Viral Video: ನನ್ನ ಭಾವೀ ಸೊಸೆಯೇ ಇದೋ ನಿನಗೆ ಸ್ವಾಗತ!
Toddler Video : ಈ ಮಗುವಿಗೆ ಇನ್ನೂ ಒಂದೂವರೆ ವರ್ಷ ತುಂಬಿಲ್ಲ. 17.7 ಮಿಲಿಯನ್ ನೆಟ್ಟಿಗರು ಇದರ ದೋಸೆ ಬಡಿಸುವಿಕೆಗೆ ಫಿದಾ!
Updated on: Aug 29, 2022 | 3:37 PM
Viral Video : ದೊಡ್ಡವರಿಗೆ ಹೊರೆಯಾಗುವ ಎಲ್ಲ ಕೆಲಸಗಳೂ ಮಕ್ಕಳಿಗೆ ಆಟವೇ. ಅದರಲ್ಲೂ ಅಡುಗೆಮನೆಯೆಂದರೆ ಮಕ್ಕಳಿಗೆ ಜಗತ್ತಿನ ಅದ್ಭುತ ಆಟದ ಮೈದಾನ. ಇಲ್ಲಿ ಗಂಡುಮಗುವೊಂದು ತನ್ನ ಪೋಷಕರಿಗೆ ದೋಸೆ ಬಡಿಸುತ್ತಿರುವ ವಿಡಿಯೋ ವೈರಲ್ ಆಗಿದೆ. ನನ್ನ ಭಾವೀ ಸೊಸೆಯೇ ನಿನಗೆ ಸ್ವಾಗತ ಎಂಬ ಹಿನ್ನೆಲೆ ಧ್ವನಿಯೊಂದಿಗೆ ಈ ವಿಡಿಯೋ ತೆರೆದುಕೊಳ್ಳುತ್ತದೆ. ಜೋಶಿಕ್ ಎಂಬ ಪುಟ್ಟ ಮಗುವಿಗೆ ಮೀಸಲಾಗಿರುವ ಇನ್‌ಸ್ಟಾಗ್ರಾಮ್ ಪುಟದಲ್ಲಿ ಈ ವಿಡಿಯೋ ಪೋಸ್ಟ್ ಮಾಡಲಾಗಿದೆ. ಈ ಮಗು ಜನಿಸಿದ್ದು 2021ರ ಮೇನಲ್ಲಿ. ಅಡುಗೆಮನೆಯಿಂದ ಚಮಚದ ಮೇಲೆ ಆ ದೋಸೆಯನ್ನು ಬ್ಯಾಲೆನ್ಸ್ ಮಾಡಿಕೊಂಡು ಬರುವ ರೀತಿ ಯಾರಿಗೂ ಮುದ್ದು ತರಿಸುತ್ತದೆ.
ಈ ವಿಡಿಯೋ ಪೋಸ್ಟ್ ಆಗಿದ್ದು ಆಗಸ್ಟ್ 18 ರಂದು. 17.7 ಮಿಲಿಯನ್‌ಗಿಂತಲೂ ಹೆಚ್ಚು ವೀಕ್ಷಣೆ ಪಡೆದಿದೆ. 1.2 ಮಿಲಿಯನ್‌ಗಿಂತಲೂ ಹೆಚ್ಚು ಲೈಕ್ಸ್ ಈ ವಿಡಿಯೋಗೆ ದೊರಕಿವೆ. ಸಾವಿರಾರು ನೆಟ್ಟಿಗರು ಅಚ್ಚರಿಯಿಂದ ಕಮೆಂಟ್ ಹಾಕಿದ್ದಾರೆ. ಎಂಥ ಡೆಡಿಕೇಟೆಡ್ ಈ ಮಗು ಎಂದು ಒಬ್ಬರು ಪ್ರತಿಕ್ರಿಯಿಸಿದ್ದಾರೆ.
ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ
