ಸಿಂಗೀತಂ ಶ್ರೀನಿವಾಸ ರಾವ್ ನಿಧನ: ಶ್ರದ್ಧಾಂಜಲಿ ಅರ್ಪಿಸಿದ ಶಿವಣ್ಣ, ಕಮಲ್ ಹಾಸನ್

ಖ್ಯಾತ ನಿರ್ದೇಶಕ ಸಿಂಗೀತಂ ಶ್ರೀನಿವಾಸ ರಾವ್ ಅವರ ನಿಧನಕ್ಕೆ ನಟರಾದ ಶಿವರಾಜ್​ಕುಮಾರ್, ಕಮಲ್ ಹಾಸನ್, ಜೂನಿಯರ್ ಎನ್‌ಟಿಆರ್, ನಿರ್ದೇಶಕ ಎಸ್.ಎಸ್. ರಾಜಮೌಳಿ ಸೇರಿದಂತೆ ದಕ್ಷಿಣ ಭಾರತೀಯ ಚಿತ್ರರಂಗದ ಹಲವು ಪ್ರಮುಖ ಗಣ್ಯರು ತೀವ್ರ ಕಂಬನಿ ಮಿಡಿದಿದ್ದಾರೆ. ಭಾರತೀಯ ಚಿತ್ರರಂಗಕ್ಕೆ ಸಿಂಗೀತಂ ಶ್ರೀನಿವಾಸ ರಾವ್ ನೀಡಿದ ಕೊಡುಗೆಯನ್ನು ಸ್ಮರಿಸಿ ಶ್ರದ್ಧಾಂಜಲಿ ಸಲ್ಲಿಸಿದ್ದಾರೆ. ಶಿವರಾಜ್​ಕುಮಾರ್ ನಟಿಸಿದ ಮೊದಲ ಸಿನಿಮಾ ‘ಆನಂದ್’ ಮೂಡಿಬಂದಿದ್ದು ಸಿಂಗೀತಂ ಶ್ರೀನಿವಾಸ ರಾವ್ ಅವರ ನಿರ್ದೇಶನದಲ್ಲಿ. ಆ ದಿನಗಳನ್ನು ಶಿವಣ್ಣ ಸ್ಮರಿಸಿಕೊಂಡಿದ್ದಾರೆ.

‘ಸಿಂಗೀತಂ ಶ್ರೀನಿವಾಸ ರಾವ್ ಸರ್, ‘ಆನಂದ್’ ಚಿತ್ರದ ಮೂಲಕ ನನಗೆ ಚಿತ್ರರಂಗದಲ್ಲಿ ಮೊದಲ ಅವಕಾಶ ನೀಡಿದವರು ನೀವು. ಚಿತ್ರರಂಗದಲ್ಲಿ ನನ್ನ ಈ 40 ವರ್ಷಗಳ ಪಯಣಕ್ಕೆ ನೀವೇ ಬುನಾದಿ. 94ನೇ ವಯಸ್ಸಿನಲ್ಲೂ ಸಿನಿಮಾ ನಿರ್ದೇಶಿಸುವ ಮೂಲಕ ನೀವು ಇಡೀ ಜಗತ್ತಿಗೇ ಸ್ಫೂರ್ತಿಯಾಗಿದ್ದೀರಿ. ‘ವಯಸ್ಸು ಕೇವಲ ಒಂದು ಸಂಖ್ಯೆಯಷ್ಟೇ’ ಎಂಬುದಕ್ಕೆ ನೀವೇ ಅತ್ಯುತ್ತಮ ಉದಾಹರಣೆ’ ಎಂದು ಶಿವರಾಜ್​ಕುಮಾರ್ ಅವರು ಹೇಳಿದ್ದಾರೆ.

Singeetham Srinivasa Rao sir, you gave me the start with “ANAND” 40 years of journey in films. You inspired the whole world by directing a film at 94 years. You’re the best example for age is just a number. You are not a part of an art form you are an ART. Your last words about ‘SURVIVOR’ was easily one of best conversation we have had, nobody but you can say it better, to live and breathe cinema for 94 years and give it everything till the last breath.

Come back sir! You will always be the greatest.

