ಬಿಹಾರದ ರೈತ ಬೆಳೆದ ಈ ಬೆಳೆ 1 ಕೆಜಿಗೆ 1 ಲಕ್ಷ ರೂಪಾಯಿ: ಸೋಷಿಯಲ್​ ಮೀಡಿಯಾದಲ್ಲಿ ಫುಲ್ ಹವಾ

ಬಿಹಾರದ ರೈತರೊಬ್ಬರು ತಮ್ಮ ಹೊಲದಲ್ಲಿ ಬೆಳೆದ ಈ ಬೆಳೆಯನ್ನು ಒಂದು ಕೆಜಿಗೆ ₹ 1 ಲಕ್ಷದಂತೆ ಮಾರಾಟ ಮಾಡುತ್ತಿದ್ದಾರೆ. ರೈತ ಅಮರೇಶ್ ಸಿಂಗ್ ಬೆಳೆದ ಈ ಬೆಳೆಯ ಹೆಸರು ‘ಹೊಪ್ ಶೂಟ್ಸ್​’ (Hop Shoots). ಇದು ವಿಶ್ವದ ಅತಿ ದುಬಾರಿ ಬೆಳೆ ಎನಿಸಿಕೊಂಡಿದೆ. ಈ ಬೆಳೆಯ ಬಗ್ಗೆ ಐಎಎಸ್ ಅಧಿಕಾರಿ ಸುಪ್ರಿಯಾ ಸಾಹು ರಾಷ್ಟ್ರೀಯ ಮಾಧ್ಯಮದಲ್ಲಿ ಪ್ರಕಟವಾಗಿದ್ದ ಸುದ್ದಿಯ ಜೊತೆಗೆ ಕೆಲ ಫೋಟೊಗಳನ್ನೂ ಟ್ವೀಟ್ ಮಾಡಿದ್ದಾರೆ. ಈ ಬೆಳೆಯು ಭಾರತೀಯ ರೈತರ ಪರಿಸ್ಥಿತಿಯನ್ನು ಬದಲಿಸಬಲ್ಲದು ಎಂದಿದ್ದಾರೆ ಅವರು. ಈ ಟ್ವೀಟ್ ವೈರಲ್ ಆಗಿದೆ. 5000 ಮಂದಿ ರೀಟ್ವೀಟ್ ಮಾಡಿದ್ದು, 23.5 ಲಕ್ಷ ಮಂದಿ ಲೈಕ್ ಮಾಡಿದ್ದಾರೆ. 

ಬಿಹಾರದ ಔರಂಗಾಬಾದ್ ಜಿಲ್ಲೆ ಕರಮ್​ನಿಧಿ ಗ್ರಾಮದ 38 ವರ್ಷದ ರೈತ ಅಮರೇಶ್ ಸಿಂಗ್ ಭಾರತದಲ್ಲಿ ಈ ರಿಸ್ಕ್ ತೆಗೆದುಕೊಂಡಿದ್ದಾರೆ.  ಅವರು ಮೊದಲು ವಾರಣಾಸಿಯ ಭಾರತೀಯ ತೋಟಗಾರಿಕೆ ಬೆಳೆಗಳ ಸಂಶೋಧನಾ ಸಂಸ್ಥೆಯಿಂದ ಸಸಿಗಳನ್ನು ತಂದರು. ಸಂಶೋಧನಾ ಸಂಸ್ಥೆಯು ಬೆಳೆಯನ್ನು ಪರಿಚಯಿಸುವವರೆಗೆ ಹೊಪ್ ಶೂಟ್ಸ್​ ಹೆಸರನ್ನು ಭಾರತದಲ್ಲಿ ಹೆಚ್ಚಿನ ಜನರು ತಿಳಿದಿರಲೇ ಇಲ್ಲ. ಈ ಬೆಳೆ ಬೇಕು ಎಂದಾದರೆ ವಿದೇಶಗಳಿಂದ ತರಿಸಿಕೊಳ್ಳಬೇಕಾಗಿತ್ತು. ಸಾಗಾಟ ವೆಚ್ಚವೂ ಹೆಚ್ಚಾಗುತ್ತಿತ್ತು. ಅಷ್ಟೇ ಅಲ್ಲ, ಆರ್ಡರ್ ಮಾಡಿದವರು ದೀರ್ಘಕಾಲ ಕಾಯಬೇಕಿತ್ತು.

