Kia Sorento: ಬಹುನಿರೀಕ್ಷಿತ ಕಿಯಾ ಸೊರೆಂಟೊ ಭಾರತದಲ್ಲಿ ಬಿಡುಗಡೆ; ಈ ಆಕರ್ಷಕ ಕಾರಿನ ಬೆಲೆ 27.99 ಲಕ್ಷ
ಕಿಯಾ ಸೊರೆಂಟೊ ಭಾರತದಲ್ಲಿ ₹27.99 ಲಕ್ಷ ಆರಂಭಿಕ ಎಕ್ಸ್ ಶೋರೂಂ ಬೆಲೆಯೊಂದಿಗೆ ಬಿಡುಗಡೆಯಾಗಿದೆ. 6 ಮತ್ತು 7 ಸೀಟರ್ ಆಯ್ಕೆಗಳಲ್ಲಿ ಲಭ್ಯವಿರುವ ಈ ಪ್ರೀಮಿಯಂ ಎಸ್ಯುವಿ ಹೈಬ್ರಿಡ್ ಹಾಗೂ ಡೀಸೆಲ್ ಎಂಜಿನ್ ಆಯ್ಕೆಗಳನ್ನು ಹೊಂದಿದೆ. 12.3 ಇಂಚಿನ ಡಿಸ್ಪ್ಲೇಗಳು, ಬೋಸ್ ಸೌಂಡ್ ಸಿಸ್ಟಂ, 10 ಏರ್ಬ್ಯಾಗ್ಗಳು ಮತ್ತು ADAS ಸೇರಿದಂತೆ ಹಲವು ಆಧುನಿಕ ಫೀಚರ್ಗಳು ಇದರಲ್ಲಿವೆ.
Updated on: Sep 06, 2026 | 9:39 AM
ಮುಖ್ಯಾಂಶಗಳು
- ₹27.99 ಲಕ್ಷಕ್ಕೆ ಕಿಯಾ ಸೊರೆಂಟೊ ಬಿಡುಗಡೆ
- ಹೈಬ್ರಿಡ್ ಎಂಜಿನ್ನೊಂದಿಗೆ ಕಿಯಾ ಸೊರೆಂಟೊ ಎಂಟ್ರಿ
- ಕಿಯಾ ಸೊರೆಂಟೊದಲ್ಲಿ 10 ಏರ್ಬ್ಯಾಗ್; ಬೆಲೆ ಎಷ್ಟು?
ಕಿಯಾ ಇಂಡಿಯಾ (Kia India) ತನ್ನ ಹೊಸ 3-ರೋ ಪ್ರೀಮಿಯಂ SUV ಕಿಯಾ ಸೊರೆಂಟೊವನ್ನು ಭಾರತೀಯ ಮಾರುಕಟ್ಟೆಯಲ್ಲಿ ಬಿಡುಗಡೆ ಮಾಡಿದೆ. ಈ ಎಸ್ಯುವಿಯ ಆರಂಭಿಕ ಎಕ್ಸ್ ಶೋರೂಂ ಬೆಲೆ ₹27.99 ಲಕ್ಷ. ಆಕರ್ಷಕ ವಿನ್ಯಾಸದ ಜೊತೆಗೆ ಹಲವು ಹೈಟೆಕ್ ಫೀಚರ್ಗಳನ್ನು ಹೊಂದಿರುವ ಈ ಎಸ್ಯುವಿಯನ್ನು HTE, HTE(O), HTK, HTK(A), HTX ಮತ್ತು HTX(A) ಎಂಬ ಆರು ಪ್ರಮುಖ ವೇರಿಯಂಟ್ಗಳಲ್ಲಿ ಪರಿಚಯಿಸಲಾಗಿದೆ.
