AQI
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

ಎಸ್​ಐಪಿ ಪ್ಲಾನ್​ಗಳಿಗೆ ಮುಗಿಬೀಳುತ್ತಿರುವ ಜನರು; ನವೆಂಬರ್​ನಲ್ಲಿ ದಾಖಲೆಯ 17,000 ಕೋಟಿ ರೂ ಹೂಡಿಕೆ

Mutual Fund SIP: ಭಾರತದಲ್ಲಿ ಮ್ಯೂಚುವಲ್ ಫಂಡ್​ಗಳ ಎಸ್​ಐಪಿ ಮೂಲಕ ನವೆಂಬರ್​ನಲ್ಲಿ 17,073 ಕೋಟಿ ರೂ ಹೂಡಿಕೆ ಆಗಿದೆ. ಇದು ಒಂದು ತಿಂಗಳ ಗರಿಷ್ಠ ಎಸ್​ಐಪಿ. ನವೆಂಬರ್​ನಲ್ಲಿ ಎಸ್​ಐಪಿ ಖಾತೆಗಳ ಸಂಖ್ಯೆ ಗರಿಷ್ಠ 7.44 ಕೋಟಿ ಸಂಖ್ಯೆ ದಾಟಿದೆ. ಮ್ಯುಚುವಲ್ ಫಂಡ್ ಎಸ್​ಐಪಿಗಳಲ್ಲಿ ಆಗಿರುವ ಒಟ್ಟಾರೆ ಹೂಡಿಕೆ 9 ಲಕ್ಷ ಕೋಟಿ ರೂಗಿಂತ ಹೆಚ್ಚಿದೆ.

ಎಸ್​ಐಪಿ ಪ್ಲಾನ್​ಗಳಿಗೆ ಮುಗಿಬೀಳುತ್ತಿರುವ ಜನರು; ನವೆಂಬರ್​ನಲ್ಲಿ ದಾಖಲೆಯ 17,000 ಕೋಟಿ ರೂ ಹೂಡಿಕೆ
ಎಸ್​ಐಪಿ
ಸುಗ್ಗನಹಳ್ಳಿ ವಿಜಯಸಾರಥಿ
|

Updated on: Dec 08, 2023 | 5:44 PM

Share

ನವದೆಹಲಿ, ಡಿಸೆಂಬರ್ 8: ಭಾರತದ ಈಕ್ವಿಟಿ ಮ್ಯುಚುವಲ್ ಫಂಡ್​ಗಳಲ್ಲಿನ ಹೂಡಿಕೆ ನವೆಂಬರ್ ತಿಂಗಳಲ್ಲಿ ಶೇ. 20ಕ್ಕೂ ಹೆಚ್ಚು ಪ್ರಮಾಣದಲ್ಲಿ ಕಡಿಮೆ ಆಗಿದೆ. ಆದರೆ, ಅದೇ ವೇಳೆ, ಮ್ಯೂಚುವಲ್ ಫಂಡ್​ಗಳಲ್ಲಿ ಸಿಸ್ಟಮ್ಯಾಟಿಕ್ ಇನ್ವೆಸ್ಟ್​ಮೆಂಟ್ ಪ್ಲಾನ್ ಅಥವಾ ಎಸ್​ಐಪಿಗಳ (SIP- systematic investment plan) ಪ್ರಮಾಣ ಗಣನೀಯವಾಗಿ ಹೆಚ್ಚಾಗಿದೆ. ಎಎಂಎಫ್​ಐ (ಅಸೋಸಿಯೇಶನ್ ಆಫ್ ಮ್ಯೂಚುವಲ್ ಫಂಡ್ಸ್ ಇನ್ ಇಂಡಿಯಾ) ಡಿಸೆಂಬರ್ 8ರಂದು ಬಿಡುಗಡೆ ಮಾಡಿದ ದತ್ತಾಂಶದ ಪ್ರಕಾರ ಅಕ್ಟೋಬರ್​ನಲ್ಲಿ ಈಕ್ವಿಟಿ ಮ್ಯೂಚುವಲ್ ಫಂಡ್​ಗಳ ಮೇಲೆ 19,957 ಕೋಟಿ ರೂನಷ್ಟು ಹರಿದುಬಂದಿದ್ದ ಹೂಡಿಕೆ ನವೆಂಬರ್​ನಲ್ಲಿ 15,536 ಕೋಟಿ ರೂಗೆ ಇಳಿಕೆ ಆಗಿದೆ. ಇನ್ನು, ಸಿಸ್ಟಮ್ಯಾಟಿಕ್ ಇನ್ವೆಸ್ಟ್​ಮೆಂಟ್ ಪ್ಲಾನ್​ಗಳಲ್ಲಿನ ಹೂಡಿಕೆ ಅಕ್ಟೋಬರ್​ನಲ್ಲಿ 16,928 ಕೋಟಿ ರೂ ಇದ್ದದ್ದು ನವೆಂಬರ್​ನಲ್ಲಿ 17,073 ಕೋಟಿ ರೂಗೆ ಹೆಚ್ಚಾಗಿದೆ. ಇದೇ ಮೊದಲ ಬಾರಿಗೆ ಎಸ್​ಐಪಿ ಹೂಡಿಕೆಗಳು ಒಂದು ತಿಂಗಳಲ್ಲಿ 17,000 ಕೋಟಿ ರೂ ಮಟ್ಟ ಮುಟ್ಟಿದ್ದು.

