ಬ್ಲಾಕ್ ಬಸ್ಟರ್ ‘ಅಮರನ್’ ಸಿನಿಮಾ ಬಿಡುಗಡೆ ಮುಂದೂಡಿದ ನೆಟ್​ಫ್ಲಿಕ್ಸ್​

ಸ್ಟಾರ್ ನಟರ, ಬಿಗ್​ ಬಜೆಟ್ ಸಿನಿಮಾಗಳು ಸಹಜವಾಗಿಯೇ ಜನರನ್ನು ಚಿತ್ರಮಂದಿರಕ್ಕೆ ಕರೆತರುತ್ತವೆ. ಅಂಥಹಾ ಸಿನಿಮಾಗಳಲ್ಲಿ ಒಂದು ನಿಗದಿತ ಕೆಂಪ್ಲೆಟ್ ಇರುತ್ತದೆ. ಸ್ಟಾರ್ ನಾಯಕ, ಗ್ಲಾಮರಸ್ ನಟಿ, ಬಾಲಿವುಡ್​ನಿಂದ ಬಂದ ವಿಲನ್, ಐದಾರು ಅದ್ಧೂರಿ ಫೈಟ್​, ಐದಾರು ಹಾಡುಗಳು ಇಂಥಹಾ ಸಿನಿಮಾಗಳು ಬಾಕ್ಸ್ ಆಫೀಸ್​ನಲ್ಲಿ ಕಲೆಕ್ಷನ್ ಸಹ ಮಾಡುತ್ತವೆ. ಆದರೆ ಈ ರೀತಿಯ ನಿಗದಿತ ಕೆಂಪ್ಲೆಟ್ ಇಲ್ಲದೆ ಕೇವಲ ಒಳ್ಳೆಯ ಕತೆ, ನಟನೆಯಿಂದ ಪ್ರೇಕ್ಷಕರನ್ನು ಚಿತ್ರಮಂದಿರಕ್ಕೆ ಸೆಳೆಯುವ ಸಿನಿಮಾಗಳ ಸಂಖ್ಯೆ ಕಡಿಮೆ. ಅಂಥಹಾ ಒಂದು ಸಿನಿಮಾ ಇತ್ತೀಚೆಗೆ ಬಿಡುಗಡೆ ಆಗಿದ್ದು ಸಿನಿಮಾದ ಹೆಸರು ‘ಅಮರನ್’.

ಸಾಯಿ ಪಲ್ಲವಿ, ಶಿವಕಾರ್ತಿಕೇಯನ್ ನಟಿಸಿರುವ ತಮಿಳು ಸಿನಿಮಾ ‘ಅಮರನ್’ ಬಿಡುಗಡೆ ಆಗಿ ಮೂರು ವಾರವಾದರೂ ಚೆನ್ನೈ ಸೇರಿದಂತೆ ಹಲವು ಪ್ರಮುಖ ನಗರಗಳಲ್ಲಿ ತುಂಬಿದ ಗೃಹಗಳ ಪ್ರದರ್ಶನ ಕಾಣುತ್ತಿದೆ. ‘ಅಮರನ್’ ಸಿನಿಮಾಕ್ಕೆ ಪ್ರೇಕ್ಷಕರು ಕಡಿಮೆ ಆಗಿಲ್ಲವಾದ್ದರಿಂದ ಇಂದು ಬಿಡುಗಡೆ ಆಗಿರುವ ತಮಿಳು ಸಿನಿಮಾ ‘ಕಂಗುವ’ಗೆ ಹಚ್ಚು ಸಂಖ್ಯೆಯ ಚಿತ್ರಮಂದಿರಗಳು ಸಿಕ್ಕಿಲ್ಲ.

