ಅಂತರಾಷ್ಟ್ರೀಯ ಮಹಿಳಾ ದಿನಾಚರಣೆ: 29 ಸಾಧಕಿಯರಿಗೆ ನಾರಿ ಶಕ್ತಿ ಪ್ರಶಸ್ತಿ ಪ್ರದಾನ
ಕರ್ನಾಟಕದ ಬೆಳಗಾವಿಯ ಮೂರು ತಾಲೂಕುಗಳ 360 ಗ್ರಾಮಗಳಲ್ಲಿ ಮಹಿಳಾ ಅಭಿವೃದ್ಧಿ ಮತ್ತು ಸಂರಕ್ಷಣಾ ಸಮಸ್ಥೆ (MASS) ಆರಂಭಿಸಿದ ಶೋಭಾ ಗಸ್ತಿ ಅವರು ಮಹಿಳಾ ಮತ್ತು ಹೆಣ್ಣು ಮಕ್ಕಳ ಸಬಲೀಕರಣಕ್ಕಾಗಿ ನೀಡಿದ ಅನುಕರಣೀಯ ಕೊಡುಗೆಗಾಗಿ ಪ್ರಶಸ್ತಿಗೆ ಭಾಜನರಾಗಿದ್ದಾರೆ.
Updated on: Mar 08, 2022 | 8:24 PM
ದೆಹಲಿ: ಮೊದಲ ಮಹಿಳಾ ಹಾವು ರಕ್ಷಕಿಯಿಂದ ಹಿಡಿದು ಡೌನ್ ಸಿಂಡ್ರೋಮ್ ಪೀಡಿತ ಕಥಕ್ ನೃತ್ಯಗಾರ್ತಿಯವರೆಗೆ 29 ಸಾಧಕಿಯರಿಗೆ ಅಂತರಾಷ್ಟ್ರೀಯ ಮಹಿಳಾ ದಿನಾಚರಣೆಯಂದು ರಾಷ್ಟ್ರಪತಿ ಭವನದಲ್ಲಿ ನಡೆದ ಕಾರ್ಯಕ್ರಮದಲ್ಲಿ ರಾಷ್ಟ್ರಪತಿ ರಾಮನಾಥ್ ಕೋವಿಂದ್ ನಾರಿ ಶಕ್ತಿ ಪ್ರಶಸ್ತಿಯನ್ನು(Nari Shakti award) ಪ್ರದಾನ ಮಾಡಿದ್ದಾರೆ. ವಿಶೇಷವಾಗಿ ದುರ್ಬಲ ಮತ್ತು ಅಂಚಿನಲ್ಲಿರುವವರ ಮಹಿಳೆಯರ, ಸಬಲೀಕರಣಕ್ಕಾಗಿ ಅವರ ಅಸಾಧಾರಣ ಕೆಲಸವನ್ನು ಗುರುತಿಸಿ 29 ಮಹಿಳೆಯರಿಗೆ ಇಪ್ಪತ್ತೆಂಟು ಪ್ರಶಸ್ತಿಗಳನ್ನು (2020 ಮತ್ತು 2021 ಕ್ಕೆ ತಲಾ 14) ನೀಡಲಾಯಿತು. ಪ್ರಶಸ್ತಿ ಪುರಸ್ಕೃತರಲ್ಲಿ ಮೊದಲ ಮಹಿಳಾ ಉರಗ ರಕ್ಷಕಿ ವನಿತಾ ಜಗದೇವ್ ಬೋರಾಡೆ ಸೇರಿದ್ದಾರೆ. ಅವರು ಪ್ರಕೃತಿ ಮತ್ತು ವನ್ಯಜೀವಿ ರಕ್ಷಣೆಗಾಗಿ ಮತ್ತು ಮಾಲಿನ್ಯ ಮುಕ್ತ ಪರಿಸರವನ್ನು ಉತ್ತೇಜಿಸಲು ‘ಸೋಯರೆ ವಾಂಚರೆ ಮಲ್ಟಿಪರ್ಪಸ್ ಫೌಂಡೇಶನ್’ ಅನ್ನು ಸ್ಥಾಪಿಸಿದರು. ಅವರು 50,000 ಕ್ಕೂ ಹೆಚ್ಚು ಹಾವುಗಳನ್ನು ರಕ್ಷಿಸಿ ತಮ್ಮ ನೈಸರ್ಗಿಕ ಆವಾಸಸ್ಥಾನಕ್ಕೆ ಬಿಟ್ಟಿದ್ದಾರೆ. ಹಾವು ಕಡಿತಕ್ಕೊಳಗಾದವರಿಗೆ ಪ್ರಥಮ ಚಿಕಿತ್ಸೆ, ಸುರಕ್ಷತಾ ಪರಿಗಣನೆಗಳು