ತಾಯಿ ಸಂಗೀತಾ ಹಾಗೂ ತಂದೆ ವಿಜಯ್ ಸಂಬಂಧದ ಬಗ್ಗೆ ಜೇಸನ್ ಸಂಜಯ್ ಮಾತು

ತಮಿಳುನಾಡು ಮುಖ್ಯಮಂತ್ರಿ ಹಾಗೂ ಖ್ಯಾತ ನಟ ವಿಜಯ್ ಅವರ ಪುತ್ರ ಜೇಸನ್ ಸಂಜಯ್ ತಮ್ಮ ಕುಟುಂಬದೊಂದಿಗಿನ ಬಾಂಧವ್ಯದ ಬಗ್ಗೆ ಮುಕ್ತವಾಗಿ ಮಾತನಾಡಿದ್ದಾರೆ. ತಮ್ಮ ಚೊಚ್ಚಲ ನಿರ್ದೇಶನದ ‘ಸಿಗ್ಮಾ’ ಸಿನಿಮಾ ಬಿಡುಗಡೆಗೂ ಮುನ್ನ ನೀಡಿರುವ ಸಂದರ್ಶನದಲ್ಲಿ ಅವರು ತಾಯಿ ಸಂಗೀತಾ ಹಾಗೂ ತಂಗಿ ದಿವ್ಯಾ ಸಾಶಾ ಜೊತೆಗಿನ ನಂಟನ್ನು ಹಂಚಿಕೊಂಡಿದ್ದಾರೆ. ತಾಯಿ ತಮ್ಮ ಪಾಲಿನ ದೊಡ್ಡ ಬೆಂಬಲ ಎಂದು ಹೇಳಿದ್ದಾರೆ.

ಜೇಸನ್ ಸಂಜಯ್ ಪ್ರಕಾರ ಅವರ ತಾಯಿ ಸಂಗೀತಾ ಅವರನ್ನೇ 24 ಗಂಟೆಯೂ ಯೋಚಿಸುತ್ತಾರೆ. ತಾವು ಕರೆ ಮಾಡುವುದು ತಡವಾದರೆ ತಾಯಿಯೇ ಮೊದಲು ಕರೆ ಮಾಡಿ ಯೋಗಕ್ಷೇಮ ವಿಚಾರಿಸುತ್ತಾರೆ. ತಮ್ಮ ಜೀವನದ ಪ್ರತಿ ಹೆಜ್ಜೆಯಲ್ಲೂ ತಾಯಿ ಭಾಗಿಯಾಗಲು ಬಯಸುತ್ತಾರೆ. ಹೆದರಿಕೆಯಿಂದ ಕೆಲವು ವಿಷಯಗಳನ್ನು ಹಂಚಿಕೊಳ್ಳಲು ಹಿಂಜರಿದರೂ ಇಬ್ಬರ ನಡುವೆ ಪ್ರಾಮಾಣಿಕತೆಯಿದೆ.

ಆದಾಗ್ಯೂ ತಂದೆ ಅಥವಾ ತಾಯಿಯೊಂದಿಗೆ ಎಲ್ಲವನ್ನೂ ಮುಕ್ತವಾಗಿ ಹಂಚಿಕೊಳ್ಳುವಷ್ಟು ನಿಕಟ ಸ್ನೇಹವಿಲ್ಲ ಎಂದು ಅವರು ಒಪ್ಪಿಕೊಂಡಿದ್ದಾರೆ. ತಮಗೆ ಕುಟುಂಬದಲ್ಲಿ ಅತ್ಯಂತ ಹತ್ತಿರದ ವ್ಯಕ್ತಿ ಎಂದರೆ ಅವರ ತಂಗಿ ದಿವ್ಯಾ ಸಾಶಾ. ಬಾಲ್ಯದಲ್ಲಿ ಇಬ್ಬರ ನಡುವೆ ಬೆಕ್ಕು-ಇಲಿ ಜಗಳವಿತ್ತು. ಆದರೆ ಈಗ ದೂರ ಹೆಚ್ಚಾದಂತೆ ಪ್ರೀತಿ ಮತ್ತು ಮಿಸ್ ಮಾಡಿಕೊಳ್ಳುವುದು ಹೆಚ್ಚಾಗಿದೆ.

