DC Retention List for IPL 2025: ರಿಷಬ್ ಪಂತ್ ಔಟ್; ನಾಲ್ವರನ್ನು ಉಳಿಸಿಕೊಂಡ ಡೆಲ್ಲಿ
Delhi Capitals Retention Players List for IPL 2025: ಐಪಿಎಲ್ 2025 ರ ಮೆಗಾ ಹರಾಜಿಗೂ ಮೊದಲು ಡೆಲ್ಲಿ ಕ್ಯಾಪಿಟಲ್ಸ್ ಪಾಳಯದಿಂದ ಬಹಳ ಆಘಾತಕಾರಿ ಅಪ್‌ಡೇಟ್ ಹೊರಬಿದ್ದಿದೆ. ಆ ಪ್ರಕಾರ ತಂಡದ ಹಾಲಿ ನಾಯಕ ರಿಷಬ್ ಪಂತ್ ಬರೋಬ್ಬರಿ ವರ್ಷಗಳ ಬಳಿಕ ಡೆಲ್ಲಿ ತಂಡವನ್ನು ನಿರ್ಧರಿಸಿದ್ದಾರೆ. ಪಂತ್ ಹಾಗೂ ಡೆಲ್ಲಿ ಆಡಳಿತ ಮಂಡಳಿಯ ನಡುವೆ ಕೆಲವು ವಿಚಾರಗಳಿಗೆ ಸಂಬಂಧಿಸಿದಂತೆ ಒಮ್ಮತ ಮೂಡದ ಕಾರಣ ಪಂತ್ ತಂಡದಿಂದ ಹೊರನಡೆದಿದ್ದಾರೆ ಎನ್ನಲಾಗುತ್ತಿದೆ.
Updated on:Oct 31, 2024 | 8:08 PM
ಐಪಿಎಲ್ 2025 ರ ಮೆಗಾ ಹರಾಜಿಗೂ ಮೊದಲು ಡೆಲ್ಲಿ ಕ್ಯಾಪಿಟಲ್ಸ್ ಪಾಳಯದಿಂದ ಬಹಳ ಆಘಾತಕಾರಿ ಅಪ್‌ಡೇಟ್ ಹೊರಬಿದ್ದಿದೆ. ಆ ಪ್ರಕಾರ ತಂಡದ ಹಾಲಿ ನಾಯಕ ರಿಷಬ್ ಪಂತ್ ಬರೋಬ್ಬರಿ ವರ್ಷಗಳ ಬಳಿಕ ಡೆಲ್ಲಿ ತಂಡವನ್ನು ನಿರ್ಧರಿಸಿದ್ದಾರೆ. ಪಂತ್ ಹಾಗೂ ಡೆಲ್ಲಿ ಆಡಳಿತ ಮಂಡಳಿಯ ನಡುವೆ ಕೆಲವು ವಿಚಾರಗಳಿಗೆ ಸಂಬಂಧಿಸಿದಂತೆ ಒಮ್ಮತ ಮೂಡದ ಕಾರಣ ಪಂತ್ ತಂಡದಿಂದ ಹೊರನಡೆದಿದ್ದಾರೆ ಎನ್ನಲಾಗುತ್ತಿದೆ. ಉಳಿದಂತೆ ಡೆಲ್ಲಿ ಕ್ಯಾಪಿಟಲ್ಸ್ ಹರಾಜಿಗೂ ಮುನ್ನ ನಾಲ್ವರು ಆಟಗಾರರನ್ನು ತಂಡದಲ್ಲಿ ಉಳಿಸಿಕೊಂಡಿದೆ. ಅದರಂತೆ ಅಕ್ಷರ್ ಪಟೇಲ್, ಕುಲ್ದೀಪ್ ಯಾದವ್, ಟ್ರಿಸ್ಟಾನ್ ಸ್ಟಬ್ಸ್ ಮತ್ತು ಯುವ ಬ್ಯಾಟ್ಸ್‌ಮನ್ ಅಭಿಷೇಕ್ ಪೊರೆಲ್ ತಂಡದಲ್ಲೇ ಉಳಿದುಕೊಳ್ಳುವಲ್ಲಿ ಯಶಸ್ವಿಯಾಗಿದ್ದಾರೆ.