ಭಾರತೀಯ ಮಾರುಕಟ್ಟೆಯಲ್ಲಿ ಕಿಯಾ ಸೊರೆಂಟೊ ಅನ್ನು ಎರಡು ಎಂಜಿನ್ ಆಯ್ಕೆಗಳೊಂದಿಗೆ ನೀಡಲಾಗಿದೆ. ಇದರಲ್ಲಿ 1.6 ಲೀಟರ್ ಟರ್ಬೊ-ಪೆಟ್ರೋಲ್ ಸ್ಟ್ರಾಂಗ್ ಹೈಬ್ರಿಡ್ ಎಂಜಿನ್ ಹಾಗೂ 2.2 ಲೀಟರ್ ಡೀಸೆಲ್ ಎಂಜಿನ್ ಆಯ್ಕೆಗಳಿವೆ. ವಿಶೇಷವೆಂದರೆ ಟರ್ಬೊ-ಪೆಟ್ರೋಲ್ ಎಂಜಿನ್, ಸ್ಟ್ರಾಂಗ್ ಹೈಬ್ರಿಡ್ ಆಯ್ಕೆಯೊಂದಿಗೆ ಬರುವ ವಿಶೇಷ ಮಾದರಿಯಾಗಿ ಇದು ಗುರುತಿಸಿಕೊಂಡಿದೆ. FWD ಹಾಗೂ AWD ಎರಡೂ ಡ್ರೈವ್ ಆಯ್ಕೆಗಳೂ ಲಭ್ಯವಿವೆ.
ಕಿಯಾ ಸೊರೆಂಟೊ ಬೆಲೆ ₹27.99 ಲಕ್ಷದಿಂದ ಆರಂಭವಾಗುತ್ತದೆ. ವಿವಿಧ ವೇರಿಯಂಟ್ಗಳ ಪ್ರಕಾರ ಇದರ ಬೆಲೆ ₹40.19 ಲಕ್ಷದವರೆಗೆ ಇದೆ. ಇವು ಆರಂಭಿಕ ಎಕ್ಸ್ ಶೋರೂಂ ಬೆಲೆಗಳಾಗಿವೆ. HTK(A), HTX ಮತ್ತು HTX(A) ವೇರಿಯಂಟ್ಗಳಿಗೆ ಹೆಚ್ಚುವರಿಯಾಗಿ ₹20,000 ಪಾವತಿಸಿ ಬ್ಲಾಕ್ ಲೈನ್ ಪ್ಯಾಕ್ ಆಯ್ಕೆ ಮಾಡಬಹುದು. ಇದರಲ್ಲಿ ಕಾರಿನ ಹಲವು ಹೊರಭಾಗದ ವಿನ್ಯಾಸ ಅಂಶಗಳನ್ನು ಕಪ್ಪು ಬಣ್ಣದಲ್ಲಿ ನೀಡಲಾಗುತ್ತದೆ. ‘A’ ಹೆಸರಿನ ವೇರಿಯಂಟ್ಗಳಲ್ಲಿ ADAS ಫೀಚರ್ಗಳು ಲಭ್ಯವಿವೆ.
ಹೈಬ್ರಿಡ್ ಮತ್ತು ಡೀಸೆಲ್ ಎಂಜಿನ್
1.6 ಲೀಟರ್ ಟರ್ಬೊ-ಪೆಟ್ರೋಲ್ ಸ್ಟ್ರಾಂಗ್ ಹೈಬ್ರಿಡ್ ಎಂಜಿನ್ 180hp ಪವರ್ ಮತ್ತು 265Nm ಟಾರ್ಕ್ ಉತ್ಪಾದಿಸುತ್ತದೆ. ಇದರೊಂದಿಗೆ 65hp ಮತ್ತು 264Nm ಉತ್ಪಾದಿಸುವ ಎಲೆಕ್ಟ್ರಿಕ್ ಮೋಟರ್ ಕೂಡ ಇದೆ. ಈ ಎಂಜಿನ್ಗೆ 6-ಸ್ಪೀಡ್ ಆಟೋಮ್ಯಾಟಿಕ್ ಗೇರ್ಬಾಕ್ಸ್ ನೀಡಲಾಗಿದೆ.
