ಅಮೆಜಾನ್ ಮಳೆಕಾಡಿನ ಮೇಲೆ ಚೀನಾ, ಬ್ರೆಜಿಲ್ ಸ್ಯಾಟಲೈಟ್ ನಿಗಾ

ಚೀನಾ ನೇತೃತ್ವದಲ್ಲಿ ಬ್ರೆಜಿಲ್ ಸ್ಯಾಟಲೈಟ್ ಲಾಂಚ್ ಮಾಡಿದೆ. ಅಮೆಜಾನ್ ಮಳೆಕಾಡಿನ ಮೇಲೆ ನಿಗಾ ಇಡೋದಕ್ಕೆ ಈ ಉಪಗ್ರಹ ಉಪಯುಕ್ತವಾಗಲಿದ್ದು, ನೂರಾರು ಕೋಟಿ ವೆಚ್ಚದಲ್ಲಿ ನಿರ್ಮಿಸಿರುವ ಸ್ಯಾಟಲೈಟ್ ಅನ್ನ ಉಡಾವಣೆ ಮಾಡಲಾಯಿತು. ಉಪಗ್ರಹ ಸುರಕ್ಷಿತವಾಗಿ ಕಕ್ಷೆ ಸೇರಿದೆ.

ಆಸಿಸ್ ನಾಡಲ್ಲಿ ವಿಭಿನ್ನ ಪ್ರತಿಭಟನೆ: ಆಸ್ಟ್ರೇಲಿಯಾದ ನ್ಯೂ ಸೌತ್​ವೇಲ್ಸ್​ನಲ್ಲಿ ಉಂಟಾಗಿರುವ ಕಾಡ್ಗಿಚ್ಚಿನಿಂದ, ಆಸಿಸ್ ನಾಡು ತತ್ತರಿಸಿದೆ. ಆಸ್ಟ್ರೇಲಿಯಾದ ಪ್ರಮುಖ ನಗರಗಳಲ್ಲಿ ದಟ್ಟ ಹೊಗೆ ಆವರಿಸಿದ್ದು, ಜನರು ಪರದಾಡುತ್ತಿದ್ದಾರೆ. ಇಂತಹ ಪರಿಸ್ಥಿತಿಯಲ್ಲೂ ಸರ್ಕಾರ ಸೂಕ್ತ ನಿರ್ಧಾರ ಕೈಗೊಂಡಿಲ್ಲ ಎಂದು ಆರೋಪಿಸಿ ಪ್ರತಿಭಟನೆ ನಡೆಸಲಾಯಿತು.

ಶಾಂತಿ ಕಾಪಾಡಲು ಹರಸಾಹಸ: ಲೆಬಾನಾನ್​ನಲ್ಲಿ ಶುರುವಾಗಿರುವ ಹೋರಾಟ ಇನ್ನೂ ತಣ್ಣಗಾಗಿಲ್ಲ. ಪರಿಸ್ಥಿತಿ ತೀರಾ ವಿಕೋಪಕ್ಕೆ ಹೋಗಿದ್ದು, ಶಾಂತಿ ಕಾಪಾಡಲು ಪೊಲೀಸರು ಹರಸಾಹಪಡ್ತಿದ್ದಾರೆ. ಪ್ರತಿಭಟನಾಕಾರರು ಭದ್ರತಾ ಪಡೆಗಳ ವಿರುದ್ಧವೇ ತಿರುಗಿಬಿದ್ದಿದ್ದು, ಪ್ರತಿಭಟನೆ ಇತರ ಭಾಗಗಳಿಗೂ ಹಬ್ಬುವ ಆತಂಕ ಎದುರಾಗಿದೆ.

ಡೊನಾಲ್ಡ್ ಟ್ರಂಪ್ ಗರಂ..! ತನ್ನ ವಿರುದ್ಧ ವಾಗ್ದಂಡನೆ ಮಂಡಿಸಿದ ಡೆಮಾಕ್ರಟಿಕ್ ಸದಸ್ಯರ ವಿರುದ್ಧ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಕೆಂಡ ಕಾರಿದ್ದಾರೆ. ವಾಗ್ದಂಡನೆ ಪ್ರಕ್ರಿಯೆ ಅಂತಿಮಗೊಳ್ಳಲು ಅಮೆರಿಕ ಸೆನೆಟ್​ನ ಒಪ್ಪಿಗೆ ಬಾಕಿ ಇದ್ದು, ಇಲ್ಲೂ ಟ್ರಂಪ್​ಗೆ ಸೋಲಾದರೆ ಅಧಿಕಾರದಿಂದ ಕೆಳಗಿಳಿಯಬೇಕಾಗುತ್ತದೆ.