ದೆಹಲಿ ಕ್ಯಾಪಿಟಲ್ಸ್ ಮಹತ್ವದ ನಿರ್ಧಾರ
ಡೆಲ್ಲಿ ತಂಡದ ಅಚ್ಚರಿಯ ಆಯ್ಕೆಗಳ ಪೈಕಿ ತಂಡದ ನಾಯಕ ರಿಷಬ್ ಪಂತ್ರನ್ನು ಉಳಿಸಿಕೊಳ್ಳದೆ ಇರುವುದು. 2016 ರಲ್ಲಿ ತನ್ನ ಐಪಿಎಲ್ ವೃತ್ತಿಜೀವನವನ್ನು ಆರಂಭಿಸಿದ ರಿಷಬ್ ಪಂತ್, ಅಂದಿನಿಂದ ಡೆಲ್ಲಿ ತಂಡದ ಭಾಗವಾಗಿದ್ದರು. ಆದರೆ ಇದೀಗ ಅವರು ತಂಡದಿಂದ ಬೇರ್ಪಟ್ಟಿದ್ದಾರೆ ಅಂದರೆ ಈಗ ಎಲ್ಲಾ ತಂಡಗಳು ಮೆಗಾ ಹರಾಜಿನಲ್ಲಿ ಪಂತ್ ಅವರಂತಹ ಸ್ಟಾರ್ ಆಟಗಾರನನ್ನು ಖರೀದಿಸುವ ಅವಕಾಶವನ್ನು ಪಡೆದಿವೆ. ಅದೇ ಹೊತ್ತಿಗೆ ಡೆಲ್ಲಿ ತಂಡ ಒಟ್ಟು 4 ಆಟಗಾರರನ್ನು ಮಾತ್ರ ಉಳಿಸಿಕೊಂಡಿದೆ. ಈ 4 ಆಟಗಾರರು ಅಕ್ಷರ್ ಪಟೇಲ್, ಕುಲ್ದೀಪ್ ಯಾದವ್, ಟ್ರಿಸ್ಟಾನ್ ಸ್ಟಬ್ಸ್ ಮತ್ತು ಅಭಿಷೇಕ್ ಪೊರೆಲ್ ಆಗಿದ್ದಾರೆ. ಇದಲ್ಲದೇ ಡೆಲ್ಲಿ ಕ್ಯಾಪಿಟಲ್ಸ್ ಈಗ ಹರಾಜಿನಲ್ಲಿ 2 ರೈಟ್ ಟು ಮ್ಯಾಚ್ ಕಾರ್ಡ್‌ಗಳನ್ನು ಬಳಸುವ ಅವಕಾಶ ಹೊಂದಿದೆ. ಇಂತಹ ಪರಿಸ್ಥಿತಿಯಲ್ಲಿ ಪಂತ್ ಅವರನ್ನು ತಂಡಕ್ಕೆ ಸೇರಿಸಿಕೊಳ್ಳಲು ಡೆಲ್ಲಿಗೆ ಇನ್ನೂ ಅವಕಾಶವಿದೆ.
ದೆಹಲಿ ಕ್ಯಾಪಿಟಲ್ಸ್‌ನ ಅತ್ಯಂತ ದುಬಾರಿ ಧಾರಣೆಯೆಂದರೆ ಅದು ಅಕ್ಷರ್ ಪಟೇಲ್. ಅಕ್ಷರ್ ಪಟೇಲ್ ಅವರಿಗೆ ಫ್ರಾಂಚೈಸಿ 16.5 ಕೋಟಿ ರೂ. ನೀಡಿದ್ದರೆ, ಅದೇ ಸಮಯದಲ್ಲಿ, ಕುಲ್ದೀಪ್ ಯಾದವ್ 13.25 ಕೋಟಿ ರೂ.ಗೆ ಉಳಿಸಿಕೊಂಡಿದೆ. ಈ ಇಬ್ಬರಲ್ಲದೆ ಟ್ರಿಸ್ಟಾನ್ ಸ್ಟಬ್ಸ್ ಅವರನ್ನು 10 ಕೋಟಿ ರೂ.ಗೆ ಮತ್ತು ಅಭಿಷೇಕ್ ಪೊರೆಲ್ ಅವರನ್ನು 4 ಕೋಟಿ ರೂ.ಗೆ ಉಳಿಸಿಕೊಂಡಿದೆ. ಈ ಎಲ್ಲಾ ಆಟಗಾರರು ಕಳೆದ ಸೀಸನ್ನಲ್ಲಿ ಅದ್ಭುತ ಪ್ರದರ್ಶನ ನೀಡಿದ್ದರು. ಈ ಪಟ್ಟಿಯಲ್ಲಿರುವ ಏಕೈಕ ಅನ್‌ಕ್ಯಾಪ್ ಆಟಗಾರನಾಗಿ ಅಭಿಷೇಕ್ ಪೊರೆಲ್ ತಂಡದಲ್ಲಿ ಉಳಿದುಕೊಂಡಿದ್ದಾರೆ.
ಈ ಆಟಗಾರರು ತಂಡದಿಂದ ಔಟ್
ತಂಡದಲ್ಲಿ ನಾಲ್ಕು ಆಟಗಾರರು ಉಳಿದರೆ, ಉಳಿದಂತೆ ರಿಷಭ್ ಪಂತ್, ಪ್ರವೀಣ್ ದುಬೆ, ಡೇವಿಡ್ ವಾರ್ನರ್, ವಿಕ್ಕಿ ಓಸ್ಟ್ವಾಲ್, ಪೃಥ್ವಿ ಶಾ, ಎನ್ರಿಕ್ ನೋಕಿಯಾ, ಜೇಕ್ ಫ್ರೇಸರ್-ಮೆಕ್‌ಗುರ್ಕ್, ಲಲಿತ್ ಯಾದವ್, ಖಲೀಲ್ ಅಹ್ಮದ್, ಮಿಚೆಲ್ ಮಾರ್ಷ್, ಇಶಾಂತ್ ಶರ್ಮಾ, ಯಶ್ ಧುಲ್, ಮುಖೇಶ್ ಕುಮಾರ್, ರಿಕಿ ಭುಯಿ, ಕುಶಾಗ್ರಾ, ಜಾಯ್ ರಿಚರ್ಡ್ಸನ್, ಸುಮಿತ್ ಕುಮಾರ್, ಶಾಯ್ ಹೋಪ್, ಸ್ವಸ್ತಿಕ್ ಚಿಕಾರಾ ತಂಡದಿಂದ ಹೊರಬಿದ್ದಿದ್ದಾರೆ.
ಮತ್ತಷ್ಟು ಕ್ರೀಡಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
Published On - 5:47 pm, Thu, 31 October 24
