ಪವನ್ ಕಲ್ಯಾಣ್ ಎಷ್ಟು ಶ್ರೀಮಂತರು? ವರ್ಷಕ್ಕೆ ಗಳಿಸೋ ಆದಾಯ ಎಷ್ಟು?

ನಟ ಪವನ್ ಕಲ್ಯಾಣ್ ಅವರಿಗೆ ಇಂದು (ಸೆಪ್ಟೆಂಬರ್ 2) ಬರ್ತ್​ಡೇ. ಅವರು ಇತ್ತೀಚೆಗೆ ಆಂಧ್ರ ಪ್ರದೇಶದ ಉಪ ಮುಖ್ಯಮಂತ್ರಿ ಆಗಿ ಅಧಿಕಾರ ಸ್ವೀಕರಿಸಿದ್ದಾರೆ. ಅವರು ಟಾಲಿವುಡ್​ನ ಶ್ರೀಮಂತ ನಟರಲ್ಲಿ ಒಬ್ಬರು. ಅವರು ರಾಜಕೀಯದ ಜೊತೆಗೆ ಸಿನಿಮಾ ಕೆಲಸಗಳಲ್ಲೂ ತೊಡಗಿಕೊಂಡಿದ್ದಾರೆ ಎಂಬುದನ್ನು ನಾವು ನಿಮಗೆ ಮತ್ತೆ ಹೇಳಬೇಕಿಲ್ಲ. ಹಾಗಾದರೆ ಪವನ್ ಕಲ್ಯಾಣ್ ಅವರ ಆಸ್ತಿ ಎಷ್ಟು? ಎನ್ನುವ ಬಗ್ಗೆ ಇಲ್ಲಿದೆ ವಿವರ.

ಪವನ್ ಕಲ್ಯಾಣ್ ಅವರು ಹಲವು ವರ್ಷಗಳಿಂದ ಚಿತ್ರರಂಗದಲ್ಲಿ ಆ್ಯಕ್ಟೀವ್ ಆಗಿದ್ದಾರೆ. ಅವರು ಈಗ ರಾಜಕೀಯದಲ್ಲಿ ಯಶಸ್ಸು ಕಂಡಿದ್ದಾರೆ. ಪೀತಾಪುರಂ ವಿಧಾನಸಭಾ ಕ್ಷೇತ್ರದಿಂದ ಸ್ಪರ್ಧಿಸಿ ಅವರು ಶಾಸಕರಾಗಿದ್ದಾರೆ. ಪವನ್ ಕಲ್ಯಾಣ್ ಅವರ ಒಟ್ಟೂ ಆಸ್ತಿ 164 ಕೋಟಿ ರೂಪಾಯಿಗೂ ಅಧಿಕವಾಗಿದೆ. ಇತ್ತೀಚೆಗೆ ಅವರು ಯಾವುದೇ ಸಿನಿಮಾ ದೊಡ್ಡ ಗೆಲುವು ಕಂಡಿಲ್ಲ. ಹಾಗಿದ್ದರೂ ಅವರ ಜನಪ್ರಿಯತೆಗೆ ಯಾವುದೇ ತೊಂದರೆ ಉಂಟಾಗಿಲ್ಲ.

ಪವನ್ ಕಲ್ಯಾಣ್ ಅವರು ರಿಯಲ್​ ಎಸ್ಟೇಟ್​​ನಲ್ಲಿ ಆಸಕ್ತಿ ಹೊಂದಿದ್ದಾರೆ. ಅವರು ತೆಲುಗು ರಾಜ್ಯದ ಅನೇಕ ಕಡೆಗಳಲ್ಲಿ ದುಬಾರಿ ಮನೆ  ಹೊಂದಿದ್ದಾರೆ. ಪವನ್ ಕಲ್ಯಾಣ್ ವಿಜಯವಾಡ ಮನೆ 16 ಕೋಟಿ ರೂಪಾಯಿ ಬೆಲೆ ಬಾಳುತ್ತದೆ. ಜುಬ್ಲಿ ಹಿಲ್ಸ್​ ಮನೆ 12 ಕೋಟಿ ರೂಪಾಯಿ ಮೌಲ್ಯ ಹೊಂದಿದೆ. ಬಂಜಾರ ಹಿಲ್ಸ್​ನಲ್ಲಿರೋ ಫ್ಲ್ಯಾಟ್ ಬೆಲೆ 1.75 ಕೋಟಿ ರೂಪಾಯಿ. ಅವರ ಬ್ಯಾಂಕ್ ಬ್ಯಾಲೆನ್ಸ್ 20 ಕೋಟಿ ರೂಪಾಯಿಗೂ ಅಧಿಕವಾಗಿದೆ. ಈ ಬಗ್ಗೆ ಅವರು ಈ ಮೊದಲು ಮಾಹಿತಿ ಹಂಚಿಕೊಂಡಿದ್ದರು. ಅವರು ನಾನಾ ಕಡೆಗಳಲ್ಲಿ ಹೂಡಿಕೆ ಮಾಡಿದ್ದಾರೆ.

