PAK vs ZIM: ಟಿ20 ಪಂದ್ಯದಲ್ಲೂ ಪಾಕಿಸ್ತಾನಕ್ಕೆ ಮಣ್ಣು ಮುಕ್ಕಿಸಿದ ಜಿಂಬಾಬ್ವೆ..!
PAK vs ZIM: ಪಾಕಿಸ್ತಾನ ಮತ್ತು ಜಿಂಬಾಬ್ವೆ ನಡುವಿನ ಕೊನೆಯ ಟಿ20 ಪಂದ್ಯದಲ್ಲಿ ಜಿಂಬಾಬ್ವೆ ಅದ್ಭುತ ಗೆಲುವು ಸಾಧಿಸಿತು. ಪಾಕಿಸ್ತಾನ ನೀಡಿದ 133 ರನ್ಗಳ ಗುರಿಯನ್ನು ಜಿಂಬಾಬ್ವೆ ಕೊನೆಯ ಎಸೆತದಲ್ಲಿ ಸಾಧಿಸಿತು. ಟಿನೋಟೆಂಡಾ ಮಾಪೋಸಾ ಅವರ ಅಮೋಘ ಬ್ಯಾಟಿಂಗ್ ಜಿಂಬಾಬ್ವೆಗೆ ಗೆಲುವು ತಂದುಕೊಟ್ಟಿತು.
Updated on:Dec 05, 2024 | 9:09 PM
ಪಾಕಿಸ್ತಾನ ಮತ್ತು ಜಿಂಬಾಬ್ವೆ ತಂಡಗಳ ನಡುವಿನ 3 ಪಂದ್ಯಗಳ ಟಿ20 ಸರಣಿಯ ಕೊನೆಯ ಪಂದ್ಯ ಬುಲವಾಯೊದ ಕ್ವೀನ್ಸ್ ಸ್ಪೋರ್ಟ್ಸ್ ಕ್ಲಬ್ನಲ್ಲಿ ನಡೆಯಿತು. ಈ ಪಂದ್ಯದಲ್ಲಿ ಉಭಯ ತಂಡಗಳ ನಡುವೆ ತೀವ್ರ ಪೈಪೋಟಿ ಏರ್ಪಟ್ಟಿತ್ತು. ಪಾಕಿಸ್ತಾನ ನೀಡಿದ 133 ರನ್ಗಳ ಗುರಿಯನ್ನು ಜಿಂಬಾಬ್ವೆ ಒಂದು ಎಸೆತ ಬಾಕಿ ಇರುವಂತೆಯೇ ಸಾಧಿಸಿತು. ಇನಿಂಗ್ಸ್ನ ಕೊನೆಯ ಓವರ್ನಲ್ಲಿ ಅಮೋಘ ಬ್ಯಾಟಿಂಗ್ ಪ್ರದರ್ಶಿಸಿದ ಟಿನೊಟೆಂಡಾ ಮಾಪೋಸಾ 4 ಎಸೆತಗಳಲ್ಲಿ 12 ರನ್ ಗಳಿಸಿ ತಂಡಕ್ಕೆ ಸ್ಮರಣೀಯ ಜಯ ತಂದುಕೊಟ್ಟರು. ಈ ಮೂಲಕ ವೈಟ್ ವಾಶ್ ಮುಖಭಂಗದಿಂದ ಜಿಂಬಾಬ್ವೆ ಪಾರಾಯಿತು. ವಾಸ್ತವವಾಗಿ ಪಾಕಿಸ್ತಾನ ಈಗಾಗಲೇ ಸರಣಿಯಲ್ಲಿ 2-0 ಮುನ್ನಡೆ ಸಾಧಿಸುವ ಮೂಲಕ ಸರಣಿಯನ್ನು ಕೈವಶ ಮಾಡಿಕೊಂಡಿತ್ತು.
