ಕನ್ನಡದಲ್ಲೂ ಅಬ್ಬರಿಸಲಿರುವ ಸಲ್ಮಾನ್-ಸುದೀಪ್ ಅಭಿನಯದ ದಬಾಂಗ್3

ಬಾಲಿವುಡ್​ನ ಬಾಕ್ಸ್​ ಆಫೀಸ್​ ಸುಲ್ತಾನ್ ಸಲ್ಮಾನ್ ಖಾನ್ ನಟನೆಯ ದಬಾಂಗ್​ 3 ಚಿತ್ರದ ಮೋಷನ್​ ಪೋಸ್ಟರ್​ ರಿಲೀಸ್ ಆಗಿದೆ. ಈ ಸಿನಿಮಾದಲ್ಲಿ ಸ್ಯಾಂಡಲ್​ವುಡ್​ನ ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್​ ನಟಿಸುತ್ತಿರುವುದು ಎಲ್ಲರಿಗೂ ಗೊತ್ತಿರುವ ಸಂಗತಿಯೇ. ಆದ್ರೆ ಇದ್ರಲ್ಲಿ ವಿಶೇಷ ಏನಪ್ಪ ಅಂದ್ರೆ ದಬಾಂಬ್ 3 ಸಿನಿಮಾ ಇದೀಗ ಕನ್ನಡ ಭಾಷೆಯಲ್ಲೂ ರಿಲೀಸ್ ಆಗ್ತಿದೆ.

‘ಟೈಂ ನಂದು, ತಾರೀಖೂ ನಂದು’ ಅಂತ ಹೇಳುವ ​ಸಲ್ಮಾನ್​ ಖಾನ್ ಡೈಲಾಗ್​ಗೆ ಕನ್ನಡಾಭಿಮಾನಿಗಳು ಫಿದಾ ಆಗಿದ್ದಾರೆ. ಈಗಾಗಲೇ ದಬಾಂಗ್​ ಸರಣಿಯ 2 ಚಿತ್ರಗಳು ಬ್ಲಾಕ್​ಬಸ್ಟರ್​ ಹಿಟ್ ಆಗಿವೆ. ಈಗ ದಬಾಂಗ್ ಸರಣಿಯ ದಬಾಂಗ್​ 3 ಸಿನಿಮಾವು ಹಿಂದಿ, ಕನ್ನಡ, ತೆಲುಗು, ತಮಿಳು ಭಾಷೆ ಸೇರಿದಂತೆ ಒಟ್ಟು 4 ಭಾಷೆಗಳಲ್ಲಿ ಬಿಡುಗಡೆಯಾಗಲಿದೆ.

ಪೊಲೀಸ್ ವೇಷಧಾರಿಯಾಗಿ ಚುಲ್​ಬುಲ್ ಪಾಂಡೆ ಪಾತ್ರಧಾರಿಯಾಗಿ ತೆರೆಮೇಲೆ ಮಿಂಚಿದ್ದ ಸಲ್ಮಾನ್ ಖಾನ್ ದಬಾಂಗ್​ 3ನಲ್ಲೂ ತನ್ನ ಪಾತ್ರವನ್ನು ಮುಂದುವರಿಸಲಿದ್ದಾರೆ. ಇನ್ನು ಕಿಚ್ಚ ಸುದೀಪ್ ಸಹ ವಿಲನ್ ಆಗಿ ಸಲ್ಮಾನ್ ಎದುರು ತೊಡೆ ತಟ್ಟಲಿದ್ದಾರೆ. ಈ ಸಿನಿಮಾ 2019ರ ಡಿಸೆಂಬರ್ 20ರಂದು ಬಿಡುಗಡೆಯಾಗಲಿದೆ.

ಸದ್ಯ ಕಿಚ್ಚ ಸುದೀಪ್ ನಟನೆಯ ಪೈಲ್ವಾನ್ ಚಿತ್ರವು 5 ಭಾಷೆಗಳಲ್ಲಿ ಬಿಡುಗಡೆಯಾಗಿದ್ದು, ಎಲ್ಲೆಡೆ ಯಶಸ್ವಿ ಪ್ರದರ್ಶನ ಕಾಣುತ್ತಿದೆ.

Dabangg 3 ki deewaangi chaayegi ab Kannada mein bhi.Swagat Toh Karo Humara! #100DaystoDabangg3https://t.co/XWN0YNKEoY@arbaazSkhan @sonakshisinha @saieemmanjrekar @PDdancing @KicchaSudeep @nikhil_dwivedi @SKFilmsOfficial @saffronbrdmedia @AChowksey

— Salman Khan (@BeingSalmanKhan) September 11, 2019

Published On - 3:22 pm, Fri, 13 September 19