Koffee With Karan: ಟೀಕೆಗಳ ನಡುವೆಯೂ ದಾಖಲೆ ಬರೆದ ‘ಕಾಫಿ ವಿತ್ ಕರಣ್’ ಶೋ
Karan Johar: 8 ವಾರಗಳಿಂದ ‘ಟಾಪ್ 5’ ಕಾರ್ಯಕ್ರಮಗಳ ಪಟ್ಟಿಯಲ್ಲಿ ‘ಕಾಫಿ ವಿತ್ ಕರಣ್’ ಶೋ ಸ್ಥಾನ ಪಡೆದುಕೊಂಡಿದೆ. ಅತಿ ಹೆಚ್ಚು ವೀಕ್ಷಣೆಗೆ ಒಳಪಟ್ಟ ಕಾರ್ಯಕ್ರಮ ಎಂಬ ಖ್ಯಾತಿಯನ್ನೂ ಇದು ಪಡೆದುಕೊಂಡಿದೆ.
Updated on:Aug 30, 2022 | 8:34 AM
ಖ್ಯಾತ ನಿರ್ಮಾಪಕ ಕರಣ್ ಜೋಹರ್ (Karan Johar) ಅವರು ನಿರೂಪಕನಾಗಿಯೂ ಯಶಸ್ಸು ಗಳಿಸಿದ್ದಾರೆ. ಅವರು ನಡೆಸಿಕೊಡುವ ‘ಕಾಫಿ ವಿತ್ ಕರಣ್’ (Koffee With Karan) ಶೋ ತಮ್ಮದೇ ಛಾಪು ಮೂಡಿಸಿದೆ. ಪ್ರಸ್ತುತ ಈ ಕಾರ್ಯಕ್ರಮದ 7ನೇ ಸೀಸನ್ ನಡೆಯುತ್ತಿದೆ. ಇದೇ ಮೊದಲ ಬಾರಿಗೆ ಟಿವಿ ಬದಲು ಒಟಿಟಿಯಲ್ಲಿ ಪ್ರಸಾರ ಆಗುತ್ತಿದೆ ಎಂಬುದು ವಿಶೇಷ. ಟಿವಿ ಆಗಿರಲಿ ಅಥವಾ ಒಟಿಟಿ ಆಗಿರಲಿ.. ಕರಣ್ ಜೋಹರ್ ಸಖತ್ತಾಗಿಯೇ ಮಿಂಚುತ್ತಾರೆ. ನೇರವಾದ ಪ್ರಶ್ನೆಗಳನ್ನು ಕೇಳುವ ಮೂಲಕ ಅವರು ಈ ಕಾರ್ಯಕ್ರಮದ ಮೆರುಗು ಹೆಚ್ಚಿಸುತ್ತಾರೆ. ಡಿಸ್ನಿ ಪ್ಲಸ್ ಹಾಟ್ ಸ್ಟಾರ್ನಲ್ಲಿ (Disney Plus Hotstar) ಬಿತ್ತರ ಆಗುತ್ತಿರುವ ‘ಕಾಫಿ ವಿತ್ ಕರಣ್’ ಶೋ ಒಂದು ದಾಖಲೆ ಬರೆದಿದೆ. ಆ ಬಗ್ಗೆ ಸೋಶಿಯಲ್ ಮೀಡಿಯಾದಲ್ಲಿ ಕರಣ್ ಜೋಹರ್ ಮಾಹಿತಿ ಹಂಚಿಕೊಂಡಿದ್ದಾರೆ.
ಪ್ರತಿ ಗುರುವಾರ ‘ಕಾಫಿ ವಿತ್ ಕರಣ್’ ಹೊಸ ಸಂಚಿಕೆ ಪ್ರಸಾರ ಆಗುತ್ತದೆ. ಈಗಾಗಲೇ ಅಕ್ಷಯ್ ಕುಮಾರ್, ಸಮಂತಾ ರುತ್ ಪ್ರಭು, ಜಾನ್ವಿ ಕಪೂರ್, ಸಾರಾ ಆಲಿ ಖಾನ್, ಅನನ್ಯಾ ಪಾಂಡೆ, ವಿಜಯ್ ದೇವರಕೊಂಡ, ರಣವೀರ್ ಸಿಂಗ್, ಆಲಿಯಾ ಭಟ್, ಆಮಿರ್ ಖಾನ್, ಕರೀನಾ ಕಪೂರ್ ಖಾನ್, ಶಾಹಿದ್ ಕಪೂರ್, ಕಿಯಾರಾ ಅಡ್ವಾಣಿ ಮುಂತಾದವರು ಈ ಕಾರ್ಯಕ್ರಮಕ್ಕೆ ಬಂದು ಮಾತನಾಡಿದ್ದಾರೆ. ಪ್ರೇಕ್ಷಕರಿಗೆ ಈ ಶೋ ಹೆಚ್ಚು ಇಷ್ಟ ಆಗುತ್ತಿದೆ.
