‘ಏಜೆಂಟ್ ಜೆಡಿ’ ಗೇಮ್ ಪರಿಚಯಿಸಿದ ಜೀ ಕನ್ನಡ; ಗೆದ್ದರೆ ಸಿಗುತ್ತೆ ಭರ್ಜರಿ ಬಹುಮಾನ

ಕನ್ನಡ ಕಿರುತೆರೆ ಇತಿಹಾಸದಲ್ಲೇ ಪ್ರಥಮ ಬಾರಿಗೆ ಜೀ ಕನ್ನಡ ವಾಹಿನಿಯು ತನ್ನ ಜನಪ್ರಿಯ ‘ಜಗದ್ಧಾತ್ರಿ’ ಧಾರಾವಾಹಿಗಾಗಿ ‘ಏಜೆಂಟ್ ಜೆಡಿ’ ಎಂಬ ವಿನೂತನ ಡಿಜಿಟಲ್ ಗೇಮ್ ಅನ್ನು ಪರಿಚಯಿಸಿದೆ. ಕಿರುತೆರೆ ವೀಕ್ಷಕರಿಗೆ ಬರೀ ಧಾರಾವಾಹಿ ನೋಡುವುದಲ್ಲದೆ, ಅದರ ಸಾಹಸಮಯ ಕಥೆಯ ಭಾಗವಾಗುವ ಅವಕಾಶವನ್ನು ಈ ಡಿಜಿಟಲ್ ಗೇಮ್ ತಂದುಕೊಟ್ಟಿದೆ.

ವಿಜಯ್ ಸೂರ್ಯ, ಮೋಕ್ಷಿತಾ ಪೈ, ಕವಿತಾ ಗೌಡ, ಗಿರಿಜಾ ಲೋಕೇಶ್ ಮೊದಲಾದವರು ಮುಖ್ಯ ‘ಜಗದ್ಧಾತ್ರಿ’ ಧಾರಾವಾಹಿಯಲ್ಲಿ ಭೂಮಿಕೆಯಲ್ಲಿ ನಟಿಸುತ್ತಿದ್ದಾರೆ. ವಿಜಯ್ ಹಾಗೂ ಮೋಕ್ಷಿತಾ ಸೀಕ್ರೇಟ್ ಏಜೆಂಟ್ ಮಾತ್ರ ಮಾಡುತ್ತಿದ್ದಾರೆ. ಈಗ ತನಿಖಾ ಕಥಾಹಂದರವನ್ನೇ ಆಧಾರವಾಗಿಟ್ಟುಕೊಂಡು ಈ ಗೇಮ್ ರೂಪಿಸಲಾಗಿದೆ. ಸಾರ್ವಜನಿಕರು ಹಾಗೂ ಅಭಿಮಾನಿಗಳು agentjd.zee5.com ವೆಬ್‌ಸೈಟ್‌ಗೆ ಭೇಟಿ ನೀಡುವ ಮೂಲಕ ಗೇಮ್‌ನಲ್ಲಿ ನೇರವಾಗಿ ಭಾಗವಹಿಸಬಹುದು.

ಈ ಡಿಜಿಟಲ್ ಗೇಮ್‌ನಲ್ಲಿ ಕರ್ನಾಟಕದ ಪ್ರಮುಖ ನಗರಗಳ ಹಿನ್ನೆಲೆಯಲ್ಲಿ ಮೂರು ರೋಚಕ ಮಿಷನ್‌ಗಳನ್ನು ವಿನ್ಯಾಸಗೊಳಿಸಲಾಗಿದೆ:

ಬೆಂಗಳೂರು ಮಿಷನ್: ಬೆಂಗಳೂರು ನಗರದ ಕಟ್ಟಡಗಳ ಹಿನ್ನೆಲೆಯಲ್ಲಿ ಮಗುವನ್ನು ರಕ್ಷಿಸುವ ಸವಾಲು ಇರುತ್ತದೆ, ಅದನ್ನು ವೀಕ್ಷಕರು ಪೂರ್ಣಗೊಳಿಸಬಹುದು.

ಮಂಗಳೂರು ಮಿಷನ್: ಕಡಲತೀರ ಹಾಗೂ ಕಂಟೇನರ್‌ಗಳ ನಡುವೆ ಬಾಂಬ್ ನಿಷ್ಕ್ರಿಯಗೊಳಿಸುವ ಸಾಹಸವನ್ನು ಮಾಡುವ ಆಯ್ಕೆ ಇರಲಿದೆ. ಹುಬ್ಬಳ್ಳಿ ಮಿಷನ್: ರೈಲು ನಿಲ್ದಾಣದ ಹಿನ್ನೆಲೆಯಲ್ಲಿ ಸಂಚುಕೋರನನ್ನು ಸೋಲಿಸುವ ಕಾರ್ಯಾಚರಣೆ ಇರಲಿದೆ.

ಈ ಮೂರೂ ಮಿಷನ್‌ಗಳನ್ನು ಯಶಸ್ವಿಯಾಗಿ ಪೂರ್ಣಗೊಳಿಸುವ ಗೇಮರ್‌ಗಳಲ್ಲಿ ಟಾಪ್ 10 ವಿಜೇತರನ್ನು ಆಯ್ಕೆ ಮಾಡಿ, ಅವರಿಗೆ ಆಕರ್ಷಕ ಬಹುಮಾನಗಳನ್ನು ನೀಡಲು ಜೀ ಕನ್ನಡ ಸಂಸ್ಥೆ ನಿರ್ಧರಿಸಿದೆ. ಟಿವಿ ಪರದೆಯಾಚೆಗೂ ಮನರಂಜನಾ ಜಗತ್ತನ್ನು ವಿಸ್ತರಿಸುವ ನಿಟ್ಟಿನಲ್ಲಿ ಜೀ ಕನ್ನಡ ತೆಗೆದುಕೊಂಡಿರುವ ಈ ಪ್ರಯತ್ನ ಕಿರುತೆರೆ ರಂಗದಲ್ಲಿ ಹೊಸ ಸಂಚಲನ ಮೂಡಿಸಿದೆ.

ಇದನ್ನೂ ಓದಿ: ‘ಜಗದ್ಧಾತ್ರಿ’ ಧಾರಾವಾಹಿ: ಖಡಕ್ ಪಾತ್ರದಲ್ಲಿ ಮೋಕ್ಷಿತಾ-ವಿಜಯ್

‘ಜಗದ್ಧಾತ್ರಿ’ ಧಾರಾವಾಹಿಯು ಪ್ರತಿದಿನ ರಾತ್ರಿ 9 ಗಂಟೆಗೆ ಜೀ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುತ್ತಿದ್ದು, ಧಾರಾವಾಹಿಯ ಕ್ರೈಮ್ ಹಾಗೂ ಥ್ರಿಲ್ಲರ್ ಅನುಭವವನ್ನು ಗೇಮ್ ಮೂಲಕ ಡಿಜಿಟಲ್ ವೇದಿಕೆಯಲ್ಲಿ ಆಸ್ವಾದಿಸಲು ಅಭಿಮಾನಿಗಳು ಕಾತುರರಾಗಿದ್ದಾರೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.