ಇದೀಗ ಹೊಪ್ ಶೂಟ್ಸ್​ ಬೆಳೆ ಬೆಳೆಯಲು ಉತ್ತೇಜನ ಸಿಗುತ್ತಿದೆ. ಇದು ರೈತರ ಆರ್ಥಿಕ ಸ್ವಾವಲಂಬನೆಗೂ ಸಹಕಾರಿ ಆಗಬಲ್ಲದು. ಹೊಪ್ಸ್​ ಗಿಡದ ಎಲ್ಲ ಭಾಗಗಳೂ ಉಪಯುಕ್ತ. ಆದರೆ ಹೂಗಳಿಗೆ ವಿಶೇಷ ಬೇಡಿಕೆಯಿದೆ. ಹೊಪ್ ಗಿಡದ ವೈಜ್ಞಾನಿಕ ಹೆಸರು ಹ್ಯುಮ್ಯುಲಸ್ ಲುಪ್ಯುಲಸ್ (Humulus Lupulus). ಇದು ಹೂಬಿಡುವ ಕೆನ್ನಬಸಿಯಾ ಕುಟುಂಬಕ್ಕೆ ಸೇರಿದ ಗಿಡವಾಗಿದೆ.

ಹೊಪ್ ಶೂಟ್ಸ್​ ಬೆಳೆ

ಅದೆಲ್ಲಾ ಸರಿ, ಈ ಗಿಡದ ಉತ್ಪನ್ನಗಳಿಗೇಕೆ ಇಷ್ಟೊಂದು ಬೆಲೆ ಅಂದ್ರಾ? ಈ ಗಿಡದ ಪ್ರತಿಯೊಂದು ಭಾಗವೂ ಉಪಯುಕ್ತ ಎಂದು ಅಧ್ಯಯನಗಳು ಹೇಳುತ್ತವೆ. ಹಣ್ಣು, ಹೂ, ಕಾಂಡಗಳು ಹಲವು ರೀತಿಯ ಉಪಯೋಗ ಹೊಂದಿವೆ. ಬಿಯರ್ ಉದ್ಯಮದಲ್ಲಿ ಈ ಗಿಡದ ಕೆಲ ಭಾಗಗಳನ್ನು ಸ್ಥಿರೀಕರಣಕ್ಕಾಗಿ (stability agent) ಬಳಸುತ್ತಾರೆ. ಕ್ಷಯರೋಗ ಬಾರದಂತೆ ತಡೆಯುವ ಶಕ್ತಿಯೂ ಈ ಗಿಡಕ್ಕಿದೆ. ಈ ಗಿಡದಲ್ಲಿರುವ ಆಂಟಿಯಾಕ್ಸಿಡೆಂಟ್ಸ್​ ಚರ್ಮದ ಕಾಂತಿ ಹೆಚ್ಚಿಸುತ್ತದೆ. ಇದರ ಚಿಗುರು ಸೇವಿಸುವುದರಿಂದ ಅತಿಕೋಪ, ಉದ್ವಿಗ್ನ ಮನಃಸ್ಥಿತಿ, ನಿದ್ರಾಹೀನತೆ ಮತ್ತು ಖಿನ್ನತೆಯನ್ನು ಹೋಗಲಾಡಿಸುತ್ತದೆ ಎಂದು ಹೇಳುತ್ತಾರೆ.

