ಪ್ರಭಾಸ್ ಅಭಿಮಾನಿಗಳಿಗಾಗಿ ‘ದಿ ರಾಜಾ ಸಾಬ್’ ಚಿತ್ರದಿಂದ ‘ಫ್ಯಾನ್ ಇಂಡಿಯಾ ಗ್ಲಿಂಪ್ಸ್’

‘ಬಾಹುಬಲಿ’ ಬಳಿಕ ಕೈಕೊಟ್ಟಿದ್ದ ಪ್ರಭಾಸ್​ ಅವರ ಅದೃಷ್ಟ ಈಗ ಮತ್ತೆ ಸರಿಯಾದ ಟ್ರ್ಯಾಕ್​ಗೆ ಬಂದಿದೆ. ಅವರು ನಟಿಸಿದ ‘ಸಲಾರ್​’ ಸಿನಿಮಾ ಉತ್ತಮವಾಗಿ ಕಮಾಯಿ ಮಾಡಿತ್ತು. ಇತ್ತೀಚೆಗೆ ಬಿಡುಗಡೆ ಆದ ‘ಕಲ್ಕಿ 2898 ಎಡಿ’ ಸಿನಿಮಾ ಕೂಡ ಸಾವಿರಾರು ಕೋಟಿ ರೂಪಾಯಿ ಕಲೆಕ್ಷನ್​ ಮಾಡಿ ಸೈ ಎನಿಸಿಕೊಂಡಿತು. ಈ ಗೆಲುವಿನ ಖುಷಿಯಲ್ಲಿ ಅವರು ತೇಲುತ್ತಿದ್ದಾರೆ. ಅವರ ಮುಂಬರುವ ಸಿನಿಮಾಗಳ ಬಗ್ಗೆ ನಿರೀಕ್ಷೆ ಜಾಸ್ತಿ ಆಗಿದೆ. ಪ್ರಭಾಸ್​ ಅಭಿನಯಿಸಿರುವ ‘ದಿ ರಾಜಾ ಸಾಬ್​’ ಸಿನಿಮಾ ತಂಡದಿಂದ ಜುಲೈ 29ರಂದು ಅಭಿಮಾನಿಗಳಿಗೆ ವಿಶೇಷ ಗಿಫ್ಟ್​ ಸಿಗಲಿದೆ.

ಪ್ರಭಾಸ್​ ಅವರು ಪ್ರತಿ ಸಿನಿಮಾದಲ್ಲೂ ಬೇರೆ ಬೇರೆ ರೀತಿಯ ಪಾತ್ರಗಳನ್ನು ಮಾಡುತ್ತಿದ್ದಾರೆ. ‘ಸಲಾರ್​’, ‘ಕಲ್ಕಿ 2898 ಎಡಿ’ ಸಿನಿಮಾಗಳಿಗಿಂತಲೂ ಭಿನ್ನವಾದ ಪಾತ್ರವನ್ನು ಅವರು ‘ದಿ ರಾಜಾ ಸಾಬ್​’ ಸಿನಿಮಾದಲ್ಲಿ ಮಾಡಿದ್ದಾರೆ. ಅವರ ಲುಕ್​ ಈಗಾಗಲೇ ಬಹಿರಂಗ ಆಗಿದೆ. ಈಗ ಒಂದು ಸ್ಪೆಷಲ್​ ಆದಂತಹ ವಿಡಿಯೋ ಮೂಲಕ ಅಭಿಮಾನಿಗಳನ್ನು ಖುಷಿಪಡಿಸಲು ಚಿತ್ರತಂಡ ಸಜ್ಜಾಗಿದೆ.

ಪಾಕಿಸ್ತಾನದ ಚೆಲುವೆ ಸಜಲ್ ಅಲಿಗೆ ಜೋಡಿ ಆಗುತ್ತಾರಾ ನಟ ಪ್ರಭಾಸ್​?

