Video: ನಂಗೆ 35 ವರ್ಷ, ಮದ್ವೆಯಾಗಲು ವರ ಬೇಕು; ಮದುವೆ ಪ್ರಸ್ತಾಪ ಮುಂದಿಟ್ಟ ಮಹಿಳೆ
ಇತ್ತೀಚೆಗಿನ ದಿನಗಳಲ್ಲಿ ಯುವಕ ಯುವತಿಯರು ವೈಯುಕ್ತಿಕ ಜೀವನದ ಬಗ್ಗೆ ಯೋಚನೆ ಮಾಡದೇ ಲೈಫ್ ಕೆರಿಯರ್ ಹಿಂದೆ ಬೀಳುತ್ತಿದ್ದಾರೆ. ಹೀಗಾಗಿ ವಯಸ್ಸು ಏರಿದ ಬಳಿಕ ಮದ್ವೆ ಬಗ್ಗೆ ಯೋಚನೆ ಮಾಡ್ತಾರೆ. ಇಲ್ಲೊಬ್ಬ ಮಹಿಳೆ ನಂಗೆ 35 ವರ್ಷ, ಮದ್ವೆಯಾಗಲು ಸೂಕ್ತ ವರ ಬೇಕೆಂದು ಹೇಳಿರುವ ವಿಡಿಯೋ ವೈರಲ್ ಆಗಿದೆ. ಈ ಕುರಿತಾದ ಸ್ಟೋರಿ ಇಲ್ಲಿದೆ.
Updated on:Sep 28, 2026 | 11:34 AM
ಬದುಕಿನ ಆಯ್ಕೆಗಳು ಬದಲಾಗಿವೆ. ಹೀಗಾಗಿ ಓದು ಮುಗಿಯುತ್ತಿದ್ದಂತೆ ಉದ್ಯೋಗ, ಕೆರಿಯರ್ ಬಗ್ಗೆ ಹೆಚ್ಚು ಆಲೋಚಿಸುತ್ತಾರೆ. ಮದುವೆ ಜೀವನದ (marriage life) ಬಗ್ಗೆ ಅಷ್ಟಾಗಿ ಆಸಕ್ತಿ ತೋರುವುದಿಲ್ಲ. ಹೀಗಾಗಿ ವಯಸ್ಸು ಏರಿದಾಗ ಸಂಗಾತಿ ಹುಡುಕಾಟದಲ್ಲಿ ತೊಡಗಿಕೊಳ್ತಾರೆ. ಇಲ್ಲೊಬ್ಬ ಮಹಿಳೆಯದ್ದು ಅದೇ ಕಥೆ. ಅಹಮದಾಬಾದ್ನ ಹಿಮಾನಿ ಎಂಬ ಮಹಿಳೆ ಸೂಕ್ತ ವರನ ಹುಡುಕಾಟದಲ್ಲಿದ್ದಾರೆ. ತನ್ನ ವಯಸ್ಸು ಹಾಗೂ ಜೀವನ ಸಂಗಾತಿಯ ಬಗ್ಗೆ ತನಗಿರುವ ನಿರೀಕ್ಷೆಗಳ ಕುರಿತು ಹೇಳಿರುವ ಮಹಿಳೆ ಈ ವಿಡಿಯೋ ಚರ್ಚೆಗೆ ಕಾರಣವಾಗಿದೆ.
ಮದುವೆ ಪ್ರಸ್ತಾಪ ಮುಂದಿಟ್ಟ ಮಹಿಳೆ
ಆಶೀಶ್ ವಿಮಲ್ ಬಾಜಪೇಯಿ (Ashish Vimal Bajpai) ಹೆಸರಿನ ಎಕ್ಸ್ ಖಾತೆಯಲ್ಲಿ ಹಂಚಿಕೊಳ್ಳಲಾಗಿದೆ. ಈ ಕ್ಲಿಪಿಂಗ್ ನಲ್ಲಿ ನನಗೆ ಈಗ 35 ವರ್ಷ. ಮದುವೆಯಾಗಲು ಸೂಕ್ತವಾದ ಹುಡುಗ ಬೇಕಾಗಿದ್ದಾನೆ. ನನ್ನ ಮನಸ್ಸಿಗೆ ಒಪ್ಪುವ ಹಾಗೂ ಆಸಕ್ತಿ ಇರುವವರು ನಿಮ್ಮ ಬಯೋಡೇಟಾವನ್ನು ನನಗೆ ನೇರವಾಗಿ ಡಿಎಂ ಮಾಡಿ ಎಂದಿದ್ದಾರೆ.