ಪಾಕಿಸ್ತಾನದ ಬ್ಯಾಟಿಂಗ್ ವಿಫಲ
ಈ ಪಂದ್ಯದಲ್ಲಿ ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ಮಾಡಿದ ಪಾಕಿಸ್ತಾನ ತಂಡ 20 ಓವರ್ಗಳಲ್ಲಿ 7 ವಿಕೆಟ್ ನಷ್ಟಕ್ಕೆ 132 ರನ್ ಗಳಿಸಲಷ್ಟೇ ಶಕ್ತವಾಯಿತು. ಪಂದ್ಯದ ಆರಂಭದಿಂದಲೇ ಜಿಂಬಾಬ್ವೆ ಪ್ರಾಬಲ್ಯ ಎದ್ದು ಕಾಣುತ್ತಿತ್ತು. ಪಾಕಿಸ್ತಾನದ ಮೊದಲ ಮೂರು ವಿಕೆಟ್ಗಳನ್ನು ಜಿಂಬಾಬ್ವೆ ಕೇವಲ 19 ರನ್ಗಳಿಗೆ ಉರುಳಿಸಿತು. ಇದಾದ ಬಳಿಕ ಪಾಕಿಸ್ತಾನ ತಂಡಕ್ಕೆ ಹೆಚ್ಚಿನ ಸಾಧನೆ ಮಾಡಲು ಸಾಧ್ಯವಾಗಲಿಲ್ಲ. ನಾಯಕ ಸಲ್ಮಾನ್ ಆಗಾ ಅವರು 32 ರನ್ಗಳ ಗರಿಷ್ಠ ಸ್ಕೋರ್ ಗಳಿಸಿದರು. ಅವರನ್ನು ಹೊರತುಪಡಿಸಿ ಯಾವುದೇ ಬ್ಯಾಟ್ಸ್ಮನ್ 30 ರನ್ಗಳ ಸಂಖ್ಯೆಯನ್ನು ಮುಟ್ಟಲು ಸಾಧ್ಯವಾಗಲಿಲ್ಲ. ಸಲ್ಮಾನ್ ಅಘಾ ಹೊರತುಪಡಿಸಿ, ಅರಾಫತ್ ಮಿನ್ಹಾಸ್ ಅಜೇಯ 22 ರನ್ ಗಳಿಸಿದರು. ಮತ್ತೊಂದೆಡೆ, ಬ್ಲೆಸ್ಸಿಂಗ್ ಮುಜರಬಾನಿ ಜಿಂಬಾಬ್ವೆಯ ಪರ 2 ವಿಕೆಟ್ ಪಡೆದರು.
Zimbabwe pull off a thrilling chase to secure a consolation win🔥#ZIMvPAK 📝: https://t.co/4bXzfI2HBE pic.twitter.com/UrFZ5UBtrN
— ICC (@ICC) December 5, 2024
ಜಿಂಬಾಬ್ವೆಗೆ ಬಲಿಷ್ಠ ಆರಂಭ
133 ರನ್ಗಳ ಗುರಿ ಬೆನ್ನತ್ತಿದ ಜಿಂಬಾಬ್ವೆಗೆ ಬ್ರಿಯಾನ್ ಬೆನೆಟ್ ಮತ್ತು ತಡಿವಾನಾಶೆ ಮರುಮಣಿ ಉತ್ತಮ ಆರಂಭ ನೀಡಿದರು. ಬ್ರಿಯಾನ್ ಬೆನೆಟ್ 35 ಎಸೆತಗಳಲ್ಲಿ 43 ರನ್ಗಳ ಇನಿಂಗ್ಸ್ ಆಡಿದರು. ಒಂದು ವೇಳೆ ಜಿಂಬಾಬ್ವೆ 1 ವಿಕೆಟ್ ನಷ್ಟಕ್ಕೆ 73 ರನ್ ಗಳಿಸಿತ್ತು. ಆದರೆ ಇದಾದ ಬಳಿಕ ಜಿಂಬಾಬ್ವೆ ಇನ್ನಿಂಗ್ಸ್ ತತ್ತರಿಸಿತು. 120 ರನ್ ಗಳಿಸುವಷ್ಟರಲ್ಲಿ ಜಿಂಬಾಬ್ವೆ 7 ವಿಕೆಟ್ ಕಳೆದುಕೊಂಡಿತ್ತು. ಆದರೆ ಕೊನೆಯ ಓವರ್ನಲ್ಲಿ ಜಿಂಬಾಬ್ವೆ ತಂಡವು ಪಂದ್ಯವನ್ನು ಗೆಲ್ಲುವಲ್ಲಿ ಯಶಸ್ವಿಯಾಯಿತು.
ಕೊನೆಯ 6 ಎಸೆತಗಳಲ್ಲಿ ಜಿಂಬಾಬ್ವೆ ಗೆಲುವಿಗೆ 12 ರನ್ಗಳ ಅಗತ್ಯವಿತ್ತು. ಆದರೆ ಜಿಂಬಾಬ್ವೆ ಕೇವಲ 5 ಎಸೆತಗಳಲ್ಲಿ 12 ರನ್ ಗಳಿಸಿ 1 ಎಸೆತ ಬಾಕಿ ಇರುವಂತೆಯೇ ಪಾಕಿಸ್ತಾನದಿಂದ ಪಂದ್ಯವನ್ನು ಕಸಿದುಕೊಂಡಿತು. ಇದಕ್ಕೂ ಮುನ್ನ ಉಭಯ ತಂಡಗಳ ನಡುವೆ 3 ಪಂದ್ಯಗಳ ಏಕದಿನ ಸರಣಿ ನಡೆದಿತ್ತು. ಆಗಲೂ ಜಿಂಬಾಬ್ವೆ ಸರಣಿಯ ಮೊದಲ ಪಂದ್ಯದಲ್ಲಿ ಪಾಕಿಸ್ತಾನವನ್ನು ಸೋಲಿಸಿತ್ತು.
ಮತ್ತಷ್ಟು ಕ್ರೀಡಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
Published On - 9:08 pm, Thu, 5 December 24
