ಸೌತ್​ ಸಿನಿಮಾಗಳನ್ನ ರಕುಲ್ ರಿಜೆಕ್ಟ್ ಮಾಡೋಕೆ ಇಲ್ಲಿದೆ ಕಾರಣ!

ನಟಿ ರಕುಲ್​ ಪ್ರೀತ್​ ಸಿಂಗ್​ ಸದ್ಯ ಬಾಲಿವುಡ್​ನಲ್ಲಿ ಸಿಕ್ಕಾಪಟ್ಟೆ ಬ್ಯೂಸಿಯಾಗಿದ್ದಾರೆ. ಸ್ಟಾರ್​ ಸಿನಿಮಾಗಳಲ್ಲಿ ಅಭಿನಯಿಸೋ ಅವಕಾಶ ಗಿಟ್ಟಿಸಿಕೊಳ್ತಿದ್ದಾರೆ. ಆದ್ರೆ ಇತ್ತ ಸೌತ್​ ಸಿನಿಮಾರಂಗ ಅತ್ತಿದ ಏಣಿಯನ್ನ ಒದಿಯಾಬಾರದು ಎಂದು ರಕುಲ್ ಪಾಠ ಮಾಡ್ತಿದ್ದಾರೆ.

ಸೌತ್​ ಸಿನಿಮಾರಂಗದಲ್ಲಿ ಬಹುಬೇಡಿಕೆಯ ನಟಿಯಾಗಿದ್ದ ರಕುಲ್​ ಪ್ರೀತ್​ ಸಿಂಗ್​ ಹೆಚ್ಚಾಗಿ ಗುರುತಿಸಿಕೊಂಡಿದ್ದು ತೆಲುಗು ಸಿನಿಮಾಗಳಲ್ಲಿ. ಹಾಗೇ ನೋಡಿದ್ರೆ ರಕುಲ್​ಗೆ ಹೆಚ್ಚಿನ ಅಭಿಮಾನಿಗಳಿರೋ ಸೌತ್​ ಸಿನಿರಂಗದಲ್ಲೇ. ಆದ್ರೆ ಅದ್ಯಾಕೋ ನಟಿ ರಕುಲ್​ ನಡೆದು ಬಂದ ದಾರಿಯನ್ನ ಮರೆಯುತ್ತಿದ್ದಾರಂತೆ. ಬಾಲಿವುಡ್​ಗೆ ಎಂಟ್ರಿ ಕೊಟ್ಟ ಬಳಿಕಾ ಸೌತ್​ ಸಿನಿಮಾಗಳನ್ನ ಒಪ್ಪಿಕೊಳ್ತಿಲ್ಲವಂತೆ.

ರಕುಲ್​ ಸುತ್ತ ಹೀಗೊಂದು ಸುದ್ದಿ ಹಬ್ಬೋಕೆ ಕಾರಣ, ಆಕೆ ತೆಲುಗು ಸಿನಿಮಾಗಳನ್ನ ರಿಜೆಕ್ಟ್​ ಮಾಡ್ತಿರೋದು. ಹಾದು ಬಾಲಿವುಡ್​ನಲ್ಲಿ ನಾಲ್ಕು ಸಿನಿಮಾಗಳನ್ನ ಮಾಡಿದ್ದೇ ತಡಾ, ರಕುಲ್​ ಹಾಲಿವುಡ್​ ಹಾರಿದಷ್ಟು ಸಂತಸದಲ್ಲಿದ್ದಾರಂತೆ. ಅಷ್ಟೇ ಅಲ್ಲಾ ಇಲ್ಲ ಸಲ್ಲದ ಕಾರಣ ಕೊಟ್ಟು ಸೌತ್​ ಸಿನಿಮಾಗಳನ್ನ ರಿಜೆಕ್ಟ್ ಮಾಡ್ತಿದ್ದಾರಂತೆ.

ಮಾಡಲಿಂಗ್​ ಲೋಕದಿಂದ ಸ್ಯಾಂಡಲ್​ವುಡ್​ಗೆ ಬಂದಿಳಿದ ನಟಿ ರಕುಲ್​ ಕನ್ನಡದಲ್ಲಿ ಗಿಲ್ಲಿ ಅನ್ನೋ ಸಿನಿಮಾ ಮಾಡಿದ್ರು. ಅದಾತ ಬಳಿಕಾ ತಮಿಳು, ತೆಲುಗು ಸಿನಿಮಾಗಳಲ್ಲೇ ಬ್ಯೂಸಿ ಆದ್ರು. ಆದ್ರೀಗ ಈಕೆ ಸೌತ್​ ಕಡೆಗೆ ತಿರುಗಿಯೂ ನೋಡ್ತಿಲ್ಲವಂತೆ. ಇತ್ತೀಚೆಗೆ ಒಂದಷ್ಟು ಟಾಲಿವುಡ್​ ಮಂದಿ ರಕುರನ್ನ ಅರಸಿ ಹೋಗಿ, ಬರಿ ಗೈಯಲ್ಲಿ ವಾಪಾಸ್ಸಾಗಿದ್ದಾರಂತೆ. ಕಾರಣ ರಕುಲ್​ ತಾನು ತೀರಾ ಗ್ಲಾಮರಸ್​ ಪಾತ್ರಗಳನ್ನ ಮಾಡೋದಿಲ್ಲ ಅಂತ ಹೇಳಿ ಸಿನಿಮಾಗಳನ್ನ ರಿಜೆಕ್ಟ್ ಮಾಡಿದ್ದಾರಂತೆ.

ಆದ್ರೆ ವಿಷ್ಯ ಇಲ್ಲಿಗೆ ಮುಗಿದಿಲ್ಲ. ಯಾಕಂದ್ರೆ ಬಾಲಿವುಡ್​ನಲ್ಲಿ ರಕುಲ್​ ಮಾಡ್ತಾ ಇರೋದೆಲ್ಲಾ ಗ್ಲ್ಯಾಮರಸ್​ ಪಾತ್ರಗಳೆ. ಹಾಗಾಗಿ ಸೌತ್​ ಸಿನಿಮಾಗಳಲ್ಲಿ ಹೆಚ್ಚಾಗಿ ರಕುಲ್​ರನ್ನ ಆಯ್ಕೆ ಮಾಡಿಕೊಳ್ಳುತ್ತಿಲ್ಲ. ಆದ್ರೆ ರಕುಲ್​ ಮಾತ್ರ ಅವಕಾಶ ಸಿಕ್ರೆ ಸಾಕು, ನಾನು ತೆಲುಗು ಸಿನಿಮಾದ ಆಫರ್​ಗಾಗಿ ಕಾಯುತ್ತಿದ್ದೇ ಅಂತಾರೆ ಅನ್ನೋದೇ ಟಾಲಿವುಡ್​ನಲ್ಲಿ ಕೆಲವರ ಕೋಪಕ್ಕೆ ಕಾರಣವಾಗಿದೆಯಂತೆ.