ಟಾಕ್ಸಿಕ್’ ಕಲೆಕ್ಷನ್ ಲೆಕ್ಕಾಚಾರ; ಹಿಂದಿಯಲ್ಲಿ ದೊಡ್ಡ ಜಾಕ್‌ಪಾಟ್ ಹೊಡೆದಿದ್ದು ಹೇಗೆ?

‘ಟಾಕ್ಸಿಕ್’ ಚಿತ್ರದ (Toxic Movie) ಮೊದಲ ದಿನದ ಕಲೆಕ್ಷನ್ ಲೆಕ್ಕಾಚಾರ ಅನೇಕರಿಗೆ ಅಚ್ಚರಿ ತರಿಸಿದೆ. ಏಕೆಂದರೆ ಸಿನಿಮಾ ಮೊದಲ ದಿನವೇ 140 ಕೋಟಿ ರೂಪಾಯಿ ಕಲೆಕ್ಷನ್ ಮಾಡಿದೆ. ವಿಶೇಷ ಎಂದರೆ ಕನ್ನಡಕ್ಕಿಂತ ಹಿಂದಿ ಆವೃತ್ತಿಯು ಡಬಲ್ ಗಳಿಕೆ ಮಾಡಿದೆ. ಇದು ಹೇಗೆ ಸಾಧ್ಯ ಎಂಬ ಪ್ರಶ್ನೆ ಅನೇಕರನ್ನು ಕಾಡುತ್ತಿದೆ. ಅದಕ್ಕೆ ಈ ಸ್ಟೋರಿಯಲ್ಲಿ ಉತ್ತರ ಇದೆ.

‘ಟಾಕ್ಸಿಕ್’ ಗಳಿಕೆಯ ಹಿಂದಿನ ಮುಖ್ಯ ಗೇಮ್ ಚೇಂಜರ್ ಎಂದರೆ ಶೋಗಳ ಸಂಖ್ಯೆ. ಭಾರತದಾದ್ಯಂತ ಹಿಂದಿ ಆವೃತ್ತಿಗೆ ಬೃಹತ್ ಪ್ರಮಾಣದ ಅಂದರೆ 16,670 ಶೋಗಳು ಲಭ್ಯವಾಗಿದ್ದವು. ಆದರೆ ಕನ್ನಡ ಆವೃತ್ತಿಗೆ ಸಿಕ್ಕಿದ್ದು ಕೇವಲ 2,031 ಶೋಗಳು ಮಾತ್ರ. ಅಂದರೆ ಕನ್ನಡಕ್ಕಿಂತ ಹಿಂದಿಯಲ್ಲೇ ಶೋಗಳ ಸಂಖ್ಯೆ 8 ಪಟ್ಟು ಹೆಚ್ಚಾಗಿತ್ತು.

ಇನ್ನು ಆಕ್ಯುಪೆನ್ಸಿ (ಚಿತ್ರಮಂದಿರಗಳ ಭರ್ತಿ ಪ್ರಮಾಣ) ವಿಷಯಕ್ಕೆ ಬಂದರೆ, ಕನ್ನಡ ಆವೃತ್ತಿಯು ಶೇಕಡಾ 89.0% ರಷ್ಟು ಅತ್ಯಧಿಕ ಆಕ್ಯುಪೆನ್ಸಿ ಸಾಧಿಸಿತ್ತು. ಅಂದರೆ ಕನ್ನಡ ಪ್ರದರ್ಶನಗೊಂಡ ಬಹುತೇಕ ಚಿತ್ರಮಂದಿರಗಳು ಹೌಸ್‌ಫುಲ್ ಆಗಿದ್ದವು. ಇನ್ನೊಂದೆಡೆ, ಹಿಂದಿ ಆವೃತ್ತಿಯು ಶೇಕಡಾ 53.0% ಆಕ್ಯುಪೆನ್ಸಿ ಹೊಂದಿತ್ತು.

