‘ಶಾರುಖ್ ಕೇವಲ ಸಹೋದ್ಯೋಗಿ, ಅವರು ಎಂದಿಗೂ ಗೆಳೆಯರಾಗಲ್ಲ’; ಸನ್ನಿ ಡಿಯೋಲ್

'ಡರ್' ಸಿನಿಮಾ ಶೂಟಿಂಗ್ ವೇಳೆ ಶಾರುಖ್ ಖಾನ್ ಜೊತೆ ನಡೆದ ಗಲಾಟೆಯ ಬಗ್ಗೆ ಸನ್ನಿ ಡಿಯೋಲ್ ಸ್ಪಷ್ಟನೆ ನೀಡಿದ್ದಾರೆ. ನಟರಲ್ಲಿರುವ ಅಭದ್ರತೆಯೇ ಇಂತಹ ಜಗಳಕ್ಕೆ ಕಾರಣ ಎಂದಿದ್ದಾರೆ. ಶಾರುಖ್ ಖಾನ್ ತನಗೆ ಸ್ನೇಹಿತನಲ್ಲ, ಕೇವಲ ಚಿತ್ರರಂಗದ ಸಹದ್ಯೋಗಿ ಎಂದು ಸನ್ನಿ ಹೇಳಿದ್ದಾರೆ.

ಶಾರುಖ್

ಶ್ರೀಲಕ್ಷ್ಮೀ ಎಚ್ | Edited By: ರಾಜೇಶ್ ದುಗ್ಗುಮನೆ|
Updated on: Aug 18, 2026 | 7:55 AM

ಮುಖ್ಯಾಂಶಗಳು

ಡರ್ ಸಿನಿಮಾ ಸೆಟ್‌ನಲ್ಲಿ ಜೀನ್ಸ್ ಹರಿದುಕೊಂಡಿದ್ದ ಸನ್ನಿ
ಶಾರುಖ್ ಖಾನ್‌ ಸ್ನೇಹಿತನಲ್ಲ ಎಂದ ಸನ್ನಿ ಡಿಯೋಲ್
16 ವರ್ಷಗಳ ವೈರತ್ವ ಕೊನೆಗೊಂಡಿದ್ದು ಹೇಗೆ?

1993ರಲ್ಲಿ ತೆರೆಕಂಡ ‘ಡರ್’ ಸಿನಿಮಾದ ಶೂಟಿಂಗ್ ಸಮಯದಲ್ಲಿ ನಟ ಸನ್ನಿ ಡಿಯೋಲ್ ಹಾಗೂ ಶಾರುಖ್ ಖಾನ್ ನಡುವೆ ದೊಡ್ಡ ಜಟಾಪಟಿ ನಡೆದಿತ್ತು. ಚಿತ್ರದ ಕ್ಲೈಮ್ಯಾಕ್ಸ್ ದೃಶ್ಯದ ವಿಚಾರವಾಗಿ ಉಂಟಾದ ಭಿನ್ನಾಭಿಪ್ರಾಯ ಸನ್ನಿ ಡಿಯೋಲ್ ಅವರ ತೀವ್ರ ಕೋಪಕ್ಕೆ ಕಾರಣವಾಗಿತ್ತು. ಆ ಸಮಯದಲ್ಲಿ ಅವರು ತಮ್ಮ ಕೈಗಳಿಂದಲೇ ಜೀನ್ಸ್ ಪ್ಯಾಂಟ್ ಹರಿದುಕೊಂಡಿದ್ದರು. ಈ ಘಟನೆಯ ನಂತರ ಇಬ್ಬರ ನಡುವೆ ಮಾತುಕತೆ ಸಂಪೂರ್ಣವಾಗಿ ನಿಂತುಹೋಗಿತ್ತು.

ಅಭದ್ರತೆಯೇ ಜಗಳಕ್ಕೆ ಮುಖ್ಯ ಕಾರಣ:

