Vivo V80 lite 5G: 10,000mAh ಬ್ಯಾಟರಿ, 50MP ಕ್ಯಾಮೆರಾ: ಬಹುನಿರೀಕ್ಷಿತ ವಿವೋ V80 Lite 5G ಫೋನ್ ಬಿಡುಗಡೆ
ವಿವೋ V80 Lite 5G ಸ್ಮಾರ್ಟ್ಫೋನ್ ಆಯ್ದ ಜಾಗತಿಕ ಮಾರುಕಟ್ಟೆಗಳಲ್ಲಿ ಬಿಡುಗಡೆಯಾಗಿದೆ. 10,000mAh ಸಾಮರ್ಥ್ಯದ ದೊಡ್ಡ ಬ್ಯಾಟರಿ, 44W ಫಾಸ್ಟ್ ಚಾರ್ಜಿಂಗ್, 50MP ಮುಖ್ಯ ಕ್ಯಾಮೆರಾ, 120Hz AMOLED ಡಿಸ್‌ಪ್ಲೇ ಮತ್ತು MediaTek Dimensity 7300e ಪ್ರೊಸೆಸರ್ ಇದರ ಪ್ರಮುಖ ವೈಶಿಷ್ಟ್ಯಗಳಾಗಿವೆ. ಫೋನ್‌ನ ಬೆಲೆ ಮತ್ತು ಲಭ್ಯತೆಯ ವಿವರಗಳನ್ನು ಕಂಪನಿ ಇನ್ನೂ ಪ್ರಕಟಿಸಿಲ್ಲ.
Updated on: Sep 03, 2026 | 5:07 PM
ಮುಖ್ಯಾಂಶಗಳು
- 10,000mAh ಬ್ಯಾಟರಿಯ Vivo V80 Lite 5G ಬಿಡುಗಡೆ; ಫೀಚರ್ಸ್‌ ಏನು?
- 50MP ಕ್ಯಾಮೆರಾ, 120Hz AMOLED ಡಿಸ್‌ಪ್ಲೇಯ ಫೋನ್
- 10,000mAh ಬ್ಯಾಟರಿ, 44W ಚಾರ್ಜಿಂಗ್ ಹೊಂದಿರುವ ಈ ಫೋನ್ ಬೆಲೆ ಎಷ್ಟು?
ವಿವೋ V80 ಲೈಟ್ 5G ಸ್ಮಾರ್ಟ್ಫೋನ್ ಅನ್ನು ಆಯ್ದ ಜಾಗತಿಕ ಮಾರುಕಟ್ಟೆಗಳಲ್ಲಿ ಗುರುವಾರ ಬಿಡುಗಡೆ ಮಾಡಲಾಗಿದೆ. ಇದು ವಿವೋ (Vivo) V80 ಸರಣಿಯ ಮೊದಲ ಸ್ಮಾರ್ಟ್ಫೋನ್ ಆಗಿದೆ. ಇದಕ್ಕೂ ಮುನ್ನ ಇದೇ ಹೆಸರಿನ ಫೋನ್ ಅನ್ನು ಪಾಕಿಸ್ತಾನದಲ್ಲಿ ಬಿಡುಗಡೆ ಮಾಡಲಾಗಿತ್ತು. ಆದರೆ ಜಾಗತಿಕ ಮಾರುಕಟ್ಟೆಗೆ ಬಿಡುಗಡೆಯಾಗಿರುವ ಮಾದರಿಯಲ್ಲಿ ವಿನ್ಯಾಸ ಮತ್ತು ವೈಶಿಷ್ಟ್ಯಗಳಲ್ಲಿ ಸಾಕಷ್ಟು ಬದಲಾವಣೆಗಳಿವೆ.
ವಿವೋ V80 Lite 5G ಬೆಲೆ, ಲಭ್ಯತೆ
ವಿವೋ V80 Lite 5G ಫೋನ್‌ನ ಬೆಲೆ ಮತ್ತು ನಿಖರ ಮಾರಾಟ ದಿನಾಂಕವನ್ನು ಕಂಪನಿ ಇನ್ನೂ ಬಹಿರಂಗಪಡಿಸಿಲ್ಲ. ಈ ಸ್ಮಾರ್ಟ್ಫೋನ್ 6GB RAM + 128GB ಸ್ಟೋರೇಜ್, 6GB RAM + 256GB ಸ್ಟೋರೇಜ್ ಮತ್ತು 8GB RAM + 256GB ಸ್ಟೋರೇಜ್ ಎಂಬ ಮೂರು ಆಯ್ಕೆಗಳಲ್ಲಿ ಬಿಡುಗಡೆಯಾಗಿದೆ.
ವಿವೋ V80 Lite 5G ಡ್ಯುಯಲ್ ಸಿಮ್ ಸ್ಮಾರ್ಟ್ಫೋನ್ ಆಗಿದ್ದು, ಆಂಡ್ರಾಯ್ಡ್ 16 ಆಧಾರಿತ OriginOS 6 ಆಪರೇಟಿಂಗ್ ಸಿಸ್ಟಂನಲ್ಲಿ ಕಾರ್ಯನಿರ್ವಹಿಸುತ್ತದೆ. ಫೋನ್‌ನಲ್ಲಿ 6.83 ಇಂಚಿನ 1.5K AMOLED ಡಿಸ್‌ಪ್ಲೇ ನೀಡಲಾಗಿದೆ. ಡಿಸ್‌ಪ್ಲೇ 449 ಪಿಕ್ಸೆಲ್ ಪ್ರತಿ ಇಂಚಿನ ಸಾಂದ್ರತೆ ಹೊಂದಿದ್ದು, Q10+ ಲ್ಯೂಮಿನೆಸೆಂಟ್ ಮೆಟೀರಿಯಲ್ ಬಳಸಲಾಗಿದೆ.
