ಹೊಸ ಕಾರು ಖರೀದಿಸಿದ ಬಾಲಿವುಡ್ ಸ್ಟಾರ್ ರಣ್​ಬೀರ್ ಕಪೂರ್: ಬೆಲೆ ಎಷ್ಟು?

ಬಾಲಿವುಡ್ (Bollywood) ನಟ ರಣ್​ಬೀರ್ ಕಪೂರ್ (Ranbir Kapoor) ‘ಬ್ರಹ್ಮಾಸ್ತ್ರ’ ಸಿನಿಮಾದ ಮೂಲಕ ಸೋಲಿನ ಸುಳಿಯಿಂದ ಹೊರ ಬಂದಿದ್ದಾರೆ. ‘ಬ್ರಹ್ಮಾಸ್ತ್ರ’ ಸಿನಿಮಾದಿಂದ ರಣ್​ಬೀರ್​ಗೆ ಅದೃಷ್ಟವೇ ಬದಲಾದಂತಿದ್ದು, ಅದರ ಬಳಿಕ ಬಿಡುಗಡೆ ಆದ ‘ತು ಜೂಟಿ ಮೇ ಮಕ್ಕಾರ್’ ಸಿನಿಮಾ ಸಾಧಾರಣವಾಗಿದ್ದರೂ ಉತ್ತಮ ಬಾಕ್ಸ್ ಆಫೀಸ್ ಕಲೆಕ್ಷನ್ ಕಂಡಿದೆ. ಸತತ ಎರಡು ಹಿಟ್ ಸಿನಿಮಾ ನೀಡಿರುವ ರಣ್​ಬೀರ್ ಕಪೂರ್ ಹೊಸದೊಂದು ಐಶಾರಾಮಿ ಕಾರು ಖರೀದಿ ಮಾಡಿದ್ದಾರೆ.

ಹೊಸ ರೇಂಜ್ ರೋವರ್ ಕಾರನ್ನು ರಣ್​ಬೀರ್ ಕಪೂರ್ ಖರೀದಿಸಿದ್ದು, ಇಂದು ತಮ್ಮ ಹೊಸ ಕಾರಿನಲ್ಲಿ ಮುಂಬೈ ಸುತ್ತು ಹೊಡೆದಿದ್ದಾರೆ. ಸಿಲ್ವರ್ ಬಣ್ಣದ ರಣ್​ಬೀರ್ ಕಪೂರ್​ರ ಹೊಸ ಕಾರಿನ ಬೆಲೆ ಬರೋಬ್ಬರಿ ನಾಲ್ಕು ಕೋಟಿ. ಹೊಸ ಕಾರಿಗೆ ಪೂಜೆ ಮಾಡಿಸಿ ಮುಂಬೈನಲ್ಲಿ ಸುತ್ತು ಹಾಕಿದ್ದಾರೆ ರಣ್​ಬೀರ್ ಕಪೂರ್.

ರಣ್​ಬೀರ್ ಕಪೂರ್​ಗೆ ಕಾರುಗಳ ಬಗ್ಗೆ ವಿಶೇಷ ಪ್ರೀತಿ ಇದೆ. ಸಾಮಾನ್ಯವಾಗಿ ತಮ್ಮ ಕಾರುಗಳನ್ನು ಬದಲಾಯಿಸುತ್ತಾ ಇರುತ್ತಾರೆ ರಣ್​ಬೀರ್. ಈಗ ಖರೀದಿಸಿರುವ ಹೊಸ ಮಾದರಿ ರೇಂಜ್ ರೋವರ್ ಹೊರತಾಗಿ ಹಲವು ಐಶಾರಾಮಿ ಕಾರುಗಳು ರಣ್​ಬೀರ್ ಕಪೂರ್ ಗರಾಜಿನಲ್ಲಿದೆ. ಅದರಲ್ಲಿಯೂ ಲ್ಯಾಂಡ್ ರೋವರ್​ನ ರೇಂಜ್ ರೋವರ್ ಕಾರುಗಳ ಬಗ್ಗೆ ರಣ್​ಬೀರ್​ಗೆ ವಿಶೇಷ ಪ್ರೀತಿ, ಈಗಾಗಲೇ ಅವರ ಬಳಿ ಎರಡು ರೇಂಜ್ ರೋವರ್ ಕಾರುಗಳಿವೆ. ಇದೀಗ ಹೊಸ ರೇಂಜ್ ರೋವರ್ ಖರೀದಿ ಮಾಡಿದ್ದಾರೆ.

