ದಡೂತಿ ದೇಹ, 85 ಕೆಜಿ ತೂಕ; ವೈರಲ್ ಆಯ್ತು ಫರ್ಹಾನ್ ಅಖ್ತರ್ ಫೋಟೋ
ಸಿನಿಮಾಗಳಲ್ಲಿ ಫಿಟ್ ಆಗಿರುವ ವ್ಯಕ್ತಿ ದಡೂತಿ ದೇಹ ಹೊಂದುವ ಪರಿಸ್ಥಿತಿ ಬಂದರೆ ವಿಎಫ್ಎಕ್ಸ್ ಬಳಕೆ ಮಾಡಲಾಗುತ್ತದೆ. ಆದರೆ, ಫರ್ಹಾನ್ ಸ್ವತಃ ತೂಕ ಹೆಚ್ಚಿಸಿಕೊಂಡಿದ್ದಾರೆ.
Updated on: Jul 19, 2021 | 5:56 PM
ನಟ ಫರ್ಹಾನ್ ಅಖ್ತರ್ ಬಾಲಿವುಡ್ನಲ್ಲಿ ಸಾಕಷ್ಟು ಚಾಲೆಂಜಿಂಗ್ ಪಾತ್ರಗಳನ್ನು ಮಾಡಿದ್ದಾರೆ. ಪ್ರತಿ ಪಾತ್ರಕ್ಕೆ ಜೀವ ತುಂಬುವುದಕ್ಕೂ ಮೊದಲು ಸಾಕಷ್ಟು ತಯಾರಿ ನಡೆಸುತ್ತಾರೆ ಅವರು. ಬಾಕ್ಸಿಂಗ್ ಆಧರಿಸಿ ಸಿದ್ಧಗೊಂಡಿರುವ ‘ತೂಫಾನ್’ ಚಿತ್ರಕ್ಕಾಗಿ ಫರ್ಹಾನ್ ಅಖ್ತರ್ ತೆಗೆದುಕೊಂಡ ಚಾಲೆಂಜ್ ಅಂತಿತಹದ್ದಲ್ಲ. ಈ ಚಿತ್ರಕ್ಕಾಗಿ ಎದುರಿಸಿದ ಕಷ್ಟದ ಬಗ್ಗೆ ಅವರು ಮಾಹಿತಿ ನೀಡಿದ್ದಾರೆ.
ಫರ್ಹಾನ್ ಅಖ್ತರ್ ತೂಫಾನ್ ಚಿತ್ರದಲ್ಲಿ ಬಾಕ್ಸರ್ ಅಜೀಜ್ ಅಲಿ ಆಗಿ ಕಾಣಿಸಿಕೊಂಡಿದ್ದಾರೆ. ಬಾಕ್ಸರ್ ಆಗುವುದಕ್ಕೂ ಮೊದಲು ಅಜೀಜ್ ಪುಡಿ ರೌಡಿ ಆಗಿರುತ್ತಾನೆ. ನಂತರ ಬಾಕ್ಸಿಂಗ್ ಕಲಿಯುತ್ತಾನೆ. ಈ ಮಧ್ಯೆ ಬಾಕ್ಸಿಂಗ್ ತೊರೆಯುವ ಸಂದರ್ಭ ಬರುತ್ತದೆ. ಈ ವೇಳೆ ಅಜೀಜ್ ಫಿಟ್ನೆಸ್ ಕಳೆದುಕೊಳ್ಳುತ್ತಾನೆ. ಈ ಪಾತ್ರಕ್ಕಾಗಿ ದೊಡ್ಡ ಹೊಟ್ಟೆ ಹೊಂದುವ ಹಾಗೂ ತೂಕ ಹೆಚ್ಚಿಸಿಕೊಳ್ಳುವ ಅಗತ್ಯವಿತ್ತು.
