IPL 2021: ಗೈಲ್- ಚಹಾಲ್ ಶರ್ಟ್ಲೆಸ್ ಫೊಟೊ ಹಂಚಿಕೊಂಡು ಆರ್ಸಿಬಿಯನ್ನು ಟ್ರೋಲ್ ಮಾಡಿದ ಪಂಜಾಬ್ ಕಿಂಗ್ಸ್!
ಚಿತ್ರವು ಸಾಮಾಜಿಕ ಜಾಲತಾಣಗಳಲ್ಲಿಯೂ ವೈರಲ್ ಆಗಿತ್ತು. ಚಿತ್ರ ಬಳಸಿಕೊಂಡು ಪಂಜಾಬ್ ಕಿಂಗ್ಸ್ ಟ್ವಿಟರ್ ಹ್ಯಾಂಡಲ್ ತಾನು ಕೂಡ ಆರ್ಸಿಬಿ ಕಾಲೆಳೆದಿದೆ. ಈ ಚಿತ್ರ ಆರ್ಸಿಬಿ ಹಾಗೂ ಪಂಜಾಬ್ ಕಿಂಗ್ಸ್ ನಡುವಿನ ಪಂದ್ಯದ ಪರ್ಫೆಕ್ಟ್ ರೆಪ್ರೆಸೆಂಟೇಷನ್ ಎಂಬಂತೆ ಬರೆದುಕೊಂಡಿದೆ.
Updated on:Sep 05, 2021 | 10:41 PM
ಐಪಿಎಲ್ 2021 ಸರಣಿಯ 26ನೇ ಪಂದ್ಯದಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡವನ್ನು ಪಂಜಾಬ್ ಕಿಂಗ್ಸ್ 34 ರನ್ಗಳಿಂದ ಸೋಲಿಸಿತು. ಅಹಮದಾಬಾದ್ನ ನರೇಂದ್ರ ಮೋದಿ ಕ್ರಿಕೆಟ್ ಮೈದಾನದಲ್ಲಿ ನಡೆದ ಈ ಪಂದ್ಯದಲ್ಲಿ ಆರ್ಸಿಬಿ ಬ್ಯಾಟಿಂಗ್ ಹಾಗೂ ಬೌಲಿಂಗ್ ಎರಡೂ ವಿಭಾಗದಲ್ಲೂ ವೈಫಲ್ಯ ಅನುಭವಿಸಿತು. ಪಂದ್ಯದ ಬಳಿಕ ನಡೆದ ವಿಶೇಷ ಸನ್ನಿವೇಶ ಒಂದನ್ನು ಕೆ.ಎಲ್. ರಾಹುಲ್ ನಾಯಕತ್ವದ ಪಂಜಾಬ್ ಕಿಂಗ್ಸ್ ತಂಡ ವಿರಾಟ್ ಕೊಹ್ಲಿ ನೇತೃತ್ವದ ಆರ್ಸಿಬಿ ಬಗ್ಗೆ ಟ್ವಿಟ್ ಮಾಡುವ ಮೂಲಕ ಕಾಲೆಳೆದಿದೆ.
ಪಂಜಾಬ್ ಮೂಲದ ಫ್ರಾಂಚೈಸಿ, ತನ್ನ ಟ್ವಿಟರ್ ಹ್ಯಾಂಡಲ್ನಲ್ಲಿ ಕ್ರಿಸ್ ಗೈಲ್ ಮತ್ತು ಯಜ್ವೇಂದ್ರ ಚಹಾಲ್ರ ಚಿತ್ರ ಒಂದನ್ನು ಹಂಚಿಕೊಂಡಿದೆ. ಸಚಿನ್ ಬೇಬಿ ಗೈಲ್ ಹಾಗೂ ಚಹಾಲ್ರ ಫೊಟೊ ಕ್ಲಿಕ್ಕಿಸುವ ಚಿತ್ರ ಅದಾಗಿತ್ತು. ಚಹಾಲ್ ಹಾಗೂ ಗೈಲ್ ಇಬ್ಬರೂ ಕೂಡ ಶರ್ಟ್ಲೆಸ್ ಆಗಿ ಫೊಟೊಗೆ ಪೋಸ್ ಕೊಡುತ್ತಿದ್ದರು. ಶಕ್ತಿಪ್ರದರ್ಶನಕ್ಕೆ ನಿಂತಂತೆ ಇಬ್ಬರು ಆಟಗಾರರು ಫೊಟೊಗೆ ಮುಖಮಾಡಿದ್ದರು.
ಚಿತ್ರವು ಸಾಮಾಜಿಕ ಜಾಲತಾಣಗಳಲ್ಲಿಯೂ ವೈರಲ್ ಆಗಿತ್ತು. ಚಿತ್ರ ಬಳಸಿಕೊಂಡು ಪಂಜಾಬ್ ಕಿಂಗ್ಸ್ ಟ್ವಿಟರ್ ಹ್ಯಾಂಡಲ್ ತಾನು ಕೂಡ ಆರ್ಸಿಬಿ ಕಾಲೆಳೆದಿದೆ. ಈ ಚಿತ್ರ ಆರ್ಸಿಬಿ ಹಾಗೂ ಪಂಜಾಬ್ ಕಿಂಗ್ಸ್ ನಡುವಿನ ಪಂದ್ಯದ ಪರ್ಫೆಕ್ಟ್ ರೆಪ್ರೆಸೆಂಟೇಷನ್ ಎಂಬಂತೆ ಬರೆದುಕೊಂಡಿದೆ.
