Rashmika Mandanna: ನಾಲ್ವರಿಗೆ ಸಿಕ್ತು ರಶ್ಮಿಕಾ ಸಿಹಿ ಮುತ್ತು; ‘ಇದು ಶ್ರೀವಲ್ಲಿಯ ಫ್ರೀ ಕಿಸ್​’ ಎಂದ ನೆಟ್ಟಿಗರು

ನಟಿ ರಶ್ಮಿಕಾ ಮಂದಣ್ಣ (Rashmika Mandanna) ಅವರು ದೇಶಾದ್ಯಂತ ಅಭಿಮಾನಿಗಳನ್ನು ಹೊಂದಿ​ದ್ದಾರೆ. ಹಿಂದಿ ಚಿತ್ರರಂಗಕ್ಕೆ ಕಾಲಿಟ್ಟ ಮೇಲಂತೂ ಅವರ ಚಾ​ರ್ಮ್​ ಹೆಚ್ಚಿದೆ. ಅಮಿತಾಭ್​ ಬಚ್ಚನ್​ ಜೊತೆ ಅವರು ‘ಗುಡ್​ಬೈ’ ಸಿನಿಮಾದಲ್ಲಿ ನಟಿಸಿದ್ದಾರೆ. ಈ ಸಿನಿಮಾ ಬಿಡುಗಡೆಗೆ ಸಿದ್ಧತೆಗಳು ನಡೆಯುತ್ತಿವೆ. ಈಗಾಗಲೇ ಪ್ರಚಾರ ಕಾರ್ಯಕ್ಕೆ ಚಾಲನೆ ನೀಡಲಾಗಿದೆ. ಇತ್ತೀಚೆಗಷ್ಟೇ ‘ಗುಡ್​ಬೈ’ (Goodbye) ಸಿನಿಮಾದ ಟ್ರೇಲರ್​ ಲಾಂಚ್​ ನಡೆಯಿತು. ಈ ವೇಳೆ ನಾಲ್ಕು ಮಕ್ಕಳಿಗೆ ರಶ್ಮಿಕಾ ಮಂದಣ್ಣ ಅವರು ಸಿಹಿ ಮುತ್ತು ನೀಡಿದ್ದಾರೆ. ಅದರ ವಿಡಿಯೋ ಕೂಡ ಸಖತ್​ ವೈರಲ್​ ಆಗಿದೆ. ಈ ವಿಡಿಯೋ ನೋಡಿದ ನೆಟ್ಟಿಗರು, ‘ಇದು ಶ್ರೀವಲ್ಲಿಯ ಫ್ರೀ ಕಿಸ್​’ (Kiss) ಎಂದು ಕಮೆಂಟ್​ ಮಾಡುತ್ತಿದ್ದಾರೆ.

ದಕ್ಷಿಣ ಭಾರತಕ್ಕೆ ಮಾತ್ರ ಸೀಮಿತ ಆಗಿದ್ದ ರಶ್ಮಿಕಾ ಮಂದಣ್ಣ ಅವರನ್ನು ಇಡೀ ಭಾರತಕ್ಕೆ ಪರಿಚಯಿಸಿದ ಕೀರ್ತಿ ‘ಪುಷ್ಪ’ ಚಿತ್ರಕ್ಕೆ ಸಲ್ಲುತ್ತದೆ. ಆ ಸಿನಿಮಾದಲ್ಲಿ ಅವರು ಮಾಡಿದ ‘ಶ್ರೀವಲ್ಲಿ’ ಎಂಬ ಪಾತ್ರ ಸಖತ್​ ಫೇಮಸ್​ ಆಯಿತು. ಉತ್ತರ ಭಾರತದ ಒಂದಷ್ಟು ಮಂದಿ ರಶ್ಮಿಕಾ ಅವರನ್ನು ಶ್ರೀವಲ್ಲಿ ಅಂತಲೇ ಗುರುತಿಸುತ್ತಾರೆ. ಅಷ್ಟರಮಟ್ಟಿಗೆ ಅವರಿಗೆ ‘ಪುಷ್ಪ’ ಚಿತ್ರದಿಂದ ಜನಪ್ರಿಯತೆ ಸಿಕ್ಕಿದೆ. ಹಣ ಪಡೆದುಕೊಂಡು ಕಥಾನಾಯಕ ಪುಷ್ಪರಾಜ್​ಗೆ ಶ್ರೀವಲ್ಲಿ ಕಿಸ್​ ಮಾಡಲು ಒಪ್ಪಿಕೊಳ್ಳುವ ದೃಶ್ಯ ‘ಪುಷ್ಪ’ ಚಿತ್ರದಲ್ಲಿದೆ. ಆದರೆ ರಿಯಲ್​ ಲೈಫ್​ನಲ್ಲಿ ತಮ್ಮ ಪುಟಾಣಿ ಅಭಿಮಾನಿಗಳಿಗೆ ಶ್ರೀವಲ್ಲಿ ಕಡೆಯಿಂದ ಫ್ರೀ ಕಿಸ್​ ಸಿಕ್ಕಿದೆ.