One kilogram of this vegetable costs about Rs 1 lakh ! World’s costliest vegetable,’hop-shoots’ is being cultivated by Amresh Singh an enterprising farmer from Bihar, the first one in India. Can be a game changer for Indian farmers ?https://t.co/7pKEYLn2Wa @PMOIndia #hopshoots pic.twitter.com/4FCvVCdG1m

— Supriya Sahu IAS (@supriyasahuias) March 31, 2021

ಐಎಎಸ್ ಅಧಿಕಾರಿ ಸುಪ್ರಿಯಾ ಅವರ ಟ್ವೀಟ್​ಗೆ ಉತ್ತರಿಸಿರುವ ಹಲವರು, ಈ ಬೆಳೆಗೆ ಅಷ್ಟೊಂದು ಬೆಲೆಯಿಲ್ಲ ಎಂದು ವಾದಿಸಿದ್ದಾರೆ. ಕೆಲವರು ಹೊಪ್ಸ್​ ಬೆಳೆಯಿಂದ ದೂರ ಸರಿಯಲು ನಿರ್ಧರಿಸಿದ ರೈತರ ಬಗ್ಗೆ ‘ದಿ ಟ್ರಿಬ್ಯೂನ್’ ದಿನಪತ್ರಿಕೆ ಪ್ರಕಟಿಸಿರುವ ವರದಿಯ ಲಿಂಕ್ ಹಂಚಿಕೊಂಡಿದ್ದಾರೆ.

Supriya ji Green hops nowhere near ₹1lakh/kg. Hops, one of the main ingredients to make beer, is imported in pellets form. Retails 3k-10k per kg. Is sensitive to climate, usually grown at high altitude. India used to grow in Kashmir n Himachal long back. No harm trying in Bihar

— Rajeev B Agarwal (@RajeevBAgarwal) March 31, 2021

ಈ ಅಭಿಪ್ರಾಯವನ್ನು ನಿರಾಕರಿಸಿ ವಾದಕ್ಕಿಳಿದಿರುವ ಕೆಲವರು, ಯಾವುದೇ ಮದ್ಯ ಮಾರಾಟ ಕಂಪನಿಯನ್ನು ಕೇಳಿನೋಡಿ, ಹೊಪ್ಸ್​ ಬೆಳೆಗೆ ಚಿನ್ನದ ಬೆಲೆ ಕೊಡುತ್ತಾರೆ. ಹಲವು ತಂಪುಪಾನೀಯಗಳ ಸುಗಂಧ ಮತ್ತು ರುಚಿಗೆ ಹೊಪ್ಸ್​ನ ಉಪ ಉತ್ಪನ್ನಗಳು ಬಳಕೆಯಾಗುತ್ತವೆ ಎಂದಿದ್ದಾರೆ.

Ask any distilleries they will pay a lot if its quality hops being produced … this is primarily used in making Beer .. all the fruity flavours and aroma profiles are usually a by product of hops..

— Kyubi 01 (@rockstarakshu) March 31, 2021

ಇದನ್ನೂ ಓದಿ: ಉಡುಪಿ ಜಿಲ್ಲಾಧಿಕಾರಿಯ ಕೃಷಿ ಆಸಕ್ತಿ; ಮನೆಯ ಪಕ್ಕದಲ್ಲೇ ತರಕಾರಿ ಬೆಳೆದು ಇತರರಿಗೆ ಮಾದರಿಯಾದ ಜಿ. ಜಗದೀಶ್

ಬಾಗಲಕೋಟೆಯಲ್ಲಿ ದೇಶದ ಅತಿದೊಡ್ಡ ಮಾಸ್ಕ್ ಅನಾವರಣ; ಶ್ರೀಶೈಲ ಮಲ್ಲಿಕಾರ್ಜುನ ಪಾದಯಾತ್ರೆ ವೇಳೆ ಬೆಂಗಳೂರಿನ ಅಮ್ಮ ಫೌಂಡೇಶನ್​ನಿಂದ ಅಭಿಯಾನ