ಇಲ್ಲಿ ಗಮನಿಸಬೇಕಾದ ಅಂಶವೆಂದರೆ, ಹಿಂದಿಯ ಆಕ್ಯುಪೆನ್ಸಿ ಶೇಕಡಾವಾರು ಪ್ರಮಾಣದಲ್ಲಿ ಕನ್ನಡಕ್ಕಿಂತ ಕಡಿಮೆಯಿದ್ದರೂ, ಬೃಹತ್ ಸಂಖ್ಯೆಯ ಶೋಗಳು (16,670) ಬೆಂಬಲವಾಗಿ ನಿಂತವು. ಈ ಶೋಗಳ ಸಂಖ್ಯೆಯ ಭಾರಿ ವ್ಯತ್ಯಾಸದಿಂದಾಗಿ, ಶೇ. 53ರಷ್ಟು ಆಕ್ಯುಪೆನ್ಸಿ ಇದ್ದರೂ ಸಹ ಹಿಂದಿ ವರ್ಷನ್ ₹55.00 ಕೋಟಿ ಗಳಿಸಲು ಸಾಧ್ಯವಾಯಿತು. ಹೀಗಾಗಿ ಅತ್ಯಧಿಕ ಆಕ್ಯುಪೆನ್ಸಿ ಇದ್ದರೂ ಕಡಿಮೆ ಶೋಗಳ ಕಾರಣಕ್ಕೆ ಕನ್ನಡ ಆವೃತ್ತಿ ₹23.30 ಕೋಟಿಗೆ ತಲುಪಿದರೆ, ಶೋಗಳ ಬಲದಿಂದ ಹಿಂದಿ ಆವೃತ್ತಿಯು ಕನ್ನಡಕ್ಕಿಂತ ಡಬಲ್ ಕಲೆಕ್ಷನ್ ಮಾಡಿದೆ.

ಇದನ್ನೂ ಓದಿ: ಮೊದಲ ದಿನವೇ 140 ಕೋಟಿ ರೂ. ಗಳಿಸಿದ ‘ಟಾಕ್ಸಿಕ್’; ಕನ್ನಡಕ್ಕಿಂತ ಹಿಂದಿಯಲ್ಲಿ ಡಬಲ್ ಗಳಿಕೆ

ಒಟ್ಟೂ ಕಲೆಕ್ಷನ್

‘ಟಾಕ್ಸಿಕ್’ ಸಿನಿಮಾ ತನ್ನ ಬಿಡುಗಡೆಯ ಮೊದಲ ದಿನವೇ ಬಾಕ್ಸ್ ಆಫೀಸ್‌ನಲ್ಲಿ ಅಬ್ಬರದ ಗಳಿಕೆ ಮಾಡಿದ್ದು, ಭಾರತದಲ್ಲಿ ಒಟ್ಟು 24,579 ಶೋಗಳಿಂದ 101.10 ಕೋಟಿ ರೂಪಾಯಿ ನೆಟ್ ಕಲೆಕ್ಷನ್ ಮಾಡಿದೆ. ಇದರೊಂದಿಗೆ ದೇಶಾದ್ಯಂತ ಸಿನಿಮಾದ ಒಟ್ಟು ಗ್ರಾಸ್ ಗಳಿಕೆ 120.75 ಕೋಟಿ ರೂಪಾಯಿ ತಲುಪಿದೆ. ಇನ್ನು ವಿದೇಶಗಳಲ್ಲೂ ಜಾಗತಿಕ ಮಟ್ಟದಲ್ಲಿ ಭರ್ಜರಿ ಪ್ರದರ್ಶನ ಕಾಣುತ್ತಿರುವ ಈ ಚಿತ್ರ, ಓವರ್‌ಸೀಸ್ ಮಾರುಕಟ್ಟೆಯಿಂದ 20.00 ಕೋಟಿ ಗ್ರಾಸ್ ಕಲೆಕ್ಷನ್ ಕಲೆಹಾಕಿದೆ. ಈ ಮೂಲಕ ‘ಟಾಕ್ಸಿಕ್’ ಚಿತ್ರವು ವಿಶ್ವದಾದ್ಯಂತ ಮೊದಲ ದಿನವೇ ಒಟ್ಟು 140.75 ಕೋಟಿ ರೂಪಾಯಿ ಗಳಿಸಿದೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.

Published On - 10:53 am, Thu, 27 August 26