ಆರ್​ಸಿಬಿಯ ಅಣಕಿಸಿದ ತಮಿಳು ನಟಿ, ಅಭಿಮಾನಿಗಳಿಂದ ಖಡಕ್ ಪ್ರತಿಕ್ರಿಯೆ

ಐಪಿಎಲ್ 2024ರಿಂದ ಆರ್​ಸಿಬಿ (RCB) ತಂಡ ಹೊರಬಿದ್ದಿದೆ. ಆದರೆ ಈ ಬಾರಿ ಟೂರ್ನಿಯಲ್ಲಿ ಕೆಲವು ಪಂದ್ಯಗಳಲ್ಲಿ ಅದ್ಭುತವಾಗಿ ಆಡಿದ್ದು ಅಭಿಮಾನಿಗಳಿಗೆ ಖುಷಿ ನೀಡಿದೆ. ಅದರಲ್ಲೂ ಕ್ವಾಲಿಫೈಯರ್ ಹಂತಕ್ಕೆ ಆಯ್ಕೆ ಆಗಲು ಚೆನ್ನೈ ತಂಡವನ್ನು ಸೋಲಿಸಿದ್ದಂತೂ ಆರ್​ಸಿಬಿ ಅಭಿಮಾನಿಗಳು ಮರೆಯುವಂತೆಯೇ ಇಲ್ಲ. ಆದರೆ ಕ್ವಾಲಿಫೈಯರ್ ಪಂದ್ಯದಲ್ಲಿ ರಾಜಸ್ಥಾನದ ಎದುರು ಸೋತು ಟೂರ್ನಿಯಿಂದ ಹೊರಬಿದ್ದಿದೆ. ಆದರೆ ಆರ್​ಸಿಬಿ ಮೇಲೆ ಸೋತು ನಿರಾಶರಾಗಿದ್ದ ಚೆನ್ನೈ ಅಭಿಮಾನಿಗಳು, ಆರ್​ಸಿಬಿ, ಆರ್​ಆರ್​ ವಿರುದ್ಧ ಸೋಲುತ್ತಿದ್ದಂತೆ ಆರ್​ಸಿಬಿಯನ್ನು ಟ್ರೋಲ್ ಮಾಡಲು ಆರಂಭಿಸಿದ್ದಾರೆ. ತಮಿಳಿನ ಜನಪ್ರಿಯ ನಟಿಯೊಬ್ಬರು ಆರ್​ಸಿಬಿಯನ್ನು ಟ್ರೋಲ್ ಮಾಡಿದ್ದು, ಆರ್​ಸಿಬಿ ಅಭಿಮಾನಿಗಳಿಂದ ಖಡಕ್ ಪ್ರತಿಕ್ರಿಯೆಗಳನ್ನು ಪಡೆದಿದ್ದಾರೆ.

ಕನ್ನಡದ ‘ಜಾಣ’, ‘ತುತ್ತಾ ಮುತ್ತ’, ‘ಹಬ್ಬ’ ಸೇರಿದಂತೆ ತಮಿಳು, ತೆಲುಗಿನ ಹಲವಾರು ಸಿನಿಮಾಗಳಲ್ಲಿ ನಟಿಸಿರುವ ಕಸ್ತೂರಿ ಶಂಕರ್, ನಿನ್ನೆ ಆರ್​ಸಿಬಿ ಬಗ್ಗೆ ಪೋಸ್ಟ್ ಒಂದನ್ನು ಹಂಚಿಕೊಂಡಿದ್ದರು. ಬೆಂಗಳೂರು ದಂಡು (ಬೆಂಗಳೂರು ಕಂಟೋನ್ಮೆಂಟ್) ರೈಲ್ವೆ ನಿಲ್ದಾಣದಲ್ಲಿನ ಬೋರ್ಡ್ ನ ಚಿತ್ರವನ್ನು ನಟಿ ಶೇರ್ ಮಾಡಿದ್ದಾರೆ. ಆ ಚಿತ್ರದಲ್ಲಿ ಬೆಂಗಳೂರು ಕಂಟೋನ್ಮೆಂಟ್ ಎಂಬುದು ಇಂಗ್ಲೀಷ್​ನಲ್ಲಿ Bengaluru Cunt (ಬೆಂಗಳೂರು ಕಂಟ್) ಎಂದಿದೆ. ಆ ಚಿತ್ರದಲ್ಲಿ U ಬದಲಿಗೆ A ಎಂದು ಬದಲಿಸಿ ಹಂಚಿಕೊಳ್ಳುವ ಮೂಲಕ ಬೆಂಗಳೂರಿನ ಕೈಯಲ್ಲಿ ಸಾಧ್ಯವಿಲ್ಲ (Bengaluru Can’t) ಎಂಬ ಅರ್ಥ ಬರುವಂತೆ ವ್ಯಂಗ್ಯ ಮಾಡಿದ್ದಾರೆ.

