‘ನೀವೆಂದೂ ಪ್ರಧಾನಿಯಾಗಲ್ಲ’; ಹೈದರಾಬಾದ್‌ನಲ್ಲಿ ರಾಹುಲ್ ಗಾಂಧಿಗೆ ಅಮಿತ್ ಶಾ ತಿರುಗೇಟು

ಹೈದರಾಬಾದ್, ನವೆಂಬರ್ 2: ತೆಲಂಗಾಣದ ರಾಜಧಾನಿ ಹೈದರಾಬಾದ್‌ನಲ್ಲಿ ಇಂದು (ನವೆಂಬರ್ 2) ಬಿಜೆಪಿ ಹಮ್ಮಿಕೊಂಡಿದ್ದ ಪ್ರಜಾಪ್ರಭುತ್ವ ಉಳಿಸಿ, ಅರಾಜಕತೆ ತೊಲಗಿಸಿ ಬೃಹತ್ ಪಾದಯಾತ್ರೆಯಲ್ಲಿ ಕೇಂದ್ರ ಗೃಹ ಸಚಿವ ಅಮಿತ್ ಶಾ ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿ ವಿರುದ್ಧ ವಾಗ್ದಾಳಿ ನಡೆಸಿದ್ದಾರೆ. 2 ದಿನಗಳ ಹಿಂದೆ ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿ ಸಂಘಟಿಸಿದ್ದ ಅಣಕು ಸಂಸತ್ ಕುರಿತು ಲೇವಡಿ ಮಾಡಿದ ಗೃಹ ಸಚಿವ ಅಮಿತ್ ಶಾ, “ಆ ಮಾಕ್ ಪಾರ್ಲಿಮೆಂಟ್ ಕಾರ್ಯಾಚರಣೆಯಲ್ಲಾದರೂ ರಾಹುಲ್ ಗಾಂಧಿ ಪ್ರಧಾನಿ ಹುದ್ದೆಯನ್ನು ವಹಿಸಿಕೊಳ್ಳಬಹುದಿತ್ತು. ಏಕೆಂದರೆ ನೈಜ ಸಂಸತ್ತಿನಲ್ಲಿ ಅವರಿಗೆ ಪ್ರಧಾನಿ ಹುದ್ದೆಗೇರುವ ಅವಕಾಶ ಎಂದಿಗೂ ಸಿಗುವುದಿಲ್ಲ! ಕನಿಷ್ಠ ಮಾಕ್ ಪಾರ್ಲಿಮೆಂಟ್‌ನಲ್ಲಾದರೂ ಅವರು ಪ್ರಧಾನಿಯಾದರೆ ಸೋನಿಯಾ ಗಾಂಧಿ ಅವರಿಗೆ ಕೊಂಚ ಸಂತೋಷವಾಗುತ್ತಿತ್ತು” ಎಂದು ವ್ಯಂಗ್ಯವಾಡಿದ್ದಾರೆ.

“ವರ್ಷಕ್ಕೆ ಮೂರ್ನಾಲ್ಕು ತಿಂಗಳು ಮಾತ್ರ ಭಾರತದಲ್ಲಿದ್ದು, ಉಳಿದ ಸಮಯ ವಿದೇಶ ಪ್ರವಾಸ ಮಾಡುವ ಮೂಲಕ ಚುನಾವಣೆಗಳನ್ನು ಗೆಲ್ಲಲು ಸಾಧ್ಯವಿಲ್ಲ. ರಾಹುಲ್ ಗಾಂಧಿ ದೇಶದಲ್ಲಿ ಹೆಚ್ಚು ಸಮಯ ಕಳೆದು, ಜನರೊಂದಿಗೆ ಬೆರೆತು ಅವರ ಸಮಸ್ಯೆಗಳನ್ನು ಬಗೆಹರಿಸಲು ಶ್ರಮಿಸಬೇಕು” ಎಂದು ಅಮಿತ್ ಶಾ ಸಲಹೆ ನೀಡಿದ್ದಾರೆ.

#WATCH | Hyderabad, Telangana: Union Home Minister Amit Shah says, “Revanth Reddy ji, you have turned the entire Telangana into an ATM for the Congress leaders sitting in Delhi. The people of Telangana will never forgive you for this. Rahul ji had promised six guarantees. Not even one guarantee has been fulfilled. Modi ji had said that terrorism would be eliminated. Through surgical strikes, airstrikes and Operation Sindoor, did we take action against terrorism or not?…We once again say that before December 31, 2029, we will eliminate drugs from this country and make India drug-free…Can the Congress party stop the corruption taking place in Telangana and the conspiracy to sell the state? Can Owaisi stop it? Can the BRS stop it? No. Only the Bharatiya Janata Party, under the leadership of Modi ji, can stop it.”

