Weekly Horoscope in Kannada: ವಾರ ಭವಿಷ್ಯ: ನ. 03 ರಿಂದ ನ.09 ರವರೆಗೆ ವಾರ ಭವಿಷ್ಯ

ಇದು ನವೆಂಬರ್ ತಿಂಗಳ ಮೊದಲ ವಾರವಿದಾಗಿದೆ. 03-11-2024ರಿಂದ 09-11-2024ರವರೆಗೆ ಇರಲಿದೆ. ಕುಜನು ನೀಚ ಹಾಗೂ ಸೂರ್ಯನೂ ನೀಚನಾಗಿರುವ ಕಾರಣ ಆತ್ಮಬಲ ಹಾಗೂ ದೇಹಬಲವು ಎಲ್ಲರಲ್ಲಿಯೂ ಕಡಿಮೆಯಾಗುವುದು ಸಹಜ.‌ ಅದನ್ನು ದೈವಬಲದಿಂದ ಸರಿಯಾಗಿ ಮಾಡಿಕೊಳ್ಳಲು ಸಾಧ್ಯ. ಅಂಗಾರಕ‌ ಹಾಗೂ ಸೂರ್ಯನನ್ನು ಪ್ರತಿದಿನ‌ ಯಥಾಸಾಧ್ಯ ಜಪಿಸಿ.

ಮೇಷ ರಾಶಿ: ನವೆಂಬರ್ ತಿಂಗಳ ಮೊದಲ ವಾರದಲ್ಲಿ ನಿಮಗೆ ಶುಭವಿದೆ. ಶುಕ್ರನು ನವಮಕ್ಕೆ ಹೋಗುವ ಕಾರಣ ಕಲಾವಿದರೆ ಪ್ರಶಂಸೆ ಹಾಗೂ ಪ್ರಗತಿ ಕಾಣಿಸುವುದು. ಪ್ರೇಮವು ಗಟ್ಟಿಯಾಗಲು ಅವಕಾಶ ಸಿಗುವುದು. ರವಿಯು ಸಪ್ತಮದಲ್ಲಿ ಇರುವುದು ವಿವಾಹ ಯೋಗವನ್ನು ತಪ್ಪಿಸುವನು. ಬಂಧುಗಳಿಗೆ ನಿಮ್ಮ ಬಗ್ಗಡ ಸದ್ಭಾವ ಇರದು. ಪ್ರಾಯಃ ಕಾಲದಲ್ಲಿ ಆದಿತ್ಯ ಹೃದಯವನ್ನು ಜಪಿಸಿ.

ವೃಷಭ ರಾಶಿ: ರಾಶಿ ಚಕ್ರದ ಎರಡನೇ ರಾಶಿಯವರಿಗೆ ಮಿಶ್ರಫಲ.‌ ಶುಕ್ರನು ರಾಶಿಯ ಅಧಿಪತಿಯಾಗಿ ಅಷ್ಟಮದಲ್ಲಿ ಇರುವ ಕಾರಣ ದಾಂಪತ್ಯದಲ್ಲಿ ಸುಖ ಕಡಿಮೆಯಾಗುವುದು.‌ ಭೋಗವಸ್ತುಗಳ ಮೇಲೆ ಆಸಕ್ತಿ ಹೆಚ್ಚಾಗುವುದು. ಧನನಷ್ಟವನ್ನು ಮಾಡಿಕೊಳ್ಳುವಿರಿ. ಶನಿಯು ದಶಮದಲ್ಲಿ ಇರುವುದು ವೃತ್ತಿಯಲ್ಲಿ ನಿಮಗೆ ಆಸಕ್ತಿ ಕಾಣಿಸದು. ಉದ್ಯೋಗಕ್ಕಾಗಿ ಉದ್ಯೋಗವನ್ನು ಮಾಡುವಿರಿ. ಧ್ಯಾನದಿಂದ‌ ಏಕಾಗ್ರತೆಯನ್ನು ಹೆಚ್ಚು ಪಡೆಯಲು ಸಾಧ್ಯ.

ಮಿಥುನ ರಾಶಿ: ನವೆಂಬರ್ ತಿಂಗಳ ಮೊದಲ ವಾರದಲ್ಲಿ ನಿಮಗೆ ಶುಭ. ಪ್ರೇಮದಲ್ಲಿ ಅಪೇಕ್ಷೆ ಇರುವುದು. ಆದರೆ ಪುರುಷರಿಂದ ತೊಂದರೆಗ ಒಳಗಾಗುವಿರಿ. ಉದ್ಯೋಗದಲ್ಲಿ ಸರಿಯಾದ ತೊಡಗುವಿಕೆ ಕಾಣಿಸದು. ಉದ್ಯಮದಲ್ಲಿ ಈ ವಾರ ಪ್ರಗತಿಯನ್ನು ಕಾಣಲಾಗದು. ಬಂಧುಗಳ ಬಗ್ಗೆ ನಿರಾಶಾ ಭಾವವು ಬರುವುದು. ಕುಟುಂಬದಿಂದ ನಿಮಗೆ ಪೂರ್ಣ ಸಮಾಧಾನ ದೊರೆಯದು. ಮಕ್ಕಳ ಚಿಂತೆ ಕಾಡುವುದು. ಸಂತಾನ ಗೋಪಾಲಕೃಷ್ಣನನ್ನು ಪೂಜಿಸಿ.

