Ramayana Movie: ‘ರಾಮಾಯಣ’ ಮೊದಲಾರ್ಧದಲ್ಲಿ ಏನೆಲ್ಲ ಇದೆ? ಸಿಕ್ತು ದೃಶ್ಯವೈಭವದ ರಿಪೋರ್ಟ್

ಪೌರಾಣಿಕ ಕಥೆಗಳು ಎಂದಿಗೂ ಪ್ರಸ್ತುತವಾಗಿರುತ್ತವೆ. ಹಾಗಾಗಿ ಅವುಗಳನ್ನು ಇಟ್ಟುಕೊಂಡು ಸಿನಿಮಾ ಮಾಡುವ ಪ್ರಯತ್ನ ಆಗಾಗ ನಡೆಯುತ್ತಲೇ ಇರುತ್ತದೆ. ಈಗ ‘ರಾಮಾಯಣ’ ಕಥೆಯನ್ನು ಆಧರಿಸಿ ನಿರ್ದೇಶಕ ನಿತೇಶ್ ತಿವಾರಿ ಅವರು ಸಿನಿಮಾ ಮಾಡಿದ್ದಾರೆ. ಯಶ್, ರಣಬೀರ್ ಕಪೂರ್, ಸಾಯಿ ಪಲ್ಲವಿ ಮುಂತಾದವರು ಪ್ರಮುಖ ಪಾತ್ರಗಳಲ್ಲಿ ನಟಿಸಿರುವ ಈ ಚಿತ್ರವು ಬೃಹತ್ ಬಜೆಟ್​ನಲ್ಲಿ ನಿರ್ಮಾಣ ಆಗಿದೆ. ನವೆಂಬರ್ 5ರಂದು ವಿಶ್ವಾದ್ಯಂತ ರಿಲೀಸ್ ಆಗುತ್ತಿರುವ ‘ರಾಮಾಯಣ’ ಚಿತ್ರದ ಪ್ರೀಮಿಯರ್ ಶೋ ನವೆಂಬರ್ 4ರ ಸಂಜೆಯಿಂದಲೇ ಶುರುವಾಗಿದೆ. ಈ ಸಿನಿಮಾದ ಮೊದಲಾರ್ಧದಲ್ಲಿ ಏನೆಲ್ಲ ಇದೆ ಎಂಬುದರ ವಿವರ ಇಲ್ಲಿದೆ ಓದಿ..

•  ಅಸುರರು ಹಾಗೂ ದೇವತೆಗಳ ನಡುವಿನ ಯುದ್ದದ ದೃಶ್ಯದಿಂದ ಸಿನಿಮಾದ ಕಥೆ ಆರಂಭ ಆಗುತ್ತದೆ. ಶುರುವಿನಲ್ಲೇ ಆ್ಯಕ್ಷನ್ ಇದೆ.
• ರಾಮನಿಗಿಂತ ಮೊದಲೇ ರಾವಣನ ಪಾತ್ರವನ್ನು ಪರಿಚಯಿಸಲಾಗಿದೆ. ಯಶ್ ಅವರ ಅಭಿಮಾನಿಗಳ ಪಾಲಿಗೆ ಇದು ಸಖತ್ ಸ್ಪೆಷಲ್ ಆಗಿದೆ.
• ರಾವಣನಾಗಿ ಭರ್ಜರಿ ಆ್ಯಕ್ಷನ್ ದೃಶ್ಯದ ಮೂಲಕ ಯಶ್ ಅವರು ಶುರುವಿನಲ್ಲೇ ತಮ್ಮ ಅಭಿಮಾನಿಗಳಿಗೆ ಮಸ್ತ್ ಮನರಂಜನೆ ನೀಡುತ್ತಾರೆ.
• ರಾವಣನ ಪಾತ್ರದ ಹಿನ್ನೆಲೆಯನ್ನು ವಿವರಿಸಲು ಹೆಚ್ಚು ಮಹತ್ವ ನೀಡಲಾಗಿದೆ. ಮೊದಲಾರ್ಧದ ಆರಂಭದಲ್ಲಿ ಈ ಪಾತ್ರವೇ‌ ಹೆಚ್ಚು ಆವರಿಸಿಕೊಂಡಿದೆ.
• ಈ ಸಿನಿಮಾದಲ್ಲಿ ರಾಮನ ಪಾತ್ರದ ಎಂಟ್ರಿಗೆ ಪ್ರೇಕ್ಷಕರು 40 ನಿಮಿಷ ಕಾಯಬೇಕು. ಸೀತೆಯ ಪಾತ್ರದ ಆಗಮನ ಇನ್ನಷ್ಟು ತಡ ಆಗುತ್ತದೆ
• ತಾಟಕ ಸುಬಾಹು ಸಂಹಾರದ ದೃಶ್ಯವು ಪ್ರೇಕ್ಷಕರಿಗೆ ರೋಚಕ ಅನುಭವ ನೀಡುತ್ತದೆ. ಗ್ರಾಫಿಕ್ಸ್ ಮೂಲಕ ಮೂಡಿದ ದೃಶ್ಯವೈಭವ ಚೆನ್ನಾಗಿದೆ.
• ರಾವಣನ ಪಾತ್ರದ ರೀತಿ ರಣಬೀರ್ ಕಪೂರ್ ನಿಭಾಯಿಸಿದ ರಾಮನ ಪಾತ್ರದ ಪರಿಚಯಕ್ಕೂ ವಿಶೇಷವಾಗಿ ಗಮನ‌ಹರಿಸಲಾಗಿದೆ.
• ಸೀತಾ ಸ್ವಯಂವರದ ದೃಶ್ಯಗಳು ಸುಂದರವಾಗಿ ಮೂಡಿಬಂದಿವೆ. ರಾಮ ಹಾಗೂ ಪರಶುರಾಮನ ಮುಖಾಮುಖಿ ದೃಶ್ಯಗಳು ರೋಚಕವಾಗಿವೆ.
• ಯುದ್ಧದ ದೃಶ್ಯಗಳು ಮಾತ್ರವಲ್ಲದೇ ಭಾವುಕ ಸನ್ನಿವೇಶಗಳನ್ನು ಕೂಡ ನಿರ್ದೇಶಕರು ಉತ್ತಮವಾಗಿ ನಿಭಾಯಿಸಿದ್ದಾರೆ.
• ತಂದೆಯ ಆಜ್ಞೆ ಪಾಲಿಸಲು ಶ್ರೀರಾಮ ವನವಾಸಕ್ಕೆ ತೆರಳುವ ದೃಶ್ಯದೊಂದಿಗೆ ಮಧ್ಯಂತರ ಬರುತ್ತದೆ. ಮಧ್ಯಂತರದ ನಂತರ ಮತ್ತೆ ರಾವಣನ ಆರ್ಭಟ ಶುರು.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.