿದ್ದಾರೆ. ಸದ್ಯ ಈ ಫೋಟೋಗಳು ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿ ಗಮನ ಸೆಳೆದಿದೆ.

ಮೇ 13ರಿಂದ ಕಾನ್ ಚಿತ್ರೋತ್ಸವ ಫ್ರಾನ್ಸ್​ನಲ್ಲಿ ಆರಂಭ ಆಗಿದೆ. ಕನ್ನಡದ ಕಿರುತೆರೆ ನಟಿ ದಿಶಾ ಮದನ್ ಸೇರಿದಂತೆ ಭಾರತ ಚಿತ್ರರಂಗದ ಅನೇಕರು ಇದರಲ್ಲಿ ಭಾಗಿ ಆಗಿದ್ದಾರೆ. ಜಾನ್ವಿ ಜೊತೆ ಅವರು ನಟಿಸಿದ ‘ಹೋಮ್​ಬೌಂಡ್’ ಚಿತ್ರದ ಸಹ ಕಲಾವಿದರಾದ ಇಶಾನ್ ಖಟ್ಟರ್, ವಿಶಾಲ್ ಜೆತ್ವಾ ಕೂಡ ಇದ್ದರು. ನಿರ್ದೇಶಕ ನೀರಜ್ ಘಯ್ವಾನ್, ನಿರ್ಮಾಪಕ ಕರಣ್ ಜೋಹರ್ ಕೂಡ ಕೆಂಪು ಹಾಸಿನ ಮೇಲೆ ನಡೆದು ಕ್ಯಾಮೆರಾಗಳಿಗೆ ಪೋಸ್ ಕೊಟ್ಟರು.

ಇದನ್ನೂ ಓದಿ

ಜೂನಿಯರ್ ಎನ್​ಟಿಆರ್​ಗೆ 9999 ಮೇಲೆ ಇದೆ ವಿಶೇಷ ಪ್ರೀತಿ; ಕಾರಣ ಏನು?

ರಶ್ಮಿಕಾ ಬಗ್ಗೆ ಕಂಡ ಕನಸಿನ ಬಗ್ಗೆ ಓಪನ್ ಆಗಿ ಹೇಳಿದ ವಿಜಯ್ ದೇವರಕೊಂಡ

ಸುಭಾಷ್ ಚಂದ್ರ ಬೋಸ್ ನನ್ನ ಬಳಿ ಬಂದು ಆ ಒಂದು ಮಾತು ಹೇಳಿದ್ದರು; ಅಜಿತ್

ಶಿವಣ್ಣ-ಗೀತಾ ದಂಪತಿಗೆ ವಿವಾಹ ವಾರ್ಷಿಕೋತ್ಸವ; ಇಲ್ಲಿದೆ ಅಪರೂಪದ ಚಿತ್ರಗಳು

ಜಾನ್ವಿ ಕಪೂರ್ ಉಡುಗೆ ನೆಲಕ್ಕೂ ತಾಗುತ್ತಾ ಇತ್ತು. ಈ ಕಾರಣದಿಂದಲೇ ಅವರ ಸಿನಿಮಾ ನಿರ್ದೇಶಕ ನೀರಜ್ ಅವರು ಡ್ರೆಸ್​​ನ ಹಿಡಿದುಕೊಂಡು ಸಹಾಯ ಮಾಡುತ್ತಿದ್ದರು. ಸದ್ಯ ಜಾನ್ವಿ ಎಂಟ್ರಿ ಸೋಶಿಯಲ್ ಮೀಡಿಯಾದಲ್ಲಿ ಹಲ್​ಚಲ್ ಎಬ್ಬಿಸಿದೆ. ಎಲ್ಲರೂ ಇದಕ್ಕೆ ವಿವಿಧ ರೀತಿ ಕಮೆಂಟ್ ಮಾಡಿದ್ದಾರೆ. ನೀರಜ್ ಸಹಾಯವನ್ನು ಎಲ್ಲರೂ ಮೆಚ್ಚಿಕೊಂಡಿದ್ದಾರೆ.

Janhvi Kapoor at Cannes film festival 👀 pic.twitter.com/zY1TTYNNNa

— Jeet (@JeetN25) May 20, 2025

ನೀರಜ್ ಘಯ್ವಾನ್ ನಿರ್ದೇಶನದ ‘ಹೋಮ್​ಬೌಂಡ್’ ಸಿನಿಮಾದಲ್ಲಿ ಜಾನ್ವಿ, ಇಶಾನ್ ಹಾಗೂ ವಿಶಾಲ್ ಮುಖ್ಯ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಈ ಸಿನಿಮಾ ಕಾನ್ ಸಿನಿಮೋತ್ಸವದಲ್ಲಿ ಪ್ರಸಾರ ಕಂಡಿದೆ. ಮಾರ್ಟಿನ್ ಸ್ಕೋರ್ಸಸ್ ಅವರು ಈ ಚಿತ್ರದ ನಿರ್ಮಾಪಕರು. ಹೀಗಾಗಿ, ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಸಿನಿಮಾ ಸದ್ದು ಮಾಡುತ್ತಿದೆ.

ಇದನ್ನೂ ಓದಿ: ಜಾನ್ವಿ ಕಪೂರ್ ಬಾಯ್​ಫ್ರೆಂಡ್​ಗೆ ದಲಿತ ಎಂದು ಮೂದಲಿಸಿದ ಅಭಿಮಾನಿ: ಸಿಕ್ತು ಖಡಕ್ ಉತ್ತರ

ಈ ಗೌನ್​ನ ಬೆಲೆ ಕೂಡ ದೊಡ್ಡ ಮಟ್ಟದಲ್ಲಿ ಚರ್ಚೆ ಆಗುತ್ತಿದೆ. ಈ ಗೌನ್​ಗೆ ಜಾನ್ವಿ ಕಪೂರ್ 3.4 ಲಕ್ಷ ರೂಪಾಯಿ ನೀಡಿದ್ದಾರೆ ಹೇಳಲಾಗುತ್ತಿದೆ. ಇದನ್ನು ಕೇಳಿ ಅನೇಕರಿಗೆ ಅಚ್ಚರಿ ಆಗಿದೆ. ಗೌನ್ ಬೆಲೆ ಅನೇಕರಿಗೆ ಅಚ್ಚರಿ ತಂದಿದೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.

Published On - 7:03 am, Wed, 21 May 25