‘ಭವಿಷ್ಯವನ್ನು ಒಟ್ಟಿಗೆ ಕಳೆಯುವ ಆಸೆ ಇದೆ’; ಅರ್ಜುನ್ ಕಪೂರ್ ಬಗ್ಗೆ ಮಲೈಕಾ ಮಾತು
ಮಲೈಕಾ ಅವರಿಗೆ ಇತ್ತೀಚೆಗೆ ಕಾರು ಅಪಘಾತ ಉಂಟಾಗಿತ್ತು. ಈ ವೇಳೆ ಅವರು ಗಾಯಗೊಂಡಿದ್ದರು. ಈ ಬಗ್ಗೆಯೂ ಮಲೈಕಾ ಮಾತನಾಡಿದ್ದಾರೆ. ಕಾರು ಅಪಘಾತಕ್ಕೆ ಒಳಗಾದ 15 ದಿನಗಳವರೆಗೆ ನಾನು ಭಯದಲ್ಲೇ ಇದ್ದೆ ಎಂದಿದ್ದಾರೆ
Updated on: May 06, 2022 | 9:11 AM
ನಟಿ ಮಲೈಕಾ ಅರೋರಾ (Malaika Arora) ಹಾಗೂ ಅರ್ಜುನ್ ಕಪೂರ್ (Arjun Kapoor) ಪರಸ್ಪರ ರಿಲೇಶನ್ಶಿಪ್ನಲ್ಲಿದ್ದಾರೆ. 2019ರಿಂದ ಇಲ್ಲಿವರೆಗೆ ಇಬ್ಬರೂ ಅನೇಕ ಬಾರಿ ಒಟ್ಟಾಗಿ ಕಾಣಿಸಿಕೊಂಡಿದ್ದಾರೆ. ಇವರು ಲಿವ್-ಇನ್-ರಿಲೇಶನ್ಶಿಪ್ನಲ್ಲಿದ್ದಾರೆ ಎಂದು ಕೂಡ ವರದಿ ಆಗಿದೆ. ಆದರೆ, ಇವರು ಮದುವೆ ಆಗುವ ಬಗ್ಗೆ ಎಲ್ಲಿಯೂ ಹೇಳಿಕೊಂಡಿಲ್ಲ. ಅರ್ಜುನ್ಗಿಂತ ಮಲೈಕಾ ವಯಸ್ಸಿನಲ್ಲಿ ತುಂಬಾನೇ ದೊಡ್ಡವರು. ಈ ಕಾರಣಕ್ಕೆ ಇವರದ್ದು ಟೈಮ್ಪಾಸ್ ಲವ್ ಎಂದು ಕೆಲವರು ದೂರಿದ್ದಿದೆ. ಆದರೆ, ಮಲೈಕಾ ಭಿನ್ನ ಕನಸುಗಳನ್ನು ಹೊಂದಿದ್ದಾರೆ. ಇವರಿಗೆ ಭವಿಷ್ಯದಲ್ಲಿ ಒಟ್ಟಾಗಿ ಇರುವ ಆಲೋಚನೆ ಇದೆ. ಈ ಬಗ್ಗೆ ಮಲೈಕಾ ಹೇಳಿಕೊಂಡಿದ್ದಾರೆ.
ಟೈಮ್ಸ್ ಆಫ್ ಇಂಡಿಯಾಗೆ ನೀಡಿದ ಸಂದರ್ಶನದಲ್ಲಿ ಮಾತನಾಡಿರುವ ಮಲೈಕಾ, ‘ಪ್ರತಿಯೊಂದು ಸಂಬಂಧವು ಅದರದ್ದೇ ಆದ ರೀತಿ-ನೀತಿಗಳನ್ನು ಹೊಂದಿರುತ್ತದೆ. ನಾವು ಒಟ್ಟಿಗೆ ಭವಿಷ್ಯವನ್ನು ಕಳೆಯಲು ಬಯಸುತ್ತೇವೆಯೇ ಎನ್ನುವ ವಿಚಾರ ನಮಗೆ ತಿಳಿದಿರಬೇಕು’ ಎಂದಿದ್ದಾರೆ ಮಲೈಕಾ. ಈ ಮೂಲಕ ಅಭಿಮಾನಿಗಳಿಗೆ ಅವರು ರಿಲೇಶನ್ಶಿಪ್ ಟಿಪ್ಸ್ ನೀಡಿದ್ದಾರೆ.