— ANI (@ANI) November 2, 2026

ದೆಹಲಿಯ ರಾಮಲೀಲಾ ಮೈದಾನದಲ್ಲಿ ‘ಇಂಡಿಯಾ’ ಮೈತ್ರಿಕೂಟ ನಡೆಸಿದ ಮತ ಕಳವು ವಿರೋಧಿ ಸಮಾವೇಶವನ್ನು ತೀವ್ರವಾಗಿ ಖಂಡಿಸಿದ ಅಮಿತ್ ಶಾ, “ಅದು ವೋಟ್ ಬಚಾವೋ ಸಮಾವೇಶವಾಗಿರಲಿಲ್ಲ, ಬದಲಿಗೆ ನುಸುಳುಕೋರರ ರಕ್ಷಣೆ ಸಮಾವೇಶವಾಗಿತ್ತು. ಕಾಂಗ್ರೆಸ್ ಮತ್ತು ಅದರ ಮಿತ್ರಪಕ್ಷಗಳು ತಮ್ಮ ಅಕ್ರಮ ಮತಬ್ಯಾಂಕ್ ಆಗಿರುವ ಬಾಂಗ್ಲಾದೇಶಿ ನುಸುಳುಕೋರರನ್ನು ಮತದಾರರ ಪಟ್ಟಿಯಲ್ಲಿ ಉಳಿಸಿಕೊಳ್ಳುವ ದುರುದ್ದೇಶದಿಂದ ಚುನಾವಣಾ ಆಯೋಗದ ಎಸ್​ಐಆರ್ ಪ್ರಕ್ರಿಯೆಯನ್ನು ವಿರೋಧಿಸುತ್ತಿವೆ” ಎಂದಿದ್ದಾರೆ.

ಇದನ್ನೂ ಓದಿ: ಹೈದರಾಬಾದ್‌ನ ಪ್ರಸಿದ್ಧ ಭಾಗ್ಯಲಕ್ಷ್ಮಿ ದೇವಾಲಯಕ್ಕೆ ಕೇಂದ್ರ ಗೃಹ ಸಚಿವ ಅಮಿತ್ ಶಾ ಭೇಟಿ, ವಿಶೇಷ ಪೂಜೆ ಸಲ್ಲಿಕೆ

“ಕಾಂಗ್ರೆಸ್ ಪಕ್ಷವು ನಕಲಿ ಮತದಾನದ ಮೂಲಕ ಚುನಾವಣೆಗಳನ್ನು ಗೆಲ್ಲಲು ಯತ್ನಿಸುತ್ತಿದೆ. ಒಬ್ಬ ವ್ಯಕ್ತಿಗೆ ಎರಡು ಮತಗಳಿದ್ದರೆ, ಅದರಲ್ಲಿ ಒಂದನ್ನು ರದ್ದುಗೊಳಿಸಬೇಕೋ ಬೇಡವೋ?” ಎಂದು ಪ್ರಶ್ನಿಸಿದ ಅಮಿತ್ ಶಾ, “ಈಗ ‘ರಾಹುಲ್ ಬಾಬಾ’ ಅವರ ಹೊಟ್ಟೆನೋವಿನ ಅಸಲಿ ಮೂಲ ನಮಗೆ ಅರ್ಥವಾಗಿದೆ. ದೇಶದಲ್ಲಿ ಸುಮಾರು 3 ಕೋಟಿಯಷ್ಟು ನಕಲಿ ಮತಗಳಿವೆ. ಆ ಹೆಸರಿನಲ್ಲಿರುವ ವ್ಯಕ್ತಿಗಳು ನೈಜವಾಗಿ ಅಸ್ತಿತ್ವದಲ್ಲೇ ಇಲ್ಲ. ಅವರೆಲ್ಲರೂ ಬಾಂಗ್ಲಾದೇಶಿ ನುಸುಳುಕೋರರು” ಎಂದು ಗಂಭೀರ ಆರೋಪ ಮಾಡಿದ್ದಾರೆ.

#WATCH | Hyderabad, Telangana: Union Home Minister Amit Shah says, “The Constitution’s responsibilities are discharged through the country’s Parliament, but Rahul ji, you do not allow Parliament to function. I challenge you today from the land of Hyderabad. We are ready to convene a special session of Parliament. Come and participate in a discussion. But he will not participate in the discussion because he knows that only through anarchy and disorder can the Congress party keep itself in the news. If Parliament functions, our Modi ji will completely demolish their arguments.”

