‘ಬಿಗ್ ಬಾಸ್ ಮೇಲೆ ಕೇಸ್ ಹಾಕ್ತೀನಿ’: ಬೆದರಿಕೆ ಹಾಕಿ ಎಲಿಮಿನೇಟ್ ಆದ ಸ್ಪರ್ಧಿ

‘ಬಿಗ್ ಬಾಸ್ ಕನ್ನಡ ಸೀಸನ್​ 11’ ಶೋನಲ್ಲಿ ಜಗದೀಶ್​ ಅವರು ಶೋ ವಿರುದ್ಧವೇ ಅವಹೇಳನಕಾರಿಯಾಗಿ ಮಾತನಾಡಿದ್ದರು. ಬಳಿಕ ಅವರನ್ನು ದೊಡ್ಮನೆಯಿಂದ ಹೊರಗೆ ಹಾಕಲಾಗಿತ್ತು. ಹಿಂದಿ ‘ಬಿಗ್ ಬಾಸ್ 18’ ಶೋನಲ್ಲೂ ಇದೇ ರೀತಿಯ ಘಟನೆ ನಡೆದಿದೆ. ನಟಿಯಾಗಿ, ನಿರೂಪಕಿಯಾಗಿ ಗುರುತಿಸಿಕೊಂಡಿರುವ ಸಾರಾ ಅರ್ಫೀನ್​ ಖಾನ್​ ಅವರು ಎಲಿಮಿನೇಟ್ ಆಗಿದ್ದಾರೆ. ಶೋ ವಿರುದ್ಧವೇ ಅವರು ಕೇಸ್​ ಹಾಕುವುದಾಗಿ ಬೆದರಿಸಿದ್ದರು. ಈ ವಾರ ಅವರಿಗೆ ವೀಕ್ಷಕರಿಂದ ಕಡಿಮೆ ವೋಟ್ ಬಂದ ಕಾರಣ ಎಲಿಮಿನೇಟ್ ಮಾಡಲಾಗಿದೆ.

ಇತ್ತೀಚೆಗೆ ಒಂದು ಟಾಸ್ಕ್​ ವೇಳೆ ಸಾರಾ ಅರ್ಫೀನ್​ ಖಾನ್ ಅವರು ಅನರ್ಹರಾದರು. ಇದರಿಂದ ಅವರಿಗೆ ಕೋಪ ಬಂತು. ಇನ್ನುಳಿದ ಸ್ಪರ್ಧಿಗಳನ್ನು ಅವರು ತಳ್ಳಾಡಿದರು. ಅವರ ವರ್ತನೆಯಿಂದ ಗಲಾಟೆ ಶುರುವಾಯಿತು. ಬೇರೆ ಸ್ಪರ್ಧಿಗಳಿಗೆ ಪೆಟ್ಟಾಗಲು ಕೂಡ ಶುರುವಾಯಿತು. ಆಗ ಕರಣ್ ವೀರ್​ ಮೆಹ್ರಾ ಅವರು ಬಂದು ಸಾರಾನ ತಡೆಯಲು ಪ್ರಯತ್ನಿಸಿದರು.

ಇದನ್ನೂ ಓದಿ: ಬಿಗ್ ಬಾಸ್ ಸ್ಪರ್ಧಿಗಳ ಊಟದಲ್ಲಿ ಹುಳ; ಕಂಗಾಲಾದ ರಜತ್, ಮೋಕ್ಷಿತಾ

ಕರಣ್ ವೀರ್​ ಮೆಹ್ರಾ ಮಧ್ಯ ಪ್ರವೇಶಿಸಿದ್ದರಿಂದ ಸಾರಾ ಅರ್ಫೀನ್​ ಖಾನ್​ ವಿಪರೀತ ಸಿಟ್ಟು ಮಾಡಿಕೊಂಡರು. ಈ ವೇಳೆ ಅವರು ಕೆಳಗೆ ಬಿದ್ದರು. ತಾವು ಬೀಳಲು ಕರಣ್ ಕಾರಣ ಎಂದು ಸಾರಾ ಆರೋಪ ಮಾಡಿದರು. ‘ಕರಣ್ ನನ್ನ ಮೇಲೆ ಕೈ ಮಾಡಿದ್ದಾನೆ. ಆತನ ಮೇಲೆ ಬಿಗ್ ಬಾಸ್ ಕ್ರಮ ಕೈಗೊಳ್ಳಬೇಕು. ಇಲ್ಲದಿದ್ದರೆ ನಾನು ನನ್ನ ಲಾಯರ್​ ಸಂಪರ್ಕ ಮಾಡುತ್ತೇನೆ’ ಎಂದು ಹೇಳಿದ್ದಾರೆ.

ಇದನ್ನೂ ಓದಿ: ಬಿಗ್ ಬಾಸ್​ ಕ್ಯಾಮೆರಾದಲ್ಲಿ ಸೆರೆ ಆಯ್ತು ಮೋಸದ ಆಟ; ಭವ್ಯಾ ಮೇಲೆ ಅನುಮಾನ

ಸಾಮಾನ್ಯವಾಗಿ ಯಾವ ಸ್ಪರ್ಧಿ ಕೂಡ ಬಿಗ್ ಬಾಸ್ ವಿರುದ್ಧವೇ ಕೇಸ್ ಹಾಕುವ ಬಗ್ಗೆ ಮಾತನಾಡುವುದಿಲ್ಲ. ಆದರೆ ಸಾರಾ ಅರ್ಫೀನ್​ ಖಾನ್ ಅವರು ಆ ಹಂತಕ್ಕೆ ಹೋಗಿದ್ದಾರೆ. ಆದ್ದರಿಂದ ಅವರನ್ನು ಹೊರಗೆ ಹಾಕಲಾಗಿದೆ ಎಂದು ಮಾಧ್ಯಮಗಳು ವರದಿ ಮಾಡಿವೆ. ಸಲ್ಮಾನ್ ಖಾನ್ ಅವರು ‘ಬಿಗ್ ಬಾಸ್​ 18’ ಶೋ ನಡೆಸಿಕೊಡುತ್ತಿದ್ದಾರೆ. ಈ ಮೊದಲು ಕೂಡ ತಮ್ಮ ಶೋ ಬಗ್ಗೆ ಕೀಳಾಗಿ ಮಾತನಾಡಿದ್ದ ಸ್ಪರ್ಧಿಗಳಿಗೆ ಸಲ್ಮಾನ್ ಖಾನ್ ಅವರು ತಕ್ಕ ಪಾಠ ಕಲಿಸಿದ್ದರು.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.