Ajay Devgn: ಪ್ರೀತಿಯಿಂದ ಕೈ ಮುಟ್ಟಲು ಬಂದ ಅಭಿಮಾನಿ; ಸಿಟ್ಟಾದ ಅಜಯ್​ ದೇವಗನ್​ ಮಾಡಿದ್ದೇನು?

ನಟ ಅಜಯ್​ ದೇವಗನ್​ (Ajay Devgn) ಅವರಿಗೆ ದೊಡ್ಡ ಅಭಿಮಾನಿ ಬಳಗ ಇದೆ. ಅವರ ಸಿನಿಮಾಗಳನ್ನು ಎಂಜಾಯ್​ ಮಾಡುವ ಅಪಾರ ಸಂಖ್ಯೆಯ ಜನರಿದ್ದಾರೆ. ಒಮ್ಮೆಯಾದರೂ ಅವರನ್ನು ನೇರವಾಗಿ ನೋಡಬೇಕು ಎಂಬುದು ಅಭಿಮಾನಿಗಳ ಆಸೆ. ಅದನ್ನು ಈಡೇರಿಸಿಕೊಳ್ಳಲು ಭಾನುವಾರ (ಏಪ್ರಿಲ್​ 2) ಅವಕಾಶ ಸಿಕ್ಕಿತ್ತು. ಏ.2ರಂದು ಅಜಯ್​ ದೇವಗನ್​ ಜನ್ಮದಿನ (Ajay Devgn Birthday). ಆ ಪ್ರಯುಕ್ತ ಅವರು ಮುಂಬೈನ ತಮ್ಮ ನಿವಾಸದ ಎದುರು ಅಭಿಮಾನಿಗಳನ್ನು ಭೇಟಿ ಮಾಡಿದರು. ಆದರೆ ಈ ವೇಳೆ ವ್ಯಕ್ತಿಯೊಬ್ಬರು ನಡೆದುಕೊಂಡ ರೀತಿ ಅಜಯ್​ ದೇವಗನ್​ಗೆ ಸರಿ ಎನಿಸಲಿಲ್ಲ. ಆ ಸಂದರ್ಭದ ವಿಡಿಯೋ ವೈರಲ್​ (Ajay Devgn Viral Video) ಆಗಿದೆ. ಅದನ್ನು ನೋಡಿ ಅಭಿಮಾನಿಗಳ ಬಗೆಬಗೆಯಲ್ಲಿ ಕಮೆಂಟ್ ಮಾಡುತ್ತಿದ್ದಾರೆ.

ಅಜಯ್​ ದೇವಗನ್​ ಮನೆ ಎದುರು ಭಾರಿ ಸಂಖ್ಯೆಯಲ್ಲಿ ಅಭಿಮಾನಿಗಳು ಜಮಾಯಿಸಿದ್ದರು. ಎಲ್ಲರೂ ಮುಗಿಬಿದ್ದು ಅವರಿಗೆ ಜನ್ಮದಿನದ ಶುಭಾಶಯ ಕೋರಲು ಪ್ರಯತ್ನಿಸಿದರು. ಅಭಿಮಾನಿಗಳ ಗುಂಪಿನಲ್ಲಿ ಇದ್ದ ವ್ಯಕ್ತಿಯೊಬ್ಬ ಸೆಲ್ಫಿ ತೆಗೆದುಕೊಳ್ಳುವಾಗ ಅಜಯ್​ ದೇವಗನ್​ ಅವರ ಕೈ ಹಿಡಿದುಕೊಂಡ. ಅದು ಅಜಯ್​ ದೇವಗನ್​ಗೆ ಸರಿ ಎನಿಸಲಿಲ್ಲ. ಕೂಡಲೇ ಅವರು ತಮ್ಮ ಕೈಯನ್ನು ರಭಸವಾಗಿ ಬಿಡಿಸಿಕೊಂಡರು.

ಇದನ್ನೂ ಓದಿ

ಬಾಲಿವುಡ್​ನವರೂ ಕೆಟ್ಟ ಸಿನಿಮಾ ಮಾಡ್ತಾರೆ, ನಾವ್ಯಾಕೆ ಅವರಿಗೆ ರೇಂಜ್​ ಕೊಡಬೇಕು? ಸುದೀಪ್ ನೇರ ಪ್ರಶ್ನೆ

ಬಾಲಿವುಡ್​ಗಿತ್ತು ಅಂಡರ್​​ವರ್ಲ್ಡ್​​ ಸಂಪರ್ಕ; ಕರಾಳ ಸತ್ಯ ಬಿಚ್ಚಿಟ್ಟ ಖ್ಯಾತ ನಟಿ

ಬಾಲಿವುಡ್​ vs ಸೌತ್ ಎಂದರೆ ನನಗೆ ಸಿಟ್ಟೇ ಬರುತ್ತದೆ; ಅಕ್ಷಯ್ ಕುಮಾರ್ ನೇರ ನುಡಿ

ಸೌತ್​ ಚಿತ್ರಗಳ ಎದುರು ಬಾಲಿವುಡ್​ ಎಡವಿದ್ದು ಎಲ್ಲಿ? ಉತ್ತರ ಹುಡುಕಿದ ‘ಕೆಜಿಎಫ್​ 2’ ಅಧೀರ ಸಂಜಯ್​ ದತ್​