ಇನ್ನು ಎಸ್​ಐಪಿ ಸ್ಕೀಮ್​ಗೆ ತೆರೆಯಲಾದ ಖಾತೆಗಳ ಸಂಖ್ಯೆ ನವೆಂಬರ್​​ನಲ್ಲಿ 7.44 ಕೋಟಿ ರೂ ಮುಟ್ಟಿದೆ. ಇವು ಎಸ್​ಐಪಿಯ ಸಕ್ರಿಯ ಅಕೌಂಟ್​ಗಳು. ಇದು ಸಾರ್ವಕಾಲಿಕ ಗರಿಷ್ಠ ಸಂಖ್ಯೆಯಾಗಿದೆ. ಅಕ್ಟೋಬರ್​ನಲ್ಲಿ 7.30 ಕೋಟಿ ಎಸ್​ಐಪಿ ಖಾತೆಗಳಿದ್ದವು. ಅಂದರೆ ಹೆಚ್ಚೂಕಡಿಮೆ 15 ಲಕ್ಷದಷ್ಟು ಹೊಸ ಖಾತೆಗಳು ಒಂದು ತಿಂಗಳಲ್ಲಿ ರಚನೆ ಆಗಿವೆ.

ಇದನ್ನೂ ಓದಿ: ಎಚ್​ಡಿಎಫ್​ಸಿ ಬ್ಯಾಂಕ್​ನಿಂದ ಎಂಸಿಎಲ್​ಆರ್ ದರ ಪರಿಷ್ಕಾರ; ಲೋನ್ ಇಎಂಐ ಹೆಚ್ಚಳ ಸಾಧ್ಯತೆ

ಒಟ್ಟಾರೆ ಎಸ್​ಐಪಿಯಲ್ಲಿ ಆಗಿರುವ ಹೂಡಿಕೆ ನವೆಂಬರ್​ನಲ್ಲಿ 9.31 ಲಕ್ಷ ಕೋಟಿ ರೂ ಇದೆ. ಅಕ್ಟೋಬರ್​ನಲ್ಲಿ 8.59 ಲಕ್ಷಕೋಟಿ ರೂ ಇತ್ತು.

ಎಸ್​ಐಪಿಗಳು ಜನಪ್ರಿಯವಾಗುತ್ತಿರುವುದು ಯಾಕೆ?

