500 ಕೋಟಿ ಕ್ಲಬ್ ಸೇರಿದ ರಾಮಾಯಣ; ಭಾನುವಾರದ ಗಳಿಕೆ ಎಷ್ಟು ಕೋಟಿ ರೂಪಾಯಿ?

ನಿತೇಶ್ ತಿವಾರಿ ನಿರ್ದೇಶನದ ಹಾಗೂ ರಣಬೀರ್ ಕಪೂರ್ ಅಭಿನಯದ ‘ರಾಮಾಯಣ‘ ಸಿನಿಮಾ ಬಾಕ್ಸ್ ಆಫೀಸ್‌ನಲ್ಲಿ ಸೃಷ್ಟಿಸಿರುವ ಸುನಾಮಿ ಮುಂದುವರಿದಿದೆ. ಪ್ರದರ್ಶನಗೊಂಡ ಕೇವಲ ನಾಲ್ಕೇ ದಿನಗಳಲ್ಲಿ ಈ ದೃಶ್ಯಕಾವ್ಯವು ವಿಶ್ವಾದ್ಯಂತ ಸುಮಾರು 500 ಕೋಟಿ ರೂಪಾಯಿ ಗಳಿಕೆ ಮಾಡುವ ಮೂಲಕ ಹೊಸ ದಾಖಲೆ ಬರೆದಿದೆ. ಬಿಡುಗಡೆಯಾದ ಮೊದಲ ದಿನದಿಂದಲೇ ಪ್ರೇಕ್ಷಕರಿಂದ ಅಭೂತಪೂರ್ವ ಬೆಂಬಲ ಪಡೆದುಕೊಂಡಿರುವ ಈ ಚಿತ್ರ, ಭಾನುವಾರದ ರಜಾದಿನದಂದು ದೇಶ ವಿದೇಶಗಳಲ್ಲಿ ಭರ್ಜರಿ ಕಲೆಕ್ಷನ್ ಮಾಡುವ ಮೂಲಕ ಬಾಕ್ಸ್ ಆಫೀಸ್‌ನಲ್ಲಿ ತನ್ನ ಅಧಿಪತ್ಯವನ್ನು ಸ್ಥಾಪಿಸಿದೆ.

ನಾಲ್ಕನೇ ದಿನವಾದ ಭಾನುವಾರದಂದು (ನವೆಂಬರ್ 8) ‘ರಾಮಾಯಣ’ ಚಿತ್ರವು ಭಾರತದಾದ್ಯಂತ ಒಟ್ಟು 21,770 ಪ್ರದರ್ಶನಗಳಿಂದ 56.15 ಕೋಟಿ ನೆಟ್ ಕಲೆಕ್ಷನ್ ಮಾಡಿದೆ. ಭಾಷಾವಾರು ಲೆಕ್ಕಾಚಾರ ನೋಡುವುದಾದರೆ, ಹಿಂದಿ ಆವೃತ್ತಿಯು 17,755 ಪ್ರದರ್ಶನಗಳಿಂದ ಅತ್ಯಧಿಕ ಅಂದರೆ 36.75 ಕೋಟಿ ಗಳಿಸಿದೆ. ಇನ್ನುಳಿದಂತೆ ಕನ್ನಡ ಆವೃತ್ತಿಯಿಂದ 910 ಪ್ರದರ್ಶನಗಳಲ್ಲಿ 7.25 ಕೋಟಿ ರೂಪಾಯಿ, ತೆಲುಗು ಆವೃತ್ತಿಯಿಂದ 1,621 ಪ್ರದರ್ಶನಗಳಲ್ಲಿ 6.25 ಕೋಟಿ ರೂಪಾಯಿ, ತಮಿಳು ಆವೃತ್ತಿಯಿಂದ 756 ಪ್ರದರ್ಶನಗಳಲ್ಲಿ 3.15 ಕೋಟಿ ರೂಪಾಯಿ ಹಾಗೂ ಮಲಯಾಳಂ ಆವೃತ್ತಿಯಿಂದ 728 ಪ್ರದರ್ಶನಗಳಲ್ಲಿ 2.75 ಕೋಟಿ ರೂಪಾಯಿ ನೆಟ್ ಕಲೆಕ್ಷನ್ ಆಗಿದೆ. ಭಾನುವಾರ ಭಾರತದ ಚಿತ್ರಮಂದಿರಗಳಲ್ಲಿ ಶೇಕಡಾ 38.0 ರಷ್ಟು ಆಕ್ಯುಪೆನ್ಸಿ ದಾಖಲಾಗಿದೆ.

