‘ಯಶ್​ ಪ್ರೀತಿಯ ವಿಲನ್’; ರಾವಣನ ಪಾತ್ರ ನೋಡಿ ಖ್ಯಾತ ನಿರ್ದೇಶಕ ಫಿದಾ

‘ರಾಮಾಯಣ’ ಸಿನಿಮಾದಲ್ಲಿ ನಟ ಯಶ್ ಅವರ ನಟನೆಯನ್ನು ಅನೇಕರು ಮೆಚ್ಚಿಕೊಳ್ಳುತ್ತಿದ್ದಾರೆ. ರಾವಣನಾಗಿ ಅವರು ಭೇಷ್ ಎನಿಸಿಕೊಂಡಿದ್ದಾರೆ. ಈಗ ತಮಿಳು ನಿರ್ದೇಶಕ ಶಂಕರ್ ಅವರ ಸರದಿ. ನಿತೇಶ್ ತಿವಾರಿ ನಿರ್ದೇಶನ, ಯಶ್ ಅವರ ಅಭಿನಯ ಹಾಗೂ ದೃಶ್ಯ ವೈಭವವನ್ನು ಅವರು ಕೊಂಡಿದ್ದಾರೆ. ಈ ಟ್ವೀಟ್ ವೈರಲ್ ಆಗಿದೆ.

‘ರಾಮಾಯಣ: ರೈಸ್ ಆಫ್ ಎ ಲೆಜೆಂಡ್’ ಸಿನಿಮಾ ನವೆಂಬರ್ 5 ರಂದು ಬಿಡುಗಡೆಯಾಗಿದೆ. ರಣಬೀರ್ ಕಪೂರ್, ಸಾಯಿ ಪಲ್ಲವಿ ಮತ್ತು ಯಶ್ ಪ್ರಮುಖ ಪಾತ್ರಗಳಲ್ಲಿದ್ದಾರೆ. ದೀಪಾವಳಿ ಹಬ್ಬದ ಪ್ರಯುಕ್ತ ಈ ಸಿನಿಮಾ ತೆರೆಕಂಡಿದೆ. ಬಾಕ್ಸ್ ಆಫೀಸ್‌ನಲ್ಲಿ ಚಿತ್ರವು ಉತ್ತಮ ಗಳಿಕೆ ಕಾಣುತ್ತಿದೆ. ಪ್ರೇಕ್ಷಕರಿಂದ ಒಳ್ಳೆಯ ಪ್ರತಿಕ್ರಿಯೆ ವ್ಯಕ್ತವಾಗಿದೆ. ಈ ಚಿತ್ರದ ಕಲೆಕ್ಷನ್ 200 ಕೋಟಿ ರೂಪಾಯಿ ದಾಟಿದೆ.

ಸಿನಿಮಾ ವೀಕ್ಷಿಸಿದ ಬಳಿಕ ಶಂಕರ್ ತಮ್ಮ ಎಕ್ಸ್ ಖಾತೆಯಲ್ಲಿ ವಿಮರ್ಶೆ ಹಂಚಿಕೊಂಡಿದ್ದಾರೆ. ‘ಭಾರತೀಯ ಸಿನಿಮಾದಲ್ಲಿ ಇಂತಹ ದೃಶ್ಯಗಳನ್ನು ತಾವು ಎಂದೂ ನೋಡಿಲ್ಲ ಎಂದಿದ್ದಾರೆ. ಪ್ರತಿಯೊಂದು ಚೌಕಟ್ಟಿನಲ್ಲೂ ಯಶ್ ನಟನೆ ಅದ್ಭುತವಾಗಿದೆ. ರಾವಣನ ಪಾತ್ರದಲ್ಲಿ ಯಶ್ ಎಲ್ಲರಿಗೂ ಇಷ್ಟವಾಗುತ್ತಾರೆ. ಅವರು ಲವೆಬಲ್ ವಿಲನ್’ ಎಂದಿದ್ದಾರೆ.

#Ramayana – What a spectacle!!!

Never seen visuals like this in Indian cinema. Huge appreciation to @malhotra_namit and @niteshtiwari22 for taking Indian cinema to international standards. Brilliant VFX, rich production values, superb look and feel, great music by @arrahman and @HansZimmer , and massive sound!

It’s a delight to watch @TheNameIsYash in every frame. He is such a lovable villain and has delivered a quality performance.

Best wishes to #RanbirKapoor and @Sai_Pallavi92 . Grand applause to the entire team for this wonderful effort and making Indian cinema proud! 👏👏👏

— Shankar Shanmugham (@shankarshanmugh) November 6, 2026

ಚಿತ್ರದ ಗ್ರಾಫಿಕ್ಸ್ ಮತ್ತು ನಿರ್ಮಾಣ ಮೌಲ್ಯವನ್ನು ಶಂಕರ್ ಕೊಂಡಾಡಿದ್ದಾರೆ. ಎ.ಆರ್. ರೆಹಮಾನ್ ಮತ್ತು ಹಾನ್ಸ್ ಝಿಮ್ಮರ್ ಅವರ ಸಂಗೀತವನ್ನು ಶ್ಲಾಘಿಸಿದ್ದಾರೆ. ನಿರ್ಮಾಪಕ ನಮಿತ್ ಮಲ್ಹೋತ್ರಾ ಮತ್ತು ನಿರ್ದೇಶಕ ನಿತೇಶ್ ತಿವಾರಿ ಅವರ ಪ್ರಯತ್ನಕ್ಕೆ ಧನ್ಯವಾದ ತಿಳಿಸಿದ್ದಾರೆ. ರಣಬೀರ್ ಕಪೂರ್ ಮತ್ತು ಸಾಯಿ ಪಲ್ಲವಿ ಅವರಿಗೆ ಶುಭ ಕೋರಿದ್ದಾರೆ.

ಇದನ್ನೂ ಓದಿ: ‘ಬಜೆಟ್, ವಿಎಫ್​​ಎಕ್ಸ್ ಬಗ್ಗೆ ಚರ್ಚೆ ಸರಿಯಲ್ಲ’; ‘ರಾಮಾಯಣ’ ಬೆಂಬಲಿಸಿದ ಸಲ್ಮಾನ್ ಖಾನ್

ಈ ಹಿಂದೆ ಎಸ್.ಎಸ್. ರಾಜಮೌಳಿ ಮತ್ತು ಸಂದೀಪ್ ರೆಡ್ಡಿ ವಂಗ ಕೂಡ ಚಿತ್ರವನ್ನು ಹೊಗಳಿದ್ದರು. ಬೃಹತ್ ಮಟ್ಟದಲ್ಲಿ ಸಿನಿಮಾವನ್ನು ತೆರೆಗೆ ತಂದಿದ್ದಕ್ಕಾಗಿ ತಂಡಕ್ಕೆ ಶುಭಾಶಯ ತಿಳಿಸಿದ್ದರು. ಚಿತ್ರದ ಕೊನೆಯಲ್ಲಿ ಸನ್ನಿ ಡಿಯೋಲ್ ಅವರ ಹನುಮಂತನ ಪಾತ್ರದ ಪರಿಚಯವಿದೆ. ರಾಮಾಯಣ ಎರಡನೇ ಭಾಗವು 2028 ರಲ್ಲಿ ಬಿಡುಗಡೆಯಾಗಲಿದೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.

Published On - 11:50 am, Sat, 7 November 26