6nm ತಂತ್ರಜ್ಞಾನ ಆಧಾರಿತ ಆಕ್ಟಾ-ಕೋರ್ MediaTek Dimensity 7300e ಪ್ರೊಸೆಸರ್ ಬಳಸಲಾಗಿದೆ. ಇದರಲ್ಲಿ 2.0GHz ವೇಗದಲ್ಲಿ ಕಾರ್ಯನಿರ್ವಹಿಸುವ ನಾಲ್ಕು ಎಫಿಷಿಯನ್ಸಿ ಕೋರ್‌ಗಳು ಮತ್ತು ಗರಿಷ್ಠ 2.5GHz ವೇಗ ಹೊಂದಿರುವ ನಾಲ್ಕು ಪರ್ಫಾರ್ಮೆನ್ಸ್ ಕೋರ್‌ಗಳಿವೆ. ಫೋನ್‌ನಲ್ಲಿ ಗರಿಷ್ಠ 8GB LPDDR4x RAM ಮತ್ತು 256GB UFS 3.1 ಆಂತರಿಕ ಸ್ಟೋರೇಜ್ ನೀಡಲಾಗಿದೆ. ಭದ್ರತೆಗಾಗಿ ಡಿಸ್‌ಪ್ಲೇ ಒಳಗೆ ಫಿಂಗರ್‌ಪ್ರಿಂಟ್ ಸೆನ್ಸರ್ ಅಳವಡಿಸಲಾಗಿದೆ.
Philips S7221 5G: ಭಾರತದಲ್ಲಿ ತನ್ನ ಮೊದಲ 5G ಸ್ಮಾರ್ಟ್ಫೋನ್ ಬಿಡುಗಡೆ ಮಾಡಿದ ಪಿಲಿಪ್ಸ್: ಹೇಗಿದೆ ನೋಡಿ
ಕ್ಯಾಮೆರಾ ವಿಭಾಗದಲ್ಲಿ ವಿವೋ V80 Lite 5Gಯ ಹಿಂಭಾಗದಲ್ಲಿ ಎರಡು ಕ್ಯಾಮೆರಾಗಳ ವ್ಯವಸ್ಥೆ ಇದೆ. ಇದರಲ್ಲಿ f/1.8 ಅಪರ್ಚರ್ ಹೊಂದಿರುವ 50 ಮೆಗಾಪಿಕ್ಸೆಲ್ ಮುಖ್ಯ ಕ್ಯಾಮೆರಾ ನೀಡಲಾಗಿದೆ. ಇದರೊಂದಿಗೆ f/2.4 ಅಪರ್ಚರ್ ಹೊಂದಿರುವ 2 ಮೆಗಾಪಿಕ್ಸೆಲ್ ಮ್ಯಾಕ್ರೋ ಕ್ಯಾಮೆರಾ ಇದೆ.
ಸೆಲ್ಫಿ ಮತ್ತು ವಿಡಿಯೋ ಕರೆಗಳಿಗಾಗಿ ಮುಂಭಾಗದಲ್ಲಿ f/2.0 ಅಪರ್ಚರ್ ಹೊಂದಿರುವ 32 ಮೆಗಾಪಿಕ್ಸೆಲ್ ಕ್ಯಾಮೆರಾ ನೀಡಲಾಗಿದೆ. ಟಾಪ್ ಮಾದರಿಯಲ್ಲಿ Dual View ವಿಡಿಯೋ ಮೋಡ್ ಕೂಡ ಲಭ್ಯವಿದೆ. ಇದರ ಮೂಲಕ ಮುಂಭಾಗ ಮತ್ತು ಹಿಂಭಾಗದ ಕ್ಯಾಮೆರಾಗಳನ್ನು ಬಳಸಿಕೊಂಡು ಒಂದೇ ಸಮಯದಲ್ಲಿ ವಿಡಿಯೋ ರೆಕಾರ್ಡ್ ಮಾಡಬಹುದು.
ವಿವೋ V80 Lite 5Gಯ ದೊಡ್ಡ ಆಕರ್ಷಣೆ 10,000mAh ಸಾಮರ್ಥ್ಯದ ಬ್ಯಾಟರಿ. ಇದು 44W ವೈರ್ಡ್ ಫಾಸ್ಟ್ ಚಾರ್ಜಿಂಗ್ ಬೆಂಬಲಿಸುತ್ತದೆ. ದೊಡ್ಡ ಸಾಮರ್ಥ್ಯದ ಬ್ಯಾಟರಿ ಇರುವುದರಿಂದ ಸಾಮಾನ್ಯ ಬಳಕೆಯಲ್ಲಿ ದೀರ್ಘ ಬ್ಯಾಟರಿ ಬ್ಯಾಕಪ್ ನೀಡುತ್ತದೆ. ಸಂಪರ್ಕದ ವಿಚಾರದಲ್ಲಿ 5G, 4G LTE, ಡ್ಯುಯಲ್-ಬ್ಯಾಂಡ್ Wi-Fi, Bluetooth 5.4 ಮತ್ತು USB Type-C ಪೋರ್ಟ್‌ಗಳನ್ನು ಹೊಂದಿದೆ.
ಇನ್ನಷ್ಟು ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