ಕರ್ಕಾಟಕ ರಾಶಿ: ರಾಶಿ ಚಕ್ರದ ನಾಲ್ಕನೇ ರಾಶಿಯವರಿಗೆ ಶುಭಾಶುಭ ಫಲ. ಶುಕ್ರನು ಷಷ್ಠಸ್ಥಾನಕ್ಕೆ ಹೋಗಲಿದ್ದು ಪ್ರೇಮದಲ್ಲಿ ಕಲಹ, ಶತ್ರುತ್ವವೂ ಕಾಣಿಸಿಕೊಳ್ಳುವುದು. ವಿದ್ಯಾಭ್ಯಾಸದಲ್ಲಿ ಆಸಕ್ತಿ ಹಾಗೂ ಅದಕ್ಕೆ ಬೇಕಾದ ಸಿದ್ಧತೆ ಹಾಗೂ ಯೋಗ್ಯವಾದ ಸ್ಥಾನವೂ ಪ್ರಾಪ್ತವಾಗಲಿದೆ. ದೈಹಿಕವಾಗಿ ನಿಶ್ಶಕ್ತಿಯ ತೊಂದರೆಯನ್ನು ಅನುಭವಿಸಬೇಕಾಗುವುದು. ತಂದೆಯ ಜೊತೆ ಸೌಹಾರ್ದತೆ ಇರುವುದು. ವೃತ್ತಿಯನ್ನು ಸರಿಯಾಗಿ ನಿರ್ವಹಿಸಲು ಕಷ್ಟವಾಗುವುದು. ಧೈರ್ಯವನ್ನು ಪಡೆಯಲು ಕಾರ್ತಿಕೇಯನನ್ನು ಸ್ಮರಿಸಿ.

ಸಿಂಹ ರಾಶಿ: ಈ ತಿಂಗಳ ಮೊದಲನೇ ವಾರದಲ್ಲಿ ನಿಮಗೆ ಮಿಶ್ರಫಲ. ಶುಕ್ರನು ರಾಶಿಯನ್ನು ಬದಲಾಯಿಸುವಕಾರಣ ವಿಜ್ಞಾನ ವಿದ್ಯಾರ್ಥಿಗಳಿಗೆ ವಿದ್ಯಾಭ್ಯಾಸದಲ್ಲಿ ಆಸಕ್ತಿ ಹೆಚ್ಚಾಗುವುದು. ಕುಜನು ದ್ವಾದಶದಲ್ಲಿ ಇರುವುದರಿಂದ ಉತ್ಸಾಹ ಕಡಿಮೆಯಾಗಲಿದೆ. ಯಾರ ಮಾತಿನಿಂದಲೂ ನಿಮಗೆ ಪ್ರೇರಣೆ ಸಿಗದು. ಎಲ್ಲ ಸಂದರ್ಭದಲ್ಲಿಯೂ ಕೋಪವು ಹೆಚ್ಚಾಗುವುದು. ಯಾರದ್ದಾದರೂ ಪ್ರಭಾವವನ್ನು ಬಳಸಿ ಉದ್ಯೋಗಕ್ಕೆ ಸೇರಿಕೊಳ್ಳುವಿರಿ. ಬಲಕಣ್ಣಿನ ತೊಂದರೆ ಕಾಣಿಸಿಕೊಳ್ಳುವುದು. ದೃಷ್ಟಿ ಗಣಪತಿಯನ್ನು ಉಪಾಸನೆ ಮಾಡಿ.

