‘ವಾರ್ 2’ ಹಂಚಿಕೆ ಮಾಡಿ ಕೈ ಸುಟ್ಟುಕೊಂಡ ನಾಗ ವಂಶಿ ಚಿತ್ರರಂಗಕ್ಕೆ ಗುಡ್​ ಬೈ?

ಹೃತಿಕ್ ರೋಷನ್ ಹಾಗೂ ಜೂನಿಯರ್ ಎನ್​ಟಿಆರ್ (Jr NTR) ನಟನೆಯ ‘ವಾರ್ 2’ ಸಿನಿಮಾ ಬಾಕ್ಸ್ ಆಫೀಸ್​ನಲ್ಲಿ ಅಂದುಕೊಂಡಂತೆ ಯಶಸ್ಸು ಕಂಡಿಲ್ಲ.  ಈ ಸಿನಿಮಾ ಪ್ರೇಕ್ಷಕರನ್ನು ನಿರಾಸೆಗೊಳಿಸಿದೆ. ಸಿನಿಮಾದಲ್ಲಿ ಯಾವುದೇ ಕಥೆ ಇಲ್ಲ ಎಂದು ಅನೇಕರು ಹೇಳಿದ್ದಾರೆ. ಈ ಚಿತ್ರವು ಬಾಕ್ಸ್ ಆಫೀಸ್​ನಲ್ಲಿ ಮೊದಲ ಕೆಲ ದಿನ ಅಬ್ಬರದ ಕಲೆಕ್ಷನ್ ಮಾಡಿತು. ನಂತರ ಸಂಖ್ಯೆ ಇಳಿಕೆ ಆಗಿದೆ. ಈಗ ಈ ಚಿತ್ರದ ತೆಲುಗು ಹಂಚಿಕೆದಾರ ನಾಗ ವಂಶಿ ಅವರು ಚಿತ್ರರಂಗದಿಂದ ದೂರ ಇರಲು ನಿರ್ಧರಿಸಿದ್ದಾರೆ ಎಂದು ವರದಿ ಆಗಿತ್ತು. ಇದಕ್ಕೆ ಅವರು ಸ್ಪಷ್ಟನೆ ನೀಡಿದ್ದಾರೆ.

‘ವಾರ್ 2’ ಹಂಚಿಕೆ ಮಾಡಿ ನಾಗ ವಂಶಿ ಕೈ ಸುಟ್ಟುಕೊಂಡಿದ್ದಾರೆ. ಇದರಿಂದ ಅವರು ಚಿತ್ರರಂಗಕ್ಕೆ ಗುಡ್​ಬೈ ಹೇಳುತ್ತಾರೆ ಎಂಬ ಸುದ್ದಿ ಹರಿದಾಡಿತ್ತು. ನಾಗ ವಂಶಿ ಅವರು ಈ ಬಗ್ಗೆ ಟ್ವೀಟ್ ಮಾಡಿ ಸ್ಪಷ್ಟನೆ ಕೂಡ ಕೊಟ್ಟಿದ್ದಾರೆ. ‘ಏನು ಎಲ್ಲರೂ ನನ್ನ ಮಿಸ್ ಮಾಡಿಕೊಳ್ಳುತ್ತಿದ್ದೀರಾ? ವಂಶಿ ಹಾಗೆ, ವಂಶಿ ಹೀಗೆ ಎಂದು ಸುದ್ದಿ ಹರಿದಾಡುತ್ತಿದೆ. ಟ್ವಿಟರ್​ನಲ್ಲಿ ಸಾಕಷ್ಟು ಬರಹಗಾರರು ಇದ್ದಾರೆ. ನಿಮ್ಮ ಡಿಸಪಾಯಿಂಟ್ ಮಾಡಿದ್ದಕ್ಕೆ ಕ್ಷಮೆ ಇರಲಿ. ಆ ಸಮಯ ಇನ್ನೂ ಬಂದಿಲ್ಲ. ಅದಕ್ಕೆ ಇನ್ನೂ 10-15 ವರ್ಷ ಇದೆ.  ಸಿನಿಮಾಗಾಗಿ, ಸಿನಮಾಗೋಸ್ಕರ ಯಾವಾಗಲೂ ಇರುತ್ತೇನೆ. ‘ಮಾಸ್ ಜಾತ್ರಾ’ ಮೂಲಕ ಸಿಗೋಣ’ ಎಂದು ಅವರು ಬರೆದುಕೊಂಡಿದ್ದಾರೆ.

ಇದನ್ನೂ ಓದಿ:ತೀವ್ರವಾಗಿ ಕುಸಿದ ‘ಕೂಲಿ’ ಕಲೆಕ್ಷನ್; ಒಂದಂಕಿಗೆ ಬಂತು ‘ವಾರ್ 2’ ಗಳಿಕೆ

ಅಯಾನ್ ಮುಖರ್ಜಿ ಅವರು ‘ವಾರ್ 2’ ಚಿತ್ರ ನಿರ್ದೇಶನ ಮಾಡಿದ್ದಾರೆ. ಈ ಸಿನಿಮಾದ ಬಜೆಟ್ 300-400 ಕೋಟಿ ರೂಪಾಯಿ ಇದೆ. ಯಶ್ ರಾಜ್ ಫಿಲ್ಮ್ಸ್ ಇದನ್ನು ನಿರ್ಮಾಣ ಮಾಡಿದೆ. ಹೃತಿಕ್ ರೋಷನ್ ಹಾಗೂ ಜೂನಿಯರ್ ಎನ್​ಟಿಆರ್ ಇದರಲ್ಲಿ ನಟಿಸಿದ್ದಾರೆ. ಕಿಯಾರಾ ಅಡ್ವಾಣಿ, ಅನಿಲ್ ಕಪೂರ್ ಹಾಗೂ ಅಶುತೋಷ್ ರಾಣಾ ಇದರಲ್ಲಿ ನಟಿಸಿದ್ದಾರೆ.

Enti nannu chala miss avthunattu unnaru.. 😂

Vamsi adi, Vamsi idi ani gripping narratives tho full hadavidi nadustundi… Parledu, X lo manchi writers unnaru.

Sorry to disappoint you all, but inka aa time raaledu… minimum inko 10-15 years undi.

At the cinemas… for the cinema,…

— Naga Vamsi (@vamsi84) August 20, 2025

‘ವಾರ್ 2’ ಕಲೆಕ್ಷನ್ 200 ಕೋಟಿ ರೂಪಾಯಿ ಅತ್ತ ಸಾಗುತ್ತಿದೆ. ಆದರೆ, ಸಿನಿಮಾದ ಬಜೆಟ್​ಗೆ ಹೋಲಿಸಿದರೆ ಈ ಕಲೆಕ್ಷನ್​ನಿಂದ ನಿರ್ಮಾಪಕರಿಗೆ ಲಾಭ ಆಗುವುದಿಲ್ಲ. ಈ ಸಿನಿಮಾ 500 ಕೋಟಿ ರೂಪಾಯಿಗೂ ಅಧಿಕ ಗಳಿಕೆ ಮಾಡಿದರೆ ಮಾತ್ರ ಸಿನಿಮಾದಿಂದ ನಿರ್ಮಾಪಕರಿಗ ಲಾಭ ಆಗಲಿದೆ. ಆದರೆ, ಸದ್ಯ ಮಟ್ಟಿಗೆ ಅದು ಅಸಾಧ್ಯವಾಗಿದೆ.

ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