Viral Video : ತಿನ್ನೋದಕ್ಕೆ ಏನಾದರೂ ಕೊಟ್ರೆ ಮಾತ್ರ ಇವರು ನಿಮಗೆ ಡ್ರಾಪ್ ಕೊಡ್ತಾರೆ
Parrot : ಎಲ್ರಿ ಹೋಗಬೇಕು? ಬನ್ನಿ ಡ್ರಾಪ್ ಕೊಡ್ತೀನಿ. ಆದರೆ ಮೊದಲು ನನಗೆ ತಿನ್ನೋದಕ್ಕೆ ಏನಾದರೂ ಕೊಡಿ. ಆಮೇಲೆ ಉಳಿದದ್ದು ಅಂತಿದೆ ಈ ಗಿಳಿ. ಇನ್ಸ್ಟಾಗ್ರಾಂನ ಈ ಗಿಳಿಯ ಪುಟಕ್ಕೆ 74,000 ಫಾಲೋವರ್ಸ್ ಇದ್ದಾರೆ.
Updated on:Sep 05, 2022 | 3:51 PM
Viral Video : ಇನ್ಸ್ಟಾಗ್ರಾಮ್ನಲ್ಲಿ ತಮ್ಮ ಸಾಕುಪ್ರಾಣಿ ಪಕ್ಷಿಗಳಿಗೆಂದೇ ಪುಟಗಳನ್ನು ತೆರೆದವರ ಸಂಖ್ಯೆ ಮಿಲಿಯಗಟ್ಟಲೆ ಇದೆ. ಸಾಕುಪ್ರಾಣಿ ಪಕ್ಷಿಗಳಿಗೆ ಕೌಶಲಯುತವಾದ ಅಥವಾ ಸಹಜವಾದ ಚಟುವಟಿಕೆಗಳನ್ನು ವಿಡಿಯೋ ಮಾಡಿ ಅಪ್ಲೋಡ್ ಮಾಡುವುದು ಪ್ರಾಣಿಪ್ರಿಯರ ದೊಡ್ಡ ಹವ್ಯಾಸವಾಗಿ ರೂಪುಗೊಂಡಿದೆ. ಈ ರೀಲ್ಗಳಿಂದ ಆನ್ಲೈನ್ನಲ್ಲಿ ಹಣ ಗಳಿಕೆಯನ್ನೂ ಮಾಡಬಹುದು ಎನ್ನುವುದು ಗೊತ್ತಾದ ಬಳಿಕವಂತೂ ಅನೇಕರು ಇಂಥ ಚಟುವಟಿಕೆಗಳಲ್ಲಿ ಹೆಚ್ಚು ತೊಡಗಿಕೊಳ್ಳಲು ಪ್ರಾರಂಭಿಸಿದ್ದಾರೆ. ಈ ಗಿಳಿ ಪುಟ್ಟ ಬೈಸಿಕಲ್ ಓಡಿಸಿದ ವಿಡಿಯೋ ಇನ್ಸ್ಟಾಗ್ರಾಂನಲ್ಲಿ ಪೋಸ್ಟ್ ಆಗುತ್ತಿದ್ದಂತೆ ವೈರಲ್ ಆಗಿದೆ. Mauiconure ಎಂಬ ಇನ್ಸ್ಟಾಗ್ರಾಂ ಖಾತೆದಾರರು ಆಗಾಗ ಈ ಗಿಳಿಯ ಪುಟಾಣಿ ಜಗತ್ತಿನ ವಿಡಿಯೋಗಳನ್ನು ಹಂಚಿಕೊಳ್ಳುತ್ತಿರುತ್ತಾರೆ. ಈ ವಿಡಿಯೋ ನೋಡಿದ ನೆಟ್ಟಿಗರು, ಎಂಥ ಪ್ರತಿಭಾವಂತ ಗಿಳಿ ಇದು, ಎಷ್ಟು ಚೆನ್ನಾಗಿ ಸೈಕಲ್ ಓಡಿಸಿದೆ ಎಂದು ಅಚ್ಚರಿ ವ್ಯಕ್ತಪಡಿಸಿದ್ದಾರೆ. ಪುಟ್ಟ ಪಾದಗಳಿಂದ ಅದು ಪೆಡಲ್ ಮಾಡುವುದಂತೂ ಅದ್ಭುತ. ನೋಡಿ ಮೋಯಿ ಎಂಬ ಗಿಳಿಯ ಈ ವಿಡಿಯೋ.
View this post on Instagram
ಈ ಇನ್ಸ್ಟಾಗ್ರಾಂ ಪುಟಕ್ಕೆ ಈಗಾಗಲೇ 74,000 ಫಾಲೋವರ್ಸ್ಗಳಿದ್ದಾರೆ. ‘ಇವನಿಗೆ ಬೀಜಗಳನ್ನು ತಿನ್ನುವುದೆಂದರೆ ಬಹಳ ಪ್ರೀತಿ. ಅದಕ್ಕೆ ಯಾವಾಗಲೂ ಹುಡುಕುತ್ತಿರುತ್ತಾನೆ. ಅದನ್ನು ಅವನಿಂದ ಮರೆಮಾಚಿಡಲೇಬೇಕು’ ಎಂಬ ಒಕ್ಕಣೆಯೊಂದಿಗೆ ಈ ವಿಡಿಯೋ ಶುರುವಾಗುತ್ತದೆ. ಆಗಸ್ಟ್ 22 ರಂದು ಈ ವಿಡಿಯೋ ಪೋಸ್ಟ್ ಮಾಡಲಾಗಿದೆ. ಇದು ಸುಮಾರು 43,000 ಲೈಕ್ಸ್ ಪಡೆದಿದೆ.
ನೆಟ್ಟಿಗರು ಈ ಗಿಳಿಗೆ ಮನಸೋತು ಸಾಕಷ್ಟು ಪ್ರತಿಕ್ರಿಯೆ ವ್ಯಕ್ತಪಡಿಸಿದ್ದಾರೆ. ನಮ್ಮ ಮನೆಗೆ ಬರುತ್ತೀಯಾ ಎಂದೊಬ್ಬರು ಕೇಳಿದ್ದಾರೆ. ಪೆಡಲಿಂಗ್ನಲ್ಲಿ ಎಷ್ಟು ಹಿಡಿತವಿದೆ ಇವನಿಗೆ ಎಂದು ಮತ್ತೊಬ್ಬರು ಅಚ್ಚರಿ ವ್ಯಕ್ತಪಡಿಸಿದ್ದಾರೆ.
ತರಬೇತಿ ಕೊಟ್ಟರೆ ಯಾರೂ ಯಾವುದನ್ನೂ ಕಲಿಯಬಹುದು ಅನ್ನೋದಕ್ಕೆ ಈ ಗಿಳಿಯೇ ಸಾಕ್ಷಿ. ಅನೇಕ ಕೌಶಲಗಳನ್ನು ಇದು ರೂಢಿಸಿಕೊಂಡು ಪ್ರದರ್ಶಿಸಿಕೊಂಡ ಅನೇಕ ವಿಡಿಯೋಗಳು ಇನ್ಸ್ಟಾಗ್ರಾಂನಲ್ಲಿ ಲಭ್ಯವಿವೆ.
ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ
Published On - 3:38 pm, Mon, 5 September 22