ಕನ್ಯಾ ರಾಶಿ: ರಾಶಿ ಚಕ್ರದ ಆರನೇ ರಾಶಿವರಿಗೆ ನವೆಂಬರ್ ತಿಂಗಳ ಮೊದಲ ವಾರದಲ್ಲಿ ಶುಭ. ಶುಕ್ರನು ಚತುರ್ಥ ಸ್ಥಾನಕ್ಕೆ ಹೋಗಲಿದ್ದು ಬಾಂಧವ್ಯದಲ್ಲಿ ಹೊಸತನ ಕಾಣಿಸುವುದು. ಸಂಗಾತಿಯಿಂದ ಖುಷಿ ಸಿಗಲಿದೆ. ಉದ್ಯೋಗದಲ್ಲಿ ನಿಮ್ಮನ್ನು ಗುರುತಿಸಿಕೊಳ್ಳುವ ತಂತ್ರಗಳನ್ನು ಮಾಡುವಿರಿ. ಸಾಹಿತ್ಯ ಕ್ಷೇತ್ರದಲ್ಲಿ ಪ್ರಗತಿ ಕಾಣಬಹುದು. ವಿವಾಹದ ಬಗ್ಗೆ ಗಮನ ಹರಿಸಬಹುದು. ಗುರುಜನರ ನಡುವೆ ಶತ್ರುತ್ವ ಕಾಣಿಸುವುದು. ಗಣಪತಿಗೆ ಪ್ರಿಯವಾದ ದೂರ್ವಾಪತ್ರವನ್ನು ಸಮರ್ಪಿಸಿ.

ತುಲಾ ರಾಶಿ: ರಾಶಿ ಚಕ್ರದ ಏಳನೇ ರಾಶಿ ಇದಾಗಿದ್ದು ರಾಶಿಯ ಅಧಿಪತಿ ತೃತೀಯದಲ್ಲಿ ಇರುವನು. ಸಹೋದರರ ನಡುವೆ ಸಾಮರಸ್ಯ ಕಂಡರೂ ಕೆಲವು ವಿಚಾರದಲ್ಲಿ ಕಲಹ ಕಾಣಿಸುವುದು. ವೃತ್ತಿಯ ಬಗ್ಗೆ ಭರವಸೆ ಸಾಲದು. ಪ್ರೇಮಿಗಳು ಕೆಲವು ದಿನ ವಿವಾಹದ ವಿಚಾರಕ್ಕೆ ಹೋಗದಿದ್ದರೆ ಉತ್ತಮ. ಜ್ವರ ಬಾಧೆ ಕಾಣಿಸಿಕೊಳ್ಳುವುದು. ಶತ್ರುಗಳು ಬೇರೆ ರೀತಿಯ ಆಲೋಚನೆ ಮಾಡಬಹುದು. ಮಕ್ಕಳಿಂದ ನೀವು ಎಣಿಸಿದ ಸಂಗತಿಗಳು ಬಾರವು. ದುರ್ಗಾ ಮಾತೆಯ ಕೃಪೆ ಅತ್ಯಗತ್ಯ.

ವೃಶ್ಚಿಕ ರಾಶಿ: ನವೆಂಬರ್ ತಿಂಗಳ ಮೊದಲ ವಾರದಲ್ಲಿ ಈ ರಾಶಿಯವರಿಗೆ ಶುಭ. ಶುಕ್ರನು ದ್ವಿತೀಯದಲ್ಲಿ ಇರುವ ಕಾರಣ ಕುಟುಂಬದಲ್ಲಿ ನೆಮ್ಮದಿ. ವಾಹನದಿಂದ ಲಾಭ. ಭೂಮಿಯ ವ್ಯವಹಾರದಲ್ಲಿ ಪ್ರಗತಿ ಕಾಣಿಸುವುದು. ರಾಶಿಯ ಅಧಿಪತಿ ನೀಚನಾಗಿ ನವಮದಲ್ಲಿರುವ ಕಾರಣ ನಿಮ್ಮ ಬಗ್ಗೆ ಪೂರ್ಣ ವಿಶ್ವಾಸವಿರದು. ಎಲ್ಲದಕ್ಕೂ ಅಳುಕು ಕಾಣಿಸುವುದು. ಗೊಂದಲದ ನಿವಾರಣೆ ಕಷ್ಟವಾಗುವುದು. ಸತ್ಪಾತ್ರರಿಗೆ ಕೆಂಪು ಬಣ್ಣದ ವಸ್ತ್ರವನ್ನು ನೀಡಿ.

ಧನು ರಾಶಿ: ಇದು ರಾಶಿ ಚಕ್ರದ ಒಂಭತ್ತನೆಯ ರಾಶಿಯಾಗಿದ್ದು, ಈ ತಿಂಗಳ‌ ಮೊದಲ ವಾರದಲ್ಲಿ ಮಿಶ್ರಫಲ. ಶುಕ್ರನು ನಿಮ್ಮ ರಾಶಿಗೆ ಬರಲಿದ್ದಾನೆ. ಪ್ರೇಮವು ಆರಂಭವಾಗಬಹುದು. ಕುಜನು ನೀಚನಾದ ಕಾರಣ ಗುರುಬಲವೂ ಇಲ್ಲದೇ ಇರುವುದರಿಂದ ಪೂರ್ವಾಪರ ಯೋಚನೆ ಇಲ್ಲದೇ ಹೊಂಡಕ್ಕೆ ಬೀಳಬೇಕಾಗಬಹುದು. ಮನೆಯವರೂ ಎಚ್ಚರಿಕೆಯಿಂದ ಇರುವುದು ಸೂಕ್ತ. ಅನಂತರ ದುಃಖಿಸಿದರೆ ಪ್ರಯೋಜನವಿಲ್ಲ. ಮಹಾಶಿವನು ಇಂತಹ ಆಸ್ಥಾನದಲ್ಲಿ ಪ್ರೇಮವು ಬಾರದಂತೆ ಕಾಪಾಡುವನು.