ಮುಂತಾದ ವಿಷಯಗಳನ್ನು ಒಳಗೊಂಡಿರುವ ಹಾವಿನ ಜಾಗೃತಿ ಕಾರ್ಯಕ್ರಮಗಳನ್ನು ಸಹ ಅವರು ನಡೆಸಿದರು. ಆಕೆಯನ್ನು “ಸ್ನೇಕ್ ಫ್ರೆಂಡ್” ಎಂದು ಕರೆಯಲಾಗುತ್ತದೆ. ಭಾರತೀಯ ಅಂಚೆ ಇಲಾಖೆಯು ಅಂಚೆ ಚೀಟಿಯನ್ನು ಬಿಡುಗಡೆ ಮಾಡುವ ಮೂಲಕ ಇವರನ್ನು ಗೌರವಿಸಿದೆ. ಡೌನ್ ಸಿಂಡ್ರೋಮ್ ಪೀಡಿತ ಕಥಕ್ ನೃತ್ಯಗಾರ್ತಿ ಸೈಲಿ ನಂದಕಿಶೋರ್ ಆಗವಾನೆ 100 ಕ್ಕೂ ಹೆಚ್ಚು ಕಾರ್ಯಕ್ರಮಗಳಲ್ಲಿ ಪ್ರದರ್ಶನ ನೀಡಿದ್ದಾರೆ. ಗ್ಲೋಬಲ್ ಒಲಿಂಪಿಯಾಡ್ ಡ್ಯಾನ್ಸ್ ಸ್ಪರ್ಧೆಯಲ್ಲಿ, ಅವರು ಕಂಚಿನ ಪದಕವನ್ನು ಗೆದ್ದಿದ್ದಾರೆ. ಈ ರೀತಿಯ ಕಷ್ಟಗಳ ನಡುವೆಯೂ ಭಾರತೀಯ ಶಾಸ್ತ್ರೀಯ ನೃತ್ಯವನ್ನು ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಉತ್ತೇಜಿಸಿದ್ದಕ್ಕಾಗಿ ಆಕೆಗೆ ಪ್ರಶಸ್ತಿ ನೀಡಲಾಗಿದೆ. ದೃಷ್ಟಿದೋಷವುಳ್ಳ ಸಾಮಾಜಿಕ ಕಾರ್ಯಕರ್ತೆ ಟಿಫಾನಿ ಬ್ರಾರ್ ಅವರು ದೃಷ್ಟಿಹೀನ ಗ್ರಾಮೀಣ ಮಹಿಳೆಯರಿಗಾಗಿ ಮಾಡಿದ ಅನುಕರಣೀಯ ಕೆಲಸಕ್ಕಾಗಿ ಪ್ರಶಸ್ತಿಯನ್ನು ಪಡೆದರು.
ಸಾವಯವ ಕೃಷಿಕರಾದ ಉಷಾಬೆನ್ ದಿನೇಶಭಾಯಿ ವಾಸವಾ ಅವರು ಸಾವಯವ ಕೃಷಿಯಲ್ಲಿ ಅತ್ಯುತ್ತಮ ಕೊಡುಗೆ ಮತ್ತು ಮಹಿಳಾ ರೈತರಿಗೆ ಶಿಕ್ಷಣ ನೀಡುವಲ್ಲಿ ಸಹಾಯಕ್ಕಾಗಿ ಪ್ರಶಸ್ತಿ ಪಡೆದಿದ್ದಾರೆ. ಇಂಟೆಲ್ ಇಂಡಿಯಾದ ಕಂಟ್ರಿ ಹೆಡ್, ಇಂಟೆಲ್ ಇಂಡಿಯಾದ ಮುಖ್ಯಸ್ಥರಾದ ನಿವೃತಿ ರೈ ಅವರು 21 ನೇ ಶತಮಾನದ ಮಹಿಳೆಯರನ್ನು ನಿಜವಾಗಿಯೂ ಪ್ರತಿನಿಧಿಸುವ ಮತ್ತು ಭಾರತಕ್ಕೆ ಹೈಟೆಕ್ ಭವಿಷ್ಯವನ್ನು ಸಕ್ರಿಯಗೊಳಿಸಲು ಕೃತಕ ಬುದ್ಧಿಮತ್ತೆಯನ್ನು ನಿರ್ಮಿಸಲು ವಿದ್ಯಾರ್ಥಿಗಳನ್ನು ಸಬಲೀಕರಣಗೊಳಿಸುವ ತಂತ್ರಜ್ಞಾನ ಕ್ಷೇತ್ರದಲ್ಲಿ ಶ್ರೇಷ್ಠತೆಗಾಗಿ ಪ್ರಶಸ್ತಿಯನ್ನು ಪಡೆದಿದ್ದಾರೆ.