ನಿರ್ಮಾಣ ಸಂಸ್ಥೆಯಾದ ‘ಪೀಪಲ್​ ಮೀಡಿಯಾ ಫ್ಯಾಕ್ಟರಿ’ ಸೋಶಿಯಲ್​ ಮೀಡಿಯಾ ಖಾತೆಯಲ್ಲಿ ‘ದಿ ರಾಜಾ ಸಾಬ್​’ ಸಿನಿಮಾದ ಅಪ್​ಡೇಟ್​ ಬಗ್ಗೆ ಮಾಹಿತಿ ಹಂಚಿಕೊಳ್ಳಲಾಗಿದೆ. ಜುಲೈ 29ರಂದು ಸಂಜೆ 5 ಗಂಟೆಗೆ ಬಿಡುಗಡೆ ಆಗಲಿರುವ ವಿಡಿಯೋವನ್ನು ‘ಫ್ಯಾನ್​ ಇಂಡಿಯಾ ಗ್ಲಿಂಪ್ಸ್​’ ಎಂದು ಕರೆಯಲಾಗುತ್ತಿದೆ. ಇದರಲ್ಲಿ ಏನೆಲ್ಲ ವಿಶೇಷತೆ ಇರಲಿದೆ ಎಂಬುದನ್ನು ತಿಳಿಯಲು ಫ್ಯಾನ್ಸ್​ ಕಾತರರಾಗಿದ್ದಾರೆ.

Vare Vare Vare Vare Vachesadu Raja Saab 🥁🥁

The beloved darling we all cherish is coming back… Inka Shake ey 🕺🕺#TheRajaSaab 𝐅𝐀𝐍 𝐈𝐍𝐃𝐈𝐀 𝐆𝐋𝐈𝐌𝐏𝐒𝐄 tomorrow at 5:03PM 🔥🔥

#Prabhas @DirectorMaruthi pic.twitter.com/rEKmwAB4Os

— The RajaSaab (@rajasaabmovie) July 28, 2024

ಈ ಗ್ಲಿಂಪ್ಸ್​ನಲ್ಲಿ ನಿಮಗೆ ಹಳೇ ಪ್ರಭಾಸ್​ ಸಿಗಲಿದ್ದಾರೆ ಎಂದು ಚಿತ್ರತಂಡದವರು ಭರವಸೆ ನೀಡಿದ್ದಾರೆ. ಆ ಕಾರಣದಿಂದಾಗಿ ಅಭಿಮಾನಿಗಳಿಗೆ ನಿರೀಕ್ಷೆ ಹೆಚ್ಚಾಗಿದೆ. ಮಾರುತಿ ಅವರು ಈ ಚಿತ್ರಕ್ಕೆ ನಿರ್ದೇಶನ ಮಾಡುತ್ತಿದ್ದಾರೆ. ಈ ಸಿನಿಮಾದಿಂದ ಪ್ರಭಾಸ್​ ಅವರ ಅಭಿಮಾನಿಗಳಿಗೆ ಹೊಸ ಅನುಭೂತಿ ಸಿಗಲಿದೆ. ಪ್ರಭಾಸ್​ ಲುಕ್​ ಕೂಡ ಸ್ಟೈಲಿಶ್​ ಆಗಿದೆ. ಗ್ಲಿಂಪ್ಸ್​ ಬಗ್ಗೆ ಮಾಹಿತಿ ನೀಡಲು ಬಿಡುಗಡೆ ಮಾಡಿರುವ ಪೋಸ್ಟರ್​ ತುಂಬ ಕಲರ್​ಫುಲ್ ಆಗಿದೆ. ‘ಸಲಾರ್​’ ಮತ್ತು ‘ಕಲ್ಕಿ 2898 ಎಡಿ’ ಸಿನಿಮಾದ ರೀತಿಯಲ್ಲೇ ‘ದಿ ರಾಜಾ ಸಾಬ್​’ ಚಿತ್ರ ಕೂಡ ಭಾರಿ ಹೈಪ್​ ಸೃಷ್ಟಿ ಮಾಡುತ್ತಿದೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.