Katrina Kaif: ‘ಫಸ್ಟ್ ನೈಟ್ ಆಗಬೇಕಂತಲೇ ಏನಿಲ್ಲ, ಫಸ್ಟ್ ಡೇ ಕೂಡ ಆಗಬಹುದು’; ಕತ್ರಿನಾ ಕೈಫ್ ಬೋಲ್ಡ್ ಮಾತು
Koffee With Karan | Katrina Kaif: ಕತ್ರಿನಾ ಕೈಫ್, ಸಿದ್ಧಾಂತ್ ಚತುರ್ವೇದಿ ಹಾಗೂ ಇಶಾನ್ ಖಟ್ಟರ್ ಒಟ್ಟಾಗಿ ‘ಕಾಫಿ ವಿತ್ ಕರಣ್’ ಶೋಗೆ ಬಂದಿದ್ದಾರೆ. ಈ ವೇಳೆ ಅನೇಕ ವಿಚಾರಗಳ ಬಗ್ಗೆ ಚರ್ಚೆ ಮಾಡಲಾಗಿದೆ.
Updated on: Sep 06, 2022 | 9:43 AM
ಸಾಕಷ್ಟು ಬೋಲ್ಡ್ ಮಾತುಗಳಿಂದಲೇ ‘ಕಾಫಿ ವಿತ್ ಕರಣ್’ (Koffee With Karan) ಶೋ ಫೇಮಸ್ ಆಗಿದೆ. ಈಗಾಗಲೇ ಅನೇಕ ಸೆಲೆಬ್ರಿಟಿಗಳು ಈ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದಾರೆ. ಬಂದ ಎಲ್ಲ ಅತಿಥಿಗಳಿಗೂ ನಿರೂಪಕ ಕರಣ್ ಜೋಹರ್ (Karan Johar) ಅವರು ನೇರವಾದ ಪ್ರಶ್ನೆಗಳನ್ನು ಕೇಳದೇ ಇರುವುದಿಲ್ಲ. ಈಗ ಈ ಕಾರ್ಯಕ್ರಮದ 7ನೇ ಸೀಸನ್ ಪ್ರಸಾರ ಆಗುತ್ತಿದೆ. ಇಷ್ಟು ವರ್ಷಗಳ ಕಾಲ ಟಿವಿಯಲ್ಲಿ ಪ್ರಸಾರವಾದ ಈ ಶೋ ಇದೇ ಮೊದಲ ಬಾರಿಗೆ ಒಟಿಟಿಯನ್ನು (ಡಿಸ್ನಿ ಪ್ಲಸ್ ಹಾಟ್ ಸ್ಟಾರ್) ನೇರವಾಗಿ ಪ್ರಸಾರ ಕಾಣುತ್ತಿದೆ. ಹಾಗಾಗಿ ಬೋಲ್ಡ್ ಮಾತುಕಥೆಗಳು ಕೊಂಚ ಜಾಸ್ತಿಯೇ ಇವೆ ಎನ್ನಬಹುದು. ಈಗ ನಟಿ ಕತ್ರಿನಾ ಕೈಫ್ (Katrina Kaif) ಅವರಿಗೂ ಕರಣ್ ಜೋಹರ್ ಅವರು ಆ ರೀತಿಯ ಪ್ರಶ್ನೆ ಕೇಳಿದ್ದಾರೆ. ಅದಕ್ಕೆ ಕತ್ರಿನಾ ಕಡೆಯಿಂದ ಅಷ್ಟೇ ಬೋಲ್ಡ್ ಆದಂತಹ ಉತ್ತರ ಬಂದಿದೆ.