ಇದನ್ನೂ ಓದಿ

Pushpa 2: ರಶ್ಮಿಕಾ ಮಂದಣ್ಣ ಪಾತ್ರ ಸಾಯುತ್ತೆ ಅನ್ನೋದು ನಿಜವೇ? ‘ಪುಷ್ಪ 2’ ನಿರ್ಮಾಪಕರು​ ನೀಡಿದ ಪ್ರತಿಕ್ರಿಯೆ ಇಲ್ಲಿದೆ..

Rashmika Mandanna: ರಶ್ಮಿಕಾ ಮಂದಣ್ಣ ಗುಟ್ಟಾಗಿ ‘777 ಚಾರ್ಲಿ’ ನೋಡಿದ್ರಾ? ಜನರ ಅನುಮಾನಕ್ಕೆ ಕಾರಣ ಆಗಿದೆ ಈ ವಿಡಿಯೋ

ಅತಿ ಹೆಚ್ಚು ಸಂಬಳ ಪಡೆಯುವ ದಕ್ಷಿಣ ಭಾರತದ ಟಾಪ್​ 10 ನಟಿಯರು ಇವರು; ರಶ್ಮಿಕಾ, ಸಮಂತಾ ಸಂಭಾವನೆ ಎಷ್ಟು?

ರಶ್ಮಿಕಾ ಮಂದಣ್ಣ ಹೊಸ ವಿಡಿಯೋ ವೈರಲ್​; ಎನರ್ಜಿ ಕಂಡು ವಾವ್​ ಎಂದ ಅಭಿಮಾನಿಗಳು

ಹೌದು, ಮುಂಬೈನಲ್ಲಿ ‘ಗುಡ್​ಬೈ’ ಟ್ರೇಲರ್​ ರಿಲೀಸ್​ ನಡೆಯುವ ಸ್ಥಳಕ್ಕೆ ಕೆಲವು ಮಕ್ಕಳು ಬಂದಿದ್ದರು. ರಶ್ಮಿಕಾ ಜೊತೆ ಮಾತನಾಡಬೇಕು ಎಂಬುದು ಆ ಬಾಲಕಿಯರ ಆಸೆ ಆಗಿತ್ತು. ಅದನ್ನು ಗಮನಿಸಿದ ರಶ್ಮಿಕಾ ಅವರು ಹುಡುಗಿಯರ ಬಳಿ ಹೋಗಿ ಮಾತನಾಡಿಸಿದ್ದಾರೆ. ಬಾಲಕಿಯರ ಆಸೆಯಂತೆ ಎಲ್ಲರಿಗೂ ಸಿಹಿ ಮುತ್ತು ನೀಡಿದ್ದಾರೆ. ನೆಚ್ಚಿನ ನಟಿಯಿಂದ ಮುತ್ತು ಪಡೆದ ಬಾಲಕಿಯರು ಖುಷಿಪಟ್ಟಿದ್ದಾರೆ. ಈ ವಿಡಿಯೋ ಸಖತ್​ ವೈರಲ್​ ಆಗಿದೆ.

View this post on Instagram

A post shared by Pallav Paliwal (@pallav_paliwal)

ಅಕ್ಟೋಬರ್​ 7ರಂದು ‘ಗುಡ್​ಬೈ’ ಚಿತ್ರ ರಿಲೀಸ್​ ಆಗಲಿದೆ. ಈ ಸಿನಿಮಾದಲ್ಲಿ ರಶ್ಮಿಕಾ ಮಂದಣ್ಣ ಅವರಿಗೆ ಸಿಂಪಲ್​ ಹುಡುಗಿಯ ಪಾತ್ರ ಸಿಕ್ಕಿದೆ. ಗ್ಲಾಮರ್​ ಬದಿಗಿಟ್ಟು ನಟನೆಗೆ ಮಹತ್ವ ನೀಡುವ ಚಾನ್ಸ್​ ಈ ಸಿನಿಮಾದಲ್ಲಿ ಅವರಿಗೆ ದೊರೆತಿದೆ. ಅವರ ಲುಕ್​ ಗಮನ ಸೆಳೆಯುತ್ತಿದೆ. ರಶ್ಮಿಕಾ ಜೊತೆ ಅಮಿತಾಭ್​ ಬಚ್ಚನ್​, ನೀನಾ ಗುಪ್ತಾ ಅವರಂತಹ ಅನುಭವಿ ಕಲಾವಿದರು ಈ ಸಿನಿಮಾದಲ್ಲಿ ಅಭಿನಯಿಸಿದ್ದಾರೆ. ಪಾತ್ರವರ್ಗದ ಕಾರಣದಿಂದ ಚಿತ್ರದ ಹೈಪ್​ ಹೆಚ್ಚಿದೆ.

ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್​ ಮಾಡಿ.

Published On - 1:44 pm, Thu, 8 September 22