ಇದನ್ನೂ ಓದಿ: ಪವನ್ ಕಲ್ಯಾಣ್ ಬರ್ತ್​ಡೇಗೆ ಬ್ರೇಕ್; ಇಲ್ಲ ಹೊಸ ಸಿನಿಮಾ ಅಪ್​ಡೇಟ್

ಪವನ್ ಕಲ್ಯಾಣ್ ಬಳಿ ದುಬಾರಿ ಕಾರುಗಳು ಇವೆ. ಜಾಗ್ವಾರ್, ಆಡಿ, ಮರ್ಸೀಡಿಸ್ ಬೆಂಜ್​ನಂಥ ಕಾರುಗಳು ಇವರ ಬಳಿ ಇವೆ. ಅವರ ಬಳಿ ಇರೋ ಕಾರುಗಳ ಬೆಲೆ 14 ಕೋಟಿ ರೂಪಾಯಿಗೂ ಅಧಿಕವಾಗಿದೆ. ಪವನ್ ಕಲ್ಯಾಣ್ ಅನೇಕ ಕಡೆಗಳಲ್ಲಿ ಹೂಡಿಕೆ ಮಾಡಿ ಲಾಭ ಕಾಣುತ್ತಿದ್ದಾರೆ.

ಭಾರೀ ಏರಿಕೆ

2019ರಲ್ಲಿ ಪವನ್ ಕಲ್ಯಾಣ್ ಅವರ ಆಸ್ತಿ ಕೇವಲ 52 ಕೋಟಿ ರೂಪಾಯಿ ಇತ್ತು. ಕೇವಲ ಐದು ವರ್ಷಗಳಲ್ಲಿ ಇದು ಮೂರು ಪಟ್ಟು ಹೆಚ್ಚಾಗಿದೆ. ಪವನ್ ಕಲ್ಯಾಣ್ ಅವರಿಗೆ ಪ್ರತಿ ತಿಂಗಳು ಸುಮಾರು 1.5 ಕೋಟಿ ರೂಪಾಯಿ ಎನ್ನಲಾಗಿದೆ. ಅಂದರೆ ವರ್ಷಕ್ಕೆ ಅವರು ಗಳಿಸೋದು 18 ಕೋಟಿ ರೂಪಾಯಿ. ಅವರು ಪ್ರತಿ ಚಿತ್ರಕ್ಕೆ 10-12 ಕೋಟಿ ರೂಪಾಯಿ ಚಾರ್ಜ್ ಮಾಡುತ್ತಾರೆ.

ವಿವಾಹ ವಿಚಾರದಲ್ಲಿ ಪವನ್ ಕಲ್ಯಾಣ್ ಆಗಾಗ ಸುದ್ದಿ ಆಗುತ್ತಾರೆ. ಅವರು ರಷ್ಯಾದ ಅನ್ನಾ ಎಂಬುವವರನ್ನು ಮದುವೆ ಆಗಿದ್ದಾರೆ. ಈ ಮೊದಲು ಅವರು ಎರಡು ವಿವಾಹ ಆಗಿದ್ದರು. ಎರಡೂ ಮದುವೆ ಕೊನೆ ಆಗಿದೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.

Published On - 11:48 am, Mon, 2 September 24