ಆ ಎರಡು ಪ್ರಮುಖ ಧಾರ್ಮಿಕ ಸ್ಥಳಗಳು ರಾಜಧಾನಿ ಬೆಂಗಳೂರಿಗೆ ಹತ್ತಿರದಲ್ಲಿವೆ. ಇದ್ರಿಂದ ಪ್ರತಿದಿನ ಸಾವಿರಾರು ಜನ ಭಕ್ತರು ಅಲ್ಲಿಗೆ ಹೋಗಿ ಕೆಲಕಾಲ ಪ್ರಾರ್ಥನೆ ಧ್ಯಾನ ಪೂಜೆ ಮಾಡಿ ಬರುತ್ತಾರೆ. ಇನ್ನೂ ಇಂದು ಮಹಾಶಿವರಾತ್ರಿ ಹಿನ್ನಲೆ ಆ ಎರಡು ಧಾರ್ಮಿಕ ಕ್ಷೇತ್ರದಲ್ಲಿ ಜನಸಾಗರವೆ ಹರಿದು ಬಂದಿದೆ. ಇದ್ರಿಂದ ಎಲ್ಲಿ ನೋಡಿದ್ರೂ ಜನವೋ ಜನ.
1 / 8
ವಿಶ್ವಪ್ರಸಿದ್ದ, ಐತಿಹಾಸಿಕ ಹಾಗೂ ಪುರಾಣ ಪ್ರಸಿದ್ದ ಚೋಳರು ಹಾಗೂ ವಿಜಯನಗರ ಕಾಲದ ಪುಣ್ಯಸ್ಥಳ. ದಕ್ಷಿಣಕಾಶಿ ಎಂದೇ ಖ್ಯಾತಿಯಾಗಿರುವ ಶ್ರೀ ಭೋಗನಂದೀಶ್ವರ ಕ್ಷೇತ್ರ. ಚಿಕ್ಕಬಳ್ಳಾಪುರ ತಾಲೂಕಿನ ನಂದಿ ಗ್ರಾಮದಲ್ಲಿದೆ.
2 / 8
ಚಿಕ್ಕಬಳ್ಳಾಪುರ ತಾಲೂಕಿನ ನಂದಿ ಗ್ರಾಮದಲ್ಲಿರುವ ಭೋಗನಂದೀಶ್ವರ ಕ್ಷೇತ್ರ ಶಿವರಾತ್ರಿ ಹಿನ್ನೆಲೆ ಹೂವಿನ ಅಲಂಕಾರದೊಂದಿಗೆ ಕಂಗೊಳಿಸುತ್ತಿತ್ತು.
3 / 8
ಇನ್ನೂ ಮಹಾಶಿವರಾತ್ರಿಯಂದು ಅಲ್ಲಿಗೆ ಹೋಗಿ ಭಕ್ತಿಬಾವದಿಂದ ಪ್ರಾರ್ಥನೆ ಮಾಡಿ, ಜಾಗರಣೆ ಮಾಡಿದರೆ ಪುಣ್ಯ ಪ್ರಾಪ್ತಿಯಾಗುತ್ತೆ ಎಂಬ ಪ್ರತೀತಿ ಇದೆ. ಇದ್ರಿಂದ ಬೆಳಂಬೆಳಿಗ್ಗೆ ರಾಜಧಾನಿ ಬೆಂಗಳೂರಿನ ಜನ ದೇವಸ್ಥಾನಕ್ಕೆ ಆಗಮಿಸಿ ಅರುಣಾಚಲೇಶ್ವರ, ಉಮಾಮಹೇಶ್ವರ ಹಾಗೂ ಶ್ರೀಭೋಗನಂದೀಶ್ವರ ಸ್ವಾಮಿಯ ದರ್ಶನ ಪಡೆದ್ರು.