ಸಿನಿಮಾಗಳಲ್ಲಿ ಫಿಟ್ ಆಗಿರುವ ವ್ಯಕ್ತಿ ದಡೂತಿ ದೇಹ ಹೊಂದುವ ಪರಿಸ್ಥಿತಿ ಬಂದರೆ ವಿಎಫ್ಎಕ್ಸ್ ಬಳಕೆ ಮಾಡಲಾಗುತ್ತದೆ. ಆದರೆ, ಫರ್ಹಾನ್ ಸ್ವತಃ ತೂಕ ಹೆಚ್ಚಿಸಿಕೊಂಡಿದ್ದಾರೆ. 69.9 ಕೆಜಿ ಇದ್ದ ಫರ್ಹಾನ್ ಈ ಪಾತ್ರಕ್ಕಾಗಿ 85 ಕೆಜಿ ಆಗಿದ್ದಾರೆ. ದಡೂತಿ ದೇಹ ಕೂಡ ಬಂದಿದೆ. ನಂತರ ತೂಕ ಇಳಿಸಿಕೊಂಡು ಮತ್ತೆ ಸಿಕ್ಸ್ ಪ್ಯಾಕ್ ಮಾಡಿದ್ದಾರೆ. ಕೆಲವೇ ನಿಮಿಷಗಳ ದೃಶ್ಯಕ್ಕಾಗಿ ಫರ್ಹಾನ್ ಇಷ್ಟು ತೂಕ ಏರಿಸಿಕೊಂಡಿದ್ದರು ಎಂಬುದು ವಿಶೇಷ.
View this post on Instagram
ಈ ಫೋಟೋವನ್ನು ಸ್ವತಃ ಫರ್ಹಾನ್ ಹಂಚಿಕೊಂಡಿದ್ದಾರೆ. ಅಲ್ಲದೆ, ಈ ಫೋಟೋ ಈಗ ಸಾಮಾಜಿಕ ಜಾಲತಾಣದಲ್ಲಿ ಸಾಕಷ್ಟು ವೈರಲ್ ಆಗುತ್ತಿದೆ. ಈ ಫೋಟೋ ನೋಡಿದ ಅಭಿಮಾನಿಗಳು ಅಚ್ಚರಿ ಹೊರ ಹಾಕಿದ್ದಾರೆ.
‘ತೂಫಾನ್’ ಚಿತ್ರಕ್ಕೆ ರಾಕೇಶ್ ಓಂಪ್ರಕಾಶ್ ಮೆಹ್ರಾ ನಿರ್ದೇಶನವಿದೆ. ಅಮೇಜಾನ್ ಪ್ರೈಮ್ನಲ್ಲಿ ಈ ಚಿತ್ರ ಜುಲೈ 16ರಂದು ಪ್ರೀಮಿಯರ್ ಆಗಿದೆ. ಮಿಲ್ಖಾ ಸಿಂಗ್ ಜೀವನವನ್ನು ಆಧರಿಸಿ ‘ಭಾಗ್ ಮಿಲ್ಖಾ ಭಾಗ್’ ಸಿನಿಮಾ ತಯಾರಾಗಿತ್ತು. 2013ರಲ್ಲಿ ಬಂದ ಆ ಸಿನಿಮಾದಲ್ಲಿ ಮಿಲ್ಖಾ ಸಿಂಗ್ ಪಾತ್ರವನ್ನು ಫರ್ಹಾನ್ ಅಖ್ತರ್ ಮಾಡಿದ್ದರು. ಆ ಚಿತ್ರಕ್ಕೆ ರಾಕೇಶ್ ಓಂಪ್ರಕಾಶ್ ಮೆಹ್ರಾ ಅವರೇ ನಿರ್ದೇಶನ ಮಾಡಿದ್ದರು. ಬಾಕ್ಸ್ ಆಫೀಸ್ನಲ್ಲಿ ಆ ಸಿನಿಮಾ ಗೆದ್ದಿತ್ತು. ಆ ಚಿತ್ರದ ಮೂಲಕ ಮಿಲ್ಖಾ ಸಿಂಗ್ ಬದುಕಿನ ಸ್ಫೂರ್ತಿದಾಯಕ ಕಥೆ ಅನೇಕರಿಗೆ ತಿಳಿಯುವಂತಾಗಿತ್ತು. ನಂತರ ಇಬ್ಬರೂ ‘ತೂಫಾನ್’ ಚಿತ್ರಕ್ಕಾಗಿ ಮತ್ತೆ ಒಂದಾಗಿದ್ದಾರೆ.
ಇದನ್ನೂ ಓದಿ: Milkha Singh Death: ‘ನೀವು ಸದಾ ಜೀವಂತವಾಗಿರುತ್ತೀರಿ’; ಮಿಲ್ಖಾ ಸಿಂಗ್ ನಿಧನಕ್ಕೆ ಫರ್ಹಾನ್ ಅಖ್ತರ್ ಸಂತಾಪ