ಇದನ್ನೂ ಓದಿ:ರಾಕ್​ಸ್ಟಾರ್ ಪಾತ್ರಕ್ಕೆ ಮೊದಲು ಆಯ್ಕೆಯಾಗಿದ್ದು ಜಾನ್ ಅಬ್ರಹಾಂ, ರಣ್​ಬೀರ್​ಗೆ ಪಾತ್ರ ಸಿಕ್ಕಿದ್ದು ಹೇಗೆ?

ರೇಂಜ್ ರೋವರ್ ಸ್ಪೋರ್ಟ್ಸ್, ರೇಂಜ್ ರೋವರ್ ವೋಗ್ ಕಾರುಗಳು ರಣ್​ಬೀರ್ ಕಪೂರ್ ಬಳಿ ಇವೆ. ಅದರ ಹೊರತಾಗಿ ಆಡಿ ಎ8ಎಲ್, ಮರ್ಸಿಡಿಸ್ ಬೆಂಜ್ ಎಎಂಜಿ ಜಿ-63, ಆಡಿ ಆರ್​8, ಇನ್ನೋವಾ ಸೇರಿದಂತೆ ಇನ್ನೂ ಕೆಲವು ಕಾರುಗಳು ರಣ್​ಬೀರ್ ಕಪೂರ್ ಬಳಿ ಇವೆ. ಜೊತೆಗೆ ಕೆಲವು ದುಬಾರಿ ಬೈಕ್​ಗಳು ಸಹ ರಣ್​ಬೀರ್ ಕಪೂರ್ ಬಳಿ ಇವೆ. ಆಲಿಯಾ ಭಟ್ ಅನ್ನು ವಿವಾದ ಬಳಿಕ ಹೊಸದೊಂದು ಬಂಗಲೆಯನ್ನು ಸಹ ಮುಂಬೈನಲ್ಲಿ ರಣ್​ಬೀರ್ ಕಪೂರ್ ಕಟ್ಟಿಸುತ್ತಿದ್ದು, ಇದಕ್ಕಾಗಿ ಸುಮಾರು 50 ಕೋಟಿ ಹಣವನ್ನು ರಣ್​ಬೀರ್ ಕಪೂರ್ ಖರ್ಚು ಮಾಡುತ್ತಿದ್ದಾರೆ ಎನ್ನಲಾಗುತ್ತಿದೆ.

‘ಬ್ರಹ್ಮಾಸ್ತ್ರ’ ಸಿನಿಮಾದ ಬಳಿಕ ರಣ್​ಬೀರ್ ಕಪೂರ್ ಅದೃಷ್ಟ ಖುಲಾಯಿಸಿದ್ದು ಹಲವು ಉತ್ತಮ ವಿಷಯಗಳು ರಣ್​ಬೀರ್ ಜೀವನದಲ್ಲಿ ನಡೆಯುತ್ತಿವೆ. ಇತ್ತೀಚೆಗಷ್ಟೆ ಮುದ್ದಾದ ಹೆಣ್ಣು ಮಗುವಿಗೆ ತಂದೆಯಾಗಿದ್ದಾರೆ ರಣ್​ಬೀರ್ ಕಪೂರ್. ಪ್ರಸ್ತುತ ‘ಅನಿಮಲ್’ ಹೆಸರಿನ ಸಿನಿಮಾದಲ್ಲಿ ರಣ್​ಬೀರ್ ನಟಿಸುತ್ತದ್ದಾರೆ. ‘ಅರ್ಜುನ್ ರೆಡ್ಡಿ’ ಖ್ಯಾತಿಯ ಸಂದೀಪ್ ವಂಗ ಈ ಸಿನಿಮಾವನ್ನು ನಿರ್ದೇಶಿಸಿದ್ದು, ಸಿನಿಮಾದ ಪೋಸ್ಟ್ ಪ್ರೊಡಕ್ಷನ್ ಕೆಲಸ ಚಾಲ್ತಿಯಲ್ಲಿದೆ ಸಿನಿಮಾ ಡಿಸೆಂಬರ್ ತಿಂಗಳಲ್ಲಿ ಬಿಡುಗಡೆ ಆಗಲಿದೆ. ಅದರ ಬಳಿಕ ‘ಬ್ರಹ್ಮಾಸ್ತ್ರ 2’ ಸಿನಿಮಾದಲ್ಲಿ ರಣ್​ಬೀರ್ ಕಪೂರ್ ನಟಿಸಲಿದ್ದಾರೆ. ಅದಾದ ಬಳಿಕ ಮತ್ತೆ ದಕ್ಷಿಣದ ನಿರ್ದೇಶಕರೊಬ್ಬರೊಟ್ಟಿಗೆ ರಣ್​ಬೀರ್ ನಟಿಸಲಿದ್ದಾರೆ.

ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