ಮದುವೆಯಾಗಲು ಸಂಪೂರ್ಣ ಸಿದ್ಧ
ಇಷ್ಟು ವರ್ಷಗಳ ಕಾಲ ನನ್ನ ವೃತ್ತಿಜೀವನದ ಬೆಳವಣಿಗೆ, ಆರ್ಥಿಕ ಸ್ವಾವಲಂಬನೆ ಹಾಗೂ ವೈಯಕ್ತಿಕ ಸ್ಥಿರತೆಗೆ ಬಗ್ಗೆ ಹೆಚ್ಚು ಗಮನ ಹರಿಸಿದೆ. ಹೀಗಾಗಿ ಮದುವೆಯ ನಿರ್ಧಾರ ತಡವಾಯ್ತು. ಈಗ ನಾನು ಮದುವೆಯಾಗಲು ಸಂಪೂರ್ಣ ಸಿದ್ಧಳಾಗಿದ್ದೇನೆ ಎಂದು ಹೇಳಿರುವುದನ್ನು ಕಾಣಬಹುದು.
ವೈರಲ್ ವಿಡಿಯೋ ಇಲ್ಲಿದೆ
अभी तो आपकी उम्र खेलने कूदने की है
— Ashish Vimal Bajpai (@AshishVimalB) September 27, 2026
ಇದನ್ನೂ ಓದಿ: ಪ್ರೀತಿಸಿದವಳ ಕೈ ಹಿಡಿಯಲು ಮಗನಿಗೆ ಷರತ್ತು ಹಾಕಿದ ಪೋಷಕರು; ಬೇಸರ ವ್ಯಕ್ತಪಡಿಸಿದ ಯುವಕ
ಸೆಪ್ಟೆಂಬರ್ 27 ರಂದು ಹಂಚಿಕೊಳ್ಳಲಾದ ಈ ವಿಡಿಯೋ ಮೂವತ್ತು ಸಾವಿರಕ್ಕೂ ಅಧಿಕ ವೀಕ್ಷಣೆಗಳನ್ನು ಪಡೆದುಕೊಂಡಿವೆ. ಒಬ್ಬ ಬಳಕೆದಾರ, 35 ವರ್ಷ ಹೆಚ್ಚೇನು ಅಲ್ಲ ಎನಿಸುತ್ತದೆ. ನಿಮ್ಗೆ ಸೂಕ್ತ ಸಂಗಾತಿ ಸಿಗುತ್ತಾರೆ, ಚಿಂತೆ ಬಿಡಿ ಎಂದು ಹೇಳಿದ್ದಾರೆ. ಮತ್ತೊಬ್ಬರು, ಮದುವೆ ಪ್ರಸ್ತಾಪವನ್ನು ಮಾಡಲು ಇದೊಂದು ಅಸಾಮಾನ್ಯ ವಿಧಾನ ಎಂದಿದ್ದಾರೆ. ಇನ್ನೊಬ್ಬರು, ಈ ರೀತಿ ವರ ಹುಡುಕಬಹುದು ಎಂದು ತಿಳಿದೇ ಇರಲಿಲ್ಲ ಎಂದು ಕಾಮೆಂಟ್ ಮಾಡಿದ್ದಾರೆ.
ಇನ್ನಷ್ಟು ವೈರಲ್ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
Published On - 11:28 am, Mon, 28 September 26
