Optical Illusion: ನಿಮ್ಮ ಕಣ್ಣಿಗೊಂದು ಸವಾಲ್; ಈ ಚಿತ್ರದಲ್ಲಿರುವ ಮೀನನ್ನು ಹುಡುಕಿ ಜಾಣರೆನಿಸಿಕೊಳ್ಳಿ

ಇಂಟರ್‌ನೆಟ್‌ನಲ್ಲಿ ಸಾಕಷ್ಟು ಆಪ್ಟಿಕಲ್‌ ಇಲ್ಯೂಷನ್‌ (Optical Illusion) ಫೋಟೋಗಳು ಹರಿದಾಡುತ್ತಿರುತ್ತವೆ. ಇಂತಹ ಫೋಟೋಗಳಲ್ಲಿ ಅಡಗಿರುವ ಒಗಟುಗಳನ್ನು ಬಿಡಿಸುವುದು ಸವಾಲಿನ ಕೆಲಸವೇ ಸರಿ. ಈ ಒಗಟಿನ ಚಿತ್ರಗಳು ನೋಡಲು ಸುಲಭವಾಗಿ ಕಂಡರೂ ಒಗಟು ಬಿಡಿಸುವುದು ಅಷ್ಟು ಸುಲಭವಲ್ಲ. ನೀವು ಬುದ್ಧಿ ಖರ್ಚು ಮಾಡಬೇಕಾಗುತ್ತದೆ. ನೀವೇನಾದ್ರೂ ವೀಕ್ಷಣಾ ಕೌಶಲ್ಯವನ್ನು ಪರೀಕ್ಷೆಗೆ ಒಳಪಡಿಸಲು ಬಯಸಿದ್ರೆ ಈ ಒಗಟನ್ನು ಪ್ರಯತ್ನಿಸಿ. ಈ ಚಿತ್ರದಲ್ಲಿ ನಿಮ್ಮ ಕಣ್ಣಿಗೆ ಕಾಣದಂತೆ ಮೀನನ್ನು (fish) ಮರೆ ಮಾಡಲಾಗಿದೆ. ಈ ಮೀನನ್ನು ಹುಡುಕಲು ನಿಮಗೆ ಕೇವಲ ಒಂಬತ್ತು ಸೆಕೆಂಡುಗಳಿವೆ. ಒಗಟು ಬಿಡಿಸಲು ನಿಮ್ಮಿಂದ ಸಾಧ್ಯವೇ ಎಂದು ಪ್ರಯತ್ನಿಸಿ ನೋಡಿ.

ಈ ಚಿತ್ರದಲ್ಲಿ ಏನಿದೆ ಎಂದು ನೋಡಿ

ಆಪ್ಟಿಕಲ್‌ ಇಲ್ಯೂಷನ್‌ ಚಿತ್ರವನ್ನು ಗಮನಿಸಿದಾಗ ಮೊದಲ ನೋಟದಲ್ಲಿ, ಚಿತ್ರವು ಸಾಕಷ್ಟು ಮುಗ್ಧವಾಗಿ ಕಾಣುತ್ತದೆ. ಒಂದು ಬೆಕ್ಕು ಶಾಂತವಾಗಿ ಕುಳಿತಿದೆ. ಕೋಣೆಯ ಸುತ್ತಲೂ ಗೊಂದಲಮಯ ಚಿತ್ರಣವನ್ನು ಹೊಂದಿದ್ದಂತೆ ಕಾಣುತ್ತದೆ. ಈ ಬೆಕ್ಕಿನ ಹಿಂಭಾಗದಲ್ಲಿ ನಾಯಿಯೊಂದು ಕುತೂಹಲದಿಂದ ಪೆಟ್ಟಿಗೆಯಿಂದ ಇಣುಕುತ್ತಿದೆ. ಬೆಕ್ಕಿನ ಮುಖಭಾವವು ನಿಮ್ಮನ್ನು ಗೊಂದಲಕ್ಕೀಡು ಮಾಡುತ್ತದೆ. ಆದರೆ ಇಲ್ಲಿ ಸವಾಲೊಂದು ಇದೆ. ನಿಮ್ಮ ಗುರಿ ಬೆಕ್ಕು ಅಥವಾ ನಾಯಿಯ ಮೇಲೆ ಕೇಂದ್ರೀಕರಿಸುವುದು ಅಲ್ಲ. ಈ ಚಿತ್ರದಲ್ಲಿ ಮೀನನ್ನು ಜಾಣತನದಿಂದ ಮರೆಮಾಡಲಾಗಿದೆ. ಮೀನನ್ನು ನಿರ್ದಿಷ್ಟ ಸಮಯದೊಳಗೆ ಹುಡುಕಬೇಕು. ನಿಮಗಿರುವ ಸಮಯಾವಕಾಶ ಒಂಬತ್ತು ಸೆಕೆಂಡುಗಳು ಮಾತ್ರ.