ಕರ್ನಾಟಕದ ಬೆಳಗಾವಿಯ ಮೂರು ತಾಲೂಕುಗಳ 360 ಗ್ರಾಮಗಳಲ್ಲಿ ಮಹಿಳಾ ಅಭಿವೃದ್ಧಿ ಮತ್ತು ಸಂರಕ್ಷಣಾ ಸಮಸ್ಥೆ (MASS) ಆರಂಭಿಸಿದ ಶೋಭಾ ಗಸ್ತಿ ಅವರು ಮಹಿಳಾ ಮತ್ತು ಹೆಣ್ಣು ಮಕ್ಕಳ ಸಬಲೀಕರಣಕ್ಕಾಗಿ ನೀಡಿದ ಅನುಕರಣೀಯ ಕೊಡುಗೆಗಾಗಿ ಪ್ರಶಸ್ತಿಗೆ ಭಾಜನರಾಗಿದ್ದಾರೆ.
Gratitude to Hon President Sh. Ram Nath Kovind Ji for conferring Nari Shakti Puraskar for 2021 & 2022. Incredible women honoured with the prestigious award have made remarkable contribution in their respective area of work ranging from STEM to literature to environment to crafts. pic.twitter.com/dpvpInHEwe
— Smriti Z Irani (@smritiirani) March 8, 2022
ತೇಜ್ ರೀಟಾ ತಾಖೆ, ಭಾರತದ ಮೊದಲ ಸಾವಯವ ಕಿವಿ ವೈನ್ ‘ನಾರಾ ಅಲ್ಬಾ’ ಉತ್ಪಾದಿಸುವ ಉದ್ಯಮಿಯಾಗಿದ್ದು, ಇದು ವಾರ್ಷಿಕ ಸುಮಾರು 60,000 ಲೀಟರ್ ಸಾಮರ್ಥ್ಯ ಮತ್ತು 4.5 ಕೋಟಿ ವಹಿವಾಟು ಹೊಂದಿದೆ. ಇಂಜಿನಿಯರಿಂಗ್ ಪದವೀಧರೆ ಆಗಿರುವ ಆಕೆ ತನ್ನ ಕೆಲಸವನ್ನು ತೊರೆದು ಉದ್ಯಮಿಯಾಗಿದ್ದಾರೆ. ಅವರು ಅರುಣಾಚಲ ಪ್ರದೇಶದ ಲೋವರ್ ಸುಬನ್ಸಿರಿಯಲ್ಲಿ 2016 ರಲ್ಲಿ ‘ಲಂಬು ಸುಬು ಫುಡ್ ಅಂಡ್ ಬೆವರೇಜಸ್’, ನಾರಾ-ಆಬಾ “ವೈನ್” ಅನ್ನು ಸ್ಥಾಪಿಸಿದರು. ಅವರಿಗೆ ಯುನೈಟೆಡ್ ನೇಷನ್ಸ್ ವುಮೆನ್ ಟ್ರಾನ್ಸ್‌ಫಾರ್ಮಿಂಗ್ ಇಂಡಿಯಾ ಪ್ರಶಸ್ತಿಯನ್ನು ಸಹ ನೀಡಲಾಯಿತು.
ಮಹಿಳಾ ಉದ್ಯಮಶೀಲತೆ ಮತ್ತು ಸ್ಥಳೀಯ ಉತ್ಪನ್ನವನ್ನು ಅಂತರರಾಷ್ಟ್ರೀಯ ಮಟ್ಟದಲ್ಲಿ ಉತ್ತೇಜಿಸಲು ನಾರಿ ಶಕ್ತಿ ಪುರಸ್ಕಾರವನ್ನು ಅವರಿಗೆ ನೀಡಲಾಗಿದೆ.
ನಾರಿ ಶಕ್ತಿ ಪುರಸ್ಕಾರವು ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಸಚಿವಾಲಯದ ಒಂದು ಉಪಕ್ರಮವಾಗಿದ್ದು, ವ್ಯಕ್ತಿಗಳು ಮತ್ತು ಸಂಸ್ಥೆಗಳು ನೀಡಿದ ಅಸಾಧಾರಣ ಕೊಡುಗೆಯನ್ನು ಅಂಗೀಕರಿಸಲು ಮತ್ತು ಸಮಾಜದಲ್ಲಿ ಧನಾತ್ಮಕ ಬದಲಾವಣೆಗೆ ಕಾರಣರಾದ ಮಹಿಳೆಯರನ್ನು ಪ್ರಶಸ್ತಿ ನೀಡಿ ಗೌರವಿಸಲಾಗುತ್ತದೆ.