— ANI (@ANI) November 2, 2026

ಕಾಂಗ್ರೆಸ್ ವೆಂಟಿಲೇಟರ್‌ನಲ್ಲಿರುವ ಪಕ್ಷ:

ಕಾಂಗ್ರೆಸ್ ಪಕ್ಷವನ್ನು “ವೆಂಟಿಲೇಟರ್‌ನಲ್ಲಿರುವ ಪಕ್ಷ” ಎಂದು ಕರೆದ ಅಮಿತ್ ಶಾ, “ವೆಂಟಿಲೇಟರ್​​ನಲ್ಲಿರುವ ಆ ಪಕ್ಷ ಪ್ರಧಾನಿ ಮೋದಿ ಜೊತೆ ಮ್ಯಾರಥಾನ್ ಓಡಲು ಸಾಧ್ಯವೇ? ರಾಹುಲ್ ಗಾಂಧಿ ಅವರನ್ನು ನಮ್ಮ ಬಿಜೆಪಿಯ ತೆಲಂಗಾಣ ಯುವ ಮೋರ್ಚಾ ಅಧ್ಯಕ್ಷರೂ ಸಹ ಚರ್ಚೆಯಲ್ಲಿ ಸೋಲಿಸಬಲ್ಲರು” ಎಂದು ವ್ಯಂಗ್ಯವಾಡಿದ್ದಾರೆ.

#WATCH | Hyderabad, Telangana: Union Home Minister Amit Shah says, “The Congress party itself is on a ventilator. Can this ventilator party run a marathon alongside Modi ji? Rahul ji, forget Modi ji. Even my Telangana Yuva Morcha president will defeat you.” https://t.co/0xJczpp9Eh

— ANI (@ANI) November 2, 2026

ಇವಿಎಂ ಟೀಕೆಗೆ ತಿರುಗೇಟು:

“ರಾಹುಲ್ ಗಾಂಧಿಯವರೇ, ಇವಿಎಂಗಳಲ್ಲಿ ದೋಷವಿದ್ದರೆ ನಿಮ್ಮ ಪಕ್ಷದ ರೇವಂತ್ ರೆಡ್ಡಿ ತೆಲಂಗಾಣದಲ್ಲಿ ಮುಖ್ಯಮಂತ್ರಿಯಾಗಿದ್ದು ಹೇಗೆ? ಕೇರಳ, ತಮಿಳುನಾಡು ಮತ್ತು ಹಿಮಾಚಲ ಪ್ರದೇಶಗಳಲ್ಲಿ ನಿಮ್ಮ ಮೈತ್ರಿಕೂಟದ ಸರ್ಕಾರ ಅಧಿಕಾರಕ್ಕೆ ಬಂದಿದ್ದು ಹೇಗೆ? ಇವಿಎಂಗಳು ಅಷ್ಟೊಂದು ಕೆಟ್ಟದಾಗಿದ್ದರೆ ನೀವು ಶಾಸಕ/ ಸಂಸದರಾಗಿ ಪ್ರಮಾಣವಚನ ಸ್ವೀಕರಿಸಬಾರದಿತ್ತು. ನೀವು ಗೆದ್ದಾಗ ಶ್ರೇಯಸ್ಸು ಜನರಿಗೆ ನೀಡುತ್ತೀರಿ, ಸೋತಾಗ ಇವಿಎಂ ಮೇಲೆ ಗೂಬೆ ಕೂರಿಸುತ್ತೀರಿ. ನೀವು 10 ವರ್ಷ ದೇಶವನ್ನು ಆಡಳಿತ ನಡೆಸಿ 12 ಲಕ್ಷ ಕೋಟಿ ರೂ.ಗಳ ಹಗರಣ, ಭ್ರಷ್ಟಾಚಾರದಲ್ಲಿ ಮುಳುಗಿದ್ದಿರಿ” ಎಂದು ಕಿಡಿಕಾರಿದ್ದಾರೆ.

#WATCH | Telangana: During BJP’s ‘Loktantra Bachao, Arajakta Hatao’ march in Hyderabad led by Union Home Minister Amit Shah, party workers display posters showing Chief Minister Revanth Reddy sleeping as a patient with a saline bottle. https://t.co/pHzyqGvCIw

— ANI (@ANI) November 2, 2026

ಇದನ್ನೂ ಓದಿ: ಹೈದರಾಬಾದ್​ನಲ್ಲಿ ಅಮಿತ್ ಶಾ ಅವರನ್ನು ಭೇಟಿಯಾದ ಮೈ ಹೋಮ್ ಗ್ರೂಪ್ಸ್ ಅಧ್ಯಕ್ಷ ಜೂಪಲ್ಲಿ ರಾಮೇಶ್ವರ ರಾವ್