ಇದನ್ನೂ ಓದಿ: ಈ ಚಿತ್ರದಲ್ಲಿ ಕಲ್ಲುಗಳ ನಡುವೆ ಅಡಗಿದೆ ಕಪ್ಪೆ, ನೀವು ಈ ಉಭಯವಾಸಿ ಜೀವಿಯನ್ನು ಹುಡುಕಬಲ್ಲಿರಾ

ಮೀನು ನಿಮ್ಮ ಕಣ್ಣಿಗೆ ಕಾಣಿಸಿತೇ?

ಎಷ್ಟೆ ತಲೆಕೆಡಿಸಿಕೊಂಡರೂ, ಕಣ್ಣು ಅಗಲಿಸಿ ನೋಡಿದರೂ ಈ ಚಿತ್ರದಲ್ಲಿ ಮರೆಮಾಡಲಾಗಿರುವ ಬೆಕ್ಕನ್ನು ಗುರುತಿಸಲು ಸಾಧ್ಯವಾಗಿಲ್ಲವೇ. ಇದು ನಿಮಗೆ ಮಾತ್ರವಲ್ಲ, ಅತ್ಯುತ್ತಮ ವೀಕ್ಷಣಾ ಕೌಶಲ್ಯ ಹೊಂದಿದ್ದವರಿಗೂ ಇಂತಹ ಒಗಟಿನ ಚಿತ್ರಗಳನ್ನು ಬಿಡಿಸವುದು ಕಷ್ಟವಾಗುತ್ತದೆ. ಮೀನು ಎಲ್ಲಿದೆ ಎನ್ನುವ ಸುಳಿವನ್ನು ನಾವೇ ನಿಮಗೆ ನೀಡುತ್ತೇವೆ. ಈ ಚಿತ್ರದಲ್ಲಿರುವ ಮೀನು ನಿಜವಲ್ಲ,. ಹೂದಾನಿಯ ಮೇಲೆ ಮೀನನ್ನು ಚಿತ್ರಿಸಲಾಗಿದೆ. ಈ ಮೀನಿನ ವಿನ್ಯಾಸವು ಅಲಂಕಾರದೊಂದಿಗೆ ಎಷ್ಟು ಸರಾಗವಾಗಿ ಬೆರೆತುಹೋಗಿದೆ ಎಂದರೆ ನಿಮ್ಮ ಕಣ್ಣನ್ನು ಒಂದು ಕ್ಷಣ ಮೋಸಗೊಳಿಸುತ್ತದೆ. ಒಂಬತ್ತು ಸೆಕೆಂಡುಗಳಿಗಿಂತ ಕಡಿಮೆ ಅವಧಿಯಲ್ಲಿ ನೀವು ಮೀನನ್ನು ಹುಡುಕುವಲ್ಲಿ ಯಶಸ್ವಿಯಾದರೆ, ಅಭಿನಂದನೆಗಳು. ಮೀನು ಎಲ್ಲಿದೆ ಎಂದು ಈ ಕೆಳಗಿನ ಚಿತ್ರದಲ್ಲಿ ಕೆಂಪು ಬಣ್ಣದಲ್ಲಿ ಗುರುತಿಸಿದ್ದೇವೆ.

ಇನ್ನಷ್ಟು ವೈರಲ್ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