ಇತ್ತೀಚೆಗೆ ನೀಡಿದ ಸಂದರ್ಶನವೊಂದರಲ್ಲಿ ಸನ್ನಿ ಡಿಯೋಲ್ ಈ ಹಳೆಯ ಘಟನೆಯ ಬಗ್ಗೆ ಮುಕ್ತವಾಗಿ ಮಾತನಾಡಿದ್ದಾರೆ. ಚಿತ್ರರಂಗದಲ್ಲಿ ನಟರಿಗೆ ಕಾಡುವ ಅಭದ್ರತೆಯೇ ಇಂತಹ ಘಟನೆಗಳಿಗೆ ಕಾರಣ ಎಂದು ಅವರು ಹೇಳಿದ್ದಾರೆ. ‘ಸಣ್ಣ ವಯಸ್ಸಿನಲ್ಲಿ ಇಂತಹ ತಪ್ಪುಗಳು ಸಹಜವಾಗಿ ನಡೆಯುತ್ತವೆ. ನಟರು ತಮ್ಮ ಪಾತ್ರವನ್ನು ಮಾತ್ರ ನಿರ್ವಹಿಸಬೇಕು. ಆದರೆ ಕೆಲವೊಮ್ಮೆ ಅಭದ್ರತೆಯಿಂದಾಗಿ ಅನಗತ್ಯ ಗೊಂದಲಗಳು ಹಾಗೂ ಕೆಟ್ಟ ವಾತಾವರಣ ನಿರ್ಮಾಣವಾಗುತ್ತದೆ’ ಎಂದಿದ್ದಾರೆ.

ಶಾರುಖ್ ಖಾನ್ ನನ್ನ ಸ್ನೇಹಿತನಲ್ಲ, ಕೇವಲ ಸಹದ್ಯೋಗಿ:

ಶಾರುಖ್ ಖಾನ್ ಅವರೊಂದಿಗಿನ ಪ್ರಸ್ತುತ ಬಾಂಧವ್ಯದ ಬಗ್ಗೆಯೂ ಸನ್ನಿ ಸ್ಪಷ್ಟನೆ ನೀಡಿದ್ದಾರೆ. ತಾವು ಎಂದು ಶಾರುಖ್ ಅವರ ಶತ್ರುವಾಗಿರಲಿಲ್ಲ ಎಂದು ಅವರು ತಿಳಿಸಿದ್ದಾರೆ. ಆದರೆ ಶಾರುಖ್ ಖಾನ್ ತಮಗೆ ಕೇವಲ ಸಹದ್ಯೋಗಿ ಮಾತ್ರ, ಆಪ್ತ ಸ್ನೇಹಿತನಲ್ಲ ಎಂದು ಹೇಳಿದ್ದಾರೆ. ನೈಜ ಸ್ನೇಹ ಎಂಬುದು ಬಾಲ್ಯದಲ್ಲಿ ಮಾತ್ರ ಸಿಗುತ್ತದೆ. ಚಿತ್ರರಂಗದಲ್ಲಿರುವವರೆಲ್ಲರೂ ಕೇವಲ ಕೆಲಸದ ಸಹೋದ್ಯೋಗಿಗಳು ಎಂದು ಅವರು ಅಭಿಪ್ರಾಯಪಟ್ಟಿದ್ದಾರೆ.

ಇದನ್ನೂ ಓದಿ: ‘ಎಂದಿಗೂ ನಾನು ಪಾನ್ ಮಸಾಲಾ ಜಾಹೀರಾತಿನಲ್ಲಿ ನಟಿಸಲ್ಲ’: ಖಡಕ್ ಆಗಿ ಹೇಳಿದ ಸನ್ನಿ ಡಿಯೋಲ್

16 ವರ್ಷಗಳ ಸುದೀರ್ಘ ಮೌನದ ನಂತರ ಆದ ಸಂಧಾನ:

‘ಡರ್’ ಚಿತ್ರದಲ್ಲಿ ಸನ್ನಿ ಡಿಯೋಲ್ ನಾಯಕನಾಗಿದ್ದರು. ಶಾರುಖ್ ಖಾನ್ ಖಳನಾಯಕನ ಪಾತ್ರದಲ್ಲಿದ್ದರು. ಆದರೆ ನಾಯಕನಿಗಿಂತ ಖಳನಾಯಕನ ಪಾತ್ರಕ್ಕೆ ಹೆಚ್ಚು ಪ್ರಾಮುಖ್ಯತೆ ಸಿಕ್ಕಿದ್ದು ಸನ್ನಿ ಅವರಿಗೆ ಬೇಸರ ತಂದಿತ್ತು. ಈ ಕಾರಣದಿಂದಾಗಿ ಇಬ್ಬರೂ ಸುಮಾರು 16 ವರ್ಷಗಳ ಕಾಲ ಪರಸ್ಪರ ಮಾತನಾಡಲಿಲ್ಲ. 2023ರಲ್ಲಿ ‘ಗದರ್ 2’ ಸಿನಿಮಾ ಯಶಸ್ವಿಯಾದಾಗ ಇಬ್ಬರ ನಡುವಿನ ಸುದೀರ್ಘ ಸುದೀರ್ಘ ವೈರತ್ವ ಕೊನೆಗೊಂಡಿತು.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ.