ಬಳ್ಳಾರಿ ಪೊಲೀಸರ ಯಶಸ್ವಿ ಕಾರ್ಯಾಚರಣೆ: 5 ಮನೆಗಳ್ಳತನ ಮಾಡಿದ ಕಳ್ಳರಿಬ್ಬರ ಬಂಧನ

ಬಳ್ಳಾರಿ, ಜುಲೈ 30: ಮನೆಗಳ್ಳರಿಬ್ಬರನ್ನು ಪೊಲೀಸರು బంಧಿಸಿದ್ದು (arrested) , ಅವರಿಂದ 3,15 ಲಕ್ಷ ರೂ. ಮೌಲ್ಯದ 250ಗ್ರಾಂ ಬಂಗಾರದ ಆಭರಣಗಳನ್ನು ವಶಪಡಿಸಿಕೊಂಡಿದ್ದಾರೆ. ಇದರೊಂದಿಗೆ ಐದು ಮನೆಗಳ್ಳತನ ಪ್ರಕರಣಗಳನ್ನು ಭೇದಿಸುವಲ್ಲಿ ಯಶ್ವಸಿಯಾಗಿದ್ದಾರೆ. ದುರ್ಗಾ ಎಂಬ ಮಹಿಳೆ ತಮ್ಮ ಮನೆಯಲ್ಲಿ ಕಳ್ಳತನ ನಡೆದಿದೆ ಎಂದು ಜುಲೈ 13ರಂದು ಪೊಲೀಸರಿಗೆ ದೂರು ನೀಡಿದ್ದರು. ಬಳಿಕ ಕಾರ್ಯಾಚರಣೆ ಆರಂಭಿಸಿದ್ದ ಪೊಲೀಸರು ಮಹ್ಮದ್ ಸುಹೇಲ್ ಹಾಗೂ ಮಹ್ಮದ್ ಜುಬೇರ್ ಎನ್ನುವವರನ್ನು ಬಂಧಿಸಲಾಗಿದೆ ಎಂದು ಜಿಲ್ಲಾ ಪೊಲೀಸ ವರಿಷ್ಠಾಧಿಕಾರಿ ಪೊಲೀಸ್ ವರಿಷ್ಠಾಧಿಕಾರಿಗಳು ತಿಳಿಸಿದ್ದಾರೆ.

ಬಂಧಿತರ ಬಳಿ‌ ಮೋಟಾರ್ ಬೈಕ್, ಒಂದು ಮೊಬೈಲ್ ಸಿಕ್ಕಿದ್ದು. ಈ ಮನೆಗಳ್ಳತನ ಪ್ರಕರಣದ ತನಿಖೆಗಾಗಿ ಸಿರುಗುಪ್ಪ ಡಿವೈಎಸ್‌ಪಿ ವೆಂಕಟೇಶ್, ಬಳ್ಳಾರಿ ಗ್ರಾಮೀಣ ಇನ್‌ಸ್ಪೆಕ್ಟರ್ ಬಿ. ನಿರಂಜನ್ ನೇತೃತ್ವದಲ್ಲಿ ಹೆಡ್ ಕಾನ್‌ಸ್ಟೆಬಲ್‌ಗಳಾದ ಖಾಜಾ ಮೊಹಿದ್ದೀನ್, ಶ್ರೀನಿವಾಸ್, ಸುಧಾಕರ್, ನಾಗರಾಜ್, ಯೂನುಸ್, ಕೆ. ಬೀರಪ್ಪ, ಶರಣಪ್ಪ ಹಾಗೂ ಕಾನ್‌ಸ್ಟೆಬಲ್‌ಗಳಾದ ರಮೇಶ್‌ಬಾಬು, ಮಂಜುನಾಥ್‌, ಚೇತನ್, ಗಂಗೂಲಿ, ರಸೂಲ್, ಪರುಶರಾಮ ಮತ್ತು ಗಣೇಶ ಅವರನ್ನು ಒಳಗೊಂಡ ತಂಡ ರಚಿಸಲಾಗಿತ್ತು.

ಇದನ್ನೂ ಓದಿ: 10 ವರ್ಷದ ಹಿಂದಿನ ಪ್ರೇಮ ವಿವಾಹದ ಸಿಟ್ಟು: ಮೊಹರಂ ಹಬ್ಬದ ವೇಳೆ ಎರಡು ಕುಟುಂಬಗಳ ನಡುವೆ ಗಲಾಟೆ, 8 ಜನರಿಗೆ ಗಾಯ

ತಾಳೂರು ರಸ್ತೆಯ ನಿವಾಸಿ ದುರ್ಗಾ ಎನ್ನುವವರ ಮನೆಯಲ್ಲಿ‌ 13 ರಂದು ಕಳ್ಳತನ ಮಾಡಿದ್ದರು. ಅಲ್ಲದೇ ಇದೇ ತಂಡ ಗುಗ್ಗರಹಟ್ಟಿಯ ನಾಲ್ಕು ಮನೆಗಳಲ್ಲಿ ಕಳ್ಳತನ ಮಾಡಿರುವುದು ತನಿಖೆಯ ವೇಳೆ ಬಯಲಾಗಿದೆ. ಹೀಗಾಗಿ ಸಮೀಪದಲ್ಲಿದ್ದ ಸಿಸಿಟಿವಿ ಕ್ಯಾಮರಾದಲ್ಲಿ ಕಳ್ಳರ ಚಲನವಲನ ಸೆರೆಯಾಗಿತ್ತು. ಇದರ ಸುಳಿವಿನ ಮೇರೆಗೆ ಪೊಲೀಸರು 12 ದಿನಗಳಲ್ಲಿ 5 ಪ್ರಕರಣಗಳನ್ನ ಭೇದಿಸುವಲ್ಲಿ ಯಶ್ವಸಿಯಾಗಿದ್ದಾರೆ.

ಇದನ್ನೂ ಓದಿ: Yadgir News: ಶವ ಸಾಗಿಸುತ್ತಿದ್ದ ಆ್ಯಂಬುಲೆನ್ಸ್​ ಪಲ್ಟಿ: ಚಾಲಕನಿಗೆ ಗಾಯ

ಕಳ್ಳತನ ಪ್ರಕರಣವನ್ನ ಯಶ್ವಸಿಯಾಗಿ ಭೇದಿಸಿದ ಪೊಲೀಸ ತನಿಖಾ ತಂಡಕ್ಕೆ ಜಿಲ್ಲಾ‌ ಪೊಲೀಸ ವರಿಷ್ಠಾಧಿಕಾರಿ ರಂಜಿತಕುಮಾರ್ ಬಂಡಾರು ಬಹುಮಾನ ಘೋಷಣೆ ಮಾಡಿ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

ಮತ್ತಷ್ಟು ಕ್ರೈಂ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ.

Published On - 6:49 pm, Sun, 30 July 23