ನಿಯಮಿತ ಆದಾಯ ಇರುವಾಗ ಲಂಪ್ಸಮ್ ಆಗಿ ಹೂಡಿಕೆ ಮಾಡುವ ಬದಲು ನಿಯಮಿತವಾಗಿ ಹೂಡಿಕೆ ಮಾಡುವುದು ಹೆಚ್ಚು ಉಪಯುಕ್ತ ಎನಿಸುತ್ತದೆ. ಹೀಗಾಗಿ, ಹೆಚ್ಚಿನ ಜನರು ಹಣ ಕ್ರೋಢೀಕರಿಸಿ ಒಟ್ಟಿಗೆ ಮ್ಯುಚುವಲ್ ಫಂಡ್​ನಲ್ಲಿ ಹೂಡಿಕೆ ಮಾಡುವ ಬದಲು ಪ್ರತೀ ತಿಂಗಳು ನಿರ್ದಿಷ್ಟ ಮೊತ್ತವನ್ನು ಪಾವತಿಸಬಹುದಾದ ಎಸ್​ಐಪಿಗಳಿಗೆ ಆದ್ಯತೆ ಕೊಡುತ್ತಿದ್ದಾರೆ.

ಇದನ್ನೂ ಓದಿ: ಒಟಿಪಿ ಇಲ್ಲದೇ ಯುಪಿಐ ಆಟೊ ಪೇಮೆಂಟ್; ಮಿತಿ 1 ಲಕ್ಷ ರೂಗೆ ಏರಿಕೆ: ಆರ್​ಬಿಐ ಪ್ರಕಟಣೆ

ಒಂದು ಮ್ಯುಚುವಲ್ ಫಂಡ್ ಶೇ. 12ರ ವಾರ್ಷಿಕ ದರದಲ್ಲಿ ರಿಟರ್ನ್ ಕೊಡುತ್ತದೆ ಎಂದಿಟ್ಟುಕೊಳ್ಳಿ. ನೀವು ಅದರ ಎಸ್​ಐಪಿಯಲ್ಲಿ ತಿಂಗಳಿಗೆ 10,000 ರೂನಂತೆ 20 ವರ್ಷ ಹೂಡಿಕೆ ಮಾಡಿದರೆ ನಿಮ್ಮ ಹಣ 1 ಕೋಟಿ ರೂ ಆಗುತ್ತದೆ. ಹೀಗಾಗಿ, ಎಸ್​ಐಪಿಗಳು ಜನಪ್ರಿಯತೆ ಹೆಚ್ಚಿಸಿಕೊಳ್ಳುತ್ತಿವೆ.