ಮಕರ ರಾಶಿ: ಈ ರಾಶಿಯವರಿಗೆ ನವೆಂಬರ್ ತಿಂಗಳ‌ ಮೊದಲ ವಾರದಲ್ಲಿ ಅಶುಭ.‌ ಶುಕ್ರನು ದ್ವಾದಶ ಸ್ಥಾನಕ್ಕೆ ಬರಲಿದ್ದು ವಾಹನದಿಂದ ಭೀತಿ ಅಥವಾ ವಾಹನದ ಕಾರಣದಿಂದ ನಷ್ಟ ಮಾಡಿಸುವನು. ವ್ಯಾಪಾರಿಗಳಿಗೆ ಅಲ್ಪ ಹಿನ್ನಡೆಯಾಗಲಿದೆ. ಭೂಮಿಯ ವ್ಯವಹಾರಸ್ಥರು ಎಚ್ಚರಿಕೆಯಿಂದ ಕಾರ್ಯವನ್ನು ಮಾಡಬೇಕು. ನಿಮ್ಮ ಮೇಲೆ ಎಲ್ಲ ಆರೋಪಗಳೂ ಬರಬಹುದು. ಭೂವರಾಹ ಸ್ತೋತ್ರವನ್ನು ನಿತ್ಯ ಜಪಿಸಿ.

ಕುಂಭ ರಾಶಿ: ರಾಶಿ ಚಕ್ರದ ಹನ್ನೊಂದನೇ ರಾಶಿಯವರಿಗೆ ಶುಕ್ರನು ಏಕಾದಶಕ್ಕೆ ಬರುವುದರಿಂದ ಕೆಲವು ಅನುಕೂಲತೆಗಳು ಕಾಣಿಸುವುವು. ಮುಖ್ಯವಾಗಿ ಶತ್ರುಗಳಿಂದ ನಿಮಗೆ ಬರಬೇಕಾದ ಹಣ ಅಥವಾ ವಸ್ತು, ಭೂಮಿ ಬರುವುದು. ಸಾಲ ಪಡೆದವರೂ ನಿಮಗೆ ಅಚ್ಚರಿಯಾಗುವಂತೆ ಮರಳಿ ಹಣವನ್ನು ಕೊಡುವರು. ಬುಧನು ದಶಮದಲ್ಲಿ ಇರುವಕಾರಣ ಉದ್ಯೋಗದಲ್ಲಿ ಸ್ಥಾನ ಬದಲಾವಣೆ ಸಾಧ್ಯವಾಗುವುದು. ಲಕ್ಷ್ಮೀನೃಸಿಂ ಸ್ತೋತ್ರವನ್ನು ಪಠಿಸಿ.

ಮೀನ ರಾಶಿ: ನವೆಂಬರ್ ತಿಂಗಳ ಮೊದಲ ವಾರದಲ್ಲಿ ಶುಕ್ರನ ಪರಿವರ್ತನೆ ಆಗುವುದು. ದಶಮದಲ್ಲಿ ಶುಕ್ರನು ಇರುವನು. ‌ಉದ್ಯೋಗದಲ್ಲಿ ಕಾಲತ್ಮಕತೆಯನ್ನು ರೂಡಿಸಿಕೊಳ್ಳುವಿರಿ. ಕಲಾವಿರಿಗೂ ದೊಡ್ಡ ಮಟ್ಟದ ವ್ಯಾಪಾರಿಗಳಿಗೆ ಆದಾಯ ಹೆಚ್ಚು. ಪೃಥ್ವಿಯ ಉತ್ಪನ್ನದ ವ್ಯಾಪಾರದಲ್ಲಿ ಪ್ರಗತಿ ಕಾಣಿಸುವುದು. ಆದರೆ ಕುಜನು ಬಲಹೀನನಾದ ಕಾರಣ ಸುಬ್ರಹ್ಮಣ್ಯನ ಉಪಾಸನೆಯಿಂದ ಮುಂದುವರಿದರೆ ಉತ್ತಮ.

ಲೋಹಿತ ಹೆಬ್ಬಾರ್ – 8762924271 (what’s app only)