If we have to summarize #PBKSvRCB ⤵️#SaddaPunjab #PunjabKings #IPL2021 #PBKSvRCB pic.twitter.com/bplr9spBo9
— Punjab Kings (@PunjabKingsIPL) April 30, 2021
ರಾಯಲ್ ಚಾಲೆಂಜರ್ಸ್ ಬೆಂಗಳೂರು ವಿರುದ್ಧದ ಪಂದ್ಯದಲ್ಲಿ ಪಂಜಾಬ್ ಕಿಂಗ್ಸ್ ತಂಡ 34 ರನ್ಗಳ ಗೆಲುವು ದಾಖಲಿಸಿತ್ತು. ಪಂಜಾಬ್ ಕಿಂಗ್ಸ್ ಪರವಾಗಿ ಹರ್ಪ್ರೀತ್ ಬ್ರರ್ ಅದ್ಭುತ ಬೌಲಿಂಗ್ ದಾಳಿ ನಡೆಸಿದ್ದರು. 4 ಓವರ್ಗೆ ಕೇವಲ 19 ರನ್ ನೀಡಿ 3 ಮುಖ್ಯ ವಿಕೆಟ್ ಕಬಳಿಸಿದ್ದರು. ರವಿ ಬಿಶ್ನೊಯಿ 4 ಓವರ್ಗೆ 17 ರನ್ ದಾಖಲಿಸಿ 2 ವಿಕೆಟ್ ಪಡೆದಿದ್ಧರು. ಆರ್ಸಿಬಿ ಪರ ಯಾವೊಬ್ಬ ದಾಂಡಿಗನೂ ತಂಡ ಗೆಲ್ಲಿಸುವ ಪ್ರದರ್ಶನ ನೀಡಿರಲಿಲ್ಲ. ಕೊಹ್ಲಿ 35, ಪಾಟೀದಾರ್ 31 ರನ್ ಗಳಿಸಿದ್ದರ ಹೊರತಾಗಿ ಉಳಿದ ಬ್ಯಾಟ್ಸ್ಮನ್ಗಳು ಒಂದಂಕಿ ದಾಟಿರಲಿಲ್ಲ. ರಾಯಲ್ ಚಾಲೆಂಜರ್ಸ್ ಬ್ಯಾಟಿಂಗ್ ಹಾಗೂ ಬೌಲಿಂಗ್ ವಿಭಾಗ ಎರಡರಲ್ಲೂ ವೈಫಲ್ಯ ಅನುಭವಿಸಿ ಸೋಲೊಪ್ಪಿಕೊಂಡಿತ್ತು.
ಟಾಸ್ ಸೋತು ಮೊದಲು ಬ್ಯಾಟಿಂಗ್ ಮಾಡಿದ ಪಂಜಾಬ್ ಕಿಂಗ್ಸ್ ನಿಗದಿತ 20 ಓವರ್ಗಳ ಅಂತ್ಯಕ್ಕೆ 5 ವಿಕೆಟ್ ಕಳೆದುಕೊಂಡು 179 ರನ್ ದಾಖಲಿಸಿತ್ತು. ಈ ಮೂಲಕ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡಕ್ಕೆ 180 ರನ್ ಟಾರ್ಗೆಟ್ ನೀಡಿತ್ತು. ಪಂಜಾಬ್ ಪರ ನಾಯಕ ಕೆ.ಎಲ್. ರಾಹುಲ್ ಜವಾಬ್ದಾರಿಯುತ ಬ್ಯಾಟಿಂಗ್ ಪ್ರದರ್ಶಿಸಿದ್ದರು. ಅವರು 57 ಬಾಲ್ಗೆ 91 ರನ್ (7 ಬೌಂಡರಿ, 5 ಸಿಕ್ಸರ್) ಕಲೆಹಾಕಿದ್ದರು. ಮೊದಲ ವಿಕೆಟ್ ಬಳಿಕ ಕ್ರಿಸ್ ಗೈಲ್ 46 (24) ಅಬ್ಬರದ ಬ್ಯಾಟಿಂಗ್ ಪ್ರದರ್ಶಿಸಿದರೂ ಹೆಚ್ಚು ಹೊತ್ತು ಉಳಿಯಲಿಲ್ಲ. ಅಂತಿಮವಾಗಿ ಹರ್ಪ್ರೀತ್ ಬ್ರರ್ 25 (17) ರನ್ ಸೇರಿಸಿದ್ದರು. ಉಳಿದಂತೆ ಪಂಜಾಬ್ ಬ್ಯಾಟಿಂಗ್ ಲೈನ್ಅಪ್ ಕುಸಿತ ಕಂಡಿತ್ತು. ಪೂರನ್ ಹಾಗೂ ಶಾರುಖ್ ಖಾನ್ ಸೊನ್ನೆಗೆ ಔಟ್ ಆಗಿದ್ದರು.
ಇದನ್ನೂ ಓದಿ: IPL 2021: ಸೂರ್ಯಕುಮಾರ್ ಯಾದವ್ ಸಾಮಾಜಿಕ ಅಂತರ ಪಾಲಿಸಿ ಪತ್ನಿಗೆ ಕಿಸ್ ಕೊಟ್ಟ ಫೊಟೊ ವೈರಲ್
ಟಿ20 ಕ್ರಿಕೆಟ್ ಆಡಿದ ಮೊದಲ ಭಾರತೀಯ ಇವರು! ದಾಖಲೆಗಳು ಏನೇನು? ಇಲ್ಲಿದೆ ವಿವರ
(IPL 2021 RCB vs PBKS Punjab Kings troll with shirtless photo of Chris Gayle Yuzvendra Chahal goes viral)
Published On - 6:17 pm, Sat, 1 May 21