ಕೋಪ ಬಂದಾಗ ತಂಗಿ ತಮ್ಮನ್ನು ‘ಅಣ್ಣ’ ಎಂದು ಕರೆಯುತ್ತಾಳೆ ಎಂದು ಜೇಸನ್ ತಮಾಷೆಯಾಗಿ ನೆನಪಿಸಿಕೊಂಡಿದ್ದಾರೆ. ಲಂಡನ್‌ನಲ್ಲಿ ಫಿಲ್ಮ್ ಮೇಕಿಂಗ್ ವ್ಯಾಸಂಗ ಮುಗಿಸಿರುವ ಜೇಸನ್, ತಮ್ಮ ‘ಸಿಗ್ಮಾ’ ಕಥೆಯನ್ನು ಮೊದಲು ತಂಗಿಗೇ ವಿವರಿಸಿದ್ದರು. ತಂಗಿ ನೀಡುವ ಸಲಹೆಗಳು ಯಾವಾಗಲೂ ಪ್ರಾಮಾಣಿಕವಾಗಿರುತ್ತವೆ.

ಇದನ್ನೂ ಓದಿ: ಸಿಎಂ ವಿಜಯ್ ಪುತ್ರ ಜೇಸನ್ ಸಂಜಯ್ ನಿರ್ದೇಶನದ ‘ಸಿಗ್ಮಾ’ ಸಿನಿಮಾ ರಿಲೀಸ್ ಮುಂದೂಡಿಕೆ

ಸಂದೀಪ್ ಕಿಶನ್ ನಟನೆಯ ‘ಸಿಗ್ಮಾ’ ಸಿನಿಮಾವನ್ನು ಲೈಕಾ ಪ್ರೊಡಕ್ಷನ್ಸ್ ನಿರ್ಮಿಸುತ್ತಿದೆ. ಈ ಚಿತ್ರಕ್ಕೆ ತಮನ್ ಸಂಗೀತ ನೀಡಿದ್ದಾರೆ. ಚಿತ್ರ ನಿರ್ದೇಶನದ ನಂತರ ನಟನೆಯತ್ತ ಗಮನ ಹರಿಸುವುದಾಗಿ ಜೇಸನ್ ತಿಳಿಸಿದ್ದಾರೆ.

ಜೇಸನ್ ಸಂಜಯ್ ನಿರ್ದೇಶನದ ಚೊಚ್ಚಲ ಚಿತ್ರ ‘ಸಿಗ್ಮಾ’ ಬಿಡುಗಡೆ ದಿನಾಂಕ ಮತ್ತೆ ಮುಂದೂಡಲ್ಪಟ್ಟಿದೆ. ಮೊದಲು ಜುಲೈ 31ರಂದು ಚಿತ್ರಮಂದಿರಗಳಲ್ಲಿ ತೆರೆಕಾಣಬೇಕಿದ್ದ ಈ ಸಿನಿಮಾ ಕಾರಣಾಂತರಗಳಿಂದ ವಿಳಂಬವಾಗಿತ್ತು. ಚಿತ್ರತಂಡ ಹೊಸ ಬಿಡುಗಡೆ ದಿನಾಂಕವನ್ನು ಇತ್ತೀಚೆಗೆ ಅಧಿಕೃತವಾಗಿ ಪ್ರಕಟಿಸಿದೆ. ಈ ಸಿನಿಮಾ ಅಕ್ಟೋಬರ್ 2ರಂದು ಬಿಡುಗಡೆ ಕಾಣಲಿದೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.