ಇದನ್ನೂ ಓದಿ: ರಿಮೇಕ್ ಮಾಡಿ ಕೈ ಸುಟ್ಟುಕೊಂಡ ಅಜಯ್ ದೇವಗನ್; ಹೀನಾಯ ಪರಿಸ್ಥಿತಿಯಲ್ಲಿ ‘ಭೋಲಾ’ ಸಿನಿಮಾ ಕಲೆಕ್ಷನ್

ಸೋಶಿಯಲ್​ ಮೀಡಿಯಾದಲ್ಲಿ ವೈರಲ್​ ಆಗಿರುವ ಈ ವಿಡಿಯೋ ಕಂಡು ಕೆಲವರು ಗರಂ ಆಗಿದ್ದಾರೆ. ‘ಇಷ್ಟೆಲ್ಲ ಸೊಕ್ಕು ಇರುವ ನಟರನ್ನು ಜನರು ಯಾಕೆ ಭೇಟಿ ಮಾಡಬೇಕು’ ಎಂದು ಅನೇಕರು ಪ್ರಶ್ನಿಸಿದ್ದಾರೆ. ‘ಕೇವಲ ಕೈ ಮುಟ್ಟಿದ್ದಕ್ಕೆ ಇಂಥ ವರ್ತನೆ. ಅಭಿಮಾನಿಗಳೇನೂ ಇವರ ಆಸ್ತಿ ಕಿತ್ತುಕೊಂಡಿಲ್ಲ’ ಎಂದು ಕೂಡ ಕೆಲವರು ಕಮೆಂಟ್​ ಮಾಡಿದ್ದಾರೆ.

ಇದನ್ನೂ ಓದಿ: Bholaa: ‘ನೀವು ಪದೇಪದೇ ಟಬು ಜತೆ ಸಿನಿಮಾ ಮಾಡೋದು ಯಾಕೆ?’: ನೇರ ಪ್ರಶ್ನೆಗೆ ಅಜಯ್​ ದೇವಗನ್​ ಉತ್ತರ

ಬಾಲಿವುಡ್​ ನಟರ ಟೈಮ್​ ಚೆನ್ನಾಗಿಲ್ಲ. ಅಜಯ್​ ದೇವಗನ್​ ಅವರಿಗೂ ಈ ಮಾತು ಅನ್ವಯ. ಅವರು ನಟಿಸಿ, ನಿರ್ದೇಶಿಸಿರುವ ‘ಭೋಲಾ’ ಸಿನಿಮಾ ಹೇಳಿಕೊಳ್ಳುವಷ್ಟು ಕಲೆಕ್ಷನ್​ ಮಾಡಿಲ್ಲ. ಆ ಟೆನ್ಷನ್​ ಅಜಯ್​ ದೇವಗನ್​ ಅವರಿಗೆ ಇದೆ. ಅದರ ನಡುವೆಯೂ ಅಭಿಮಾನಿಗಳನ್ನು ಭೇಟಿ ಮಾಡಿದ ಅವರು ಕೊಂಚ ಗರಂ ಆಗಿ ನಡೆದುಕೊಂಡಿದ್ದಾರೆ.

View this post on Instagram

A post shared by @varindertchawla

‘ಇಂಥ ಹೀರೋಗಳ ಸಿನಿಮಾವನ್ನು ನೋಡಲೇಬೇಡಿ. ಆಗ ಅವರೇ ಬಂದು ಜನರ ಬಳಿ ಸೆಲ್ಫಿ ತೆಗೆದುಕೊಳ್ಳಲು ಶುರುಮಾಡುತ್ತಾರೆ’ ಎಂದು ನೆಟ್ಟಿಗರೊಬ್ಬರು ಕಮೆಂಟ್​ ಮಾಡಿದ್ದಾರೆ. ಈ ವೈರಲ್​ ವಿಡಿಯೋ ಕುರಿತು ಪರ-ವಿರೋಧದ ಚರ್ಚೆ ನಡೆಯುತ್ತಿದೆ.

2022ರಲ್ಲಿ ಅಜಯ್​ ದೇವಗನ್​ ಅವರು ಮಲಯಾಳಂನ ‘ದೃಶ್ಯಂ 2’ ಚಿತ್ರವನ್ನು ಬಾಲಿವುಡ್​ಗೆ ರಿಮೇಕ್​ ಮಾಡಿ ಗೆದ್ದಿದ್ದರು. ಆದರೆ ಈ ವರ್ಷ ಅವರಿಗೆ ರಿಮೇಕ್​ ಸೂತ್ರ ಫಲ ನೀಡಿಲ್ಲ. ತಮಿಳಿನ ‘ಕೈದಿ’ ಚಿತ್ರವನ್ನು ಹಿಂದಿಯಲ್ಲಿ ‘ಭೋಲಾ’ ಶೀರ್ಷಿಕೆಯಡಿ ರಿಮೇಕ್​ ಮಾಡಿ ಅವರು ಕೈ ಸುಟ್ಟುಕೊಂಡಿದ್ದಾರೆ.

ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್​ ಮಾಡಿ.