— DrShivaRajkumar (@NimmaShivanna) October 4, 2026

‘ನೀವು ಕಲೆಯ ಒಂದು ಭಾಗವಲ್ಲ, ನೀವೇ ಒಂದು ‘ಕಲೆ’. ‘ಸರ್ವೈವರ್’ ಕುರಿತು ನೀವು ಹೇಳಿದ ಕೊನೆಯ ಮಾತುಗಳು, ನಾವಿಬ್ಬರೂ ನಡೆಸಿದ ಅತ್ಯುತ್ತಮ ಸಂಭಾಷಣೆಗಳಲ್ಲಿ ಒಂದಾಗಿತ್ತು. ಅದನ್ನು ನಿಮಗಿಂತ ಚೆನ್ನಾಗಿ ಹೇಳಲು ಬೇರಾರಿಗೂ ಸಾಧ್ಯವಿಲ್ಲ. 94 ವರ್ಷಗಳ ಕಾಲ ಸಿನಿಮಾವನ್ನೇ ಉಸಿರಾಡುತ್ತಾ, ಕೊನೆಯ ಉಸಿರಿನವರೆಗೂ ಅದಕ್ಕಾಗಿ ಎಲ್ಲವನ್ನೂ ಧಾರೆಯೆರೆದಿದ್ದೀರಿ. ಮತ್ತೆ ಮರಳಿ ಬನ್ನಿ ಸರ್. ನೀವು ಎಂದಿಗೂ ಸಾರ್ವಕಾಲಿಕ ಶ್ರೇಷ್ಠ ನಿರ್ದೇಶಕರಾಗಿರುತ್ತೀರಿ’ ಎಂದು ಶಿವಣ್ಣ ಪೋಸ್ಟ್ ಮಾಡಿದ್ದಾರೆ.

சிங்கீதம் காரு தன் சித்தப்படி இளமையில், இளமையுடன் உயிர் நீத்தார். அவர் இளமை பலருக்கும் தொற்றாது. அந்த குணம் தொற்றவேண்டும் என்ற ஆசையில் அவர் கை பற்றி நடந்த நண்பர்களுள் சீடர்களுள் நானும் உளேன்.

– கமல் ஹாசன்

Dying young need not be a tragedy. It can be glorious. Singeetham Srinivasa Rao is a great example. I have admired him since I knew him. Now I aspire to live like he did.

– Kamal Haasan

— Kamal Haasan (@ikamalhaasan) October 4, 2026

ಕಮಲ್ ಹಾಸನ್ ಅವರು ಸಿಂಗೀತಂ ಶ್ರೀನಿವಾಸ ರಾವ್ ಜೊತೆ ಆಪ್ತ ಒಡನಾಟ ಹೊಂದಿದ್ದರು. ತಮ್ಮ ನೆಚ್ಚಿನ ನಿರ್ದೇಶಕನ ನಿಧನಕ್ಕೆ ಕಮಲ್ ಹಾಸನ್ ಕಂಬನಿ ಮಿಡಿದಿದ್ದಾರೆ. ‘ಸಿಂಗೀತಂ ಅವರು ತಮ್ಮ ಇಷ್ಟದಂತೆಯೇ ಯೌವನದಲ್ಲಿ, ಅದೇ ತಾರುಣ್ಯದೊಂದಿಗೆ ಪ್ರಾಣ ಬಿಟ್ಟರು. ಅವರ ಆ ಯೌವನ ಎಲ್ಲರಿಗೂ ಒಲಿಯುವುದಿಲ್ಲ. ಆ ಗುಣ ನಮಗೂ ದಕ್ಕಲಿ ಎನ್ನುವ ಆಸೆಯಿಂದ ಅವರ ಕೈ ಹಿಡಿದು ನಡೆದ ಸ್ನೇಹಿತರಲ್ಲಿ, ಶಿಷ್ಯರಲ್ಲಿ ನಾನೂ ಒಬ್ಬ’ ಎಂದು ಕಮಲ್ ಹಾಸನ್ ಅವರು ಭಾವುಕವಾಗಿ ನುಡಿದಿದ್ದಾರೆ.

ಇದನ್ನೂ ಓದಿ: ಸಿಂಗೀತಂ ಶ್ರೀನಿವಾಸ ರಾವ್ ನಿಧನಕ್ಕೆ ಸಂತಾಪ ಸೂಚಿಸಿದ ಚಿರಂಜೀವಿ, ಎನ್​ಟಿಆರ್

‘ಚಿಕ್ಕ ವಯಸ್ಸಿನಲ್ಲಿಯೇ ಮರಣ ಹೊಂದುವುದು ದುರಂತವೇ ಆಗಬೇಕಿಲ್ಲ. ಅದೊಂದು ಅದ್ಭುತ ಅಥವಾ ಹೆಮ್ಮೆಯ ವಿಷಯವೂ ಆಗಿರಬಹುದು. ಅದಕ್ಕೆ ಸಿಂಗೀತಂ ಶ್ರೀನಿವಾಸರಾವ್ ಅವರೇ ಶ್ರೇಷ್ಠ ಉದಾಹರಣೆ. ಅವರನ್ನು ತಿಳಿದಂದಿನಿಂದಲೂ ನಾನು ಅವರನ್ನು ಆರಾಧಿಸುತ್ತಾ ಬಂದಿದ್ದೇನೆ. ಈಗ ಅವರಂತೆಯೇ ಬದುಕಲು ನಾನು ಬಯಸುತ್ತೇನೆ’ ಎಂದು ಕಮಲ್ ಹಾಸನ್ ಅವರು ‘ಎಕ್ಸ್’ ಖಾತೆಯಲ್ಲಿ ಬರೆದುಕೊಂಡಿದ್ದಾರೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.