‘ಇದು ನನ್ನ ಕೆಲಸವಲ್ಲ’; ಬಿಗ್ ಬಾಸ್ ಸೆಟ್​​ನಲ್ಲೇ ಸಲ್ಮಾನ್ ಖಾನ್ ಗರಂ

ಬಾಲಿವುಡ್ ನಟ ಸಲ್ಮಾನ್ ಖಾನ್ ಮತ್ತೊಮ್ಮೆ ಕಿರುತೆರೆಯ ಅತ್ಯಂತ ಜನಪ್ರಿಯ ರಿಯಾಲಿಟಿ ಶೋ ‘ಬಿಗ್ ಬಾಸ್’ (Bigg Boss) ಮೂಲಕ ಪ್ರೇಕ್ಷಕರನ್ನು ರಂಜಿಸಲು ಸಜ್ಜಾಗಿದ್ದಾರೆ. ಈ ವಾರಾಂತ್ಯದಲ್ಲಿ ಆರಂಭವಾಗಲಿರುವ ಬಿಗ್ ಬಾಸ್ ಸೀಸನ್ 20ರ ಶೂಟಿಂಗ್ ಹಂತದಲ್ಲೇ ಸಲ್ಲು ಭಾರಿ ಸುದ್ದಿಯಾಗಿದ್ದಾರೆ. ತಮ್ಮ ವಿಶಿಷ್ಟ ಕೌಬಾಯ್ ಲುಕ್ ಮೂಲಕ ಅವರು ಅಭಿಮಾನಿಗಳಲ್ಲಿ ಕುತೂಹಲ ಮೂಡಿಸಿದ್ದಾರೆ. ಅವರ ಕೋಪವೂ ಈಗ ಚರ್ಚೆಯ ಕೇಂದ್ರಬಿಂದು ಆಗಿದೆ.

ಗ್ರ್ಯಾಂಡ್ ಪ್ರಿಮಿಯರ್ ಆರಂಭಕ್ಕೂ ಮುನ್ನ ಮಾಧ್ಯಮದವರನ್ನು ಬಿಗ್ ಬಾಸ್ ಸೆಟ್​ ಒಳಗೆ ಬಿಟ್ಟುಕೊಳ್ಳಲಾಯಿತು. ಕ್ಯಾಮೆರಾಮೆನ್‌ಗಳು ವೇದಿಕೆಯ ಹತ್ತಿರಕ್ಕೆ ಬಂದು ಗೊಂದಲ ಸೃಷ್ಟಿಸಿದರು. ಈ ವೇಳೆ ಸಲ್ಲು ಫೋಟೋಗ್ರಾಫರ್‌ಗಳ ವಿರುದ್ಧ ತುಸು ಅಸಮಾಧಾನಗೊಂಡರು. ಬಳಿಕ ಕೆರಳಿದ ಸಲ್ಮಾನ್ ಖಾನ್, ಅಂತರ ಕಾಯ್ದುಕೊಳ್ಳುವಂತೆ ಅವರಿಗೆ ಸೂಚನೆ ನೀಡಿದರು.

View this post on Instagram

A post shared by Viral Bhayani (@viralbhayani)

‘ಇದು ನನ್ನ ಕೆಲಸವಲ್ಲ. ಕ್ಯಾಮೆರಾ ಮುಂದೆ ಬಂದು ನಿಲ್ಲುವ ಅಗತ್ಯ ನನಗೆ ಖಂಡಿತ ಇಲ್ಲ’ ಎಂದು ಅವರು ಗರಂ ಆದರು. ನಂತರ ಮತ್ತೆ ಫೋಟೋ ನೀಡುವಂತೆ ಕೇಳಿದಾಗ ಸಲ್ಲು ಕಿರಿಕಿರಿಗೊಳಗಾದರು. ಪ್ರಾಪರ್ ಡಿಸ್ಟೆನ್ಸ್ ಕಾಯ್ದುಕೊಳ್ಳುವಂತೆ ಅವರು ಕಟ್ಟುನಿಟ್ಟಾಗಿ ಹೇಳಿದರು.

ಸಲ್ಮಾನ್ ಕೌಬಾಯ್ ಗೆಟಪ್‌ನಲ್ಲಿ ಮಿಂಚಿದ್ದಾರೆ. ಡಾರ್ಕ್ ಬ್ರೌನ್ ಲೆದರ್ ಹ್ಯಾಟ್ ಧರಿಸಿದ್ದ ಅವರು, ಅದಕ್ಕೆ ಮ್ಯಾಚ್ ಆಗುವಂತೆ ಬೆಳ್ಳಿ ಬಕಲ್ ಇರುವ ಬೆಲ್ಟ್ ಹಾಕಿದ್ದಾರೆ. ಕೈಯಲ್ಲಿ ಅವರ ಸಿಗ್ನೇಚರ್ ಟರ್ಕೋಯಿಶ್ ಬ್ರೇಸ್‌ಲೆಟ್ ಇತ್ತು. ಈ ಬಾರಿ ಹಿಂದಿ ಬಿಗ್ ಬಾಸ್​​ನಲ್ಲಿ ಯಾವ ಥೀಮ್ ಇರಲಿದೆ ಎನ್ನುವ ಕುತೂಹಲ ಮೂಡಿದೆ.

ಇದನ್ನೂ ಓದಿ: ಬಿಗ್ ಬಾಸ್​ಗೆ ಎಂಟ್ರಿ ಕೊಡೋ ಸ್ಪರ್ಧಿಗಳು ಇವರೇ ನೋಡಿ; ವಿಡಿಯೋದಲ್ಲೇ ರಿವೀಲ್

ಬಿಗ್ ಬಾಸ್ ಸೀಸನ್ 20 ಸೆಪ್ಟೆಂಬರ್ 6ರಂದು ಕಲರ್ಸ್ ಟಿವಿ ಹಾಗೂ ಜಿಯೋ ಹಾಟ್‌ಸ್ಟಾರ್‌ನಲ್ಲಿ ಪ್ರಸಾರವಾಗಲಿದೆ. ಇದರೊಂದಿಗೆ ಕನ್ನಡ, ತಮಿಳು, ತೆಲುಗು ಹಾಗೂ ಮಲಯಾಳಂ ಆವೃತ್ತಿಗಳು ಒಂದೇ ದಿನ ಆರಂಭವಾಗಲಿವೆ. ಕನ್ನಡದಲ್ಲಿ ಸುದೀಪ್, ತಮಿಳಿನಲ್ಲಿ ವಿಜಯ್ ಸೇತುಪತಿ, ತೆಲುಗಿನಲ್ಲಿ ಅಕ್ಕಿನೇನಿ ನಾಗಾರ್ಜುನ ಹಾಗೂ ಮಲಯಾಳಂನಲ್ಲಿ ಮೋಹನ್​ಲಾಲ್ ಅವರು ಶೋನ ನಡೆಸಿಕೊಡಲಿದ್ದಾರೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.

Published On - 8:46 am, Sat, 5 September 26