ದಂಪತಿ ತಮ್ಮ ಸಾಕು ನಾಯಿ ಜತೆ ವಾಕಿಂಗ್​ಗೆ ತೆರಳಿದ್ದಾಗ ಹರಿದ ಕಾರು, ಶ್ವಾನ ಸಾವು, ಇಬ್ಬರಿಗೆ ಗಂಭೀರ ಗಾಯ

ದಂಪತಿ ತಮ್ಮ ಸಾಕು ನಾಯಿ ಜತೆ ವಾಕಿಂಗ್​ಗೆ ತೆರಳಿದ್ದಾಗ ಕಾರು ಹರಿದ ಪರಿಣಾಮ ನಾಯಿ ಮೃತಪಟ್ಟಿದ್ದು, ದಂತಿಗೆ ಗಂಭೀರ ಗಾಯಗಳಾಗಿವೆ. ಮಹಾರಾಷ್ಟ್ರದ ವಸಾಯ್​ನಲ್ಲಿ ಘಟನೆ ನಡೆದಿದೆ. ಕಾರು ವೇಗವಾಗಿ ಬಂದು ಮೂವರ ಮೇಲೆ ಹರಿದಿದೆ.ಸಿಸಿಟಿವಿ ಕ್ಯಾಮೆರಾದಲ್ಲಿ ಸೆರೆಯಾಗಿರುವ ಘಟನೆ ನವೆಂಬರ್ 25 ರಂದು ರಾತ್ರಿ 11.30 ರ ಸುಮಾರಿಗೆ ಯಶವಂತ್ ಸ್ಮಾರ್ಟ್ ಸಿಟಿಯಲ್ಲಿ ನಡೆದಿದೆ.

ಕಾರ್ತಿಕ್ ಗೋರ್, 36, ಮತ್ತು ರಿದ್ಧಿ ಪಾಂಡ್ಯ, 35, ತಮ್ಮ ನಾಯಿ ರಾಜಾ ನಡೆದುಕೊಂಡು ಹೋಗುತ್ತಿದ್ದಾಗ ವೇಗವಾಗಿ ಬಂದ ವ್ಯಾಗನ್ಆರ್ ಅವರಿಗೆ ಹಿಂದಿನಿಂದ ಡಿಕ್ಕಿ ಹೊಡೆದಿದೆ. ಅಲ್ಲಿದ್ದವರು ಕೂಡಲೇ ಅವರ ರಕ್ಷಣೆಗೆ ಓಡೋಡಿ ಬಂದಿದ್ದರು, ನಾಯಿಯ ಮೇಲೆ ಹರಿದು ಬಳಿಕ ದಂಪತಿ ಮೇಲೆ ಹರಿದಿತ್ತು, ಅವರಿಬ್ಬರೂ ಕಾರಿನಡಿ ಸಿಲುಕಿಕೊಂಡಿದ್ದರು. ಮೊದಲು ನಾಯಿ ಅಲ್ಲಿಂದ ಎದ್ದು ಹೋಗಿತ್ತು. ಆದರೆ ದಂಪತಿ ಆಸ್ಪತ್ರೆ ಸೇರಿದ ಬಳಿಕ ನಾಯಿ ಆಹಾರ ತಿನ್ನುವುದನ್ನೇ ಬಿಟ್ಟು ನವೆಂಬರ್ 28ರಂದು ಪ್ರಾಣಬಿಟ್ಟಿದೆ.

ಆರೋಪಿ ಚಾಲಕ ಸಂತೋಷ್ ಶಿಂಧೆ ಗಾಯಗೊಂಡ ದಂಪತಿಯನ್ನು ಹತ್ತಿರದ ಆಸ್ಪತ್ರೆಗೆ ಕರೆದೊಯ್ದಿದ್ದಾರೆ ಎಂದು ವರದಿಯಾಗಿದೆ. ಕಾರ್ತಿಕ್ ಬಲಗಾಲು ಹಾಗೂ ಬೆನ್ನುಹುರಿಗೆ ಗಂಭೀರ ಗಾಯವಾಗಿದೆ. ಪತ್ನಿಗೆ ಪಕ್ಕೆಲುಬು ಮುರಿದಿದೆ. ಬಲಗೈಗೆ ಗಾಯವಾಗಿದೆ.

ಮತ್ತಷ್ಟು ಓದಿ: ತುಮಕೂರು ರಸ್ತೆ ಅಪಘಾತ: 3 ಮಹಿಳೆಯರು ಸಾವು, 20 ಮಂದಿಗೆ ಗಾಯ

ಘಟನೆ ನಡೆದ ಎರಡು ದಿನಗಳ ನಂತರ ಎಫ್‌ಐಆರ್ ದಾಖಲಾಗಿದೆ. ಆರೋಪಿಗಳ ವಿರುದ್ಧ ಕ್ರಮ ಕೈಗೊಳ್ಳಬೇಕು ಎಂದು ಒತ್ತಾಯಿಸಿದರು. ಪೊಲೀಸರು ಸಂತೋಷ್ ಶಿಂಧೆ ವಿರುದ್ಧ ವೇಗದ ಚಾಲನೆ ಮತ್ತು ಜೀವಕ್ಕೆ ಅಪಾಯವನ್ನುಂಟು ಮಾಡಿರುವ ಹಿನ್ನೆಲೆಯಲ್ಲಿ ಪ್ರಕರಣ ದಾಖಲಿಸಲಾಗಿದೆ.

ರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