ಚಿತ್ರಮಂದಿರಗಳಲ್ಲಿ ನೋಡಲು ಅವಕಾಶ ಸಿಗದ ಹಲವು ರಾಜ್ಯಗಳ ಮಂದಿ ಒಟಿಟಿಯಲ್ಲಿ ಸಿನಿಮಾ ನೋಡಲು ಕಾತರರಾಗಿದ್ದರು, ಆದರೆ ಈಗ ಈ ಸಿನಿಮಾದ ಹಕ್ಕು ಖರೀದಿಸಿದ್ದ ನೆಟ್​ಫ್ಲಿಕ್ಸ್, ಸಿನಿಮಾದ ಸ್ಟ್ರೀಮಿಂಗ್ ಅನ್ನು ಮುಂದೂಡಿದೆ. ಈ ಮೊದಲು ನಿಗದಿ ಆಗಿದ್ದಂತೆ, ಸಿನಿಮಾ ಬಿಡುಗಡೆ ಆದ 28 ದಿನಗಳ ಬಳಿಕ ಅಂದರೆ ನವೆಂಬರ್ 26 ಕ್ಕೆ ಈ ಸಿನಿಮಾ ನೆಟ್​ಫ್ಲಿಕ್ಸ್​ನಲ್ಲಿ ಸ್ಟ್ರೀಮಿಂಗ್ ಆರಂಭಿಸಬೇಕಿತ್ತು. ಆದರೆ ನೆಟ್​ಫ್ಲಿಕ್ಸ್​, ಈ ಸಿನಿಮಾದ ಬಿಡುಗಡೆ ಮುಂದೂಡಿದೆ. ಇದಕ್ಕೆ ಸಿನಿಮಾ ನಿರ್ಮಾಣ ಸಂಸ್ಥೆಯೇ ಕಾರಣ ಎನ್ನಲಾಗುತ್ತಿದೆ.

ಇದನ್ನೂ ಓದಿ:‘ಅಮರನ್’ ಸಿನಿಮಾ ಮೂಲಕ ಯಶಸ್ಸು ಕಂಡ ಸಾಯಿ ಪಲ್ಲವಿ, ಶಿವಕಾರ್ತಿಕೇಯನ್

‘ಅಮರನ್’ ಸಿನಿಮಾ ತಮಿಳುನಾಡಿನ ಚೆನ್ನೈ, ಮಧುರೈ ಸೇರದಂತೆ ಬೇರೆ ರಾಜ್ಯಗಳ ಕೆಲ ಪ್ರಮುಖ ನಗರಗಳಲ್ಲಿ ಉತ್ತಮ ಪ್ರದರ್ಶನ ಕಾಣುತ್ತಿರುವ ಕಾರಣ ಈ ಸಿನಿಮಾದ ಒಟಿಟಿ ಬಿಡುಗಡೆಯನ್ನು ಮುಂದೂಡಲಾಗುತ್ತಿದೆಯಂತೆ. ಅಲ್ಲದೆ, ಸಿನಿಮಾದ ಬಗ್ಗೆ ಉತ್ತರ ಭಾರತದ ನಗರಗಳಲ್ಲಿ ಇನ್ನಷ್ಟು ಪ್ರಚಾರ ಮಾಡಿ ಮುಂಬೈ, ಗುಜರಾತ್​, ಯುಪಿ ಇನ್ನೂ ಕೆಲವು ರಾಜ್ಯಗಳಲ್ಲಿ ಶೋಗಳ ಸಂಖ್ಯೆಯನ್ನು ಹೆಚ್ಚಿಸುವ ಆಲೋಚನೆಯೂ ಚಿತ್ರತಂಡಕ್ಕೆ ಇದೆ ಹೀಗಾಗಿ ಈ ಸಿನಿಮಾದ ಒಟಿಟಿ ಬಿಡುಗಡೆಯನ್ನು ಮುಂದೂಡಲಾಗುತ್ತಿದೆ.

‘ಅಮರನ್’ ಸಿನಿಮಾ ಮೇಜರ್ ಮುಕುಂದನ್ ಅವರ ಜೀವನದ ಘಟನೆ ಆಧರಿಸಿದೆ. ಸಿನಿಮಾದಲ್ಲಿ ಶಿವಕಾರ್ತಿಕೇಯರ್ ಮೇಜರ್ ಪಾತ್ರದಲ್ಲಿ ನಟಿಸಿದ್ದಾರೆ, ಅವರ ಪತ್ನಿ ರೆಬೆಕಾ ವರ್ಗೀಸ್ ಪಾತ್ರದಲ್ಲಿ ಸಾಯಿ ಪಲ್ಲವಿ ನಟಿಸಿದ್ದಾರೆ. ಸಿನಿಮಾವನ್ನು ರಾಜಕುಮಾರ್ ಪೆರಿಯಸ್ವಾಮಿ ನಿರ್ದೇಶನ ಮಾಡಿದ್ದಾರೆ. ನಿರ್ಮಾಣ ಮಾಡಿರುವುದು ಕಮಲ್ ಹಾಸನ್.

ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