“ರಾಹುಲ್ ಗಾಂಧಿ ನೀಡಿದ್ದ 6 ಗ್ಯಾರಂಟಿಗಳಲ್ಲಿ ಒಂದೇ ಒಂದು ಗ್ಯಾರಂಟಿಯೂ ಈಡೇರಿಲ್ಲ. ಆದರೆ ಮೋದಿ ಭಯೋತ್ಪಾದನೆಯನ್ನು ನಿರ್ಮೂಲನೆ ಮಾಡುವುದಾಗಿ ಹೇಳಿದ್ದರು. ಸರ್ಜಿಕಲ್ ಸ್ಟ್ರೈಕ್, ವೈಮಾನಿಕ ದಾಳಿ (ಏರ್‌ಸ್ಟ್ರೈಕ್) ಹಾಗೂ ‘ಆಪರೇಷನ್ ಸಿಂಧೂರ್’ ಮೂಲಕ ನಾವು ಭಯೋತ್ಪಾದನೆ ವಿರುದ್ಧ ಕಠಿಣ ಕ್ರಮ ಕೈಗೊಂಡಿದ್ದೇವೋ ಇಲ್ಲವೋ?” ಎಂದು ಪ್ರಶ್ನಿಸಿದ ಗೃಹ ಸಚಿವ ಅಮಿತ್ ಶಾ, “ನಾವು ಮತ್ತೊಮ್ಮೆ ಭರವಸೆ ನೀಡುತ್ತಿದ್ದೇವೆ; ಡಿಸೆಂಬರ್ 31, 2029ರ ಒಳಗಾಗಿ ಭಾರತವನ್ನು ಮಾದಕವಸ್ತು (ಡ್ರಗ್ಸ್) ಮುಕ್ತ ದೇಶವನ್ನಾಗಿ ಮಾಡಲಿದ್ದೇವೆ” ಎಂದು ಘೋಷಿಸಿದರು.

#WATCH | Hyderabad, Telangana: Union Home Minister Amit Shah says, “Rahul ji, if EVMs are faulty, how did your Revanth Reddy become Chief Minister? How did your government come to power in Kerala, Tamil Nadu and Himachal Pradesh? If EVMs are so bad, you should not have taken the oath of office. When you win, the credit goes to the people, but when you lose, you blame the EVMs. You ruled the country for 10 years and were involved in scams, scandals and corruption worth Rs 12 lakh crore.”

— ANI (@ANI) November 2, 2026

“ರಾಹುಲ್ ಗಾಂಧಿ ಹಾಗೂ ತೆಲಂಗಾಣದ ಸಿಎಂ ರೇವಂತ್ ರೆಡ್ಡಿ ಎಷ್ಟೇ ವಿರೋಧಿಸಿದರೂ ಸರಿ, ಬಿಜೆಪಿ ಎಸ್​ಐಆರ್​ ಪರವಾಗಿ ದೃಢವಾಗಿ ನಿಲ್ಲಲಿದೆ. ಭಾರತದ ಪ್ರಜೆಗಳಿಗೆ ಮಾತ್ರ ಮತದಾನದ ಹಕ್ಕಿರಬೇಕು. ಪ್ರತಿಯೊಬ್ಬ ನುಸುಳುಕೋರನನ್ನು ಮತದಾರರ ಪಟ್ಟಿಯಿಂದ ತೆಗೆದುಹಾಕಿ ದೇಶದಿಂದ ಗಡಿಪಾರು ಮಾಡುವುದು ಖಚಿತ” ಎಂದು ಅಮಿತ್ ಶಾ ಗುಡುಗಿದ್ದಾರೆ.

ತಮ್ಮ ಭಾಷಣದ ಆರಂಭದಲ್ಲಿ ಉಕ್ಕಿನ ಮನುಷ್ಯ ಸರ್ದಾರ್ ವಲ್ಲಭಭಾಯಿ ಪಟೇಲ್ ಅವರಿಗೆ ಶ್ರದ್ಧಾಂಜಲಿ ಸಲ್ಲಿಸಿದ ಅವರು, “ಅಂದು ಸರ್ದಾರ್ ಪಟೇಲರು ಹೈದರಾಬಾದ್ ನಿಜಾಮನನ್ನು ಶರಣಾಗುವಂತೆ ಮಾಡದೇ ಹೋಗಿದ್ದರೆ, ಹೈದರಾಬಾದ್ ಭಾರತದ ಭಾಗವಾಗುತ್ತಿರಲಿಲ್ಲ” ಎಂದು ಸ್ಮರಿಸಿದರು.

ಇನ್ನಷ್ಟು ರಾಷ್ಟ್ರೀಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