ಇನ್ನಷ್ಟು ಪರ್ಸನಲ್ ಫೈನಾನ್ಸ್ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ

ಬಿಸಿನೆಸ್ ವೆಬ್ ಸ್ಟೋರಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ

ಗವಿಸಿದ್ದಪ್ಪ ಕೊಲೆಗೆ ಮತ್ತೊಂದು ಟ್ವಿಸ್ಟ್: ಸ್ಫೋಟಕ ಅಂಶ ಬಿಚ್ಚಿಟ್ಟ ತಾಯಿ
ಗವಿಸಿದ್ದಪ್ಪ ಕೊಲೆಗೆ ಮತ್ತೊಂದು ಟ್ವಿಸ್ಟ್: ಸ್ಫೋಟಕ ಅಂಶ ಬಿಚ್ಚಿಟ್ಟ ತಾಯಿ
ಆತ್ಮಹತ್ಯೆಗೆ ಯತ್ನಿಸಿದವನಿಗೆ ಕೊನೆ ಕ್ಷಣದಲ್ಲಿ ಹುಟ್ಟಿತು ಬದುಕಬೇಕೆಂಬ ಆಸೆ
ಆತ್ಮಹತ್ಯೆಗೆ ಯತ್ನಿಸಿದವನಿಗೆ ಕೊನೆ ಕ್ಷಣದಲ್ಲಿ ಹುಟ್ಟಿತು ಬದುಕಬೇಕೆಂಬ ಆಸೆ
ಪ್ರವಾಹದಲ್ಲಿ ಸಿಲುಕಿದ್ದ ಶಾಲಾ ಮಕ್ಕಳನ್ನು ಕಾಪಾಡಿದ ಮುಂಬೈ ಪೊಲೀಸರು
ಪ್ರವಾಹದಲ್ಲಿ ಸಿಲುಕಿದ್ದ ಶಾಲಾ ಮಕ್ಕಳನ್ನು ಕಾಪಾಡಿದ ಮುಂಬೈ ಪೊಲೀಸರು
ಮನೆಗೆ ಬಂದ ಶುಭಾಂಶು ಶುಕ್ಲಾಗೆ ಪ್ರಧಾನಿ ಮೋದಿಯಿಂದ ಅಪ್ಪುಗೆಯ ಸ್ವಾಗತ
ಮನೆಗೆ ಬಂದ ಶುಭಾಂಶು ಶುಕ್ಲಾಗೆ ಪ್ರಧಾನಿ ಮೋದಿಯಿಂದ ಅಪ್ಪುಗೆಯ ಸ್ವಾಗತ
ಜೈಲು ಚೆಕ್ ಪೋಸ್ಟ್ ಬಳಿ ವಿಜಯಲಕ್ಷ್ಮಿ ದರ್ಶನ್​ ಕಾರು ತಡೆದ ಜೈಲು ಸಿಬ್ಬಂದಿ
ಜೈಲು ಚೆಕ್ ಪೋಸ್ಟ್ ಬಳಿ ವಿಜಯಲಕ್ಷ್ಮಿ ದರ್ಶನ್​ ಕಾರು ತಡೆದ ಜೈಲು ಸಿಬ್ಬಂದಿ
ಧರ್ಮಸ್ಥಳ ಪ್ರಕರಣ ತನಿಖೆಯಲ್ಲಿ ಏನೇನಾಯ್ತು? ಗೃಹ ಸಚಿವ ಕೊಟ್ಟ ಮಾಹಿತಿ
ಧರ್ಮಸ್ಥಳ ಪ್ರಕರಣ ತನಿಖೆಯಲ್ಲಿ ಏನೇನಾಯ್ತು? ಗೃಹ ಸಚಿವ ಕೊಟ್ಟ ಮಾಹಿತಿ
ದರ್ಶನ್ ಇಲ್ಲದಿದ್ದರೂ ಈ ವರ್ಷವೇ ಬಿಡುಗಡೆ ಆಗುತ್ತಾ ‘ದಿ ಡೆವಿಲ್’ ಸಿನಿಮಾ?
ದರ್ಶನ್ ಇಲ್ಲದಿದ್ದರೂ ಈ ವರ್ಷವೇ ಬಿಡುಗಡೆ ಆಗುತ್ತಾ ‘ದಿ ಡೆವಿಲ್’ ಸಿನಿಮಾ?
ಅಲೆಗಳ ಅಬ್ಬರಕ್ಕೆ ಕಡಲ ತೀರಕ್ಕೆ ಬಂದ ಡಾಲ್ಫಿನ್ ಮೀನು
ಅಲೆಗಳ ಅಬ್ಬರಕ್ಕೆ ಕಡಲ ತೀರಕ್ಕೆ ಬಂದ ಡಾಲ್ಫಿನ್ ಮೀನು
ರಮ್ಯಾಗೆ ಅಶ್ಲೀಲ ಸಂದೇಶ ಕಳುಹಿಸಿದ ಎಲ್ಲರಿಗೂ ಇದೆ ಮಾರಿ ಹಬ್ಬ
ರಮ್ಯಾಗೆ ಅಶ್ಲೀಲ ಸಂದೇಶ ಕಳುಹಿಸಿದ ಎಲ್ಲರಿಗೂ ಇದೆ ಮಾರಿ ಹಬ್ಬ
ದಾರಿಯುಲ್ಲಿ ಹೋಗುತ್ತಿದ್ದ ವ್ಯಕ್ತಿಯ ಮುಖ ಕಚ್ಚಿದ ಬೀದಿ ನಾಯಿ
ದಾರಿಯುಲ್ಲಿ ಹೋಗುತ್ತಿದ್ದ ವ್ಯಕ್ತಿಯ ಮುಖ ಕಚ್ಚಿದ ಬೀದಿ ನಾಯಿ