ಕಳೆದ 8 ವಾರಗಳಿಂದಲೂ ‘ಟಾಪ್ 5’ ಕಾರ್ಯಕ್ರಮಗಳ ಪಟ್ಟಿಯಲ್ಲಿ ‘ಕಾಫಿ ವಿತ್ ಕರಣ್’ ಶೋ ಸ್ಥಾನ ಪಡೆದುಕೊಂಡಿದೆ. ಅತಿ ಹೆಚ್ಚು ವೀಕ್ಷಣೆಗೆ ಒಳಗಾದ ಕಾರ್ಯಕ್ರಮ ಎಂಬ ಖ್ಯಾತಿಯನ್ನೂ ಇದು ಪಡೆದುಕೊಂಡಿದೆ. ಆ ಮೂಲಕ ದಾಖಲೆ ಬರೆದಿದೆ. ಈ ಸುದ್ದಿಯನ್ನು ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡು ಕರಣ್ ಜೋಹರ್ ಖುಷಿ ಪಟ್ಟಿದ್ದಾರೆ.
Keeping it piping hot at top 5 for 8 weeks in a row! There is always something new brewing on the #KWK couch! Stay tuned for more ✨#KoffeeWithKaranS7 streaming only on @DisneyPlusHS.
____ @karanjohar @apoorvamehta18 @jahnvio @aneeshabaig pic.twitter.com/480rBz196d
— Dharmatic (@Dharmatic_) August 29, 2022
ಇನ್ನು, ಈ ಕಾರ್ಯಕ್ರಮದ ಬಗ್ಗೆ ಒಂದು ವರ್ಗದ ಪ್ರೇಕ್ಷಕರಿಂದ ಟೀಕೆ ಕೂಡ ವ್ಯಕ್ತವಾಗುತ್ತಿದೆ. ಈ ಶೋನಲ್ಲಿ ಹೆಚ್ಚು ಅಡಲ್ಟ್ ಮಾತುಗಳೇ ಇರುತ್ತವೆ. ಕೆಲವೊಮ್ಮೆ ಅದು ಮಿತಿ ಮೀರುತ್ತದೆ ಕೂಡ. ಎಲ್ಲ ಪ್ರೇಕ್ಷಕರಿಗೆ ಈ ಶೋ ಸರಿ ಹೊಂದುವುದಿಲ್ಲ ಎಂದು ಹಲವರು ಟೀಕೆ ಮಾಡಿದ್ದುಂಟು. ಆದರೂ ಕೂಡ ಒಟಿಟಿ ವೀಕ್ಷಕರ ಮನ ಗೆಲ್ಲುವಲ್ಲಿ ‘ಕಾಫಿ ವಿತ್ ಕರಣ್’ 7ನೇ ಸೀಸನ್ ಯಶಸ್ವಿ ಆಗಿದೆ.
ನಿರ್ದೇಶಕನಾಗಿಯೂ ಕರಣ್ ಜೋಹರ್ ಬ್ಯುಸಿ ಆಗಿದ್ದಾರೆ. ‘ರಾಕಿ ಔರ್ ರಾಣಿ ಕಿ ಪ್ರೇಮ್ ಕಹಾನಿ’ ಸಿನಿಮಾವನ್ನು ಅವರು ನಿರ್ದೇಶಿಸುತ್ತಿದ್ದಾರೆ. ಈ ಚಿತ್ರದಲ್ಲಿ ಆಲಿಯಾ ಭಟ್ ಮತ್ತು ರಣವೀರ್ ಸಿಂಗ್ ಮುಖ್ಯ ಭೂಮಿಕೆ ನಿಭಾಯಿಸುತ್ತಿದ್ದಾರೆ.
ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ.
Published On - 8:34 am, Tue, 30 August 22