4 / 8
ಇನ್ನೂ ನಿನ್ನೆ ರಾತ್ರಿಯಿಡಿ ಜಾಗರಣೆ ಮಾಡುವ ಭಕ್ತರು ಇಂದು ನಡೆಯುವ ಬ್ರಹ್ಮರಥೋತ್ಸವಲದಲ್ಲಿ ಭಾಗಿಯಾಗಿ ನಂತರ ತಮ್ಮ ತಮ್ಮ ಊರಿಗೆ ಹೊರಡುತ್ತಾರೆ. ನಿನ್ನೆ ಹಾಗೂ ಇಂದು ಎರಡು ಲಕ್ಷ ಜನ ಭಕ್ತರು ಸೇರುವ ನಿರೀಕ್ಷೆಯಿದೆ. ಇದ್ರಿಂದ ಚಿಕ್ಕಬಳ್ಳಾಪುರ ಜಿಲ್ಲಾಡಳಿ ಸುಕ್ತ ಮುಂಜಾಗೃತೆ ಕೈಗೊಂಡಿದೆ.
5 / 8
ರಾತ್ರಿ ನಡೆಯುವ ಶಿವೋತ್ಸವದಲ್ಲಿ ಭಕ್ತರಿಗೆ ಆಶಿರ್ವಾದ ಮಾಡಲು 31 ಅಡಿಗಳ ಶಿವನ ಪ್ರತಿಮೆ ನಿರ್ಮಿಸಿ ನಿಲ್ಲಿಸಲಾಗಿದೆ. ಮತ್ತೊಂದೆಡೆ ಚಿಕ್ಕಬಳ್ಳಾಪುರ ತಾಲೂಕಿನ ಅವಲಗುರ್ಕಿ ಗ್ರಾಮದ ಬಳಿ ಈಶಾ ಪೌಂಡೇಷನ್ ನ ಆಶ್ರಮದಲ್ಲಿ 112 ಅಡಿಗಳ ಆದಿಯೋಗಿಯ ದರ್ಶನ ಪಡೆಯಲು ಸಾವಿರಾರು ಜನ ಸರತಿ ಸಾಲಿನಲ್ಲಿ ನಿಂತಿದ್ದಾರೆ.
6 / 8
ಇದೆ ಪ್ರಥಮ ಭಾರಿಗೆ ಆದಿಯೋಗಿಗೆ ಆರತಿ ಎತ್ತಿ ಪ್ರಾರ್ಥನೆ ಮಾಡಲು ಅವಕಾಶ ಕಲ್ಪಿಸಲಾಗಿದೆ. ಇದ್ರಿಂದ ನಂದಿ ಹಾಗೂ ಅವಲಗುರ್ಕಿ ಬಳಿ ಭಾರಿ ಪೊಲೀಸ್ ಬಂದೋಬಸ್ತ್ ಕಲ್ಪಿಸಲಾಗಿದೆ. ಆದ್ರೂ ಜಾಗರಣೆಯಲ್ಲಿ ಜನ ಜಾಗೃತೆಯಿಂದ ಇರುವಂತೆ ಚಿಕ್ಕಬಳ್ಳಾಪುರ ಎಸ್ಪಿ ನಾಗೇಶ ಮನವಿ ಮಾಡಿದ್ರು.
7 / 8
ಶಿವರಾತ್ರಿಯೆಂದು ಶಿವನ ಕೃತೆಗೆ ಪಾತ್ರರಾದ್ರೆ. ಪುಣ್ಯ ಪ್ರಾಪ್ತಿಯಾಗುತ್ತೆ ಅನ್ನೊ ನಂಬಿಕೆ ಹಿನ್ನಲೆ ಚಿಕ್ಕಬಳ್ಳಾಪುರದ ನಂದಿಯ ಶ್ರೀಭೋಗನಂದೀಶ್ವರ ಹಾಗೂ 112 ಅಡಿಗಳ ಆದಿಯೋಗಿ ಪ್ರತಿಮೆ ಬಳಿ ಜನಸಾಗರವೆ ಹರಿದು ಬರ್ತಿದೆ. ವರದಿ: ಭೀಮಪ್ಪ ಪಾಟೀಲ, ಟಿವಿ9 ಚಿಕ್ಕಬಳ್ಳಾಫುರ