ಭಾರತೀಯ ಬಾಕ್ಸ್ ಆಫೀಸ್‌ನಲ್ಲಿ ಈ ಚಿತ್ರದ ಕಲೆಕ್ಷನ್ ಉತ್ತಮವಾಗಿದೆ. ಮೊದಲ ದಿನ ಗುರುವಾರ 64.85 ಕೋಟಿ ರೂಪಾಯಿ ನೆಟ್ ಹಾಗೂ 77.50 ಕೋಟಿ ರೂಪಾಯಿ ಗ್ರಾಸ್, ಎರಡನೇ ದಿನ ಶುಕ್ರವಾರ 48.05 ಕೋಟಿ ರೂಪಾಯಿ ನೆಟ್ ಹಾಗೂ 57.30 ಕೋಟಿ ರೂಪಾಯಿ ಗ್ರಾಸ್, ಮೂರನೇ ದಿನ ಶನಿವಾರ 69.80 ಕೋಟಿ ರೂಪಾಯಿ ನೆಟ್ ಹಾಗೂ 83.45 ಕೋಟಿ ಗ್ರಾಸ್ ಕಲೆಕ್ಷನ್ ಮಾಡಿದೆ. ನಾಲ್ಕನೇ ದಿನ ಭಾನುವಾರ 56.15 ಕೋಟಿ ನೆಟ್ ಹಾಗೂ 66.95 ಕೋಟಿ ರೂಪಾಯಿ ಗ್ರಾಸ್ ಸಂಗ್ರಹವಾಗಿದೆ. ಇದರೊಂದಿಗೆ ನಾಲ್ಕು ದಿನಗಳ ಮುಕ್ತಾಯಕ್ಕೆ ಭಾರತದಲ್ಲಿ ಒಟ್ಟು ನೆಟ್ ಸಂಗ್ರಹ 238.85 ಕೋಟಿ ರೂಪಾಯಿ ತಲುಪಿದ್ದು, ಭಾರತದ ಒಟ್ಟು ಗ್ರಾಸ್ ಗಳಿಕೆ 285.20 ಕೋಟಿ ರೂಪಾಯಿ ಆಗಿದೆ.

ಇದನ್ನೂ ಓದಿ: ‘ರಾಮಾಯಣ’ ಟ್ರೇಲರ್​​: ರಾಮ-ಸೀತೆ-ರಾವಣನ ಪರಿಚಯಿಸಿದ ನಿರ್ದೇಶಕ ನಿತೇಶ್ ತಿವಾರಿ

ಇನ್ನೊಂದೆಡೆ ವಿದೇಶಗಳಲ್ಲೂ ‘ರಾಮಾಯಣ’ ಅಬ್ಬರ ಜೋರಾಗಿದ್ದು, ಓವರ್‌ಸೀಸ್ ಮಾರುಕಟ್ಟೆಯಲ್ಲಿ ನಾಲ್ಕನೇ ದಿನವೇ 45.00 ಕೋಟಿ ಕಲೆಕ್ಷನ್ ಮಾಡಿದೆ. ಇದರಿಂದಾಗಿ ಚಿತ್ರದ ಒಟ್ಟು ವಿದೇಶಿ ಗ್ರಾಸ್ ಗಳಿಕೆ 214.00 ಕೋಟಿಗೆ ಜಿಗಿದಿದೆ. ‘ರಾಮಾಯಣ’ ಚಿತ್ರವು ಜಾಗತಿಕವಾಗಿ ಒಟ್ಟು 499.20 ಕೋಟಿ ರೂಪಾಯಿ ಗಳಿಕೆ ಮಾಡುವ ಮೂಲಕ 500 ಕೋಟಿ ರೂಪಾಯಿ ಕ್ಲಬ್‌ನ ಹೊಸ್ತಿಲಲ್ಲಿ ಬಂದು ನಿಂತಿದೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.