‘ಕಾಫಿ ವಿತ್ ಕರಣ್’ 7ನೇ ಸೀಸನ್ನ ಮೊದಲ ಎಪಿಸೋಡ್ನಲ್ಲಿ ಆಲಿಯಾ ಭಟ್ ಮತ್ತು ರಣವೀರ್ ಸಿಂಗ್ ಭಾಗವಹಿಸಿದ್ದರು. ಆಗ ಫಸ್ಟ್ ನೈಟ್ ಬಗ್ಗೆ ಪ್ರಸ್ತಾಪ ಆಗಿತ್ತು. ‘ಮೊದಲ ರಾತ್ರಿ ಅಂತ ಏನೂ ಇರಲ್ಲ. ಯಾಕೆಂದರೆ ಮದುವೆ ದಿನ ನಾವು ಸುಸ್ತಾಗಿರುತ್ತೇನೆ’ ಎಂದು ಆಲಿಯಾ ಭಟ್ ಹೇಳಿದ್ದರು. ಆ ಮಾತನ್ನೇ ಇಟ್ಟುಕೊಂಡು ಈಗ ಕತ್ರಿನಾ ಕೈಫ್ ಬಳಿಯೂ ಕರಣ್ ಜೋಹರ್ ಚರ್ಚೆ ಮಾಡಿದ್ದಾರೆ.
‘ಯಾವಾಗಲೂ ಮೊದಲ ರಾತ್ರಿಯೇ ಆಗಬೇಕೆಂದೇನೂ ಇಲ್ಲ, ಮೊದಲ ದಿನ ಕೂಡ ಆಗಬಹುದು’ ಎಂದು ಕತ್ರಿನಾ ಕೈಫ್ ಅವರು ಹೇಳಿದ್ದಾರೆ. ‘ಆಹ್.. ನನಗೆ ಇದು ಇಷ್ಟ’ ಎಂದು ಕರಣ್ ಜೋಹರ್ ಉದ್ಘಾರ ತೆಗೆದಿದ್ದಾರೆ. ಸದ್ಯ ಈ ಸಂಚಿಕೆಯ ಪ್ರೋಮೋ ಹಂಚಿಕೊಳ್ಳಲಾಗಿದೆ. ಸೆಪ್ಟೆಂಬರ್ 8ರಂದು ಈ ಎಪಿಸೋಡ್ ಪ್ರಸಾರ ಆಗಲಿದೆ. ಕತ್ರಿನಾ ಕೈಫ್ ಜೊತೆ ಇಶಾನ್ ಖಟ್ಟರ್, ಸಿದ್ಧಾಂತ್ ಚತುರ್ವೇದಿ ಕೂಡ ಭಾಗಿ ಆಗಿದ್ದಾರೆ.
The bringers of absolute chaos & unabashed laughter on the koffee couch is this trio!??????#HotstarSpecials #KoffeeWithKaranS7, Episode 10 streaming this Thursday 12:00 am only on Disney+ Hotstar.@DisneyPlusHS #KatrinaKaif #SiddhantChaturvedi #IshaanKhatter pic.twitter.com/Ga7PKplSUp
— Karan Johar (@karanjohar) September 5, 2022
‘ಫೋನ್ ಭೂತ್’ ಸಿನಿಮಾದಲ್ಲಿ ಕತ್ರಿನಾ ಕೈಫ್, ಸಿದ್ಧಾಂತ್ ಚತುರ್ವೇದಿ ಹಾಗೂ ಇಶಾನ್ ಖಟ್ಟರ್ ಅವರು ನಟಿಸಿದ್ದಾರೆ. ಹಾಗಾಗಿ ಮೂವರೂ ಒಟ್ಟಾಗಿ ‘ಕಾಫಿ ವಿತ್ ಕರಣ್’ ಶೋಗೆ ಬಂದಿದ್ದಾರೆ. ಕತ್ರಿನಾ ಕೈಫ್ ಅವರು ಸಿನಿಮಾಗಳ ಜೊತೆಯಲ್ಲಿ ಈಗ ಕುಟುಂಬದ ಕಡೆಗೂ ಗಮನ ಹರಿಸಿದ್ದಾರೆ. ನಟ ವಿಕ್ಕಿ ಕೌಶಲ್ ಜೊತೆ ದಾಂಪತ್ಯ ಜೀವನಕ್ಕೆ ಕಾಲಿಟ್ಟ ಅವರು ಹಾಯಾಗಿ ಸಂಸಾರ ಮಾಡಿಕೊಂಡಿದ್ದಾರೆ. ಹಲವು ಸಿನಿಮಾ ಆಫರ್ಗಳು ಕೂಡ ಅವರ ಕೈಯಲ್ಲಿವೆ.
ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ.