The locals have known for years …. 🤭😃#eesala #illa pic.twitter.com/gektBLqkFZ

— Kasturi (@KasthuriShankar) May 23, 2024

ಅಸಲಿಗೆ ಇದೇ ಪೋಸ್ಟ್ ಅನ್ನು ಚೆನ್ನೈ ಆಟಗಾರ ತುಷಾರ್ ದೇಶಪಾಂಡೆ ಹಂಚಿಕೊಂಡಿದ್ದರು. ಚೆನ್ನೈ ಸೋಲಿನಿಂದ ತೀವ್ರ ನಿರಾಶರಾಗಿದ್ದ ತುಷಾರ್ ದೇಶಪಾಂಡೆ, ಬೆಂಗಳೂರು ಸೋಲುವವರೆಗೂ ಕಾದು, ಬಳಿಕ ಆರ್​ಸಿಬಿಯ ವಿರುದ್ಧ ಈ ಚಿತ್ರ ಹಂಚಿಕೊಂಡಿದ್ದ. ಅದೇ ಚಿತ್ರವನ್ನು, ಅದೇ ಪೋಸ್ಟ್ ಅನ್ನು ನಟಿ ಕಸ್ತೂರಿ ಶಂಕರ್ ನಕಲು ಮಾಡಿ ತಮ್ಮ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. ನಟಿಯ ಪೋಸ್ಟ್​ಗೆ ಆರ್​ಸಿಬಿ ಅಭಿಮಾನಿಗಳು ಖಡಕ್ ಆದ ಪ್ರತಿಕ್ರಿಯೆಗಳನ್ನು ನೀಡಿದ್ದಾರೆ. ಈ ಐಪಿಎಲ್​ನಲ್ಲಿ ಚೆನ್ನೈ ತಂಡವನ್ನು ಆರ್​ಸಿಬಿ ಸೋಲಿಸಿದ ರೀತಿಯನ್ನು ನಟಿಗೆ ಕೆಲವರು ನೆನಪಿಸಿದ್ದಾರೆ. ಇನ್ನು ಕೆಲವರು ಚೆನ್ನೈ ತಂಡ ಮೋಸದಾಟ ಆಡಿ ಎರಡು ವರ್ಷ ಬ್ಯಾನ್ ಆಗಿದ್ದನ್ನು ನೆನಪು ಮಾಡಿದ್ದಾರೆ. ಕೆಲವರು ನಟಿಯ ಬಗ್ಗೆ ಕೆಲ ಅಶ್ಲೀಲ ಕಮೆಂಟ್​ಗಳನ್ನು ಸಹ ಮಾಡಿದ್ದಾರೆ.

ಇದನ್ನೂ ಓದಿ:RCB vs CSK: ಚೆನ್ನೈ ವಿರುದ್ಧ ಗೆದ್ದ ಬಳಿಕ ಆರ್​ಸಿಬಿಯಿಂದ ಬೆಳಗಿನ ಜಾವ 5 ಗಂಟೆವರೆಗೆ ಪಾರ್ಟಿ: ಶಾಕಿಂಗ್

ಕಸ್ತೂರಿ ಶಂಕರ್ 90 ರ ದಶಕದ ಜನಪ್ರಿಯ ನಾಯಕ ನಟಿಯಾಗಿದ್ದವರು. ತಮಿಳಿನ ಹಲವು ಸೂಪರ್ ಸ್ಟಾರ್​ ನಟರೊಟ್ಟಿಗೆ ನಟಿಸಿದ್ದಾರೆ. ತೆಲುಗಿನಲ್ಲಿಯೂ ಸಹ ಹಲವು ಸ್ಟಾರ್ ನಟರಿಗೆ ನಾಯಕಿಯಾಗಿದ್ದಾರೆ. ಕನ್ನಡದಲ್ಲಿ ರವಿಚಂದ್ರನ್ ನಟಿಸಿರುವ ‘ಜಾಣ’, ರಮೇಶ್ ಅರವಿಂದ್​ರ ‘ತುತ್ತಾ-ಮುತ್ತ’, ವಿಷ್ಣುವರ್ಧನ್ ನಟಿಸಿರುವ ‘ಹಬ್ಬ’, ‘ಒನ್ ಮ್ಯಾನ್ ಆರ್ಮಿ’ ಇನ್ನೂ ಕೆಲವು ಸಿನಿಮಾಗಳಲ್ಲಿ ನಟಿಸಿದ್ದಾರೆ.

ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