ಇನ್ನು 2.2 ಲೀಟರ್ ಡೀಸೆಲ್ ಎಂಜಿನ್ 193hp ಪವರ್ ಮತ್ತು 442Nm ಟಾರ್ಕ್ ಉತ್ಪಾದಿಸುತ್ತದೆ. ಇದಕ್ಕೆ 8-ಸ್ಪೀಡ್ ಡ್ಯುಯಲ್ ಕ್ಲಚ್ ಆಟೋಮ್ಯಾಟಿಕ್ ಗೇರ್ಬಾಕ್ಸ್ ಜೋಡಿಸಲಾಗಿದೆ. ಕಾರಿನಲ್ಲಿ ನಾರ್ಮಲ್, ಎಕೋ, ಸ್ಪೋರ್ಟ್ ಮತ್ತು ಸ್ಮಾರ್ಟ್ ಎಂಬ ನಾಲ್ಕು ಡ್ರೈವ್ ಮೋಡ್ಗಳಿವೆ. AWD ವೇರಿಯಂಟ್ಗಳಲ್ಲಿ ಸ್ನೋ, ಸ್ಯಾಂಡ್ ಮತ್ತು ಮಡ್ ಎಂಬ ಮೂರು ಟೆರೆನ್ ಮೋಡ್ಗಳೂ ಸಿಗುತ್ತವೆ.
Tata Nexon 2027: ಡಿಸೈನ್ನಿಂದ ಪವರ್ಟ್ರೇನ್ವರೆಗೆ: ಹೊಸ ಟಾಟಾ ನೆಕ್ಸಾನ್ನಲ್ಲಿ ದೊಡ್ಡ ಬದಲಾವಣೆ
ದೊಡ್ಡ SUV, ಆಕರ್ಷಕ ವಿನ್ಯಾಸ
ಕಿಯಾ ಸೊರೆಂಟೊ ಮುಂಭಾಗದಲ್ಲಿ ಕಂಪನಿಯ ಸಿಗ್ನೇಚರ್ Tiger-Nose ಗ್ರಿಲ್, ಲಂಬವಾಗಿ ಜೋಡಿಸಲಾದ LED ಹೆಡ್ಲೈಟ್ಗಳು ಮತ್ತು Y-ಆಕಾರದ LED DRLಗಳನ್ನು ಹೊಂದಿದೆ. 19-ಇಂಚಿನ ಡ್ಯುಯಲ್-ಟೋನ್ ಅಲಾಯ್ ವೀಲ್ಗಳು, ರೂಫ್ ರೈಲ್ಸ್ ಮತ್ತು L-ಆಕಾರದ LED ಟೈಲ್ಲೈಟ್ಗಳು ಕಾರಿನ ವಿನ್ಯಾಸಕ್ಕೆ ಮತ್ತಷ್ಟು ಆಕರ್ಷಣೆ ನೀಡುತ್ತವೆ. ಭಾರತೀಯ ಮಾದರಿಯ ಸೊರೆಂಟೊ 4,815mm ಉದ್ದ, 1,900mm ಅಗಲ ಮತ್ತು 1,785mm ಎತ್ತರ ಹೊಂದಿದೆ. ಇದರ ವೀಲ್ಬೇಸ್ 2,815mm ಇದೆ.
6 ಮತ್ತು 7 ಸೀಟರ್ ಆಯ್ಕೆ
ಸೊರೆಂಟೊನ ಪ್ರಮುಖ ವಿಶೇಷತೆಗಳಲ್ಲಿ ಸೀಟಿಂಗ್ ಆಯ್ಕೆಯೂ ಒಂದು. ಗ್ರಾಹಕರು 6-ಸೀಟರ್ ಮತ್ತು 7-ಸೀಟರ್ ಮಾದರಿಗಳಲ್ಲಿ ಒಂದನ್ನು ಆಯ್ಕೆ ಮಾಡಬಹುದು. 6-ಸೀಟರ್ ಮಾದರಿಯಲ್ಲಿ ಎರಡನೇ ಸಾಲಿನಲ್ಲಿ ಕ್ಯಾಪ್ಟನ್ ಸೀಟ್ಗಳನ್ನು ನೀಡಲಾಗಿದೆ. 7-ಸೀಟರ್ ಮಾದರಿಯಲ್ಲಿ ಎರಡನೇ ಸಾಲಿನಲ್ಲಿ ಬೆಂಚ್ ಸೀಟ್ ಇದೆ.
ಇನ್ನಷ್ಟು ವಾಣಿಜ್ಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