‘ನಾವು (ಮಲೈಕಾ-ಅರ್ಜುನ್ ಕಪೂರ್) ಬಹಳಷ್ಟು ವಿಷಯಗಳನ್ನು ಚರ್ಚಿಸುತ್ತೇವೆ. ನಾವು ಒಂದೇ ರೀತಿಯ ಆಲೋಚನೆಗಳನ್ನು ಹೊಂದಿದ್ದೇವೆ. ನಾವು ನಿಜವಾಗಿಯೂ ಒಬ್ಬರನ್ನೊಬ್ಬರು ಇಷ್ಟಪಡುತ್ತೇವೆ. ನಾವು ಪ್ರಬುದ್ಧವಾಗಿ ಆಲೋಚಿಸುತ್ತೇವೆ. ನಾವು ಭವಿಷ್ಯದಲ್ಲಿ ಒಟ್ಟಿಗೆ ಇರಲು ಬಯಸುತ್ತೇವೆ. ನಿಮ್ಮ ಸಂಬಂಧದಲ್ಲಿ ನೀವು ಪಾಸಿಟಿವ್ ವೈಬ್ ಹೊಂದಿರಬೇಕು ಮತ್ತು ಸೇಫ್ ಎಂಬ ಭಾವನೆ ನಿಮ್ಮಲ್ಲಿ ಇರಬೇಕು’ ಎಂದಿದ್ದಾರೆ ಮಲೈಕಾ.
ಮಲೈಕಾ ಅವರಿಗೆ ಇತ್ತೀಚೆಗೆ ಕಾರು ಅಪಘಾತ ಉಂಟಾಗಿತ್ತು. ಈ ವೇಳೆ ಅವರು ಗಾಯಗೊಂಡಿದ್ದರು. ಈ ಬಗ್ಗೆಯೂ ಮಲೈಕಾ ಮಾತನಾಡಿದ್ದಾರೆ. ‘ಕಾರು ಅಪಘಾತಕ್ಕೆ ಒಳಗಾದ 15 ದಿನಗಳವರೆಗೆ ನಾನು ಭಯದಲ್ಲೇ ಇದ್ದೆ. ಕಾರು ಹತ್ತಲು ನನಗೆ ಹೆದರಿಕೆ ಆಗುತ್ತಿತ್ತು. ಕಾರು ಸೇಫ್ ಅಲ್ಲ ಎನ್ನುವ ಫೀಲ್ ಬರುತ್ತಿತ್ತು’ ಎಂದಿದ್ದಾರೆ ಅವರು.
ಪುಣೆಯಲ್ಲಿ ಒಂದು ಫ್ಯಾಷನ್ ಇವೆಂಟ್ ಮುಗಿಸಿಕೊಂಡು ಮಲೈಕಾ ಹಿಂದಿರುಗುತ್ತಿದ್ದರು. ಈ ವೇಳೆ ಅಪಘಾತ ಸಂಭವಿಸಿತ್ತು. ಮುಂಬೈನ ಖಾಸಗಿ ಆಸ್ಪತ್ರೆಗೆ ಮಲೈಕಾ ಅವರನ್ನು ದಾಖಲಿಸಿ, ಚಿಕಿತ್ಸೆ ನೀಡಲಾಗಿತ್ತು. ಅಪಘಾತದಿಂದ ಕಾರಿನ ಮುಂಭಾಗ ಝಕಂ ಆಗಿತ್ತು. ಈ ಫೋಟೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿತ್ತು. ಮಲೈಕಾ ಅವರು ಚಿಕಿತ್ಸೆ ಪಡೆದು ತಮ್ಮ ಮನೆಗೆ ಮರಳಿದ್ದಾರೆ. ಅರ್ಜುನ್ ಕಪೂರ್ ಅವರು ಮಲೈಕಾ ಮನೆಗೆ ಭೇಟಿ ನೀಡುತ್ತಿದ್ದಾರೆ.
ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ.
ಪ್ರಮುಖ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ.
